فارس مع هالإنشوده.. دمعته طغت في عيونه.. من جد الفراق صعب يا عبدالله..
التفت لرائد.. لقاه من بعيد مبين عليه ماسك على اعصابه.. وشاد عمره.. مبين عليه فيه شي..
فارس خاف عليه..
ــ ياربي ويش فيه رائد..

ويوم انتهى الحفل.. قام فارس بيشوف رائد.. ما لقاه في مكانه... سأل حيدر..
ــ وين رائد.,.؟؟
ــ قال بيروح الحمام.. ويش هذا لا مبروك ولا شي على طول سألت عن الحبيب الغالي..
ــ اووه اااسف.. اسمح لي.. عالبركه تستاهل والله.. وصوتك وربي فلله من جد شي..ما شالله عليك
ويضرب فارس كتف حيدر على خفيف بكس..
ــ قايل لك جرب حظك و صدقني بتطلع رادود كذاا حركات,,
حيدر..
ــ تسلم والله من ذوقك..
ــ الله يسلمك .. باروح اشوف رائد...
حيدر:
ــ هههههه أي ما تقدر حبيب القلب ما زولا .. الله يخليكم لبعض ..

فارس و هو بطريقه للحمام قابل حسن ولد خالته وبارك له.. ووصل للحمام .. دخل ما لقى احد..
صار يطق الأبواب باب باب.. ويفتح فيهم لين وصل لواحد مقفل..
طق طق طق..
صوت واحد متضايق مبحووح ..
ــ احمممم .. نعم..
فارس..
ــ رائد انت هنا..
رائد سااكت..
فارس ..
ــ رائد رد علي ويش فيك..
فتح رائد باب الحمام.. ووجهه احمر.. وعيوني متورمه اثر واحد حابس دموع شديده.. وببطئ تقرب من فارس وحط راسه على كتفه.. فارس حضن رائد.. وصار يمسح على ظهره..
ــ ويش فيك يالغالي.. مبروك النجاح والتفوق بيضتها والله..
فارس حس بصخونه على كتفه ورطوبه..
عرف انه رائد بدى يصيح.. ما حب ينهاه خلاه يطلع حرته اللي فيه..
شوي الا بجية حيدر.. شاف حالتهم وقف على باب الحمام الخارجي.. وفباله..
ــ اكيد على عبدالله... رائد وفارس واعرفهم عدل
فارس تركه على كتفه ولا تكلم معاه لين هدت اعصابه.. وشال راسه عن كتفه وغسل وجهه بالماي,, وظل واقف على المغسله..
فارس حط كفينه على كتفين رائد من ورى.. وصار يطالع فيه بالمرايا وعين رائد على الماي اللي يصب..
سكر فارس الماي.. ورفع لحية رائد.. خلاه يطالع في المرايا.. وصار يطالع في عينه .. من وراه..
ــ انا داري هالحزن اللي فيك على ويش,, لأني حاسس بنفس الغصه والألم..
عبدالله.. صح تذكرته..
رائد..
ــ ليش انا انساه
فارس تنهد من قلبه.. رجع طالع المرايا لقى رائد يطالع فيه بعمق وعيونه فيها لمعه...
رائد صار يشوف صورة عبدالله في فارس..
فارس ابتسم..
رائد دار رائد عليه وحضنه حضنه قويه
ــ الله يخليك لي ولا يحرمني منك يا اخوي..
فارس طغت دمعه في عيونه وظلوا متشابكين..
حيدر متسند على جدار الحمام من برى.. ودمعته طاحت.. من الموقف المؤثر.. رفع نظارته بيمسح الدمعه.. وطاحت بالغلط على الأرض..
انتبهوا فارس ورائد.. وطالعوا اتجاه الصوت..
لقوا حيدر نازل بياخذ نظارته.. ومبتسم.. لبسها ودخل ليهم وهو مبتسم..
