ماعرفتوني .. كثر .. ما عرفني ..

[Princess]

يسلمووو عالتفاعل جميعاااا,,, كلوووش ما بغى يشبك.. لعن يوم الواير لسس والله جنني كل شو يفصل.. ولا المسنجر يالربع خرباان .. << كنش طلعتي برى الموضوع.. خخ

المهم.. تفاعلكم السابق عجبني واسمحوا لي بالتعقيب السابق ما قلت اللي ابغى اقوله.. كنت مستعجله..
لقيتكم حبيتوا اتصال رائد بحيدر وعلاقتهم.. << تحب تطيح الميانه مع خوالها ..
كشخه هاا.. فمنورين,, ومشكوورين على الإطراء اخجلتم تواضعي ..

وملاحظه خاصه لخيتي الشمعه حبابه ما اقدر احط اسم المنتدى الثاني هنا لأن ممنوع ..
تقدري وببساطه تسوي بحث بالجوجل وتوصلي ليها

وتفضلوا الجزء الجديد ادري بتذبحوني على التأخير << من متى مخلصتنه.. بس حسبي الله على اللي ضرب ..

[.:روح وريحان:.]

ياهلا فيكمـت
يالله انتظر بفاارغ الصبر
وعطاج الله العافية وماتقصري خيتوو

[Princess]

رجعت رؤى تركض لحنين ..
ــ حنينوووووه خمني خمني مين الي جااانا .. احد ماا تتوقعيه... هههههههه هذاا الحلكاااات ...
حنين :
ــ ميـــــــــــــــن..؟؟؟!!!

رؤى :
ــ سمللللل اختش..
حنين فتحت عيوونها وبوزها حد ما عندها ..:
ــ هااااا ..
ــ هههههههه ويش فيش فهيتي.. اني بعد استغلبت.. فلحاانه حدي من زمان ما جت بيتنا..
حنين :
ــ الله احلفي يؤ اختي صارت زينه
رؤى تطالعها على جنب:
ــ لويش هي ويش فيها..
ــ ويش دراني عنها كله حاكره روحها وحابسه عمرها ما تطلع الا للشديد القوي..
ــ اهوو بااقوووم اني بلى ويااهم قومي..
ــ خخ من الفرحه بسمر يعني..
ــ أي ولو تشوفيها كشخخه.. ذكلتني يوم احنا صغال .. الصلاحه هي اكشخ وحده فيكم..
حنين بنبرة مسخره:
ــ اقوول.. اطلعي قدامي وبلا قرقره..
ــ من الغيييله.. ههههه زين..

طلعوا الصاله كانوا متجمعين .. زهرا ومريم وحنين وشذى وسمر وام حسين .. ويللا جابوا الكيكه وهيصوا ولعبوا.. وباركوا لرؤى ..

ــ اقووول رااائدووه..
ــ هااا فاارسووه..
ــ ورا ما تسووق زي الأوادم.. وتخفف عند المطبات لووو سمحت.. هذا شارع مزارع و سد الماي على يسارنا لويش ناوي تغرقنا .. وتراك دورت راسنا..

حيدر قاعد في النص في السيت اللي ورا,, ومسند كوع على كرسي فارس وكوع على كرسي رائد..:
ــ أي والله رائدوه.. كل شوي طفرت نظارتي .. زهقتني..
رائد ::
ــ هههههه والله حط فيها خيط والا سلسله .. كم مره قايل لك انا.. من سنين وانا اقول لك ولا يفيد فيك..
فارس :
ــ ههههههه شاايب .. وشوو يحط خيط لو سلسله..
حيدر :
ــ انا وش مدريني عنه.. من يوم احنا صغار لما تضيع نظارتي ودواره عليها وهذي جملته..
ويغير صوته بنبرة مسخره .. حط فيها خيط لو سلسله .. حط فيها خيط لو سلسله.. سووق بس بهداوه وانت ساكت..
ــ هههههههههه والله ياخال وصرت تتكلم نسيت ايام الطفوله..
حيدر يطق راس رائد بكوعه من ورا على خفيف:
ــ سووق بس وانت ساكت..

