ماعرفتوني .. كثر .. ما عرفني ..

[سيناريو]

الله ياعيني على الإبداااع
بصراحه استمتعت واني اقراها

ولا اتقول بعد ويش في القلوب
عجبتي سالفة الجرح خخخ
الله يعطيش العافيه أميررررررروه ولا يحرمنا منش

[ســحرالقوافي]

رووووععه


وحركاااااات


وإبداااااع



دايماً


شي




الجزء كلة على بعضة شي رهيب



يسلمووو يالغلاااا وعقباااار التكملة


ان شاء الله كلها كومدي وضحك




دمتــ بود

[فرح]

امـــــــــيره
تسلمي الحلقه رهييييييييييييبه
ربي يدوووم الونااااسه ع الجميع
يعطيك العااافيه
جـــــــــاااااااري الانتظاااااار

[الأمل البعيد]

اللهم صل وسلم على محمد وال محمد
ماشاء الله عليش امورة بجد كاتبة محترفة
والجزء مرة حلو ولاعاد فارس و جرح رؤى يارب يتزوجوا
بجد الجزء مرة رهييييييب ورائع ووناسة ما اعرف اوصفه

ــ اجل تخرجتي امي منالمدرسه..رؤى بحياوهمس..ــ ايه الحمدلله..ــ ويي عساني بالغه فيشعروس..زهرا..ــ وبالغه بفارس ياكريم.. الله يسلمشويخليش..ام حسينحطت كف ايدها الثانيه على كف فارس تمسح عليه.. ــ متىبعـــد..فارس يطالعكفوف امه ام حسين.. كف ماسك رؤى وكف ماسكنه.. وبعفويه وبدون شعور بنفسه بداخل قلبهحس هواا ورااحه وسعه في الخاطر.. وفرحه وده يبتسم ويضحك.. وبقلبه وباله يردد.. يارب .. يارب..

فارس فباله وكالعادهعفويا..ــ اسم الله عليش وعلى قلبش .. جعل اللي فيش فيني.. افففياربي .. << قلبهعوره ضاق خلقه على رؤى وجرحها..

تقولي ما عندنا لزقات جروح.. اكو صبعشلزقتيه..رؤىمستغربه..ــ انت اللي شليته..رائد..ــ انا... متى؟؟رؤى..ــ في الكيس ويا الببسي..رائد يطالع في فارس وهومبتسم..ــ ههههه لا مو انا ..ويضرب فخذ فارس بمزح..ــ هذا ابو الفوارس.. تسلم يعطيكالعافيه

ه المواقف ضحكتني مووووووووت

حيدر سرحان ماسك كاس الببسي وهو يفكر في السيد اللي عطاه الرقم..
رائد كالعاده يحب يخلع خاله..
ــ اووووه..
حيدر نقز..
ــ اااه.. وصاقعه..
وطفر الببسي على دراعته هو الثاني..
رائد..
ــ ههههههه تسبحوا جميع بهالببسي .. باقي انا..
حيدر منقهر باقي في الكاس قطره..
ــ ولا يهمك.. هاااك
ــ لاااااااا .. هههههههههه

هههههههه حيدر نايم في العسل يتخل نفسه وهو ينشد خخخ
اتوقع الي دق على رائد فقيل الدم حمزوه او اخوه يمكن والله اعلم
مشكورة خيتو وجاري انتظار الجزء >>>

[آخر شقآوهـ ..~]

سلامووو
خيوه ويش هل حركاات من وين جايبتنهم
عليش حلقه ياهي من حلقه عدله كشوخيه
وياعيني على فالس و ام الراء كوووح
تسلمين عيوني ع الحلقه
يعطيكِ ربي الفين عافيه او اكفر بعد ادا تبغي
تحياتي
ضحكوه البطه

[.:روح وريحان:.]