ــ اسف على التجسس يعني بس جيت ابطمن على رائد.. وشفتكم على هالحاله قلت لا اتليقف..
فارس..
ــ لا ابد منت ملقوف .. منا وفينا انت لا تقول كذا
رائد..
ــ هاا خاال.. هاا يا كشووخي ويش هالصووت يخززي العين..
الا بدخلة حسن عليهم..
ــ يخززي شوو العين .. متجمعين هوون مع وجيهكم.. وانا لحالي برى اقول وين راحوا النسايب...
رائد..
ــ ييي.. يخزي الدبه.. شوو هيدا يا حسن.. شو وين حاطط الشهاده.. تحت باطك.. منا مبينه .. غطيتها..
فارس يمصع اذون رائد على خفيف..
ــ ما تيووز عن المسخره هاا..
حسن..
ــ ههههههه خله يعيب بكره يصير برميل اعظم مني خخ خليه ..
رائد..
ــ لااااااا اسف اسف .. استغفر الله
حسن يصفق راس رائد بالشهاده اللي عنده..
ــ صااقعه لا تتمسخر هاا.. ههههههههه
رائد يدلك الضرربه..
ــ زيين خلاص سماح اخر مره خخخ
حسن..
ــ ويش عندكم.. نبغى نطلع ونتغدى في مطعم على حسابي مناسبة التخرج
حيدر..
ــ انا ولا شي..
رائد..
ــ اه.. والله عززومه حاصله لينا... انا على حساب قلت غدى بيتنا اليوم علي.. ويش رايك فارس..
فارس رفع كتوفه..
ــ ما ادري اللي يريحك...
ــ لا غدانا في البيت اليوم.. بكره عزومتك حسنووه..
حسن يضرب دبته..
ــ صاار.. اتفقنا..
طلعوا كل لسيارته متوجه لبيته.. رائد وفارس وحيدر.. وهم بالسياره,,, وقفوا عند اشاره.. الا واحد رجال داق هرن عليهم.. كان واقف على اليمين.. ويأشر يفتحوا النافذه..
فتح رائد النافذه..
ــ خير يا اخوي امر..
الرجال ..
ــ ما يامر عليك عدو.. هذا الأسمراني اللي ورى.. هو نفسه اللي من شوي بمدرسة الــ.... الثانويه.. ينشد بحفلة التخرج والا انا غلطان..
كان حيدر متكي راسه على ورى.. وشعره طايح على عيونه الغافيه.. ازعجته الغتره فشالها..
رائد يطالع في حيدر وهو مبتسم..
ــ ايه هذا هو..
فتحت الإشاره.. بس كان الوقت ظهريه والشارع فاضي.. ضلوا واقفين شوي بيشوفوا الرجال ويش يبغى..
الرجال ومبين عليه السماحه في وجهه ..
ــ انا السيد جعفر الـ.. ابو موسى .. معاكم بالمدرسه بس بسنه اولى.. جيت على شان ولد اخوي المرحوم تخرجه معاكم.. وسمعت صوت هالولد ما شالله تبارك الرحمن.. عندنا حسينيه.. وموكب عزاء في المناسبات.. ومحتاجين رواديد صوت واخلاق.. باين عليه خوش ولد.. وان شالله ما يرفض طلبي..
رائد ابتسم.. والتفت يساره لفارس اللي كان مبتسم اعظم منه..
ودار لحيدر النايم.. ويطقه على فخذه..
يطفر حيدر..
ــ هااه ويش فيك وصلنا..؟؟
رائد..
ــ لا اا يا ردادونا.. افتح نافذتك واسمع..
فتح حيدر النافذه وابستم للرجال اللي كان مبتسم..
الرجال..
ــ هلا ولدي.. ابغاك تكلمني على هالرقم ضروري اذا ما عندك مانع.. يللا بمشي انا وعلموه بالموضوع.. الإشاره من زمان فتحت لا يجينا المرور.. في امان الكريم ..
رائد وهو شاق البوز شبر..
ــ حيااك الله..