رائد من الضربه يبغى يمزح وياهم .. فرفر بالدركسون يمين وشمال بسرعه .. وشوي يطيحوا في السد ..
فارس وحيدر :
ــ ااااااااااااااااااااه
فارس :
ــ ياغبي ياغبي ياغبي .. << قالها وهو يطق فخذ رائد مع كل غبي طقه..
رائد :
ــ هههههههه طالق طالق طالق ..
حيدر :
ــ وصاااقعه طاحت نظارتي على الأرض ..
فارس :
ــ حشاا مهي نظاره هذي ..
حيدر وهو يتحسس في الأرض بيده ..
ــ يبغى لي جديده هذي فرطت احسها وسعت على راسي ..
رائد :
ــ الا راسك اللي ضيق اللهم ادفع البلا..
فارس ..
ــ هههههههه ويش اللي ضيقه..
ــ عقل خالي كبر.. سريع النموو ما شالله..
حيدر :
ــ اقول عن المسخره .. وطفي المكيف بفتح النافذه,,
رائد:
ــ لووويش ..
حيدر بمسخره:
ــ بسمع ضفادع السد وهم يتغازلوا .. لويش يعني شارع مزراع اكيد هو والجو حليو خلينا نتنفس ..
رائد :
ــ اا .. عليناا.. قول بس تبغى تسترق السمع كان تعجبك وحده .. عييب .. والله عيييب...
حيدر حصل نظارته :
ــ ايووووووووه عدلل..
فارس :
ــ ههههههههههه يعتترررف..
حيدر يلبس النظاره :
ــ على ووويش ..
رائد :
ــ افااا ضفدعه يعني وق وق وق ... على اخرتها خالي وق وق وق ..
فارس :
ــ يا ملعون واحنا اخر من يعلم.. افاا بس .. صكت بوجهك الدنيا وما لقيت الا ضفدعه .. افاا ..
حيدر :
ــ ووجع هذا انت يبغى لك ضفدعه.. وهالأقشر رائدوه يبغى له حرسونه..
رائد :
ــ ههههههه لاااا ما ابغى سوودااا تكفى .. لا زيك خضرا ما عليه..
فارس وبخبث :
ــ احم اخذ اللي حقي مستغني عنها وجيب حرسونتك..
رائد :
ــ ههههههه لويش..
فارس يرقص حواجبه..
ــ الحرسونه سودا يعني مليون بالميه فرقة طقاقات وفلوووس ..
رائد وحيدر :
ــ ههههههههههههههههه
حيدر يضرب راس فارس من ورا زي التيله:
ــ ااه يالمادي تحسبها صح موو. هذا يبغى لك تدور لك وحده كذا ..
فارس يحط ايده على لحيته ..
ــ خخخ افاا وانا فويرس على هالحلاه اخذ وحده طقاقه عبده.. افاا..
رائد:
ــ اقوول يا حرسون انت وياه .. قريب نوصل للشارع اللي فيه المزرعه.. حيدروه دق على حسنوه يطلع لينا.. انا ويش يعررفني أي وحده هي بالظلمه..
ــ زين ..

حيدر يكلم حسن..
ــ الووووووه حسنوووه قووه شحوااالك
ــ هلا خال حياك الله ها وصلتوا..
ــ ايي بس اطلع نبغى نشوفك..
ــ زين الحين اطلع باي..
ــ باي ..

رائد :
ــ هااا طلع..
حيدر:
ــ الحين بيطلع..
شوي وهم يمشوا شافوا حسن من بعيييد ..
رائد :
ــ خخخخخخ أي بيّن العماره..
فارس :
ــ هههههههه حرام عليك خخخخخ
حيدر :
ــ انا لله شاف روحه يلعب كمال اجسام وجسمه حليو يعيب على خلق الله..
رائد:
ــ اه .. هذا الواقع بعد.. طلع ها طلع..
وقام يكبس بأنوار السياره على حسن.. وحسن ماد ايده قدام وجهه.. معورتنه عيونه..
رائد :
ــ ههههههه شفت ظله أي كبر .. يخووف هههههههه...
حيدر :
ــ ان شالله اخليه يقعد عليك ويفشخك..
ــ لاااا دخيلك.. مافيني شده تفشيخ.. هو بكس مني واطيره .. بس لا يقعد علي ..
ــ خلاص عاد ولد اختي هو بعد زي ما انت ولد اختي يللا جب ولا كلمه..
فارس فتح عيونه :
ــ جب يعني شب.. يعني رائد اصص انطم ... جب جب ... جب ..
رائد :
ــ جب جب .. ولاااا كلمه فارس .. جب ..
فارس :
ــ ها... زين انجبييت..
حيدر :
ــ مالت عليكم.. زين..
فارس ورائد بنفس واحد:
ــ اغصااان الجنه .. يااارب ..

