ماعرفتوني .. كثر .. ما عرفني ..

[Princess]

هااادوااايش يمااااه
تهي تهي.. ويش صااير .. وربي ما يمديني احك راااسي,,, وقسم قسمات الجزء اكتبه في الكليه هالأيام في اوقات فراغي ... مقسمه دفتري ومخصصه قسم للقصه ومره مسوده طاحو عليه خوياتي وشباق يبغو يقرو الجزء
واني لاااااااااا شووفووووه بالمنتدى.. اح انتي وياااااهااااا..
الحين الجزء الجديد مسوده بالرصاص وحاله قايمه شباق خرابيش دجاج..
9 صفحات بالدفتر .. والحين اكتبه في الوورد يعني شوفو كتابه مرتيين.. وما يندرى كم صفحة وورد بيطلعو ... عادة اني يجيني احباط هههههههههه
12 صفحة بالدفتر = 9 صفحات وورد الجزء.. وتالي انزله المنتدى بس يتقسم على ردين....وتقولو انتون شوي وتطمعو بالمزيد...
تخيلو كم صفحة وورد وصلت ؟؟؟.. اني انصرعت .. وصلت للحين 435 صفحة وورد .. واني مرااكض ... وربي لعيونكم
فصبرو علي....
الدفتر على رجولي الحين .. وشغل بالجهاز وتكفخ قايم ههههههههههههههههه وقايمه قاعده عليه ريااضه
يمكن ينزل الوحي واضيف احداث قولو يارب .. وادعو لي بدل لا تهجمو علي

يللا عن القرقر ... بكتب شويات وباخذ بريك بالمنتدى اهايت .. ساعه دون ساعه...
بس الليله قولو يارب انزل الجزء... ولا يفصل النت اللي حقنا ههههههههههه وربي ما اكذب الله علي شاااهد
صاير كل شوي يفصل عفر بيخلص الإشتراك ويبغى له تجديد... هههههههههه بتكفخ ساعتها,,
امانه لا تدعو علي زين...


دمتم بحفظ الرحمن

[زهرة البنفسجي]

هلا وغلا وأخيراااااااا بينزل جزء والله تعبت وأني أشيك كل شوي

الله يوفقك أختي أميره وتسلم أناملك وعساك عالقوة

تقبلي تحيااااتي

[Princess]

هلااااااااااا
هلا هلا....
كتبت جزئيه وبنزلها ليكم... تفادياا لأي طاارئ ممكن يصير
كفصل في شبكتنا .. وانتهاء مدة البطاقه...
فإقروا هالجزء لين اخلص البااقي
ولا احد يرد لين اكتب الى اللقاء في الحلقه القادمه..

يللا تفضلو

[Princess]

ما مداه فارس بيرجع مكانه.. مسك ايده واحد من الشباب .. اللي معاهم بالباص ,,, وسحبه على تحت بشويش ببيقول له حاجه...

فارس: ــ هلا .. خير اخوي امر ..
الصبي: ــ مايامر عليك ظالم.. بس بافتن.. ترى هالمصري شلاخ اغبر .. من شوي توني شايفنه مطلع شريط الأغاني من المسجل
فارس : ــ والله... ابن اللذين عديم الضمير.. يعرف يشلخ ويقول راديو.. حسبي الله عليه..

ورجع فارس محله.. قبلها رجع الشريط لأمه ام حسين...
فارس :ــ ابن اللذين يقول خربان المسجل..
رائد وهو يتثاوب..:ــ خربان وجهه..
فارس: ــ الا عقله وقلبه عديم الضمير..
رائد..: ــ ايه والله..
فارس سكت ولا قال لرائد ان المصري كذاب لأنه يدري بيقوم الشباق ومشكله طويله عريضه ما بتخلص على حساب شريط فسكت وقصر الشر..