يتهلا فيكمـ
والله وحشتوني
صار لي زمان ابغى افتح هالقسم ولاراضي كله يقطع النت
على حضي
ههههـ
الصراحة روووعة القصة
وعلى فكرة اميرة
شال تخرجنا اصفر وحصل نفس الموقف
لمن قالوا انشودة
تفارقنا
ومن تاليف وحدة من البنات
كنت باموت من الصياح
والمعلمات يفكروا عليهم
هع هع هع هع
مشكوورة على التكمله
ويااعيني على الحب
لوى وفالس

[*زهرة البنفسج*]

يسلممو امورة يالغلا علقصة الروعة

ذكرتينا بايام الماضي ايام التخرج وصياحح

وذكرتين بنشودة التخرج لما نشدتها ويا البنات بس خلصنا ماشافوني ئله اصيححح

ننتظر البقيه

[Princess]

وربي وربي
الرهييب
والكشووخ
والرائع
تفاعلكم معاي
الأكثر من عجييب
مشكوورين من قلبي والله
تسلموا يالغوالي
وتفضلوا الجديد

[Princess]

وبعد ما خلصوا الغدا.. قعدوا في الصاله.. يطالعوا تلفزيون.. شوي الا جوال رائد يدق...
طالع رائد الأسم..
ــ اووه غريبه ويش عنده هذا بعد..
فارس..
ــ مين؟؟
رائد وهو رافع حاجبه مستنكر..
ــ حمززوه ما ادري ويش عنده .. تونا شايفينه بعد..
ورد على الجوال..
ــ هلااا.. هلا بولد العم..
ــ هلا بك وينك ما مدانا نبارك لك طرت..
ــ ويش دراني عنك ما شفتك..
ــ ما شفتني.. انا شايفنك واقف ويا حسنوه وحيدروه خالك وهذا خويك نسيت اسمه..
ــ أي فارس اسمه .. وتالي..
ــ ويش وتالي..
ــ أي ويش عندك الحين..؟؟
ــ افاا.. ازعجتك..
ــ خخخ لا مو القصد..
ــ أيــــه ويش اخبارك...
رائد مستغرب..
ــ الحمدلله... تمام خخ توك الا شايفني..
ــ ويش عندك الليله..
ــ ولا شي.. لويش..؟؟
ــ تخاوينا..
ــ مين؟؟
ــ انا واخوياي.. بنطلع شاليه وبنتعشى مناسبة التخرج
ــ لأ..
ــ افااا لويش..؟؟
ــ بس معاي حيدروفارس.. والليله بطلع معاهم..
ــ تووك تقول ما عندك شي..
ــ نسييت..
ــ زين راحت عليك..
ــ عادي..
حمزه انقهر من برود رائد وياه.. فحب يغير السالفه احسن له..
ــ امممممم وصلت السلام لأهلك..
ــ هااه.. ويش تقول..؟؟
ــ افاا شكلك نسيت...
رائد
ــ اماه يسلم عليكم ولد عمي حمزه..
زهرا..
ــ الله يسلمك وياه من الشر قول له بعد يسلم على امه من زمان ما شفناهم..

حمزه انقهر..
ــ واختك بعد وصلت ليها سلام.. فذمتك ان ما وصلت ولعمي بعد كلكم..
رائد فباله...
ــ يااكرهي للغثاثه.. افف... ويكلم رؤى..
ــ يسلم عليش ولد عمي.. ويسلم على ابوي بعد اماه .. وصلوا له السلام..
رؤى فبالها..
ــ ويييع.. ويش يسلم ..
ردت على اخوها..
ــ الله يسلمك...
فارس حس بنار في قلبه بلا شعور رد وكمل بدال رؤى
ــ ويسلمه...
رؤى اختلعت.. وبعفويه ردت..
ــ لا بس الله يسلم اخوي..
فارس ابستم
رائد ضحك..
ــ هههههههههههه احح..
حمزه مستغرب..
ــ ويش فيك على ويش تضحك..
رائد ما يخبي شي..
ــ اختي تقول الله يسلمني..بس انا
ــ افااا...