وصلوا وسلمو.. رائد من النوع اللي اذا حش يبين انه تكلم على الواحد..
ــ حيا الله العماره حسن..
حسن :
ــ هههههه الله يحييك ,, ويش احوالك مضربة الهرريييس..
فارس وحيدر :
ــ ههههههههههههههه
حيدر يعدل نظارته ويطالع رائد:
ــ فارس طالع .. يناسب له مضربة الهريس مو.. كتوفه عراض وصدره عريض .. وكلما نزلت لتحت ينحف .. ممممم مضربة هريس معتبره,,
فارس مو قادر من الضحك..
رائد يطالع على جنب .. ويصفق حسن بكس مزح على كتفه.
ــ زين لك يالصفريه .. هاا قومت علي المسخره..
حسن :
ــ ههههههه ما عليك منهم.. واحد تقول ملعقة خشب والثاني عيونه قضوض ملاس ..
رائد :
ــ ههههههههههههه فااارسووه قضوض الملااااس ههههههههههه
فارس :
ــ وجعع هههههههه ويش عرفك علامة الجمال في الرجال عيونه ضيقه وصغيره..
حيدر يفكر :
ــ وانا لويش ملعقة خشب,,,
رائد :
ــ من ضعفك الزايد حششاا عظامه هيكل ..
حيدر :
ــ مو مرره ضعيف انا..
رائد:
ــ يبغى لك يا خالي والله.. شوي لحم..
ويمصع كرشة حسن ..وهو يكمل كلامه:
ــ دخيل الله هالصفرية تسلفك شوي..
حسن:
ــ قل اعووذ برب الفلق .. تف بس تف عن الحسد قسم بالله ان قبعت بوريك
رائد:
ــ بللللل هههههههه ويش يقبعها ..
ويقوم الضحك..
حيدر :
ــ اقوول مو كنكم نسيتوا عمركم برى.. الحين تجينا عصابة كلاب وتسوينا شاورما بهالليل..
حسن ..:
ــ أي لويش وقفتوا السياره برى دخلوها داخل مشوار لين توصلوا الإستراحه كبيرة المزرعه..
رائد :
ــ وانت بويش جيت..
حسن:
ــ لا انا يوم يدق حيدر توني واصل ودخلت شوي زهقت اريوس .. ونزلت ليكم سيارتي داخل تشتغل يللا مشينا..

راح حسن لسيارته.. وركبوا الباقي سيارة رائد..

تابع >>>

[Princess]

رائد وهو ورى حسن..
ــ خخخ طالعه عليه سيارته ::.. بكس سباارو .. حسوون خخ والله كشووخ
فارس يصفق رائد بعلبة النشاف :
ـــ صحيح ما تستحي.. شاف عمره كاشخ ببنتلي قاعد يتمسخر على البكس..
هههههههه دب وربي دب..
رائد:
ــ خخ كل واحد واللي تشبهه
ويغمز على فارس على جنب وهو يهمس له
ــ اسكت للحين اقساط يدفعها ابوي الله المعين ..
حيدر سمع الهمس ورد عليه :
ــ ما احد قال لك قلت لك خذ هوندا زيي .. الا تبغى تتفخم.. مع وجهك..
ــ اقول حيدوور يا قلبي ...
ــ هلااا
ــ جب..
ــ جب جب..

