الا رائد ينزل من على الدرج بسرعه .. ومرت جده وراه.. ويتعثر المسكين .. من فوق الدرج ويصير يتدحرج لتحت .. ترضرضت عظامه .. وطاح على الأرض...
وزهراء قامت تركض وهي تصرخ..
ــ ولـــــــــــــــــــــدي
ام حيدر سمرت على الدرج مكانها.. وانخطف لونها... الياهل طايح على الأرض... رائد ما صابة شي... بس جبهته انتفخت بشكل بسيط.. والجبيره الحمدلله ما صابها شي وانتبهت امه لخده احمر .. عرفت هذا اثر صطاار ...
زهراء .. حمقت ووولعت على مرت ابوها .. وبلا وعي قامت تصارخ:
ــ وانتين عديمة احساس .. وتحطي عقلش بعقل ياهل... وبأي حق تكفخيه..
قسما بالله وربي لو كان صابه شي اعظم من كذا.. لكنت اوريش الويل ..
ام حيدر يوم تطمنت انه ما صابه شي قوي .. اطلقت سيل الرشاشات.. :
ــ ما احد قال له يركب فوق ويخلع ولدي .. ويطيرة من عز نومه ..
ليش بس انتين اللي تخافي على ولدش..
ابو كرار حمق:
ــ شريفة... زهراء... خلاص... هذا وانا موجود والشباق قايم.. كيف لو الله ياخذ امانتي.. بتتذابحوا بسكاكين... زهراء اخزي بليس وصلي على محمد واله.. وانت يارائد لويش خلعت خالك؟؟
رائد ساكت ما يرد.. ووجهه يعبر عن قمة الغضب والقهر ووده يشب حريقة.. ومكتفي بتكشير الحواجب ومد البرطم..
ابو كرار يدري بطبع حفيده فسكت عنه .. ودار لشريفة:
ــ اسمعي... انا بناتي هذا البيت بيتهم.. ان تصرفوا هم والا اولادهم تصرف غلط بوجودي علميني .. مالش أي حق تمدي ايدش عليهم .. ولا تطولي لسانش.. سمعتي ...
ام حيدر تقلبت الوانها.. وشوي وتصيح... دارت بظهرها بتروح غرفتها .. الا ابو كرار يصرخ..
ــ شريفه.. انزلي مع البنات بسرعه.. ويللا خلصوا اللي في ايدكم...
نزلت ام حيدر وهي تبلع القهر غصة ما بعدها غصة... وهي نازله طاحت عيونها في عيون رائد اللي كان بحضن امه جالسين قريب الدرج... وشافت فيهم عبارات قهر .. وشرار يحرق بلد مو بس يحرقها... فغضت النظر ...
على جنب كانوا تهاني وبنتها زينب .. يطمشوا... عاد تهاني فيها ضحكه.. مستانسه بسواة ابوها في ام حيدر .. وقاعده تساسر في بنتها :
ــ ههههه.. ويلي .. هذا اللي قاصر.. ضبعه وتعرف تحمس..
ويضحكوا على الصامت...
ام حيدر انتبهت ليهم ..
<<<احم .. عدلوا وضعيتهم ما كنهم سووا شي .. وكملوا تكييس...
ام حيدر تحط حرقتها بالتكييس... صارت تحط مكسرات شوي .. وكم كيس انشق من تحت ..من قوة رماي قوطي العصير فيه...
تهاني حمقت :
ــ اوهووو .. عاد ياخالتي .. لا تطلعينا قدام الأوادم بخيلين .. حبتين مكسرات .. ولا ترمي العصير بالقوه .. تشققوا الأكياس ..
ام حيدر ما ردت عليها .. وعاندتها .. صارت تحط العصير وتملي الكيس حده مكسرات.. ليت تفجر من الجوانب ...
تهاني حمقت... مهي عارفة ويش تسوي ...
شوي ما تشوف الا حبة ضرس غزال طايره من مكان ما.. وتصفق عيون ام حيدر ...
ام حيدر:
ــ اااه وحريقه..
ويتبعها امر بصوت هادئ ومره متكبر حدده :
ــ لوو .. سمحتي... كيسي عدل...
زهراء جتها ضحكه.. بس كتمتها .. وبنفس الوقت مصدومه .. من حركة ولدها.. كنه مصخها... وتمصع اذونه.. على خفيف وتساسره:
ــ راائد .. حبيبي .. عيب احترم الأكبر منك...
رائد بملل.. مو مقتنع مره :
ــ زين ...
ويكفخ وجهه عن ام حيدر الجهه الثانيه..
وام حيدر بحمق تتحنطب:
ــ قلة ادب .. يهال اخر زمن ..
مرت ساعه,, والتكييس لسا قايم... رؤى تعاون امها تحط حلاوه في الكيس.. تقعد تنتقي اللي قرطاستهم يعجبها لونها .. وتخلي الباقي ....
حيدر طبعا قعد من النوم معاهم... قاموا يلعبوا اتاري .. حيدر وحسن ورائد..
