ماعرفتوني .. كثر .. ما عرفني ..

[أسيرة الأحلام]

أميرووووووووه ماااااااااااااااني

من زماااان وأني أستنى ولاجيتي

يلا عاد قاعده تتغلي علينا يلا بسرررررررررعه تعالي

وبسش تغلي

أني أستنااااااش

تحياتي

[Princess]

هلا وغلا
هلا بالمتابعين ومية مرحبا للمنضمين .. منورين...

اسوور يمااه اخاف منش .. عساني ما احلم فيش ..<< اخاف تاكليني بالحلم خخخ
وربي ما اتغلى بس من جد مزحووومه مووت حتى دخلاتي المنتدى قاله هالأيام.. ما تشوفوني وايد مره.. ان شالله اعوض التقصير على خير
ولا يهمكم الحين الجزء الجديد
ومتباركين بالمووووولد حباااايبي
وهذي الحلقة حلاوة المولد <<< خخ كذا والا كذا بتحطي حلقه تتحججي حلاووه
احم كح

تفضلوااا.. الجديد

[Princess]

وطلع فارس يتمشى... ويدخل هذاك الزرنوق... ولا ينتبه الا طااااخ....
ويفتر راسه.. ويصير يترنح يمين وشمال.. المسكين صدم في مكيف ما نتبه له في الزرنوق المظلم الضيق.. وكان سرحان.. ويطالع في الأرض...
تسند فارس على جدار البيت راعي المكيف اللي صدم فيه.. ولا يشوف الا النافذه انفتحت.. وضبعه لابسه شيلة ومغطية وجهها الا عيون وحده تطل..
ــ هااادوااايش... << اختلعت من صفعة المكيف...
فارس وهو يون ويدلك جبهته...
: ــ اااي.. هذا انا .. قواش الله ام ابراهيم.. << جيرانهم .. جدته تعرفها..
ــ وي .. فارس.. هلا وليدي .. ويش صاير وويش هالصفقه..
ــ اييي...
ويشيل فارس ايده من على جبهته.. ويأشر عليها لأم ابراهيم..
ــ جبهتي صفقت بمكيفكم..
ــ يؤ.. وي على عمري .. ما شفته.. اهو تعال بحط عليها فلج.. << " ثلج "
ــ لا خلاص..
ويحط صبعه عليها ,, ويشيلة بسرعه..
ــ ايييي..
ام ابراهيم.. منقهره عليه بخوف..
ــ باشوفهااا...
ويقرب فارس وجهه من النافذه..
ام ابراهيم...
ــ وي على عمري طلع الدم شويه.. .. وي .. تعال بس دش خلني احط فلج.. لا ابوه مكيف...
ودخل فارس بالموت .. لأم ابراهيم.. اللي صارت مسكينه تدلك في جبهته.. وتحط فلج... لين نزلت شوي ... مسحت الدم اللي طلع..
ــ اشوى طلع دم اهون لك.. عاد ياولدي مره فانيه انتبه وانت تمشي بهالزرانيق.. خلعتني .. وشوف ويش سوت بعمرك..
ــ هههه .. انشالله.. يعطيش العافيه خالتي ..
ــ الله يعافيك.. سلم على امك...
ــ الله يسلمش ... مع السلامه..
ــ امانة الله وانتبه لروحك..
ــ ان شالله..
طلع فارس.. ونزل شعره على جبهته لا تبين الضربة.. وصار يتمشى.. شوي الا يمر عليه بالسياره 3 شباب... السيارة عدته.. بس تفاجأ يوم لقاها رجعت للورى.. وفتح النافذه الا ابو مصيبه الأقشر , ووجه مورم من بعد تكفيخ وبكووس عبدالله, يصرخ في فارس..
ــ هااا... لحالك.. وين المحاميين تبعك.. والله ما اخليك...
كان معاه بالسياره امينوه... وعلي ولد عم رائد...
فارس طنش ما كنه يسمعه..
ــ تسوي روحك اصمخ وصاقعه تصقع صماخك .. لكن هين ليش مفتكر بخليك انت واللي وياك...
امين تدخل ..:
ــ ويش السالفه ..؟؟ ومين اللي وياه.. هذا ياهل تحط راسك براسه..
ابو مصيبة درا على امينوه وهو محمق.. ويأشر على وجهه المبكس..
ــ ياهل هذا هاا.. ياهل ..
امين :
ــ بفففففف.. هههاااااااااااااااااي.. لا تقول منه .. اااه .. هههاااااي...
ــ منه فعينك.. من خوية اللي وياه..
ــ خوية .. مين...
ــ وانا ويش مدراني عنه.. واحد بعمرك كذا.. << كان امينوه اصغر واحد في شلة الدشران.. وتالي علي واكبرهم ابو مصيبة...
ــ اهااا بعمري... قول لي بس اسمه ؟؟ وولد مين؟؟ .. وانا اشلخ لك بدنه <<< دافع عن عمرك اول ...
ــ ليش مفكرني ياهل تدافع عني لا افرمك وياه.. انا ما بشوفه الا يوم الخميس.. بالسوق اذا بسط هالتيس..
فارس انقهر..
ــ لو سمحت حسن الفاظك
ابو مصيبة يمسك اذونه ويطلع راسه من النافذه...
ــ نعم... هاا.. ما سمعت ... عيد .. عيد
فارس وهو يطلع في الأرض قدامه..
ــ لووو.. سمحت... حسن الفاظك..
ابو مصيبة يلتفت للي معاه..
ــ شباب .. سمعتوه ويش قال..
علي ::
ــ هههااااي.. حسنها ..
ابو مصيبة..
ــ حسن الله حواجبك انت وياه..
ويرجع يلتفت لفارس..
ــ انثبر واسكت لا انزل لك وادوس فبطنك .. واشوف تقدر تتكلم..
فارس طنشه وما رد عليه...
ابو مصيبة .. فتح محفظته وطلع منها 10 ريال.. ومدها على فارس..
ــ هااك اخذ ثمن بسطتك الإسبوع الجاي.. لأني ناوي اشلخك انت وياها..
واللي بيدافع عنك ساعتها كلكم جميع,,,
يرجع يطالع في العشرة..
ــ والا لويش .. وايد عليك 10
ويطلع ريالين
ــ كل ابو خبزك ما يسوى حتى هالريالين..
ويرميهم عليه
ــ هااا خذهم.. وانتظر الأسبوع الجاي ....
ححححححححح.. ويغبر بسيارته على فارس.. اللي ظل واقف.. ومره فكره مشغول.. ويش بيصير الإسبوع الجاي...