وصلوا للإستراحه.. ما شالله السيارات عامره على بابها.. نزلوا..
حيدر يعدل في عمره وشعره ..
رائد:
ــ بفف خخ فارس طالع طالع تقول بيدخل وين هو الحين تعدل بس في هالشعر اححح.. امشي بس قدامنا يللا .
.حيدر :
ــ افففف ويش ولد هالإخت هذااا بيمووت وحاط دوبه دوب هالشعر .. ما يطوفه شي .. حسبي الله على شره..
ويحرك حيدر رقبته ,, ويتمايل شعره
ــ اححح حركات حرير... اجل شعرك من كثر الجلي بتلزق فيه دبان وبعوض المزرعه كل ابوه
فارس مات من الضحك..
رائد يطالعهم بقهر ومسخره,,
ــ اضحك انت وش عليك.. اضحك بس ... مو زيه انت مالت عليكم
حسن يضحك عليهم..
ــ امش بس يا ولد الخاله معاي طالع عليك انا يللا خل الحرير ويا الحرير خخخ
رائد تقدم مع حسن .. ودار على فارس وحيدر .. وكفخ رقبته..
حيدر :
ــ عداال شوي شوي لا يطير الحرير خخخ
فارس يضحك..
رائد يدور ليهم ويصكهم كم بحلوس معتبر ..
دخلوا الإستراحه..
ــ السلااام عليكم..
سلمو.. وانرد عليهم السلام..

كانت وااسعه ومليانه شباب.. جهه يلعبوا بلاي ستيشن.. وجهه يلعبوا ورق .. وجهه واحد يقرقر واللي وياه متحمسين بالسالفه و يهزوا روسهم.. وناس يشربوا معسل ...

بس في زاويه 2 اشكالهم غريبه مهم من الديره..
حسن توجه ليهم..
ــ هلاااا بنواف هلااا.. وهلااا بمشعل ...
فارس فباله..
ــ نواف ومشعل ورسومهم بدويه ..مممممممم شكلهم سنه يمكن,,
نواف :
ــ ياهلا ارحب .. توك جاي وينك يابن الحلال .. من متى ناطرينك .. تدري بنا ما نعرف حدٍ بهالمكان الا انت.. والله شككتنا لايكون مغلطين..
مشعل :
ــ أي بالله.. من متى وحنا جالسين نحس حالنا غرب.. ياخي اضبط مواعيدك مرةٍ ثانيه..
حسن:
ــ اعذروني يا اخوان .. والله صارت شوية ظروف وتأخرت عليكم..
نواف :
ــ حصل خير .. اخبارك انت وعلومك بلاك ما تبين وغاطس عننا هالأيام..
ــ لا بس ظروف شوي .. حياكم خذو راحتكم..
مشعل :
ــ ههههه والله واخذينها ومكيفين بعد احمد ربك حنا ثنين والله لو اني بحالي كان وريتك شغلك..
حسن :
ــ امسحووها بوجهي عااد.. تعالوا باعرفكم على الربع...
ويأشر على حيدر ..
ــ هذا خالي .. حيدر .. عمره 20 سنه.. وهذا رائد ولد خالتي 18 سنه.. وفارس خويهم 23 ..
نواف ومشعل:
ــ ياهلا بكم .. تشرفنا..
حيدر :
ــ يعز مقداركم ياهلا بكم.. << قالها بنبرة زيهم..
رائد فيه الضحكه وبالعنها.. على خاله..
قعدوا معاهم يسولفوا... رائد يسأل ..
ــ وكيف تعرفتوا على بعض ..
حسن:
ــ ابو نواف خوي ابوي بالشغل ومشعل ولد عمه وخويه الروح بالروح .. يعني تقدر تقول من ابهاتنا تعرفنا ..
رائد :
ــ اهااا.. ياهلا فيكم..
ــ هلا بك..

نواف ومشعل .. كانوا بعمر رائد 18 سنه في الثانوية العامه قسم اداري ..
مشعل :
ــ انت يا رائد بعمري انا وحسن صح والا ..
ــ ايه طال عمرك << صاير رسمي ومؤدب خخخ
ــ وش تخصصك..
ــ علمي ..
ــ اهاا.. الله يوفقك..
ــ جميع ان شالله .. وانت..
ــ انا اداري ..
ــ الله يوفقك..
ــ والقايل يارب..

صاروا يحوسوا يمين وشمال مهم عارفين يسولفوا.. فارس ويا حيدر يسولفوا على جنب.. ونواف مع حسن سوالف عن السيارات وطلعات البر والسفرات.. وخرابيط من هنا وهناك..