حيدر في مكان اخر من الدنيا.. ولا يدري بهم..
حمزه..
ــ يللا اجل اخليك .. بس قلت اعزمك وانت ما تبغى بكيفك..
ــ مشكور..
ــ العفو .. سلام..
ــ يسلمك...
سكر رائد الجوال.. وصار يكركر ضحك..
فارس :
ــ لويش طاري اسمي..
رائد..
ــ حشاا مو اسم بس ناسينه وذكرته به..
ـــ أي فكرت..
ــ ويش فكرت؟؟
ــ خخخ ولا شي..

حمزه بالطرف الثاني مقهوور ومحترق قلبه ويهلوس فباله..
ــ هذا فارس ويش يقعده 24 ساعه وياهم,, وليش رائد مهتم فيه وايد ولا عاطني انا وجه وانا ولد عمه.. ورؤى حتى الله يسلمني ما قالت افاا وانا اللي ماكله عقلي وقلبي هي .. ابد ما تحس ان زين وقدها انا.. اكبر منها بشهرين بس..ابد ولا تعبرني اففففففف...
مره معصب حده ,, دق على اخوياه ولغى الطلعه لوقت ثاني...
شوي الا رائد يسأل امه..
ــ امااه.. الا عمي سراج متى بيجي من الحسا.. من رجعته من السفر بس ليله قعدوا في البيت ويوم ثاني طاروا هناك..
ــ ويش دراني. وويش جابه على بالك
ــ لا لأن انا هاداك الإسبوع كلمته.. قال يمكن الأسبوع الجاي ينزلوا احايل فيه يجي حفل تخرجي لو نزلوا .. وللحين ما سمعت خبر منه..
ــ ما ادري به,,, اسأل ابوك.. ذكرتني انت بعد بختي تهاني.. ما بااركت ليها لولدها .. حسبي الله على بليس..
رائد..
ــ حسبي الله على بليسوووه بس تعالي...اكي ما دقت لش للحين تبارك لش على حسابي عاااااادي نفس الشي
زهرا ..
ــ لأ... هي الكبيره.. استح على وجهك..
ــ خخخخ زين اجل لا تنسي تدقي عليها..
ــ الحين بادق...
ودقت زهرا لتهاني تبارك ليها وبين ما هي تبارك..
فارس يهمس لرائد..
ــ هذا عمك اللي ماخذ لبنانيه..
ــ أيه هوو ما غيروو .. من رجع من السفر لحد هلأ وهو بالحسا.. اهل مرتوو هونييك .. شكله راح يسكن هونيك ..
ــ خخخ غربلك الله عدل لهجتك .. زين وانتون..
ــ هههههههه احنا خخ هي هناك اهلها .. هو اهنا خوانه وكل واحد لاهي .. ما يندرى به.. على حساب بيقعد ويانا لين يحصل له شقه..
ــ اهاا.. على خير..

رائد يشبر بيده قدام حيدر.. حيدر سرحان,,
فارس يضحك..
ــ خليه يحلم بأحلام اليقظه.. لويش تزعجه..
رائد يصفق ..
ــ حيدروووه..
حيدر يطالعه ببرود..
ــ اسمعكم بس مطنش .. ما خلعتني هالمره لا تفرح..
رائد..
ــ افااا.. هههههههه والله وتطنش بعد.. مالت عليك خخخ...