والحمدلله من حظهم ما تعطلو في الحديثه << معروفه المرمطه والحاله في الرجعه مو الروحه..
ودخلو حدود الأردن.. وصار التفتيش ومطابقة الجوازات.. ركب موظف امن الباص,,و جمع الجوازات .. وصار يعدد الأسامي ويطابق.. ويووم وصل لجواز رؤى:
ــ رؤى فاضل الـ.....
رؤى رفعت ايدها.. سكت الموظف .. وصار يقلب في الجواز واوراقه..
فارس حزتها داقتنه الحومه.. وده يقوم ويشلخ بدن هالموظف شدخ لين يقول بس.. شمعنى رؤى طول وصار يقلب << مع انه قلب في كل الجوازات وبنفس المده بس فارس لا عنده طولت ..
وقطعو الحدود الأردنيه السوريه..
وشوي ..
اللـــــــــــــــــــــــــــــــهم صــــــــــــــل على محــــمـــــــــــــــــد وال محـمــــــــــــــــــــــــــــد...
كلووووووش .. كلووووش .. وش وش..
وقام الصفاق والتصفير والحاله <<< الشبااب فرحانين..
واخيراً .., وصلو سوريا,, دخلو اراااضي سوريا... اخيراً طلعتي روحهم يا سووورياااا,,,
((سلام الله على السيده زينب .. تستاهل عليها السلام نتعنى لزيارتها .. الله يرزقني واياكم والقارئ يقول امين ))
وصلو الكراج .. ونزلو والكل اخذ نفس عميق وتمغطو وصار يحمدو الله ويتحمدو لبعضهم بالسلامه..
صارو يفضو الأغراض .. ولا يسمعو الا ابو كرار:
ــ هلااااا هلاااا وغلا ابو طاارق..
ابو طارق :
ــ اهليين وسهلين ومية مرحبا.. منورنا ابو كرار.. الحمدلله عسلامتكم..
ــ الله يسلمك ويخليك...

ابو طارق .. سوري طيب خدوم بعمر ابو كرار .. ابو كرار يعرفه من زمان ومأمنه على بيته اللي في سوريا.. يهتم فيه مدار السنه يأجره ويشرف عليه ويستفيد منه وله نسبه على العنايه.. وبس يجي ابو كرار سوريا ويا اهله يفضي ليهم البيت وينظفه.. يعني المسؤول بشكل كامل..

ابو كرار.. يكلم شباب اهله..
ــ يللا يا شباب .. حيدر .. حسن .. فارس .. رائد باللي يقدر عليه.. يللا ..
وصارو يعاونهم بعد فاضل و زوج خالتهم تهاني
ابو طارق ويش جاب للأغراض.؟؟؟
. جاب شاحنه.. وقال ان ولده طارق بيجي بسياره بعد شوي حق يركبو الحريم,,, لأن الشاحنه مافيها الا سيت واحد قدام.. ما يكفي الا نفرين و السواق ..
شحنو الأغراض في الشاحنه وصارو ينتظرو هالطارق يجي..نص ساعه ولا هو جاي... شوي رن جوال ابو كرار.. شاف ابو كرار الرقم من هنا .. سوريا .. رد عليه الا:
ــ اهلين عموو.. الحمدلله عسلامتكم ...
ــ هلا .. الله يسلمك.. مين معاي,,
ــ انا طارأ عموو بكلمك من كابينة التيلفون.. وانا جايكن ما بعرف شو صار بالمتور راح اتأخر عليكن ما بعرف اذا شفت احد غيري راح ارسلوو..
ابو كرار :
ــ يالله ويش ما تدري لمتى بتتعطل..
طارق وبإحراج:
ــ انا اسف عموو.. بس الشغله صارت هيك غصبن عني..
ابو كرار :
ــ طيب خلاص يا ولدي خذ راحتك بندبر عمرنا وبنشوف تكسي..
ــ انا اسف عموو..
ــ خلاص يا ولدي .. حياك الله..
ــ الله يحييك..

ابو طارق فهم الموضوع.. وحاس بإحراج.. راحو حسن وفارس يدورو على تكسي .. مافي كل اللي في الكراج.. انحجزو,, واذا دقو على ميكرو لو شي .. بيتأخر متى بيوصل و سالفه..
ابو كرار طالع في الحريم..
ــ البيت مو بعيد..
ام حيدر :
ــ يعني ويه.. نمشي .. لا بالله مافييني شده.. لا اني ولا ام حسين..
ابو كرار:
ــ يــــــــــــــالله ومين قال بتمشو..؟؟؟ << عفر عصب
فاضل :
ــ اجل ويه عمي,,
ابو كرار..
ــ بركب انا قدام ويا رائد لأن رجوله منكسره...
رائد فتح عيونه:
ــ ليش يبه والباقي ويش بيسوو...

