رائد:
ــ بعد عمري تسلمي .. لا تخافي الحمدلله زين انا..
رؤى:
ــ الحمدلله..
حيدر :
ــ يللا انا بروح بيتنا..
زهرا:
ــ وين رايح.. اقعد بس ...
رائد :
ــ وين بيروح اصلا .. خخخخ جايين بسيارتي ولا في حركه..
حسن:
ــ حلوه دي بنروح ننام.. حدي تعبان...
حيدر :
ــ انا بعد... مو قادر بروح..
رائد:
ــ نامو هنا..
حيدر :
ــ لا ابغى اسبح بعد ..
رائد:
ــ خذ من عندي ثياب,,
حيدر :
ــ اوهو.. ههههه يطلع حلول من تحت الأرض,, لا بروح..
فارس:
ــ تدرو.. حتى انا.. اماه وين عباتش .. يللا بنرجع البيت..
زهرا:
ــ استحو على وجهكم.. افرش ليكم منامات بالمجلس ودقوا بها نومه...
حيدر :
ــ انا على غير سريري ما تجيني نومه.. وتعبااان.. اسمحي لي خيه... برجع..
حسن :
ــ وانا بعد خالتي اسمحي لي .. برجع..
فارس :
ــ هههههه انا عاد اسمحو لي برجع اكييد..
رائد :
ــ كف على وجهكم.. وانت فارسووه ويش بتروح بتاخذ امي وتحبسها وانت بتنام.. انثبر... اذا مصريين يرجعو هم خذ المفتاح ووصلهم وارجع انت ولا تحبس امي وياك..
ــ اجل برجعهم وبروح البيت بنام.. والعصر باجي..
ــ فااارسوووه ووجعه.. بلا بياخه علي .. تعال نام هنا واستحي على وجهك..
ــ رائدوه .. لا تحرجني..
ــ ااي.. ويلي.. اااي.. راسي ...
زهرا:
ــ وي ولدي .. على عمري ويش فيك..
ــ بيذبحني فارسوه.. قولوا له يبطل هالكلام الماصخ..
فارس :
ــ ههههههههه أي كلام..
ــ احرااج وما احراااج ...
ــ خلاص خلاص زين ولا تزعل .. بوصلهم وبرجع..
رائد:
ــ هيااا..
فارس :
ــ زيك حيال ونصاب ما شفت.. يللا مشوار الطرريق اوصلهم وراجع..
وصل فارس حسن وحيدر البيت...حسن تهاني اختلعت من شافته..
ــ ويش صااير امي.. ويش فيك رجعت..
علمها بالسالفه.. وعلى طول دقت على زهرا تتعافى لرائد...
ونفس الشي حيدر.. علم ابوه ودق ابو كرار على بنته زهرا كلمها وتالي ام حيدر بعد تعافو لرائد .. ابو كرار يكلم رائد:
ــ هاا يا ولدي .. ويش صاير .. عافاك الله
ــ الله يعافيك يبه.. لا بس تشدخنا ..
ــ غربل الله شرك .. اجل تتسابقو دبابات.. لا تعودوها مره ثانيه.. انت لو صافع راسك بالشينكو حالك حال اللي وياك ارحم.. استغفر الله.. يللا نصيبك..
ــ ان شالله.. هههههه عاد حيدرووه ما قصر نشرة اخباريه مفصله ..قال كل شي..
ــ هههههههه ايه افاا عليك بس.. يللا انتبه لروحك وما تشوف شر..
ــ الشر ما يجيك حياك الله يبه..
ــ مع السلامه..
ــ سلمك ربي

رؤى فرشت منام بالمجلس لفارس... ويوم رجع فارس.. راح المجلس ونام.. نومه عميقه من التعب ولا قعد الا المغرب,,,
فاضل رجع من العمل .. ودرى بالسالفه..
ــ يالله ما تشوف شر ياولدي اذا ما تقدر عالسفر نأجل.. اهم شي راحتك.. رجولك تقدر تشيلك لو تعورك..
رائد:
ــ لااااااااا ويش تأجله وما تأجله.. يالله انا انتظر هاليوم.. عادي رجولي مافيها شي,,,
ــ الحمدلله يللا بيصيرو وياك حيدر وفارس وحسن وبينتبهو لك..
ــ وناااااااااااسه...
ام حسين:
ــ والله كلفت على عمرك يا ولدي يا ابو رائد.. والله جمايلك مغطتني اني وولدي فارس
فاضل:
ــ لا تقولي كذا اماه.. انتين حسبة امي... الله يرحمها.. لا اسمعش تقولي جمايل ولا فعايل,,
ــ يا عساك السعاده يارب وزيارة علي واولاده.. افتح الله عليك باب الرزق من اوسع ابوابه يسر الله لك امورك فك الله ضيقتك ووسع الله عليك عيشتك..
فاضل :
ــ ايه هذا الكلام اللي يشرح الصدر .. دعاش امي دعاش بس ..