رؤى قامت بتروح غرفتها تبغى تنام تعبت من قعدتها الصباح ..
فارس من قامت هي.. قام قلبه.. لا شعوري.. وصار يغض النظر وما يطالع ناحيتها.. وفي قلبه فضول وين بتروح عنهم..
رؤى استاذنتهم..
ــ اسمحوا لي بالوح انام.. من الصبح قاعده.. اماه ام حسين لا تلوحي خليش ويانا لليل...
ام حسين..
ــ يؤوو عاد يابتي وايد قعده .. بيتنا وحشنا والله..
ــ عااد اماه..
وبعفويه رؤى كلمت فارس..
ــ لا توديها فالس ما عليك منها..
فارس ذاب ذوبه..
ــ ما اوديها.. خلاص ما عاش اللي يوديها.. اماه تبغاش لا تكسري بخاطرها..
رائد..
ــ أي قعدي ويانا .. الليل بترجعوا البيت اذا رجعنا من طلعتنا .. بنطلع احنا..
ام حسين.. وبتردد..
ــ يللا .. عساه خير.. نقعد ويش ورانا..
زهرا..
ــ انتين لو تعرفي غلاش كان طاوعتي فاضل وسكنتوا عندنا بس الله يهديكم انتين وفارس منتون راضيين..
رائد..
ــ أي والله لويش فارسووه..
فارس ..
ــ لألألأ.. عندنا بيتنا ويش فيك.. انت تعال ويانا في البيت..
ــ لا ما اقدر..
ــ لويش ..؟؟
ــ تعودت على بيتنا ما اقدر اعيش في مكان ثاني..
ــ شفت.. اجل لا تحاول فينا..
رائد وهو مبتسم حده..
ــ لا خلاص براحتكم..
رؤى ..
ــ يللا اني باخليكم.. وان قعدت وانتين منيتن هنا بزعل عليكم كلكم..
فارس..
ــ لا ما بوديها خلاص اطمني..
ــ شكلا..
ــ عفوا << وبداخل قلبه.. عفوا ياقلبي نوم العوافي يارب..
وركبت رؤى غرفتها...

تابع>>>

[Princess]

ربع ساعه الا رؤى نازله,, فارس فتح عيونه ومبين عليها الفرحه..
وفباله... هلااا وغلاااا ما بتنام .. اححح ... احسسسن..
زهرا..
ــ ها امي ويش فيش ما نمتي
ــ لا بشلب ماي بس.. والغلشه بغلفتي فاضيه..
فارس فباله..
ــ افااا ..

ورجعت رؤى وركبت وفارس مفهي وسرحان.. رائد ما يدري به سرحان وقاعد يهدر..
ــ هاا ويش رايكم..نروح الليله الكورنيش نتمشى.. وتالي نروح مطعم الــ ... نتعشى.. خخ صرت شاعر حلاوتي
فارس مهو وياه ابدا.. عقله ركب فووق... وحيدر مفهي من زماان ولا هو معاهم..
رائد حمق .. ويصرخ في فارس ويصفقه على فخذه..
ـــ هييييييييه ويش اهدر لحالي من الصبح..
فارس تربع على الكنبه..
ــ هااه.. هااه.. ويش فيك
رائد بمسخره..
ــ اللي ماخذ عقلك يتهنى به.. هذا اللي اقوله
ــ انا.. ولا شي نعسااان بس..
ويحط راسه على كتف رائد..
رائد..
ــ قوم بس قووم. عدتك اختي نوم ... وهاداك الأطرم من شاف السيد للحين .. حشاا.. حيدرووه قووم كلمه..
فارس فباله.. عدتني الا علقتني .... اخ بس لو اعديها انا باللي في قلبي..
حيدر مفهي..
رائد يطالع في فارس...
ــ يلوموني اذا خلعته وصروعته.. حيدرووووووووووووووووه..
ــ هااه.. ويش فيك الواحد ما يصخ من هدرتك شوي.. ما تعرف تسكت.. هدره هدره.. الله يعين اللي بتاخذك..
رائد..
ــ احم حاصل ليها.. تفتخر اصلا.. ولا تحقر ولا تعطيني اذون الصمخه ولا بهدر ساعتها عليك.. افف زهقت كم مره اعيد الهدره.. وين رقم السيد قووووم كلمه..
حيدر..
ــ صدق..؟؟ الحين؟..؟؟ عادي..
ــ أي خير البر عاجله..
ويفرك رائد كفوفه..
ــ اححح انا بس ابغى اعرف عدل ويش بيسوي معاك.. حركات والله يا حيدوور..
ــ اجل قوموا مناك عند التلفون..
زهرا..
ــ وين رايحيين..
رائد..
ــ بنكلم السيد بيشوف ويش سالفته..
زهرا..
ــ يؤ باقوم وياكم..
ام حسين ..
ــ يؤ اني بعد..
فارس .. ورائد وحيدر..
ــ ههههههههههههههه
رائد..
ــ باقي رؤى لو قاعده كان هي اول وحده..
فارس في قلبه.. ــ وي يا بعد قلبي..
زهرا..
ــ رائد شوف اللاسلكي اريح.. جيبه وخليه هنا ويانا يكلمه بنقعد هدوء نبغى نسمع..
ــ زين
طن طن طن طن طن طن طن طن طن طن << يضرب الرقم... خخ جوال..
طووووووط طوووووووط طوووووووط
ــ الو
حيدر بإرتباك..
ــ السلام عليكم
السيد:
ــ وعليكم السلام ورحمة الله وبركاته..
ــ انا حيدر الــ......
ــ أي حيدر
حيدر صابه احباط...وحط ايده على السماعه .. وقال ليهم..
ــ يقوول أي حيدر.. ما عرفني مهو ذاكر..
رائد بهمس عنيف..
ــ مالت عليك ما قلنا له اسمك ذكره بالموقف والمدرسه..
حيدر يكمل المكالمه..
ــ هلا اخوي.. سيد جعفر الــ.... انا اللي اليوم بالإشاره ا...
ــ أيــــــــــــــــه هلاااا وغلااا اسمح لي ما سألت عن اسمك.... الحمدلله انك دقيت كثر الله خيرك.. سكر وبدق عليك انا في البيت واتفاهم معاك..
ــ ان شالله