ابو كرار :
ــ يرتبو روحهم ورى..
فاضل فتح عيونه:
ــ ورى ويناا؟؟
ابو كرار جت له ضحكه:
ــ ويش بيدي عليكم.. ورى ويا الحريم.. عدلو العفش وقعدو عليه.. والله بنخيس ونقطن يالله يجي ميكرو والدنيا زوار وزحمه والتكاسي والميكروات توها ماشيه.. قزروها مو بعيد البيت..
زوج تهاني :
ــ يا عمي ما قلنا شي .. احنا الرجال بس الحريم ويش شلون..
ام حسين :
ــ يا ولدي عادي .. رحم الله ايام لول .. كنا اذا بيروحو الحج في سيارة بلا سقف .. والرجال والحريم مقسمين عليها نصين نصل لينا ونص ليهم.. يطيح علينا مطر وتلفحنا بروده.. وتضربنا الشمس لين نوصل بالسلامه لبيت الله.. مو بعد دقايق ونوصل .. يللا بس عدلو بنركب سلام الله على الوديعه زينب...
فاضل قام يضحك.. عدلو العفش عدل.. وقالو للحريم يركبو اول .. فصارو الحريم مستواهم ارفع بشوي.. تالي ركبو فاضل وحسن وفارس وحيدر وزوج تهاني قدامهم.. ومشت الشاحنه..
رائد كل شوي يطل من الزجاجه الورانيه عليهم فيه الضحكه وهو يشوف شكل الحريم بالعبايات السودان وهم يتمايلو..
رؤى ميته من الحيا تحس شكلها غلط.. مكشوفه السياره وهي تمشي .. بس ما حست احد يطالع فيهم لأن المنظر مألوف اصلا ايام المواسم والزيارات,,,
شوي الا ابو طارق ضارب مطبه وتطيح رؤى على قدام.. وما طاحت الا على حسن اللي كان قدامها قاعد,,,
صارت تسحبها وتشيلها زهرا وام حيدر ويرجعوها لوضعها << هيهي لأنها خلاص غابت عن الدنيا وفهت من الخلعه..
حسن مرتبك ومره بيموت من الحيا ,, وفارس نار تشب منه.. ويش اللي مقعدنه مناا ما قعد مكان حسن.. وفي باله يقول ., يللا .. اشوى حسنوه.. لو حمزوه.. شته برى الشاحنه << خخ ما ادري ويش ذنبه .. انا لله كلن همه شقاه بليله,,
ما اخذو عشر دقايق ووصلو البيت... نزلو بالصلاة على محمد وال محمد.. رؤى مهي عارفه تنزل .. نزلها حيدر.. وصارو يشيلو في الأغراض ويدخلوهم..
بيت ابو كرار في حي قريب من حرم السيده عليها السلام .. واذا راحو ليها يدخلو ليها من الباب الخلفي للحرم..
حي شبه حيوي وفيه اسواق .. وطبعا ما بنقول نظيف خخ.. يعني فيه لمحة نظافه.. مع شوية تكسرات وتعرجات في الطريق .. << يعني امشي وانت مفتح لو سمحت..

حمزه واهله ورضا واهله.. سكنو في فندق بشارع التين..
ومن يوم هم بالسعوديه.. ابو كرار علمهم كل عايله وين بتسكن في البيت..
كان البيت دورين.. كل دور فيه مجلس منفصل بحمامه.. ابو كرار وام حيدر بياخذو المجلس اللي فوق .. وبيخلو المجلس اللي تحت لأم حسين وفارس لأنها ما تقدر على ركبة الدرج..
والدور الأرضي لرضا واهله حق قريبين من ام حسين.. والفوقي لتهاني واهلها...
دخلو ابو كرار واهله البيت.. و انصرعو..
ابو كرار :
ــ هدااوييش..؟؟

[Princess]

ام حيدر تلطمت بغطاها:
ــ اوووف ويش هالريحه...؟؟
وكلمن دخل عفس وجهه.. ومستغريبن ويش صاير..؟؟؟
تهاني :
ــ ريحة زراايب.. غنننم..
رؤى قامت تضحك ., وتضحك,,
رائد:
ــ على ويه تضحكي انتين .. والا ايه صدق نسيت حالتش .. خخ.. الحمدلله والشكر,,
رائد بعفويه كعادته بتصرفاته الطايشه.. التفت لفارس وهو يسخر ويساسره..
ــ خخ رؤوه تخيل الريحه الخايسه اذا شمتها تجيها الضحكه..
فارس جت له الضحكه,, : ــ يعني ويه,, ؟؟؟
رائد : ــ ههههههه كل منها.. لول انا عادي.. تقول ويه ... اذا كتمت النفس عنها .. مامن مفر تالي بتفطس.. تقوم تاخذ نفس بالقوه.. وتدخل الريحه هوووب بكمية كبيره.. ههههههه وتضحك,,,
فارس اخذ نفس ولا شاف روحه الا ضحك.. ورائد وراه ضحك
رؤى حست بإحراج.. ودها تكفخ رائد تكفيخ..
شوي حيدر وحسن يسألو ويش صاير؟؟ لويش الضحك..
علمهم رائد بالسالفه وقامو يضحكو هم بعد..
زهرا جت:
ــ اف اف ... الريحه خياس تجي هبات خفيفه وهبات تفطس.. وويش فيكم ضحك قايم..
رؤى تشتكي لأمها بهمس..وشوي بتصيح..
ــ من ولدش .. ضحكهم علي .. على حالتي اذا شميت ليحه خايسه,,
زهرا قامت تضحك..
رؤى انقهرت:
ــ طالع حتى انتين علي.. تهي..
زهرا:
ــ رائد امي اعقل ويوز عن اختك..
رائد:
ــ هههههه ان شالله باعقل.. بس والله اماه...
وياخذ نفس عميق ويطلعه ويضحك وهو يقول:
ــ ههههههههه أي بالله تضحك الحركه.. ههههههه بطني..
زهرا ما تحملت وصارت تضحك..
ــ خلاص وبعدين.. خلاص رؤى ما عليش منهم.. اكم يضحكو واعظم منش..
فاضل يسمع النقاش ..
رائد:
ــ ههههههه ما نضحك على الريحه احنا.. نضحك على ضحكها ههههههه
فاضل :
ــ راائد..
رائد بادب :
ــ هلا يبا..
فاضل :
ــ انشب وتأدب عن اختك هاا..
رائد :
ــ ان شالله يبا.. << متعيلفين ما يجو الا بالعين الحمرااا

