ماعرفتوني .. كثر .. ما عرفني ..

[Princess]

حيدر يبس ريقه .. وصارخ:
ــ لاااا هاادا اللحين حقيقي مو مزيييف .. انا ويش جايبني ويااكم الليله .. اففف يا قلبي ..
رائد ماسك الوزار وهو يفره على خصره .. ويطالع فوق .. الصبيان اللي طلع يشوف ويش صاير واللي راحوا عند زوايا الإستراحه يطلعوا فووق ويش هالعركه.. وهي كلما جا ليها تزيييد..

وشوووي.. الا صووت شبقة قطاوه عنيفه .. الصبيان قام الضحك والحاله.. دقيقتين الا القطوتين منشدخين على الأرض من فوووق لتحت.. وداخلين على الصبيان الإستراحه << كان بابها واسع ومفتوح بعد دخلة فارس ورائد اخر شي..

وصاروا القطوتين شبااق اووه مره تنتييف.. الصبيان حالتهم اللي يوخر لا يحوشه شمخ والا شي واللي ميت ضحك ويصورهم بالجوال واللي راح يطفي جمر المعسله اللي انقلبت من العركه يصب ببسي عليها وحالتهم حاله..

واللي صار يوخرهم ويهشهم بس هم ابد ولا عندهم مستمرين بالعركه والشبقه,,,
فارس واقف بيده طبقة نعال حيدر .. وميت ضحك.. ويلوح بالنعال .. ويطيح شدخ بقطو من جهه.. ورائد لف الوزار زي الحبل وصار يمزق به القطو الثاني .. شلخوا بدن القطوتين تشليخ لين طفروهم برى الإستراحه والضحك قايم..
رائد يقول للي يصوور :
ـــ لا يفووتك اللقطه الأخيره.. منظر الإنتقاام..
وفعلا كان كل قطو يطالع الثاني وشرر يطلع من عواينه << تقول مكينة لحام خخ..
وراح كل قطو في سبيله بعد ما عطى الثاني كم هاائل من اللعنات والسبايب << بحسب نظرة رائد المخرج .. انهم ما قصروا كل واحد في الثاني سب وشتيمه..

وبعد ما هدأو من الحاله اللي صارت ورجعوا الصبيان لوضعهم الطبيعي .. حيدر وببرود ومسخره يسأل وهو يهز راسه .....
ــ الساعه 1 الليل.. وقطوتين متشابقين.. على ويش ياربي .. والله ما عندهم سالفه..
رائد ميت ضحك ويطالع حيدر على جنب وبمسخره وخبث :
ــ والله يا خااال .. شوف عاد.. معشر القطاوه ما يتهاوشوا كل اثنين منهم الا على حاجتين .. قول ويش هم..
حيدر يبستم على جنب .. :
ــ ويش هم..
ــ يااا اكل .. قول ايه ,,
ــ خخ اييه .. يا ويش..
ــ عااد يا خال لا تستعجل .. قلت لك يااا اكل .. يا احم.. قطوه..
الشباب ماتوا ضحك..
نايف :
ــ افاا .. اجل هالهوشه ماهي الا على خويه ..
حسن :
ــ هههههه غربلكم الله.. ويش قطووه ولا سويتوها خويه ..ههههه.. يمكن اكل..
رائد :
ــ اكل دبتك هالحزه ,, سحوور قطاوه.,. اكل ويش فوق السقف ..
فارس :
ــ هههههههه غربلكم الله والله مو قادر ضحك.. ويش هالحاله ويش هالسوالف حسبي الله على شركم هههههه...
حيدر ميت ضحك وما تطلع منه الا هالكلمه,,
ــ لا تعليق .. << متقطعه هالكلمه تقطيع مع الضحكه...
الشباب فطسوا ضحك..

دقايق الا جوال حيدر يرن..
حيدر قايم بيطلع برى الإستراحه,,,
رائد وهو يغمز :
ــ هااا خااالوو ياهووو دقت الخووويه..
حيدر ينزل نظارته ويطالع رائد ويرد عليه بمسخره:
ــ لا هذي خويتك داقه علي شكلها بتسأل عنك..
ــ هههههه افاااع..