ثواني الا تلفون البيت يدق..
حيدر يرفعه على طول..
ــ هلا سيد جعفر..
الا صوت ناعم يرد عليه..
ــ هلا .. السلام عليكم..
حيدر اختلع وارتبك..
ــ وعليكم السلام..
ــ موجوده رؤى..
حيدر مهو عارف.. اول مره يسمع صوت بينه في التلفون.. خخ المسكين امه ما يرد على تلفون بيتهم.. وجواله الأرقام الغريبه يطنشها.. فما عرف يتصرف..
ــ هاه.. دقيقه..
وعطى السماعه رائد..
رائد..مستغرب..
ــ ويش السالفه؟؟؟
حيدر:
ــ يبغوا رؤى..
فارس انصرع صاير خبل ما يركز فكر السيد يبغى رؤى..
ــ ويش يبغى فيها ؟؟؟
حيدر يطالع فارس..
ــ مييين؟؟
ــ هذا السيد؟؟
ــ أي سيد.. بنيه هذي تبغاها..
ــ خخخخخخخ فكرت...

رائد رد عليها..
ــ هلا.. رؤى نايمه..
ــ زين هلا رائد اذا قعدت قول ليها تكلمني ضروري.. جوالها مقفل
ــ ان شالله.. حياش
ــ مع السلامه
ــ يسلمش..
قفل رائد.. حيدر مفهي يطالع في رائد. وفباله ... حركات يعرف يتصرف انا انربط لساني..
رائد..
ــ امااه هذي حنين اذا قعدت رؤى خليها تلكمها..
زهرا..
ــ يؤ لويش ما دقت عليها جوال غريبه..
ــ تقول مقفل ,,
ــ اهاا.. زين اجل...
شوي الا التلفون رن.. وطلع السيد هالمره...
كلم حيدر.. واتفق وياه يجي له بالحوزه بين كل فتره وفتره.. في عنده مجموعة قصايد للمناسبات عزا ومواليد.. يبغاه ياخذهم ويطلع عليهم.. كان يكونوا من نصيبه.. وشجعه ان هالموهبه لا يدفنها.. وهو اللي بياخذ بيده بس اهم شي همته وعزمه.. وهدره واايد..

حيدر طوال المكالمه ورائد وفارس ماسكين مخدات الكنبه يهفوا عليه هوا.. لأنه مره متلون ومرتبك..