شوي الا واحد من الشباب يرفع صوته ..
ــ شبااااااااااب .. تبغوا ررررعب ..
الشباب سكتوا وانتبهوا له,,,
الأغلبيه ايدوا أيــــــــــــه...
طلع ليهم سي دي ..
ــ يللا اللي يخاف يقووووم بنطالع فلم مررعب .. من الحين.. اللي يخاف يقووم.. لا يبلشنا..
واحد ثاني من الشباب رد:
ــ افااا ومين اللي يخاف يللا .. حطه بس خلنا نأكشن..
حيدر اندعس في فارس
فارس يهمس :
ــ افااا حيدروه لا يكون تخاف..
حيدر يعدل قعدته..
ــ هااه.. لا ويش اخااف .. عادي الا خرافات .. اهوو بس ..
ـــ فكرت قوم مناك نقرب صايرين بعيد...
وقاموا اثنينهم الا رائد :
ــ هاااه وين قايمين لا يكون تخافوا..
حيدر دار له وهو يضحك..
ــ رائدووه.. انخش بس في مخبى حسن خله يغطيك لا تشووف..
رائد :
ــ ههههههههه ويقول لي لا ااا تعيب وهو يعيب ..
حسن :
ــ وجع ههههههههه
نواف ومشعل :
ــ وشو مخبا ووشو تخش ..
حسن وهو يضحك:
ــ جيبي اخبي رائد بجيبي ..
نواف :
ــ ههههههههههههه
مشعل :
ــ والله جد ياسعه وياسعني معه.. اقلط ..
حسن:
ــ ههههههه حسبي الله على شركم لا ادوس بطونكم اللحين..
نواف :
ــ لا بالله تكفى ما فينا حيل على دوسة البطن قم بس معهم هناك خلنا نتفرج قريبين..

وتقربوا.. التفوا الشباب حول التلفزيون.. وطفوا لمبات الإستراحه.. ما تسمع الا صوت مناوس الليل " الجندب"
وحطوا السي دي بالدي في دي...
حيدر مفهي وماد رقبته.. وفارس جنبه يراقبه وفيه الضحكه على حالته مبين عليه انه شاد على اعصابه..

تابع >>>

[Princess]

وشوووي بداية الفلم رعدة قويه في جو ماطر ومظلم وبرقه... وكان التلفزيون بالغلط مرفع على الصوت لحده..
ومع هزيم الرعد <<< " اسم صوت الرعد هزيم " لا تفكروا افلام كرتون خخخ
الا حيدر طافر من مكانه بصرخه .. ااااه .. وبينهزم بيروح ..
فارس يسحبه ويقعده..
الصبيان كلللهم داروا على حيدر .. حيدر قام يزخ عرق من الفشله .. فارس دارى عليه :
ــ عورك الفلووص هاا.. حد ما عندي على شان تنتبه ما احد قال لك ما تنام عدل..
راائد فهم السالفه .. انها تغطيه وفيه ضحكه مو قادر..
حسن :
ــ هااا خاال .. جتك النومه .. بدررري توه مبتدي الفلم وشكله حماس وكشخه.. اقعد بس صحصح .. قوم الحمام والا اقرب مكان ماي وغسل وجهك..
حيدر يعدل نظارته ومرتبك..
ــ لا لا خلاص مافيني شي..

ويبتدي الفلم.. خطوات واحد في الجو الماطر والمظلم يركض كن احد لاحقنه..
وحيدر انفاسه تتلاحق ..
فارس مهو قادر يبغى يركز في الفلم وبنفس الوقت مركز على حيدر المسكين خخ..
وشوي صوت صرخه وحده بالفلم ..
ــ اااااااااااااااااااااااااااااااااااااااااااااااااا ااااااااااااااااااااااااااااا
حدير من سمعها ..
صوت ريقه وهو يبلعه انسمع..
فارس خلاص وصل حده قام يكركر..ويغطي على السبب..
ــ صوتها وهي تصرخ .. كنها دجاجه مفغوصه..
حيدر قام يضحك..
واستمرت احداث الفلم.. من رعب وجنانوه وقتل ودمان .. وحاله وصراخ.. وحيدر شاد على عمره مره ازرق ومره اخضر ومره اصفر ومره ينخطف لونه مرة وحده الى ابيض .. على حسب نوع الرعب وشدته..

وخلص الفلم بعد ساعتين ونص .. بسلام..
الكل قاموا يضحكووا واللي يخوف الثاني واللي قول له تحت سريرك الليله بتطلع لك.. واللي يقول للثاني في دبة سيارتك البنيه اللي قتلوها.. وكل واحد يهلوس على الثاني ..