رؤى فرحانه ,, و تفرك في اصابعها حره حره.. ورائد وده يكفخها بأي شي بس مو لاقي..,

ووزعو روحهم في البيت.. والكل قرفان ومسغربين ويش سر هالريحه.. مع ان البيت نظيف .. ابو كرار شك في الدور الأرضي .. ممكن في شي الحمام خربان.. مهو داري .. لأن تحت الريحه اعظم من فوق..
نزل لقى زهرا معبيه مغطس ماي وفيه ديتول وطايحه مسح في الدنيا حتى الفرش مسحته تبغى الريحه تروح.. وعرواي البيبان وعبت الحمامات ديتول ..
ابو كرار كسرت خاطره بنته:
ــ قعدي يا يبا تونا الا واصلين ويش فيش تكرفي..
زهرا ومره قرفانه وشبدتها لايعه :
ــ الريحه مهي طبيعيه ابدا.. ولاني عارفه من وين..
ابو كرار طلع جواله وهو محمق ودق على بقالة ابو طارق ...
رد ابو طارق :
ــ مرحبا ..
ابو كرار:
ــ يا هلا ابو طارق ..
ابو طارق اختلع توه موصلنهم ويش فيه متصل .. قال يمكن يبغى شي من البقاله لو ناسيين شي في الكراج...
ابو طارق :
ــ خير شو في ابو كرار .. محاتجين ايا شي..
ابوكرار:
ــ افاا والله افاا يا ابو طارق ,, ويش هالحاله ..؟؟ صراحه مو طبيعيه..!!
ابو طارق بنبرة مختلعه:
ــ خير ابو كرار شو صاير .. رعبتني,,
ابو كرار :
ــ البيت الله يهديك ليش كذا.. مأجرنه مين كنت..
ابو طارق مستنكر :
ــ البيت..؟؟ شو فيه.. ..؟؟ مأجرو لمجموعة عزاب بس والله كانو نزاف كتير .. وأبل لا تجو وصيت ابني طارأ ينزف وراهون .. شوو وسخ البيت.. ضرابة السخن طارأ ما أآم بشغلوو..؟؟
ابو كرار : ــ ههههههههه هدي هدي .. لا مو وصخ بالعكس كنه البخت يلق لق.. بس فيه ريحة خياس.. كنها غنم..
ابو طارق :
ــ اهااااااا.. هههههههههههههه .. لك شو عملت فيي يا ابو كرار رعبتني عن جد.. لك هيدي الريحه..منا من المأجرين
ابو كرار متفاعل مع ابو طارق :
ــ ايه.. لكان من شوو..
ابو طارق :
ــ ههههههههه,, هيدا أبل شي شهرين بس الأرض ياللي وراكن تأجروها رواعي خواريف.. عم يتاجرو هونيك.. فالريحه جايتكون من عندون..
ابو كرار بخلعه :
ــ ويه.. خواريف .. هههههههه لا بالله كملت...
ابو طارق : ـــ هههههه ايه خواريف .. لك ما سمعتن..
ابو كرار : ــ لااا.. هههههههه يا بتي سمعتي صوت خرفان من شوي..
زهرا ضحكت:
ــ ايه. كل شوي اسمع صوت متقطع ... فكرت مارين بس ...
ما مداها زهرا تخلص كلامها الا بشهادة غنمه << امباااااع
ابو كرار فطس من الضحك..
ــ ويلي يا قلبي .. خلاص ابو طارق العذر والسموحه.. يعطيك العافيه..مع السلامه
ابو طارق :
ــ لا ولو حاضرين نحنا.. الله يعافيك خيوو.. الله يسلمك..