يتبع >>>

[Princess]

وقبل ما يتحرك من مكانه... شال الريالين من على الأرض.. وحطهم في مخباه.. وكمل طريقه...

في بيت ابو رائد... زهراء قاعده تكييس اللي عطتهم اياها اختها...
رائد طل عليها..
ــ امااه بروح البقاله...
ــ خذ اختك وياك.. توها تبغى البقاله قلت ليها اذا جا ابوك
ــ ما في تقول لي ويش تبغى.. ما في بنات يروحوا بقالات...
رؤى تدخلت :
ــ ماني ماني .. بالووح.. اكي حنينوه تلوح
ــ حنيننوه اصغر منش..
ــ بس بسنه..
ــ ايه خلاص مافيه..
ــ والله ماني ماني.. ابغى اختال على كيفي..
ــ قولي ويش تبغي وباجيب لش..
ــ ما تعلفه..
ــ ويش اللي مع وجهش ما اعرفه..
ــ ماني ابطلع... ابطلع...
زهراء..
ــ رائد اخذ اختك.. ابوك عادي بس انتبه ليها ولا تطولها يا ولدي وهي قصيره..
ــ زين.. قومي البسي عباتش وقدامي..
ــ هيييه هيييه...
طلعت روى تركض.. ومره مستانسه.. ورائد منقهر شلون تطلع هذي وياه...
وصلوا البقاله ... خذوا اللي يبغوه .. وطلعت رؤى قبل رائد .. رائد ظل ينكت ويا الهندي ويحاسبه.. الهندي كان يحب رائد.. ويحب سوالفه..
رؤى جت بتعبر الشارع,, وماسكه بطاطس .. وقاعد تاكل فيه.. الا سيارة واحد جايه بسرعه ..
ححححححححححححححححححححححححححح