طلع حيدر ... ورد على المكالمه وكانت حاميه مره .. رائد يطالع هو ويا فارس في حيدر من النافذه شكله من ورا متوتر ينحني شوي ويحوس برجوله في الرمل ,,

وحيدر بالطرف الثاني ما ينسمع منه الا ..
ــ هاا... ايه..... بالمزرعه.... ايه... مع رائد وفارس.... هاااا ... ما ادري ..... زين برجع ... شوي .... لا خلاص الحين... أي ... مع السلامه...
سكر الجوال ولونه تغير انخطف وماله خلق .. رجع الإستراحه يحاول يخبي اثر المكالمه على وجهه..
واحد من الشباب بمزح:
ــ اووه حيدر خلصت المكالمه بسرعه.. افا لا يكون خلص رصيدك والا زعلت عليك ..
حيدر منقهر ومولع ناار ووده يدوس فبطن هالملقوف اللي يستظرف ..
عطاه نظره ورد عليه :
ــ فاارق بس ...
قام الصبي يضحك يفكر واحد من تخميناته صح.. ودار لربعه يكمل لعب وسوالف
رائد يساسر فارس :
ــ اقول ابو الفوارس.. ترى اللي دقت امه .. اعرفها من النغمه.. قوم بس مشينا لا ينحرج خالي..
فارس يفلص رائد:
ــ دام انك تدري بها امه تستظرف عليه في البدايه وتحرجه لويش..
ــ ااه.. بس امززح ويااه..
ــ مالت عليك على هالمزح شوف هالبايخ صدق السالفه وقهر خالك قوم بس..
ــ ويش دراني عنهم هالخبلان ما بغوا على الله سالفه ماصخه يسولفوا فيها يللا مشينا بس...
رائد وقف :
ــ يللا شباب نشوفكم على خير ..
حسن :
ــ وييين بدرررري..
رائد:
ــ بدري من عمرك.. لا بس تعبانين انا وفارس جلستنا اليوم من صباحة الله خير .. مره ثانيه .. يللا خال بتمشي...
حسن :
ــ لالالا .. خالي خليه معاي انا بوصله تالي ما مداكم ..
حيدر :
ــ لاااا.. اا.. انا برووح معاهم .. مره ثانيه ان شالله..
حسن :
ــ اووكي على راحتك.. حياكم الله بأي وقت منورينا والله..
رائد وفارس وحيدر:
ــ تسلم يللا في امان الله
حسن:
ــ في امان الكريم .. حياكم الله...

وهم في الطريق...
حيدر سرحان .. ورائد وفارس هدوووء... ما سمعوا الا :
ــ اكتب في قلبي فاطمه واهجر زماني .. واتبع خيالي ودمعتي ولهفة جناني.. طير بحنين ومن احن اترك مكاني .. وغير البتوله متجه ماليا ثــــاني .. اسكن مصايبها واظل مجرووح اعــــــاني .. اجمل الم واقدس حزن يحمل معاني..
رائد:
ــ الله الله.. عااش الخال عواافي ...
حيدر انتبه وسكت..
فارس يضرب رائد بطرف اصابعه بسرعه على ذراعه:
ــ وانت يااااا مليقيييييييف..هااا سكت زين لك...

حيدر ابتسم..
فارس:
ــ تكفى كمل عااد...
حيدر لبى طلب فارس..

كان لحيدر صوت شي رهيييب شجي يدخل القلب .. كان مبدع وفنان ويعرف لكل الأطوار .. ونفسه طويل .. وقدوته في الإلقاء الشيخ الغالي حسين الأكرف الله يحفظه.. ويطول في عمره..