سكر ابو كرار والتفت لزهرا.. اللي كانت مره شكلها تعبانه ومعصبه وفيها الضحكه على هالحاله.. زهرا:
ــ أي بالله شر البلية ما يضحك... تدري يبا.. مو بس ريحه.. حتى بعووض..
ابو كرار فتح عيونه:
ــ والله.. انا لله.. الحين الكل تعبان.. اذا ارتحنا بنشوف حل .. واذا ما فاد بنتأجر فندق .. لا حوول .. حلالك ويأذيك.. ذل مخباتك ولا تذل روحك.. ارتاحي يا بتي .. وخلي الشغل يولي...

شوي الا بطلعة رائد من الحمام كان يسبح... لاف روحه بفوطه و وحده ثانيه على راسه و مغطي بها وجهه يمسحه ويمشي رايح الغرفه.. .. الا يسمع .. امباااااع...
اختلع وقف وفتح عيونه وجمدت ايده على نص وجهه.. صار متنقب بالفوطه.. وطالع في امه:
ــ امبااع..؟؟؟!! خخ هااادااوويه..
ابو كرار ضحك من حركة رائد :
ــ هههههههه غربلك ربي .. غنم يا ولدي بعد ويه..
رائد مستغرب :
ــ غنم ؟؟ غنم ويه ..
زهرا مسكره وماليها خلق : ــ غنم اللي يبيضو ويقولو كاك.. غنم ويه انت بعد..
رائد : ــ هههههههههه افتكرت اللي يقولو امبااع..
زهرا رمت المخمه على رائد وهي تضحك..:
ــ تستظرف ويا وجهك..
ابو كرار صار يضحك.. :
ــ يللا ارتاحو بركب انا.. نامو عدل كفايه يومين في الطريق الحين يأذن الظهر صلو وريحو حق ما تجي المغرب الا قعدتو.. ورانا زياره..
زهرا :
ــ ان شالله يبه..
و ركب ابو كرار..
رائد : ــ امااه غنم ويه .. ويش جابهم هنا.. يعني هالخياس منهم.,
زهرا : ــ ايه بالأرض اللي ورانا.. انا لله .. يتاجرو بعد يعني مافي امل يتحركو....
رائد : ــ اف يقطعهم على دي ريحه.. كااك خايسين.. وين رؤووه..؟؟
زهرا: ــ هههههههه غربلك الله من صبي,, رؤووه عفر منسدحه في الغرفه تنتظرك تخلص بتسبح .. روح قول ليها..
دخل رائد الغرفه لقى رؤى منسدحه وغافيه عيونها ...
وبنحاسته المعهوده قرب منها وصرخ حد ما عنده :
ــ امبااااااااااااااااع...
رؤى طفرت مفزوعه دقت السقف وعودت للأرض << اما عاد.. صاااروخ
وبصرخه حد ما عندها :
ــ يااااااااااغبي ....
زهرا برى :
ــ راااائدووه وويعه قلت لك قعدهاا قول ليهااا مو تخلعهاا.. اطلع لا اجي لك..
رائد ميت ضحك بيطلع وترمي عليه رؤى مخده وتصفقه وتنفتح فوطته ويتلاحق ويمسكها وهو ميت ضحك..
ــ وصاااقعه بغت تطب فوووطتي ياااهبله... ههههههههههههه
رؤى انحرجت وقامت تضحك ولا هي عارفه ويش ترد :
ــ ههههههه اسفه مو قصدي .. هههههه ما شفت شي لا تخاف.. ههههههههه .. منك.. ما احد قال لك تتعيلف هههههههه..
رائد لف فوطته عدل وشال المخده وصفقها بها وطلع وهو يضحك...
قامت رؤى بتروح الحمام.. وهي تضحك على حالة رائدوه..
زهرا : ــ ويش فيش تضحكي .. بعدها الريحه قويه..
رؤى : ـــ هههههههه من الليحه وولدش ..
ودخلت الحمام .. وما مداها تدخل الا طلعت تركض ..
ــ ويلي امااااااااااه الحقي ...