وترمي رؤى البطاطس من ايدها.. وتصرخ وتوقف في وسط الشارع...
بيييييييييييييييييييييييييييييييييييب
ويطلع الرجال راسه... ويصير يصرخ عليها ..
ومن الخلعه رؤى المسكينه.. تقعد على الأرض وتصير تصيح..
ويحمق الرجال ويزيد صريخه..
الا بطلعة رائد من البقاله سمع الهرنات والصريخ .. ويشوف رؤى على الأرض وتصيح .. << هلا هلا كملت...
وويروح يشيل اخته ويوخرها ...
والرجال بدل لا يكمل طريقه .. صار يسب فيهم.. وفي اهاليهم اللي مخلينهم في الطرقات...
رائد حمممق .. ويفصخ نعاله .. ويصفق بالسياره وهو يصرخ ..
ــ روووح.. روووح...
الرجال حمق .. جا بيطلع... الا الهندي يصرخ لرائد ..
ــ اناا في رووه يتصل بالشرطه.. >> الهندي يشلخ بس تخويف
الرجال من سمع شرطه.. رجع السيارة.. ماله والمشاكل.. عطى رائد كم سبة .. ورائد ما قصرؤ بادلة المسبات.. ورؤى تسحب فيه .. ودمعها اربع اربع ..
ــ خلاص خلاص.. بتجي الشلطه ..
ويمشي الرجال عنهم..
رائد:
ــ ويش فيش ما تعورتي ..
ــ تهئ تهئ.. لا.. بس اختلعت..
ويمسك ايدها وهو معصب..
ــ انا قايل لش.. ما في روحه.. زين ما صابش شي.. يللا قدامي..

ويرجعوا البيت .. وتشوف زهراء عباية رؤى مدحنه غبار ..
ــ وي على عمري .. طحتي ؟؟!!
رائد بمسخره:
ــ لا بغت تصقع في سياره..
زهراء اختلعت :
ــ تصقع ويـــــــــــــــــش...؟؟
رؤى:
ــ تهئ تهئ.. ما عليش منه.. بغت تصدمني بس ما صال شي بس طحت..
حضنت زهراء بنتها..
ــ وي على عمري.. الحمدلله ..
رائد وهو ياكل بطاطس ببرود:
ــ قايل لش لا تطلع..
رؤى محمقه:
ــ من حنتك.. من عيونك.. نحيس..
ــ ههههههه وانا ويش دخلني..
ــ ههههههه اماه امن لائدوه طق سيالة اللي بغى يصدمني بنعاله..
زهراء :
ــ يؤه هههههههههه.. لويش..؟؟
ــ من القهل .. قام يسبني لأنه..
ــ هههههههه الله يهديه .. و انتبهوا مره ثانيه ها..
ــ ان شالله...
رائد بتأكيد..
ــ ان شالله هذا اذا طلعتي وياي مره ثانيه..
رؤى طايحه بحاليس:
ــ الا باالوووح..

وبعد ما خلصوا اكل... رائد قام يحوس في البيت.. يداور ويبحبش يمين وشمال...
كان في المطبخ سقيفه مثل اللي بغرفته << بيت ابو السقايف خخ ..
ورائد فيه فضول يركبها.. وامه تقول له ما فيها شي الا صفاري وصحون زايده..
وهو يداور من غرفة لغرفة ويتعليف في كل شي قدامه.. مر على امه في المطبخ.. لقاها ساحبة كرسي وراكبتنه بتصعد السقيفه...
ــ اماااه.. ويش تبغي من فوق..
ــ صفريه محتاجتنها... لويش..
ــ انا.. بنزلها .. عاااد..
ــ هههههههه يؤ يؤ تترجى على شان تنزيل صفريه.. تعال ونزلها ..
رائد فرحان فيه فضول يبغى يشووف هالسقيفه ويش سالفتها.. ما بقى ركن في البيت ما عرفه الا هالمكان..
صعد وحصل الصفريه.. وقبل لا ينزل.. لفت نظره كرتون .. مليان جرايد ومجلات .. شكلهم ابد مهم مسليين.. ولا فيهم شي يلفت..
مد على امه الصفرية من فوق ..
ــ امااه .. هااش اخذي...
اخذتها زهراء .. تنتظره ينزل .. دقيقه ..دقيقتين .. ما نزل..
ــ رائد ويش تسوي فوق..؟؟
ــ اغير جو..
ــ ههههههه انزل حرر ..
ــ اماه ويش هالجرايد اللي بالكرتون..
ــ أهااا... واني اقول ويش تسوي .. تغير جو هاا.. ياحبك للفضول والإكتشاف..
ــ صدق ويش هالجرايد كلهم مهم حليوين...
ــ هذي من يوم عمرك تقريبا سنوات لين دخلت 4...
ــ هههههه لويش مجمعينهم وشمعنى هم ..
ــ هذي جرايد ومجلات.. فيهم عن حرب الخليج .. عاصفة الصحرا...
رائد من سمع سالفة حرب ... مره اكشن << ويش درااه بالهوايل ..
وبلهفة يسأل ..
ــ متى هذي... صارت..؟؟
ــ عام 1990.. انت صغير بس اتوقع ممكن تتذكر..
ــ لا ما اتذكر عدل ...
وصار يقلب المجلات والجرايد المغبره..
و يقرى كلام وايد ما فهمه.. بس فضوول فيه يفهم عدل...
شال كم مجله ونزل بهم .. يقلب فيهم....
شوي الا ابوه دخل البيت راجع من المسجد بعد صلاة الجمعه ..
ــ السلام عليكم..
ــ هلا يباه وعليكم السلام,, رحت عني هالمره بعد..
ــ هههه لا قعدتي من الصبح انا وطلعت وانت نايم وتوني راجع.. كيف حالكم اليوم..
ــ الحمدلله بخير..