فارس:
ــ حيدرووه حيدرووه..
حيدر:
ــ هاااااااه..
فارس :
ــ ووجعااه.. وشوو هااا .. رائدووه هذاا ويش خالك..
رائد :
ــ ههههه ويش دراني عنه..
حيدر :
ــ راائدووه..
رائد:
ــ هااااااه...
حيدر ياشر على رائد ويطالع في فارس :
ــ هاا.. شفت .. طالع عليه انا...
رائد:
ــ ههههههه انت طالع علي... ويش يقولوا .. الولد مأخووذ من حضن مييين...
قالها وهو يميل راسه جهة فارس وحيدر كان ورا بالنص طبعا..
فارس ميل راسه جهة رائد لين وصلوا لبعض... وكمل كلام رائد:
ــ من حضن خالووووه..
حيدر يمسك الإثنين من شعورهم ويوخرهم :
ــ افااا .. تجمعوا علي الأخويا .. صدق انا ويش طلعني وياكم هالليله .. ليلة غبرة قشره من اولها لأخرها ..
رائد:
ــ افاااع.. افااااع.. حاصل لك .. تطلع.. مع هالثنائي .. المرح.. الزعيـــــــــم رائد .. ومستشاره الخاص ...فويرس.. وتقوول .. لااااااع..
حيدر مقهزر في رائد ويسوي له بيده حركة مالت عليك..:
ــ امباااع بس ..
فارس :
ــ ههههههههه صرت انا مستشاار امبااع .. افااع وربي افااع,,
رائد يطالع فارس على جنب.
ــ احم مستشاري أيه.. لويش مو عاجبنك.. بس مو امبااع..
فارس ميت من الضحك:
ــ بعـــد خوش خوش.. السيد رائد يفصل واحنا نلبس ويش ورانا..
حيدر بملل وبمسخره:
ــ قرقر بربر قرقر بربر .. وسبب هالقرقر والبربر ..>>> .. ويغير نبرة صوته لمسخره يقلد فارس >>> حيدرووه حيدرووه.... ويش تبغى في هالحيدرووه..
فارس :
ــ والله من ردك الماصخ هونت .. اجل هاااه...
حيدر :
ــ افاااا .. هااااه خلصني ويش بتقول..
فارس :
ــ اه .. واخلصك بعد.. اقول فارق بطلت انا .. الشرهه علي اللي عاطنك فيس مع فيسك..
حيدر يتسند على السيت ويحط رجل على رجل ....ويسند كفوفه ورا راسه..:
ــ احسسسسسسسسن...
فارس :
ــ حسن الله حواجبك قول امين ..

رائد يضحك عليهم.. ومستانس بالعلاقه الللي صايره بين فارس ورائد والميانه اللي طاحت.. حس ان فارس هو السبب .. حيدر بطبعه خجول وما ياخذ ويعطي وفارس فتح له المجال انه يسولف بحريه وياخذ راحته معاه.. رائد من جد صار فارس عنده شي ما يستغني عنه توأم روحه..

هدوووووء.. شوي .. الا فارس داير براسه على حيدر بسرررعه ويمد ايده ناحيته بصرررخه...
ــ حيدروووووووووووووه..
حيدر كان بغفوه:
ــ ااااااااااااااااااااااااااااااااه.. دعيدع...

هو قال دعيدع .. فارس ورائد امسكوهم عن الضحك.. خلاص انفجارات قامت بالسياره.. رائد شرق من كثر الضحك.. وصار فارس يطق على ظهره ويترجاه يوقف لا يسوي فيهم حادث بس ومهو قادر دموعه طاحت من الضحك.. .. وقف رائد على جنب ودار على خاله المختلع مع دعيدعه هذا,,
رائد:
ــ اححح .. كح كح كحححح.. احم.. غربل الله شرك من خال بغيت تذبحني..
ــ انا اللي بغيت اذبحك لو خويك هذا.. غافي ومريح يجي يخلعني ..لكن الشرهه على اللي طلع معاكم مره ثانيه.. خبل ان عدتها ومانا صاحي.. مخليني كوره فملعب مسخرتهم وطايحين فيني مشاوت..
فارس نقز لحيدر :
ــ افااا ويا كثر الأفااا بهالليله.. نمزح ويااك اخووك..
حيدر :
ــ هااه.. زين.. ويش عندك كل شوي حيدرووه وحيدرووه..
ــ هااه.. معجب الصرااحه.. يعني لويش ما تروح لشيوخ وتطلع موهبتك .. لو تقرى بمناسبه بحسينيه وتجرب حظك.. والله بتلاقي تشجيع.. انا مكانك والله ما اقعد واكتفي اردد بيني وبين نفسي .. عندك موهبه ما شالله..