وحيدر يابس زي الحطبه >> لو يدفه احد بصبعه انقلب ..

شوي الا هو يبغى يروح الحمام.. بس مستحي يقول لأحد يخاويه للحمام.. بويش يصرف عمره ويش يسوي؟؟؟..
سأل حسن :
ــ وين الحمام هنا..
حسن بشكل عادي ومو مبين عليه بيخاويه:
ــ برى سيدا كذا تقريبا قول عشرة لو اربع طعشر متر .. بعدين اكسر يسار بتلاقيه بس الضوا حقه بيجيك من برى في استراحه قريبه .. ضوا خفيييف.. روح ما يضيع.,
حيدر في باله :
ــ لا اا بعيد ومافي ليت ..هلا والله و كملت...

راح لرائد .. رائد كان مع فارس .. يسولفوا عن الفلم.. وفارس يساسر رائد يفضح حيدر والخوف اللي صابه.. ورائد ميت ضحك.. كم حركه صادها هو على حيدر وكم حركه توه يدري بها من فارس ..

الا حيدر محمق فيهم:
ــ لا تتمسخروا علي .. صحيح ما تستحوا...
رائد :
ــ بطلنا خلاص .. اقوول ابو الفوارس قمينا..
ــ ويناا..
ــ نتمشى بالهواء الطلق ابغى اشوف هالمزرعه..
ــ ويش تشوف فيها ظللللمه..
ــ تخااف يعنوو..
ــ ههههههه افاا ويش اخاف .. قمينا...
ــ هاا حيدوور تخاوي..
حيدر بغااها فرصه.. قال يللا اخاويهم يوصلوني للحمام وينتظروني ..
ــ هااه أي يللا مشينا..
حسن :
ــ بدري وين بتروحوا..
رائد:
ــ لا نتمشى بس ..
ــ زين خذو راحتكم..
وطلعوا وهم يمشوا رائد يخوف في حيدر..
ــ يمااااااه ويييي .. شفتها من بعيـــــــــــــــد..
حيدر ارتبك:
ــ ويش هي ..؟؟؟
ــ فيه "فجة =طيف = خيال " ام حمار ..
فارس يزيد الطين بله :
ــ يماااه أي صدق فيتها... انا بعود الإستراحه مالي بكم..
رائد :
ــ تشبه الجنيه اللي في الفلم مو.. ذبحت كم واحد,,, اقرى الفاتحه على رويحتك يا خوي..
حيدر حمق:
ــ بلا نحاسه علي لا تهدروا كذا..
رائد:
ــ خلالاص خلالاص كل شي ولا زعل الخال ما نقوى عليه..
ــ اقول هذا هو الحمام.. بدخل دقيقه انتظروني ...

دخل حيدر وريقه نااشف ومرعوب..
فارس ورائد برى ينتظروه..
كان قريب من الحمام شوي .. غرفة الهندي عامل المزرعه.. الهندي نايم.. ومنشر ثيابه.. وبين الثياب وزار احمر ..
رائد يساسر فارس..
ــ بنسوي اكشن..
فارس متحمس ويهمس :
ــ ويشووو..
رائد :
ــ تعاال بس ..
وراحوا لوزار الهندي .. شالوه من حبل الغسيل .. اشتمه رائد من بعيد..
ــ لا اشوى ريحته صابون.. يللا دور لي اقرب حجره كبيره شوي ...
دور فارس لقى حجره كبر راسه << خخ خووش تشبيه..
رائد ..
ــ ايووه هذي زينه.. يللا انا بغطي روحي بالوزار ,, وبمسك الحجره وبرفعها فووق .. وبيصير شكلي مثل واحد طوويل ويخوووف..
وانت روح للحمام من ورا ورمي حجاره عليه...

فارس متحمس وميت ضحك:
ــ زين يللا استعداد...

وشوي وحيدر <<< احم.. ما يحتاج اقول ويش يسوي ..
ما سمع الا
طررم طراااخ طرم..
حيدر خاف:
ــ رائد .. فااارس .. ويش هالصوت..

هدوووء مامن مجيب ..