قعد فاضل وجت ليهم زهراء الغدى وصاروا يتغدوا ,, ويسمع فاضل صوت اوراق لمجله تتفرفر بسرعه..
دار لقى بيد رائد المجله..
ــ بـــــــــــــــــــــــــــل.. من وين طلعتها من زمااان قديمه ..
ــ من سقيفة المطبخ..
رجع فاضل يكمل غداه وهو يسأل في رائد:
ــ تتذكر رائدي الحرب..
ــ انا .. لااا,..
ــ هههه الله لا يعودها ايام بس رغم الرعب اللي فيها.. الا انك كنت تموتنا ضحك وتنسينا .. كنت صغيرون وعليك سوالف عجيبه.. كنها انتهت سوالفك الحين الا كلما ليها في نمو وازدياد..
ــ ههههههه صحيح ويش صار ما اتذكر قول لي..
ــ قوم تغدى واذا خلصنا اعلمك..
ــ ان شالله...
وبعد الغدى .. جلس فاضل جنب ولده .. حوطه بذراعه وحط المجله في حضنه...
وصار يقلب فيها.. ويسولف لرائد بأسلوب قريب من تفكيره وعمره..
ــ هذي الحرب صارت عام 1990 واستمرت تقريبا سنه كامله .. كانت قبلها في حرب العراقيه الإيرانيه,,
شاركت فيها الكويت والسعوديه.. بعد فتره احتلت العراق الكويت.. وصارت الحرب.. والسعوديه شاركت الكويت الحرب على العراق.. وانأسروا ناس كويتين لليوم ولا رجعوا.. وماتوا ناس..
رائد ما يحب هالسوالف ,,
ــ يباااه.. ابغى انا ويش سويت ..خخ .. الحرب خلاص خلصت ..
ــ ههههههه صدق نحيس ما تبغى الا النحاسه.. هااا.. اييييه صدق خلصت وانتهت والله لا يعودها .. تبغى تعرف ويش كنت تسوي ..
ــ ايه ايه..
ــ زين.. هذا الله يسلمك .. يوم كان عمرك تقريبا 3 او اربع سنوات.. وانا ويا امك نلزق الكراتين والجرايد على النوافذ ونغطي بروايزهم بلزق حق لا يتسرب لينا أي كيماوي والا أي ضرر.. تجي حضرتك..وتخش عنا اللزق ويللا.. بابا ماما.. دوروا عليه.. .. واحنا صريييخ.. لاااا
ــ هههههههههه...
ــ اضحك اضحك.. ويش عليك .. ولا بعد اختك رؤى تقعد تصيح المسكينه لما تسمع صوت صفارة الإنذار والتلفزيون خلاص الشاشه خطر.. البسوا القناع الواقي.. احنا كلما نلبسك تفصخه.. مو عاجبنك الوضع.. صريخ ومنازع وياك.. جننتنا لا بنا بخوف الحرب والا الخوف عليك.. نحيس طالع لينا حزتها..
رائد يضحك على روحه .. شولن كان يسوي كذا...
ويكمل فاضل..
ــ بس موتنا خوف وموتت امك بالذات,, نزلنا سرداب بيت جدك وتجمعنا. بالليل اللي نام نام والي مختلع وقاعد . وتغافلنا وتطلع تروح الحمام.. وحسبي الله على شرك تنام هناك.. وتنتبه امك .. ويللا عاد ويا الويلات.. واللطم .. وين رائد ووين رائد.. ونصير ندور عليك.. والصياح قايم.. خايفين لا تكون طلعت برى .. بس الأبواب مقفله زين.. وتالي يدخل عمك سراج <<< المسافر للدراسه
الله يذكره بالخير الحمام ويشوفك ويصرخ من الفرحه.. قام يرقص رقص.. هههههه الله يذكره بالخير..
ــ هههههههه ياربي .. ما اتذكر ولا حاجه..
سكت فاضل ..
ــ الحمدلله على كل حال.. الحين احنا بخير ونعمه. الله لايعودها ايام ازمه الكل في بيته والكل مخازن اغذيه مسوي له.. لا تصبيهم مجاعه ..الأعمال والمدارس تعطلت... والله الحين نتذكر سواياك ونضحك والا لول بخوف ورعب الله يعين اخواننا الكويتين ويصبرهم على فقد اسراهم يارب..
ــ يارب ...
وصار فاضل يقلب بالمجله ويعلم ولده باللي صار واستوى ,,