حيدر يفكر ..
ــ صدق .. ما ادري انا.. احس ما عندي جرأه..
ــ اقوول ايام الله جايات وكثيرات... اوريك انا الجرأه على اصوول...

تاابع >>>>

[Princess]

في بيت فاضل ...
رؤى وام حسين وحنين بغرفة رؤى.. مطفين الليتات ومخليين ضوا خفيف للنوم.. ويسولفوا.. رؤى حايلت في مريم تخلي حنين وياها بس ليله .. على حساب ام حسين ومن زمان ما شاافوها ..
ام حسين تركتها رؤى تنام على سريرها وهي ويا حنين فرشوا ليهم على الأرض

وفي الظلمه شعورهم مفلله واللي قايم قايم .. ومره رايحيين فيها وسوالف وضحك..
ام حسين مهي عوايدها تسهر لهالحزه.. بس مدام انها مع رؤى وحنين .. قالت لخاطرهم .. والا هي حدها 12بالكثيييير وتنام..
و قالت بالمره تتطمن على فارس اذا رجع بسهرتها هذي..

ام حسين:
ــ يووه ويش فيهم كنهم الا تأخروا الله يستر ..
رؤى :
ــ لا عادي اماه لا تخافي لائد كذا كل ليلة الأبعاء يسهل وقبل صلاة الفجل يلجع البيت لا تخافي عليهم..
ــ خير اللهم اجعله خير..
رؤى :
ــ امااه اذا تبغي اتصل على لائد واسأله عن فالس عادي اتصل الحين..
ــ أي رحم الله والديش ..

وصارت ام حسين تفلل ربطه بشيلتها ويوم انفلت داخلها كم ريال وورقه .. مدت هالورقه على رؤى..
ــ هااش هذا رقم فارس .. دقي عليه وشوفي فوين هم..
رؤى ارتبكت :
ـ هااه .. اا.. ههه.. لا بدق على لائد اخوي ..
ــ عنده تلفون..
ــ أي عنده.. الحين اكلمه قدامش واسأله عن فالس وتتطمني ..
حنين تطالع في الورقه ام حسين حطتها على طرف السرير.. خذتها ورفعتها قريب للضوا تشوف الرقم.. الا رؤى تسحبه من عندها وهي معصبه عليها...
ـــ ويييييييييش تبغي فيييه..
ــ هاااه .. لا بس اشوفه مميز والا لا...
ــ مالت عليش عن اللقافه..
ــ زين بل بل ....
ــ خبله ما عليش شلهه..
وهي تقول هالجمله لحنين كانت حاطه سماعة الجوال على اذونها تنتظر رائد يرد
رائد سمع هالجمله :
ــ ههههه خبال يخبلش داقه على منهي هالحزه.. ويش تبغي انا مو هي انا رائد..
رؤى انتبهت .:
ــ ههههههه هلاااا ما اعنيك اعني هالخبله اللي وياي..
رائد:
ــ هااااه .. ام حسين ... << قالها وهو مختلع..
فارس من سمع نبرة رائد وطاري ام حسين اختلع.. وحط ايده على فخذ رائد :
ــ ويييش فيهاااا..؟؟؟؟
رؤى ميته من الضحك..
ــ لااا حنيننوووه..
رائد:
ــ ايه هذي صدقنا
رؤى :
ــ هييييييه خويتي ما اسمح
فارس يضرب فخذ رائد محمق :
ــ امي ويش فيهاا..
رائد بلا وعي يطالع في فارس ويكلم رؤى يقصدها بالكلام..
ـــ من جد خبله وما عليها شرهه
فارس ولع نااار :
ــ خبللله ويش ... وويش صاااير...
رائد خاف من ردة فعل فارس اول مره يشوفه كذا... وحسه فهم الموضوع غلط والغلط منه هو ..

ــ اقوول رؤووه سكري سكري تالي باكلمش ..
وسكر الخط بوجهها..
ودار لفارس.. اللي كان يطالعه بنظرات مره تخووف وكلها قهر...
ما فهم فارس السالفه الكلام صاير مخربط اول شي طاري امه وبعدين خبله .. وهي مع رؤى .. قال يمكن امه سوت شي والا تصرفت تصرف .. يدري بها.. تمر عليها اوقات تنسى وتخرف .. قال يمكن صار فيها شي مع رؤى ورؤى متصله تشتكي ..