تابع >>>

[ســحرالقوافي]

هههههههههههههههه

هههههههههههههه

الله يساعدهم على ريحه [IMG]http://kamad2.***********/images/خروف%20يأكل.gif[/IMG]

خخخخخخخخخ

عن جد ريحتهم تفطس

تراوليي حتى الخرو بيضحك على ام راء إذذا شافها تضحك

وعجبتي سالفة رائد وه طالع من الحمام

امبااااع

8
8888
88
88

عفر تجمعوا الخرفان هني لين طلعت الريحه

خخخخخخ

عن الخرفان وسوالفهم

طحيه رؤى على حسن خلتي ذايبه من الضحك عن جد من كثر ما ضحكت

بطني على راسي على الدموع اربع اربع

حتى النايمين بغوا يطافروا زي طفرة رؤى من الصوتي
ههههههه

يسلمو يالغلا

جزء كفير كفيرات حلو

وزاحف زحفان

وترانا يالغاليه معذرينش

لانش ماتقصري

وعرافين بين المنتدى والبيت والجامعه

الوقت ضيق

بنتظار التكمله على احر من الجمر

دمتــ بود

[Princess]

زهرا مختلعه :
ــ ويش صاااير,...؟؟
رؤى :
ــ صلصووول بالحمااام.. ويع ويع..
زهرا : ــ هههههههههههه غرييبه اخوش ما قال << عقدته ليومكم هذاا..
رؤى : ــ ويش دلاني عنه يمكن توه طالع من الباالووعه يع يعوووه.. يخووف كبيل وبني ههههههه ..
زهرا : ــ ههههههههه غربلش ربي كبير وبني .. ليش يعني الصرصور السوري يفرق عن السعودي؟؟..
رؤى :ــ هههههههه ما ادللي ... عاااد قومي اقتليه بسبح,,
زهرا: ــ ويع اني.. لالا.. شوفي رائدوه.. شان يستقوي ويصفقه ويفكنا..
رؤى طقت الباب على رائد :
ــ لاااائدووه.. خلص لباس ما صالت تلبس حديد..
ــ هااااااا ويش تبغي ..
ويفتح الباب..
رؤى برعب : ــ صلصوول في الحمام تعال اقتله..
رائد يمسك اذونه من ورى ويقربها لرؤى :
ــ هاا.. ما سمعت.. صرصور.. روحي بس رووحي..
ــ يا جباان بلا نحااسه يللا بسبح.. كل منك فوضت البالوعه وطلع ..
ــ ههههه من وجهش مناك يللا .. وين ابوي خل يقتله,,
ــ مالت عليك يا زعم ليال.."رجال"
رائد وببرود:
ــ ريال و غصبن عنش .. وقفت على صروصر بيعوق رجولتي .. كف على وجهش ..
رؤى : ــ اماااه وين ابوووي..
زهرا: ــ قلت له يروح يجيب معقم ما جبت الا غرشة وحده ديتول .. وخلصت ..
رؤى : ــ اووف لمتى يعني ابغى اتسبح وانااااااااام دااايخه
رائد : ــ والله اصبري لو روحي اركبي لحمام ابوي وخالتي ام حيدر وشوفي اذا خلصو اسبحي هناك..
رؤى وبكل برائه:
ــ حق ويه بعد الكب فووق .. بستخدم حمام المجلس اللي تحت..
رائد معصب ورافع ايده: ــ تبغي اسطرش كف على عينش .. تجرأي وروحي اسبحي هناك..
ــ شيه لويه ويش فيها..؟؟؟
ــ انشبي لا تستعبطي .. حمام امي ام حسين وفارس هذا.. استحي على وجهش ها..
ــ باقفل علي الباب اني ما بخليه مفتوح..
رائد حمق : ــ هذي اللي بتجلطني .. بتسكتي لو لا...
رؤى بقهر : ــ زين.. بنتظر ابوي لين يجي...
شوي صوت باب الشارع انفتح.. طلع رائد بيشوف لقاه فارس جاي من برى..
رائد : ــ ويش فيك برى..
فارس : ــ ما ادري بعووض في المجلس من ويه؟؟ محنا داريين ..!!.. طلعت قلت يمكن في قريب النافذه بالوعه لو خمام .. ما شفت شي..
رائد قام يضحك وعلم فارس على سالفة الغنم.. وقام الضحك ..
رائد: ــ ابو الفوارس..
ـ لبيه.. عيونه..
ــ يخليك ربي.. بغيتك بشغله,,
ــ امرني ..
ــ ما يامر عليك ظالم. بس مو كن مزويدنها رسميات.. اقول بلا هالحركتات احم..
ــ ههههههه انشب بس خلصني قول ويش عندك..
ــ ايوه هههههه كذا تعجبني.. احم .. في حمامنا الله يكرمك..
ــ هههههههه فهمت..صرصوور مو..
ــ ههههههه عليك نور لك تؤبر عظامي شو زكي..
ــ هاهاها.. فارس انا مو زكي..
ــ هي هي هي .. ادري..
ــ سوي لي طريق بدخل بشدخ به..
ــ خخخخ زين .. يالله يالله.. اماه رؤى .. تغطو بيدخل فارس بيذبح الصرصوور نياهاااهاااهها << قالها وهو يفرك كفوفه..
زهرا : ــ غربلك ربي يا مشفلنا مالت عليك من خواف اقشر.
رائد : ــ هههههه يع يعووه ما اطيقه.. ولويش مفشلنكم.. خوب فارسووه..