الساعه 4 العصر.. رجع فارس لجدته بعد المداور من طلعته الصبح.. راح المسجد صلى الجمعه .. وقعد شوي.. وتالي طلع وقعد في بوفيه.. مع كم واحد من صبيان الفريق.. جدته تخليه على راحته يوم الجمعه اليوم الوحيد اللي يصير فيه فارس فاضي وما وراه شي.. هو بعد ما يطول بس للعصر ويرجع لجدته..

كان فارس متضايق.. من ابو مصيبة وخايف لا يسوي شي كايد في عبد الله الأسبوع الجاي..

يتبع >>>

[Princess]

رجع للبيت دخل سلم على جدته وحب راسها.,, وسألها عن الصندوق اللي مسوتنه هي لدفع البلا.. كلما بين فتره وفتره تحط فيه اللي تقدر عليه..
استغربت ام حسين سؤال ولدها اول مره يسألها عن هالشي .. خافت عليه...
ــ ويش صاير اللهم ادفع عنك البلا..
فارس ما حب يضايق جدته..
ــ ولا شي بس بقايا مصروفي ريالين بحطهم فيه << الريالين تبع ابو مصيبه .. ما حب فارس يخليهم مرمين بالشارع .. نعمه الله .. شالهم وبيدفعهم دافعة بلا..
حطهم بالصندوق وحط معاهم ريالين من عنده.. وطلع لجدته القناطي ..
ــ امااه جبت لش قناطي ...
ــ وي .. على عمري .. ما بقى لك شي اجل.. تغديت يا غناتي..
ــ ههههه لا تخافي اكلت سندويشة فلافل وشربت لي عصير .. ويش باصرف انا يعني ..
ــ وي على عمري لويش تاكل فلافل وانت فيك فقر هالدم.. الحين راسك بعورك..
فارس فباله ..
ــ من دون شي راسي معورني من ابو مصيبه..
ــ فارس.. امي.. منت يوعان.. متأكد ..
ــ لا ابد امااه صدقيني اذا يوعان با قول لش..
ــ وي عساني بالغه فيك .. من زمان ما اكلت هالقناطي .. هههه.. عاد من زين هالضريسات طاحوا الله يخلف علي .. بامص الحلاوة وبرمي النخجه .. ههه ويش يقدرني على طحانها..
ــ ههههههه .. لا يمااه مو لهالدرجه..
ــ هههه يوووه يا ولدي .. كبرنا وضبعنا..
ــ الله يطول بعمرش ولا يحرمني منش يارب
ــ ويبلغني فيك يا ولدي ..
ــ ايه صدق اماه تسلم عليش ام ابراهيم جارتنا ,..
ــ الله يسلمك .. لويش وين شفتها..
فارس خاف لا تدري جدته بجبهته .. كان مغطيها بشعره .. ان درت خافت وصارت تحوس وتحاتيه على ضربة مهي مره قويه..