رائد يطالع فارس :
ــ هيييييه ويش فيك انت.. ويش فهمت.. لا تفهمني غللللط..
فارس :
ــ بالله ممكن تفهمني الصح..!!
حيدر حس الجو متوتر:
ــ صلوا على محمد.. ويش فيكم..
اثنينهم بنفس واحد..
ـــ اللهم صلي على محمد وال محمد...
فارس:
ــ انا ما عصبت الحين.. بس ابغى افهم السالفه...
رائد:
ــ هدي هدي السالفه ما تستاهل كل هالزعل ويش فيك قمت علي قوومه.. اولا اختي متصله والخبله اللي اقصدها بنت جيراننا معاها بتنام مع امك.. وانا خبري بس امك.. فهمت.. وصلت..
فارس ابتسم وحاس بإحراج على تسرعه...
ــ خخ فهمت..
رائد كفخ وجهه يكمل سواقه..
فارس يفلص في رائد:
ــ عاااد يللا عاااد.. لا تزعل والله .. ماا اقصد احمق عليك... بس ويش اسوي انت قلت الكلام مخربط ومتداخل على بعضه ما فهمت انا..
رائد يبتسم:
ــ انا ازعل .. اخخ بس .. مين يعلمني الزعل لأجربه فيك..
ــ والله اراضيك باللي يرضيك..
ــ الله لا يجيب الزعل يا رب
ــ ياارب يا كريم..

ومرت دقايق ورائد نسى ما يدق على رؤى..
ام حسين:
ــ شحواال فارس ويش قال لش رائد..
رؤى :
ــ يووه .. ما دق للحين سكله بوجهي ما ادلي ويش فيهم صوت واحد محمق ويصالخ .. وهو قال لي تالي تالي وقفل ..
ام حسين:
ــ ويي.. صوت مين اللي سمعتيه .. صوت فارس..
رؤى بعفويه:
ــ ايه شكله لأن خالي حيدل مو كدا صوته..
ام حسين:
ــ وي على عمري ويش به ولدي ..
رؤى :
ــ اخاف المشكله ادق وهو مقفلنه بوجهي


هدووء بالسياره..
فارس :
ــ رائد.. ما شفت اختك ويش تبغى ..
رائد :
ــ ااووووه صدق صدق نسسيتها...
ويدق على رؤى..
جوال رؤى يولع ويطفي بالظلمه..كان صامت ما شافوا الا ليتاته بس..
ام حسين:
ــ بسم الله سمت عل عمري الزهرا ام الحسن وحسين.. هااداا ويش ..
حنين :
ــ هههههه جوال رؤى .. هذا رائد اخوها.. المتفرغه في الحمام..
ــ ههههه ويش تبغيها تسوي بعد,, ردي عليه انتين..
ــ هااه.. اني.. لا استحي ويشوو..
ــ هههه زين روحي شوفيها في الحمام خلصت لو لا.. اني ما اعرف هالسوالف وباعور راس رائد بقولة هااه وويش..
راحت حنين تطق باب الحمام على رؤى .
رؤى بحمق :
ــ هاااه اللي حتى هنا الواحد ما يلتاح .. يسموه بيت اللاحه.. خاطلي ما يطقوا بابه واني داخله..
حنين ميته من الضحك:
ــ مو لأنش تنامي نوومه .. اخووش بالجوال...
ــ ايي لدي عللليه ما عندي لصيييييييد لا يسكككل..
ــ هااه.. بل بل عليش .. زين ..
وترد حنين :
ــ الوو..
رائد يصارخ :
ــ زييين رديتي ويش فيش داقه من شوي ..
حنين اختلعت وبإرتباك:
ــ هااه لا بس ام حسين تسأل عن فارس ..
رائد وما انتبه لقولة فارس انها صحيحه الحرف ومكمل الكلام .. وهو يطالع في فارس :
ــ اهااا فاارس.. وويش هالهدووء اللي نازل عليش...
فارس اختلع مره ثانيه .. ويش صاير,,؟؟
الا بطلعة رؤى من الحمام وتاخذ الجوال وتصرخ..:
ــ هااااااااااااااه ويش فيك ما دقيت على طوول
رائد وخر الجوال عن اذونه وغمض عين وعين كان الصوت مره قوي لدرجه فارس وحيدر سمعوه .. وقاموا يضحكوا..
رائد يقرب الجوال لبوزه ويصرخ:
ــ هاااااااااااه لا تصااارخي اسمعععش ويش فيييش قلبتي المووجه..
رؤى حطت الجوال زي اخوها تعرف حركاته وصارخت:
ــ أي موووووجه... ولا تصاااااااااالخ..
رائد يطالع في الجوال ويهلوس على خفيف :
ــ افاا قام اللعب ويا ليل مطولك...
حط السماعه على اذونه ..
ــ اقوول بلا لعب ما عندي رصيد ...قريب يخلص..
رؤى رايحه فيها وتطير من سالفه لسالفه..:
ــ أي على طالي الشحن اني بعد جيب لي بطاقه..
رائد حمق :
ــ صبر جميل .. رؤووه .. خلصي لويش داقه صدق..
رؤى :
ــ امااه .. امااه.. عساني ما احلم بك.. اخاف احلم وتاكلني.. اقول لك بس امي ام حسين.,,
رائد:
ــ ويش فيها امي ام حسين..
فارس يضرب فخذه ..
ــ انا لله..
رؤى :
ــ تسأل .. عن.. فااالس ..
رائد يطالع على جنب :
ــ الله الله.. عالحنيه .. الله الله ,, الله لينا و يخلف علينا .. انا وخالي ما احد سأل عنا ,,