خلصت المكالمه.. قفل حيدر,,
قعد على الكنبه... زهرا تقول..
ــ يؤ يؤ اخووي ماي ماي..
راح رائد يجيب له ماي طوارئ.. وي وي وي
فارس مستمر يهف بالمخده..
والضحك قايم..
حيدر ببرود..
ــ من الإسبوع الجاي.. بأدي اول لطميه في نذر مسونه واحد خوي للسيد..بحسينيه الــ....ويقول بعد كم مأتم بيخصص لي قصايد خاصه ..
ام حسين ..
ــ صلوااات على ابو الغزواات محمد واال محمد..
الكل قاموا يصلوا على النبي.. وزهرا قامت تقرى على اخوها المعوذات
ام حسين..
ــ أي صدق اني جايبه وياي ريحان.. خلي الفرحه تكمل ..
زهرا..
ــ صدق .. وين هوو.. ؟؟؟
فارس ..
ــ اووو نسيته بالسياره لحظه اجيبه..

طلع فارس وهو فرحان على حساب حيدر.. فتح باب الشارع
وشهق شهقه.. طيحت قلبه في بطنه

والى اللقاء غدا..

[..انين الروح..]

تسلمين اميره ما تقصرين

اني كنت شاكه من زمان انه فارس يحب رؤى شكلش شفتي بنات افكاري
اكيد فالس شاف السياره مشلخه هههههههههه.................................. افكار جهنميه هههههههه

يا الله اني بنتظارش مع الجزء الزحييييييف

تحياتي
رهف

[ســحرالقوافي]

وااااااااااااااااااااااااااااو

وبعد
وااااااااااااااااااااااااااااااااو

عن جد قصة تفجير كلما ليها تحلا وتحلا
بس عاد زين دخلتي حنين من زمان ليها فجه
خخخخخخخخخ


عاد فرحت الى حيدر
فرح الي يشوفه واحد من العايلة
بس واللخ ستانست له
وفارس المسكين المعذب الصامت
خخخخخخخخ
حركااااااااات
بس ها ان شاء الله السياة بس شخابيط او تكسير لا تقولي انباقت
حرام الرجال على قد حالة ما عندة يجيب سيارة جديدة

كفايا عذاب الحب عليه لاتخلي عذاب الفقر يلاحقة

دمتــ بود

[فرح]

تسلم يدينك امــــــــيره
طلع فارس من النوع العاقل حتى في حبه
هااا اميره لاتقولين انه حمزه هو الاشافه او السياره فيها شي
حرااام مسكين خله يستانس الولد في حياته اشوي
والله حيدر حركاااات
ورده ع اتلفون ...
جااااااري الانتظااار

[اسير الهوى]

اففففففف ولازم هالشهقة ذي عشان تخلينا نحترق

واحنا منتطرين الحلقة اللي بعدها...هههههه

عوافي عليك خيتي اميرة حلقة حلوة مرة...

موفقة خية وعذرينا على التقصير..

طبعا على التقصير على الاكشن اللي بالحلقة..

ودي واحترامي..

ياسر.

[آخر شقآوهـ ..~]

ايـــــــــــــــــوا عاشاو عاشو حلقه تزحف زحيف
من وين جايبتنهم صلوات على محمد <<<عن الحسد
تف تف تف <<<<ماي ورد خخخخخخخخ

احم حاصل ليها.. تفتخر اصلا.. ولا تحقر ولا تعطيني اذون الصمخه ولا بهدر ساعتها عليك.. افف زهقت كم مره اعيد الهدره.. وين رقم السيد قووووم كلمه..

احم افكوورس تفتخر ابو الروائد حاصل ليها كوووح ابو هدره هدا طالع عليي
مافي احد يستمل منه هع مع فيسه ينكت

ابو الفوالس طاح في الحب وعلى عمري مسكين الله يعينه
وهدي لؤى ماتحس عديمة احساس بس شكلها من داخ اعماق قلبها تحبه عندي احساس

هع هداره حدي مو خلاص اميروه بشيل فيسي
تسلمين عيوني ع الحلقه الروعه
يعطيكِ ربي العافيه
تحياتي
ضحكوه البطه