بس للأسف انسدح اخذ له غفوة في الحوش .. وهي تمسح على شعره رفعته وشافت الضربه..
ــ وي .. وي ..فارسي اقعد..
قعد فارس مختلع .. ويش صاير اماه..
ام حسين ومره خايفه على ولدها..:
ــ هذي ويش هالضربه..من مين..؟؟
فارس حطته جدته قدام الأمر الواقع .. علمها السالفه .. وطمنها انها ما تعوره .. وام ابراهيم قامت باللازم..

وبعد اسبوع..

يوم الخميس الصباح... رائد ينتظر عبدالله يمر عليه حق طلعة السوق.. وفي قلبه يهلوس :
ــ الحين انا ويش يفكني من هالفارس اللي ما ادري من وين طلع لينا.. اكيد عبدالله الحين من روحتنا السوق لين رجعتنا بيعسكر عنده .. اففف.. لكن ما اخليه ..
وصل عبدالله وركب رائد معاه .. ورائد ساكت.. وماد البرطم شبر.. << يحاتي ويش بيصير .. وكيف بيتصرف لو طنشه عبدالله وصار ويا فارس..
وعبدالله كلما سأله ويش فيك.. يتحجج له انه متشابق ويا اخته وزهقان... !! << خووش تصريفه
وصلوا سوق الخميس... الا الناس متجمعه .. والحاله قايمه...
عبدالله خاف .. وبصوت عالي :
ــ اكيد فارس.. اكيد ابو مصيبة سوى له شي...!!
رائد على الرغم من غيرته من فارس..
بس يوم شاف التجمع والناس اللي تركض .. خاف عليه .. قال لا اكيد في شي قوي........
عبدالله وقف السياره وبسرعه نزل ... حتى ما انتبه لرائد.. انه وياه,,
رائد فهى وهو مكانه .. وبنفس الوقت خايف من الموقف والناس المتجمعه و محمق وشاب حريقه على تطنيش عبدالله ونزوله يركض ..


والى اللقاء غدا... واعذروني على تقصيري

[نور الهدى]

الله يعطيش العافية اميرة


وما تشوفين شر

والله يعطيش الصحة والعافية عشان تمكلي الينا القصه له


ومتباركة بهالليلة والله يعودها عليش وانتي بالف صحه وعافية ويوفقك ويهنيك

تحياتي لش

[كبرياء]

لا والله الحين يوووم صرت اني اتبع اول باول صرتي تقصري الحلقه ؟؟؟
هين اميروووووووووووه هين

[سوبر ستار العشق]

اول رد لي

بس متاابعتها من البدايه

مااشااء الله القصه حلووه

والاحداث والوصف رهيب

الله يعطيك العاافيه

ومتباركه بالمولد

[فرح]

ربي يعطيك العااافيه امــــــــيره
وليله مباركه عليك وعلى جميع شيعة اهل البيت عليهم السلام
بجد اموووره لا طولين تحرقين اعصاااابنا ما احب الانتظاااار
تمنيااااتي لك بالسعااااده والتوفيق
جــــــــــااااااااري الانتظاااااار

[آهات عاشقه]

متبااااااااركه يالغاليه



ومشكوووره غناتي والله ماتقصرين

بس جايتني حره وفضولي يقطعني

ويش صاير والا ويش هالتجمع

الله يعطيش الف عافيه

دمتي لنا

[آخر شقآوهـ ..~]

واااااااااااااال واني افكر حلقتين فاتتني طلعت بس وحده والله خوساره
المهم نرجع الى القصه الكشوخيه
رؤى طايحه بحاليس:
ــ الا باالوووح..
هدي فلته والله مع الراء حقتها
لا وهيه تبلحس ونااسه <<ياحبها لهل حركات
تسلمي حبيبتي ع القصه
يعطيكِ رببي العافيه<<الف مره تعيد وزيد
تحياتي
ضحكوه البطه

[ســحرالقوافي]

ويش ها الحركااات الكشخااات


جزء روعه اكشن وكوميديا


بس عاد لا تطولي علينا ترى احنا على نااااار

دمتـــ بود

[زهرة القلوب]

الله يعطيكي الصحه والعافيه
متباركين بالمولد

[.:روح وريحان:.]

متبااركين بالمووولد
واشوا خليتيها لبعد المولد
شكلها مصيبة
هههههههههههه
مشكوورة اموورة

[أسيرة الأحلام]

متبااااااااااااااااااااااااااااااااركين بالمولد

مشكوووووووووره أميروووه على التكمله

وجاري إنتظار الباقي

تحياتي