دخل فارس . يالله يالله . رؤى لقافه لبست عباتها وطلعت تتفرج على البطوله العالميه في قتل الصرصور...
<<يعني كيف تتخيلو شكل الصرصور المسكين وباب الحمام ينفتح ويرفع راسه يلاقي فوقه النفر القاتل و3 برى يشجعو العمليه.. اييه يا دنيا انه الإرهاب بعينه..
دخل فارس رفع نعال الزنوبه بيصفقه.. وطااخ.. وللأسف الصرصوور يطيير .. فما صابه عدل وطااار بسرررعه.,, وطلع من الحماام.. وعلى طوول صفق في رائد اللي صرخ من قمة رااسه.. ــ حرررررررررررررريقه اااااااه... << طلع لينا فيها بنيه ويا الحرايق ..
شان ينزلو ابو كرار وزوج خالته .. وحسن يركضو.. السالفه حريقه وصرخه..
ام حسين قامت من المجلس وراحت وهي تصرخ يـــــــــــــــــــــــاااااعليي...
والصرصوور يطير في الصاله.. مهو عارف وين يروح.. لين يوقف على الجدار لِتباغتهُ فجأةٌ صفقةٌ من نعالِ الزنوبةِ .. ترصعه هناك ...
رؤى و بعفويه متناسيه وجود فارس صرخت : ــ ووويييييع...
فارس فيه الضحكه اول مره يسمع صوتها بوضوح.. ولا صرخه بعد.. وبعفويه هو الثاني وبخجل .. قال : ــ احم.. خلاص .. ذبحته..
رؤى انتبهت لفارس واستحت .. وراحت دخلت الغرفه..
فارس انقهر .. وفي باله : ــ اف مني اناا دفش .. احرجتها.. وصاقعه تصقعني اف اف...
ابو كرار ..
ــ صدق ما عندك سالفه رئوودة والأجر على الله غربلك ربي اللي كبرت ولا انت راضي تعقل..
رائد وهو قرفان ويمسح ايده ووجهه وشعره..
ــ اعقل على ويه.. على صرصور .. ويع.. جعلني ما عقلت..
زوج خالته وحسن كانو برى ما دخلو.. صار ابو حسن ينادي .. ــ عمي .. خير ان شالله..
ابو كرار طلع : ــ مافي الا الخير .. صرصور غربل الله شر رائدوه..
صارو يضحكو عليه..
حسن وهو برى : ــ ههههههه رئووده..
رائد وهو مره مشمئز ومقفل حده : ــ هااااااا...
حسن : ــ قتلتــــه.. <<< قالها وهو يمدها مد..
رائد : ــ تسخر ويا وجهك.. خخخ صفقه فويرس ولصق امه بالجدار..
حسن : ــ ههههههه وويش دخل امه.. اقول .. طالع فيه عدل .. يمكن ما مات.. اذا شفت قرون استشعاره لسا تتحرك يعني ما مات.. هههههه باي باي ..
وركب فوق..
فارس ميت ضحك. رائد تقرب وصار يبقق فيه :
ــ ايه والله يعووه.. بعده فيه الروح.. طلع شعرته ترقص ..
فارس : ــ ترقص ويه هههههههه قرون استشعاره هذي كذا تتحرك لين خلاص تطلع روحه.. صفقته صفقه قويه خلاص قضى..
رائد يقرب زياده: ــ هذا وجهي اذا مات وييييع قرف يقرفه بلى في شكلك من صُرصَاااار...
الا الصرصور قابع من الجدار وطايح على الأرض.. هو ما قبع وطاح على الأرض الا بصرخة رائد : ــ ويييييييييييع حيييييييي بعدددددددده..
ويطفر بعيد كم متر .. ويخلي فارس لوحده في ارض المعركه يشدخ في ذاك الصرصور حتى ازهق روحه تماما << اف حشا مو صرصور حرب البسوس مصاافق من متى,, وامحق من فصحى..
زهرا :
ــ والله مسخره غربل الله رائدوه انشب لا احد فارس عليك يشدخ بدنك بهالزنوبه..
فارس قام يضحك..
رائد فتح عيونه : ــ فارسوه تسويها,,..؟؟؟
فارس : ــ هههههه والله مجبور طاعة للأوامر العليا,,
رائد : ــ اوامر وجهك هههههههههه ..
وتم شيل الصرصور ورميه في المقبره...
زال الخطر .. وطلع فارس راح المجلس بينام.. ورائد بعد توجه للغرفه بينام...
دخلت رؤى الحمام.. فتحت الماي وصارت تسبح وهي تطالع في الجدار .. والسقف والأرض خايفه لا يطلع ليها شي... ويوم خلصت وسكرت الماي .. التفت للنافذه .. وشافت شي غريب فيها,, صارت تتأمل عدل .. وصرخت حده ما عندها.. ولبست برنصها وطلعت وهي تصيح وتنيح وتصرخ.. طلع رائد من الغرفه وزهرا كانت في المطبخ تشوف حالة الصفاري بعد استخدام العزوبيه صالحين لو يلوعو الشبد شان يشترو غيرهم...
رؤى طاحت على ركبها وصارت تصيح,, وكلامها يقطع وما ينفهم ..
ــ النافده.. تهي تهي .. فيها.. هناك.. تهي ,,