طررررم طراااااااخ طخ طخ طخ..
حيدر قام بسرعه غسل وحتى بس سكر زرار البنطلون ونسى السحاب مفتوح من الرعب..
ــ رائدوه فارسوه لا تلعبوا فيني,,
وطلع من الحمام.. ظلمممه مافي احد,,,
ــ راائد.. فااارس وينكم..
وشوي يسمع حيدر صوت خطوات وراه... ويلتفت يلاقي حاجه حمراا مغطيه من فوق لتحت وطويييله وتتمايل ..
ــ اااااااااااااااااااااااااااااااااااااااااااااااااا اااااااااااااااااااااااااااااااااااااااااه
ويحط رجوله ويركض وطفر طبقة من نعاله من الركيض ورائد يتمايل وراه..
وفارس فاقع ضحك وقام يتدحن على الأرض...
ومن الصريخ الهندي النايم مسكين فزع وقعد طلع بوزراه يركض .. شاف رائد من ورى بالظلمه وطويل يتمايل ..
طاح على ركبه يصيح ويصارخ..
فارس قريب من الهندي مهو قادر ضحك..
ويهدي فيه..
الهندي حتى من فارس خاف :
ــ بابا.. انا مافي معلوم.. انا نفر مسكين هراام بابا..
ودموعه شوي بتطيح..
فارس :
ــ هههههه .. ههههههههه.. لاا لا .. مافي خووف.. هذا نفر يلعب .. روه انت نام.. هههههههههههههههه..
الهندي قام يالله شال عمره..
ــ بسم الله.. بسم الله.. نفر مشكل
ودخل غرفته..
ورائد ورا حيدر ..
وشوي ما شافوا الشباب بالإستراحه.. الا واحد طاااخ هجوووم .. ويفحط وينشدخ وسط الإستراحه وهو ينافخ ويصارخ..
قاموا له .. خافوا.. قالوا ويش فيه راجع لحاله ووين اللي وياه,,,
حسن:
ــ خالي وييييش صاااير ..
حيدر :
ــ دا.. اا... ااه.. خاا .. .. ااي .. قين .. قين..
مو عاارف ويش يقول..
حسن مسكه يهديه..
ــ خاالي ويش فيك.. هدي ..
وحيدر مو راضي يهدي ..
ويقوم نواف لحسن ويقول له ,,
ــ هذا يبي له كذا..
ويصفق حيدر كفين على خدوده..
حيدر :
ــ اااه وحرييقه..
نواف :
ــ هههههه اسمح لي يا خوي بس على شان تلتفت لنا.. وتجاوب وينهم صار لنا ساعه ننشدك عنهم..
ــ دعــــــــيـــــــــدع ابو الخلاااااااااااااقين..
حسن :
ــ هاااااا هههههههههههههههههههههههههه
مشعل :
ــ وشو دعدع هذا بعد .. وخلاقين وشو..
نواف ميت ضحك..
الشباب فطسوا..
حيدر :
ــ والله العظيم برى ولحقني دعيدع.. وخلاقينه حمرا.. وطويل ..
قاموا اربعه انفار من الشباب يشوفوا ويش السالفه..
وطلعوا الا بصرختهم ..
ورجعوا يركضوا وواحد منهم قال:..
ــ ههههههههههههه لااا صدق دعيدع بس مزيف .. خلعنا الله يغربل بليسه..
الا بدخلة رائد متوزر بالوزار الأحمر .. وماسك الحجره بيده .. وفارس فارط من الضحك ... وماسك طبقة نعال حيدر .. وميتين ضحك ودموعهم اربع اربع ..

حيدر حممق عليهم .وصرخ صرخه رجت جدراان الإستراحه:
ــ ووولعــــــــــــــــــنــــــــــــــــــــــــــ ـــــــــــــــــه.. ياااا اغبياااااااااااااااااء..

كل الشباب ماتوا ضحك.. وصاروا يواسوا في حيدر ..
ــ تعيش وتاكل غيرها..

مشعل يهمس لحيدر :
ــ اخوي حيدر لو سمحت.. بس يعني ولو مافي احراج يعني كلنا اخوان .. ورجال .. بس سكر سحابك الله يسلمك..

حيدر حس بإحراج ولعن الساعه اللي جا فيها لهالمزرعه .. ومره وده يطيح في الثنائي المرح رائد وفارس بدست يفطسهم تفطيس...