رائد راح المجلس لفارس.. لقاه مرتب المنام و قاعد ...
رائد:
ــ خذ لك من متى صاحي..
فارس:
ــ خذ لك انت.. ويش اللي جاب..
رائد سند العكازه على الجدار وقعد جنب فارس..
ــ واحشني يا غبي,,
ــ ههههههههه وحشتك العافيه .. وانت اكثر..
ــ عندي لك خبر .. يسوى مليون..
ــ جيب المليون اول..
ــ بل عليك مادي ..هههههههه
ــ هههههههه ويش هوو...
رائد وهو يرقص حواجبه بحركه بطيئه:
ــ يووم الخميس السفرر..وبتروحوا وياانا..
فارس:
ــ ويش تقوول.انا ويش قايل لك...
ــ موو منــي من ابوووي .. للللا للللا بتروح وياانا.. مافي قعده هناا..
ــ ههههههههههه يالله.. انا اصلا كنت افكر اذا انتون رحتو سوريا على حساب بروح المغرب ..
رائد فتح عيونه:
ــ هاا ,, المغرب ليش..
ــ بشوف سالفة ابوي..
ــ اففففف انا اشوفك سكتت من داك اليوم قلت يمكن منت رايح..
ــ الا بروح بس كنت محتار بأمي ام حسين.. وين بتروح..
ــ مااااااااااافي بتروحوا ويانا سوريا,,,
ــ بنروح.. خلاص بنروح.. بس..
ــ بس ويه..
ــ بخليكم كم يوم بسوريا وبروح المغرب ضروري بشوف السالفه..
ــ اففف .. زين على راحتك. المهم بتروح ويانا..
ــ على خير..
ــ هياااا,,
ــ ههههههههههه .. جعلك دوم مبسوط ومستانس..
ــ دووم طول ما انا معاك.. الله لا يحرمني منك
ــ الله يخليك و لا يحرمني منك...


ويوم الخميس... بدأ التوجه لمكتب الـ....... للسفر والسياحه.. وكانو .. فاضل وعايلته.. جاره رضا وعايلته.. ابو كرار وعايلته.. تهاني وعايلتها.. ابو علي " ابو حمزه " ومعاه ام علي وحمزه .. علي ما بيروح لا هو ولا حريمه... كانو على حساب سراج عم رائد بيروح بعد.. بس ما عنده اجازه ومسافر برى للعمل لحاله .. و مرته ولله الحمد اهلها بالأحساء فظلت معاهم ...
اشتهو تروح وياهم هدى بس للأسف ظروف منتظر اخو فاضل ما تناسب.. العمل بعد ما عطوه اجازه وهم بجده بعيدين.. فصار تقريبا ثلاث ارباع الباص ليهم و الربع توزع على شلة صبيان عزوب .. وعايلتين .. وحده منهم معاريس...

ظلوا فتره ينتظرو بالإستراحه يالله شحنو الأغراض وركبو بالصلاة على محمد وال محمد..
السيت الأخير قالت ام حسين تبغاه حق تمدد رجولها عليه لا تتعب..
ركبو الباص.. واقترح ابو فاضل ينقسم الباص قسم للرجال وقسم للحريم .. بس المعرس ما رضى..
رائد قام يتحنطب ..
ــ خذ لك.. هالكناري .. ما بطير .. يوم بليله ما يستحمل فرقاها.. هذا اللي بيضايق اهلي كف على وجهه..
فارس :
ــ ههههههه اسكت لا يسمعك غربلك الله فشلتنا.. شهر العسل يا اخي كيفه الرجال حر ..
ــ شهر البصل.. اف منه .. يروح بطياره.. ويفكنا.. وويش هذيللا شلة هالعزوب ويش جيبهم.
ــ انا لله ويش فيك تتعيلف.. ههههههه لا بعد مو ناقص الا يخصصو باص للعزاب وباص للعوايل .. ما عليك منهم...
ــ المشكله كراسيهم عند الباب .. فنزلة حريمنا وطلعتهم.. في وجههم افف,,
ــ لا تحط بالك عاد .. ان شالله ما بيصير الا كل خير وبنوصل بالسلامه..
ــ ان شالله..

ركبو.. حنين جنب رؤى.. حيدر مع حسن.. وفارس طبعا مع رائد... حمزه قعد مع واحد من الشباب العزوب اللي قدام,, وفيه حرره.. كل واحد مخاوي له واحد.. وهو لحاله...
ام حسين ورا طبعا لحالها على الكرسي..
<<< الباقي ماني مرتبتنهم ههههه مالي خلق حوسه يرتبو روحهم...

ومشى الباص الساعه 4 العصر بالصلاة على محمد وال محمد...
الساعه 9 بالليل.. رؤى تعبت.. تبغى تنسدح مهي عارفه.. حنين نامت..
ويش تسوي رؤى.. دقت في بالها فكره جنونيه...
راحت لأم حسين لقتها متربعه على السيت,, تشرب قهوه..
ــ امااه ويش تشلبي هالحزه شان نمتي..
ــ ويش اسوي يا بتي .. راسي داير وما يقنده الا القهوه..
ــ يعني ويه يقنده..
ــ ههههههه ويش عرفكم انتون .. يعني يعدله..
ــ اهااا يلوقه...
ــ والله ما ادري اللي هي هي.. ويش بش ما نمتي ..
ــ لا بنام.. بس بفلش لي تحت..
ــ تحت وينا...
رؤى تأشر تحت رجول ام حسين على الأرض..
ــ هناا..
ام حسين:
ــ ويش فيش يا بتي .. عند المكينه.. بتستحري وبيفقع راسش,,
ــ با جلب بس استحل ويفقع لاسي باقوم..
ــ على راحتش..

فرشت ليها رؤى وانسدحت..
السواق على شان لا يجيه النوم.. قالوا له عن الهدوء يحط شريط ..

ياباني الحجره على السيف بنها على ساس القويه معرسامجمع ليه آلافات ناوي على عرس لبنيه...
ام حسين تصفق بهداوه .. وهي تنشد ويا يوسف الرومي ...:
ــ بلغني الله فيك يا فارس.. عساني اشوفك معرس يارب

وشوووي ... صوت انفجار قوي ... وصارت رجول ام حسين ترتفع وتنزل على رؤى رضرضت عظامها .. وقام الصريخ ...و دخان ملى البااص.. ومال على جنب..
و............

الى اللقاء...