والى اللقاء في الجزء الجديد..

[اسير الهوى]

هذاويه اميرة ماورا علينا نشوف جزء من زمان واحنا ننتظر صار ودنا نفغصك من القهر...

احداث جميلة بس عندي استفسار وش معنا هالمثل..انا لله كلمن همه شقاه بليله,,

مافهمته على اني قريته مرات واجد هههههههه...

يعطيك الف عافية ومتشكرييييين ياميرة بحق...

تحياتي لك...

[Princess]

يسلموو سحووره عالتعقيب الخرفاني الرهيب .. موتيني ضحك.. يعطيش الف عافيه...

هلا خيوو ياسر .. والله ظروفي كانت شويات صعبه حتى دخولي للمنتدى صاير قليل هالأيام.. وان شالله تعتدل..
ممممم بالنسبة للمثل .. كتبته حسب طريقة النطق ..

..انا لله كلمن همه شقاه بليله,,

وعذراا ميم زياده طاحت من السرعه تسلم خيو جاري التعديل اصل المثل
اساسا .. كِلٍ همه شقاه بليله..
وبالفصحى..
كلٌ اشقاه همه في ليله..
اتوقع وضح. عفر الميم يمكن اثرت عليه... وهو مثل سايد يضرب في من يشغله همه الخاص في وقت تقليبه وهو الليل ,,,
ويسلموو
دمتم بحفظ الرحمن

[زهور الريف]

هلا والله بأموووووووووووووووورة

هلا بالطش والرش
ويش هالجزء
حركااااااااااااااات

الله يساعدهم خرفاااااااااان مرة وحدة
هههههههههههههه

الله يعين على الريحة هههههههههه
وي رائد يخاف من الصرصور هههههههههههه فشلنا


يسلمووووو يالغلا وعساك على القوة

وماتقصرين
والله يخلي هالانامل الذهبية

وبنتظار الجديد

[كبرياء]

ههههههههههههههههههههههههههههههههههههه

هههههههههههههههههههههههههههههههههههههههههههههههههه هههه

هههههههههههههههههههههههههههههههههههههههههههههههههه ه

يااويلي ويلااااه هههههههههههه

صلاصيل وخلفان هههههههههههههههههههههههه

يسلموووووووووووووووو أميرووووه على الجزء العنييييييييف الاكشني هذاا

بانتظاااااااااااااااااااااااااار البقيه

[سفيرة الاحلام]

مشكوره على الجزء ياالله نبي جزء بعد

بالصراحه جزء حلو


الله يعطيك العافيه

[زهرة البنفسجي]

ههههههههههههههههههههههههههههههههههههههههههه

ههههههههههههههههههههههههههههههههههه

ويلي بطني مو قادرة أكثر شي ضحكني لما رائد قال حريقة واختلعوا أهل البيت

هههههههههههههههههههههههههههههههههههههههههههههههههه

يسلموا أمور على الجزء الأكشن

بانتظارك يالغلى

[زهرة القلوب]

هههههههههههههههههههههههههههههههههههههههههه

مشكوره خيتو عالجزء

الله يعطيش العافيه

تحياتي

[جنة الحسين]

ههههههههههههههه مساكين جيرانهم خرفاان

مشكووره على الجزء

بس جد صغير الجزء ترى احنا متحمسين

يعطيش الف عافيه و تسلم يمناش و عيناش

دمت بخير