وبين ما الشباب قاعدين يضحكوا على حيدر ورعبه من المقلب

الا بصوت تشدخ على سقف الإستراحه " كان شينكو = حديد صفيح " وصوت رهيب يخووف ...

والى اللقاء غدا..

[.:روح وريحان:.]

مشكووووووورة اموورة على الجزء
الصرااحة حرام عليهم
عووور قلبي حيدووور<<خوافه من نفس الماركه
ههههههههههه
حليوة الحلقة مرة
عطاج الله العافية

[فرح]

ربي يجعل ايامك كلها انشاء الله وناسه
حبيبتي امـــــــــيره
بجد الجزء الاخير بمووووووووت ضحك موقادره اسكت خلاص
ع المقلب وانا موتي المقالب الاكذا اكشن .
تسلم الايادي ويعطيك العاافيه
دمت بحفظ لله ورعايته
تحياااتي فـــــــــرح

[آخر شقآوهـ ..~]

ويليييييييييي ويليييي ع الحلقه
تموووت من الضحك فطستيني ضحك مع أبو الخلاقين ويلي عليه
مشكين حيدر كأنه لبنه على جبنه <<<<لو يصير ليي كده شالوني جابسه ههههه
تسلمي عيوني ع الحلقه الرووعه
يعطيكِ ربي الف عافيه
تحياتي
ضحكوه البطه

[اسير الهوى]

ههههههههههههه

دعيدع ابو الخلاقين ههههههههه

والله فطستيني من الضحك اميرة

الشباب بالمكتب يقولو لي وشفيك تضحك لحالك هههه


يسلمووووووووو خية والله الحلقة مية مية هههههههه

احترامي..

ي
ا
س
ر

[Princess]

السلاااااااااام عليكم احبتي

الف الف شكر على التفاعل والتعاليق اللي تشرح القلب

المهم بدون ما اطول عليكم..
باغيب عن المنتدى يومين او اقل ..

يمكن هااا .. يمكن ادخل وانزل جزء ولو صغير حسب ظروفي ..
عندي ظرووف .. فما بدخل النت
التقيكم على خير
وموفقين جميعا
دمتم بحفظ الرحمن

[الشمعة]

بصراااااااااااااااااااااااااحه اميرررررررررررررررروه فطستيني ضحك
مو قااااااااااااااااادره امسك نفسي عن الضحك احداث حلوووووه مرررره
يلا اتمنى اشوف باقي القصة لانها مرررررررره روعه
بس والله ابدعتي افكار جهنميه
الله يعطيش الصحة والعافيه على الطرح الجميل
ولاحرمنا الله من قصصش الحليوه
تحياتي
الشمعة

[الأمل البعيد]

هههههههههههههههههههههههههههههههههههههههههههههههههه ههههههههههههههههههه
والله العظيم موتيني من الضحك الحلقة الثانية خلاص حتى البيت قال وشفيش تضحكي
اميروه تعرفي عدل حركات الصبيان نفسهم بضبط
مسكين حيدروه فاده يشلخهم عدل وام حمار والدعيدع الخلاقين خخخخخخخخخخخخخخخ
عدل هالثنائي المرح خخخخخخخخضفادع وععععععععع
_______________
اقدر الظروف لاني بعد الانترنت يعلق والمسنجر مايشتغل اففففففف من الشبكة
تحياااااااااااااااااتي

[سيناريو]

روووووووووعه أموره تسلمي على هالوناسه
التعبير مره عفوي وحلو
حيدر مسكين ياحرام لو فيني هالمقلب كان أطيح بصفره ومااوتعي الا يوم ثاني

[إيلاف]

هههههههههههههههههههههههههههههه
ههههههههههههههههههههه
يالله نزلت دموعي من الضحك ..
حرام عليهم .. مسكين حيدر عور قلبي ..
الحلقة مرة حليوووة ..
الله يسعدكِ ويوفقكِ غناتي ..
ننتظر رجوعكِ بشوق ..
دمتي بحفظ المولى ..
تحياتي .. إيلافوو ..

[..انين الروح..]

اكيد الحين اكشن غير طبيعي الي مسويين حالهم ثقل ورزانه بيتلجواها تلاج من الخوف ههههههههههههه

تسلمين حبيبتي والله انك اميره بكل الاساليب