وشي اساسي رائد محتل يدة .. والثانيه بالتناوب بين حسن وحيدر ... خخ
ودوم رائد يغلب.. وفجأه اختربت القاعده .. وحيدر غلب رائد.. حيدر اختلع... فتح عيونه.. وفي باله يهلوس
ــ انا غلبت رائد.. يؤ يؤ.. ويش هالفن... بس يااساتر من رائدووه .. بيعصب...
الا رائد وبكل برود.. :
ــ مو منك.. من اليدة.. اللي عندك..
حيدر قام يقلب اليدة .. وهو يطالع فيها بتفحص..
ــ لويش يعني..
رائد:
ــ اللي عندك هي الأصليه .. اللي عندي خراط... <<< لعن يوم الخراااط
الا حسن ينط ويتدخل..
ـــ خراط.. اجل بدل باليدات.. اشوف مين يغلب...
وصار التبديل .. وغلب حيدر للمرة الثانيه.. حيدر فيه ابتسامه .. فيه فرحه.. بس خافنها.. خايف من رائد << اللهم ادفع البلا ..خخ
الا رائد وبكل برود:
ـــ ممممم طلعوا ثنتينهم اصليين.. نفس الليونه الحبات.. انا افتكرت حبات يدتي الأوليه خشنين وتقليد..
حسن رافع حاجب وحاجب... وفي باله
ــ بللللل.. يصقعك رائدووه مستحيل تعترف بالهزيمه.. لو انا من حيدروه ما العب وياك خلاص...
ويقطع عليه حبل الأفكار رائد..
ــ حسنوه.. يللا دورك...
ــ انا .. لا زهقان..
ــ زهقان والا خايف اغلبك...
ــ تغلبني لااا اتحداك... يللا بلعب دور
ويلعبوا ,, ويغلب حسن رائد.. ويفقعها حسن ضحكه ومسخره على رائد...
ولا يشوف رائد الا ماصع الوايرات من القهر ... بطلنا نلعب اتاري .. قوموا نلعب برى...
طلعوا برى الحوش... كان في بيت ابو كرار صندقة " حظيرة" دجاج... فيها خمس دجاجات وديك... >> كسر القاعده هالديك خخ زيادة واحده مجانا خخ
رائد فيه نحاسه.. شافهم نايمين... قال الا افزعهم بس بطريقتي الخاصه...
ــ حيدرووووووه... كم مسدس ماي عندك..
حيدر مستغرب...
ــ اثنين...
ــ خخ روح جيبهم..
ــ لويش..
ــ بنعلب لعبه حليوه..
ــ زين باجيبهم..
شوي رجع بهم حيدر << عاد مسدسات لول .... كان مرت عليكم.. صغيرونات .. وشفافين والوانهم حليوه ..خخ
عبى رائد المسدسين ماي من الزراعه ... عطى حيدر واحد .. وهو واحد...
وقال لحسن:
ــ راعي الحلال وصاحبه اولى خخ
حسن ما همته السالفه.. فيه فضول بس لويش..؟؟ وويش بيسوي بهم...؟؟
فتح رائد باب الصندقة.. ودخل هو ويا حيدر...
وقف رائد.. في شمالها .. وحيدر خلاه بالجنوب.. وحكروا الدجاجات وبعلهن الديك في الوسط ..خخ <<< خطه حربيه جهنميه .. لا مفررر..
وشوي .. نااار .. اقصد مااااي.. هجووووووووم...
قام الرش على الدجاجات و الديك المساكين.. وهم في عز نومهم...
الا اللي في الصاله يكيسوا يسمعوا..
ــ كااااااااك.. كاااااااااك.. بك بك بكيييييييييييك.. كااااك..
والحرب قايمه.. الديك قام يفزع لحريماته.. ويطير على رائد وحيدر .. ويعطيه رائد شووته تطيره بعيد .. ويستمروا بالرش .. وحسن ميت ضحك.. وطار الريش يمين وشمال .. ويطلعوا اهاليهم.. على صوت صريخ الدجاجات المرعوبات...
ويصرخ ابو كرار ..
ــ حيدر .. رائد .. ولعنه.. ويش تسووا...
وفتح باب الصندقه .. وسحبهم برى..
<<<< طبعا تخيلوا شكل الدجاجات.. متبللات.. وصوتهن بعد الصراخ قد ..بح.. من كثرة الكاااااااااااااااااااااااك.. الى كاك كاك كاك...
ابو كرار عصب.. ليش يعني هالحركه.. بس بنفس الوقت فيه ضحك.. مو عارف ويش يسوي وكيف يتصرف.. هدد فيهم ان عودوها ليكون ليهم حساب ثاني...
دخلوا البيت... شي اكيد بعد الصراع.. مبللين.. مقطنين.. وريحتهم من الصندقه .. اووه.. خوووش ريحه...
واليكم ردة فعل ام حيدر :
ـــ ااااااااااااااااااه... ويش هذا.. اففففففف... ويع والله ويع.... صاقعه تصقعكم و.. و... و....
رد مع اقتباس
أميرووه
عتب
المفضلات