حيدر يطالع في الرقم..
رائد داير عليه..
ويضرب في رجوله..
ــ والله وقاام حظك يا حيدووور هلا هلا..
فارس مستانس..
ــ عدل عاشوا هلا هلا...
وعلموا حيدر بالموضوع ووصلوه بيتهم ..
رائد..
ــ حيدروه روح لأمك شوي خلها تبارك لك.. احنا بنرجع البيت بنصلي الظهر وبنريح.. وبعدين بنطلع نجيب امي ام حسين وغدى وبنمر عليك.. زين..
حيدر..
ــ ان شالله..
ونزل حيدر..
رائد يطق صبع..
ــ ايوه.. هلا.. اخيرا بيتحرك الخال..
فارس..
ــ ههههههه زين الحمدلله الله كريم..

حيدر يسولف لأمه.. وامه شاقه البوز شبرين..
ــ وي يا بعد قلبي.. عمت عين الحسود عنك.. هفففف <<< تهف عليه,,,
قل اعوذ برب الفلق* من شر ما خلق *ومن شر غاسق اذا وقب * ومن شر النفاثات في العقد* ومن شر حاسد اذا حسد* هففففففف .. اللهم صلي على محمد وال محمد.. هففف..
الا بنزلة ابو كرار..
ــ اللهم صلي على محمد وال محمد.. ها ولدي جيت..
ام حيدر..
ــ أي جا بعد طوايفي وي وي.. ماني مصدقه..
وتعطي ولدها بوسه وهي حاضنتنه..
حيدر مستحي وخجلان..
ابو كرار..
ــ هههههههههه ويش صاير ويش هالحب..
حيدر بمسخره..
ــ يباا تغااار..
ابو كرار ينغز ام حيدر بعكازته...
ــ اغاار.. انا اغاار.. اغار على مين.. هالضبيعه.. ههههههههه
ام حيدر حمقت..
ــ اهوووو تحب تتعيلف .. لا تعصبني وتخرب فرحتي بولدي... اللهم صلي على محمد وال محمد.. الا متفوق الأول على المدرسه.. الا بيصير رادود.. هففففف يابعد قلبي هالولد متى تجيب لي مرت ولد..
حيدر تلون .. ومو عارف ويش يرد..
ابو كرار .. مستغرب..
ــ رادود وييش..؟؟
ام حيدر علمته بالسالفه.. وتهلل وجه ابو كرار..
ــ السيد فلان الفلان... ما شالله صار عنده ولد بالثانويه.. والله سنين.. رحمة الله على ابوه كان نعم الرجال كفايه نسل الأطهار سلام الله عليهم..

ام حيدر مهي قادره من الفرحه.. قامت تصفق..
ــ افضل الصلاه والسلام عليك يا حبيب الله محمد محمد وال محمد صلوات كلووووش...
ابو كرار ..
ــ ههههههه اهدي هاداويش هالمره هاادي.. اصص فضحيتنا
ام حيدر ودموع الفرحه تطيح من عيونها..
ــ والله من الفرحه ماني عارفه ويش اسوي..
حيدر..
ــ قومي ارقصي اماه..
ام حيدر تصفق حيدر بمخدة الكنبه..
ــ ارقص وجهك.. ما رقصت يوم اني شباب ارقص واني ضبيعه..
ابو كرار..
ــ هههههههه انا ما قلت شي هي اعترفت الضبيعه..
ام حيدر..
ــ عااد يالشباب اسكت بس..
ابو كرار..
ــ كححححح كح كح .. اححح قالوا عين العذارى حسوده مو عين الضبعان .. ويلي بتقتلني امك..
حيدر ميت ضحك عليهم..

وصل فارس بيتهم ونزل يجيب امه ام حسين... جت ام حسين حامله على راسها زبيل " مثل الطشت شكله بس بخووص نخله مسوى يحطوا فيه الحوايج لول"
وحاطه فيه ريحاان واايد من حوشهم.. شاله فارس عنها.. وركبت ..
ــ قوواك الله ولدي..
رائد ياخذ نفس ريحة امه ام حسين الغاليه والريحان ترجع للطفوله وايامها و دار على ام حسين..
ــ هلاااا امااه هلا هلا.. ويش احوالش..
ــ بأحسن حال الحمدلله بشوفتك ويا فارس يا بعد قلبي..
رائد..
ــ الله يخليش.. ويحفظش وما يحرمنا منش..
ــ يالله ويوفقكم ويرزقكم ويفتحها عليكم يا كريم..

تابع >>>