الا حيدر يدخل بالخط عرض :
ــ لااا انا سألت امس عني ووحشتها وهي المتصله بالمزرعه تبغاني في البيت ..
ويغير نبرة صوته يتمسخر على نفسه .. خخخ كثر منها بس ..
رائد :
ــ مالت عليك بس اسكت..
رؤى :
ــ هااااه..
رائد :
ــ طالع هاادي ما سكرت فارقي باي وفارس بخير في عيوننا لا تخاف عليه وشوي ونوصل البيت ..
ــ بااي بس لا تنسى البطاقه..
ــ زين على خير بكره ما ادري مين فاتح لش هالحزه,,, بااااي
ــ بااي..

شوي رائد وقف ... السياره...
فارس ..
ــ احم.. حيدر مو كنك وصلت بيتكم..
حيدر :
ــ هااه .. أي والله صدق يللا في امان الله..
رائد ميت ضحك:
ــ خالي نعسااان ومفهي ولا حس انه وصل ...
حيدر:
ــ أي والله لويش قصرتوا علي الليله..
رائد :
ــ خالواا.. اغسل وجهك واسنانك ورجولك.. اهم شي رجولك .. من بعد خلعة دعيدع طفت المزرعه مليون شووط ورجولك حافيه.. لا توصخ البيت هااه..
حيدر ::
ــ خخخخخ بغسلها برى قبل لا ادخل لا تالي ما ادخل ..
ــ خخخخخ الله يعينك يللا تصبح على خير ..
ــ وانت من اهله ..
فارس :
ــ تصبح على خير رادودنا..
حيدر :
ــ هههههه وانت من اهله تسلم الله يخليك..
ونزل حيدر ..
فتح باب بيتهم.. غسل رجوله بحوض الزراعه برى..
فتح باب الصاله.. دخل بهدووء.. البيت ظلمه .. امه وابوه ناموا...
ركب الدرج بهداوه.. وصل لغرفته.. دخل الحمام قبل غسل وخلص وتمسح قريب الأذان ياذن .. دخل غرفته الظلمه.. وما ولع الليت.. وقابل الدولاب معلق على عروته ثوب نومه .. صار يفك ازرار قميصه.. الا بشي ينغز ظهره بقوه من وراه نغزه سريعه ...
ــ اااااااااااااااااااااااااااااااااااااااااااااااااا ااااااااه..

والى اللقاء بالجزء الجديد