ووصلها للأستراحه .. وراح جهة الباص ويا الرجال حق يفضو الأغراض الا هو مقابل حمزه وجه لوجه.. وشافه حامل كيس فيه نعال زنوبه وشكاليت.. عطاهم اياهم رؤى عطت حنين كل شي النعال بالشكاليت مهي مشتهيه شي... ورجعته حمزه انتبه له فارس انه قاعد يطالع فيه..و بنظرة تحدي .. ومره شرر يطلع من عينه..
فقام فارس نفس الشي بادله النظرات <<< ... صايرين كهرب .. موجب وسالب وشوي يتجاذبو ويقوم الطق
كذا حمزه مو طايق فارس ويحسه دايم ثقله عليهم وويش دخله بينهم.. وفارس كذا مره يعدي تصرف لحمزه والحين زاده قهر بحركته...
رائد ينادي :
ــ فاارس وينك.. تعاال ويش تسوي ويا حمزوه..
فارس عطى حمزه نظره طلعت بعفويه من حرة قلبه.. و تركه وراح لرائد..
حمزه يبغى يقهر فارس :
ــ هه.. ناداك مديرك.. روح بس تيس تبع.. الله يعينك على روحك..
فارس خلاص طق براسه عرق .. مد كفوف ايده وهو عاطي حمزه ظهره.. وسكر عليهم بالقووه .. واطلق نفس قووي زفييييييير لو قدامه احد طيره.. وقال بصوت عالي:
ــ خزااك الله يا ابليس...
ومشى عنه...
حمزه انقهررر مرره من هالتصرف .. تمنى يجي ويبدي شبقه حق يطلع حيفه فيه ويشادخ به..بس خابت اماله.. فارس شخصيه مره روعه حليم ويتمالك روحه وقت الغضب ولا يحب يسوي مشاكل .. واذا عصب يتعامل باللتي هي احسن حتى ولو كانت بداخله نيراان تسعر من الحره...
وبعد ساعتين.. وصل الباص العالمي,,, وكان السواق مصري << ياعيني ياليلي يــــــاعيني
صارو المسافرين يشحنو الأغراض ويا السواقين ونزل المصري ونفسه مره بخشمه:
ــ الله الله الله فيه ايه .. مالكوو.. ايه دا.. توتوتوتو... يا سااتر .. يعني انا مكتب بالشكل دا في حياتي مشفتش .. دا عقيب ما حصلش ابدا.. اصلي لما كنت بشتغل في مكتب الـ....
ويقاطعه واحد من السواقين :
ــ يا اخي .. موو وقت الهدره.. ندري بك تعبان .. وتبغى متى توصل المكتب.. بس ويش نسوي .. صارت الظروف كذا.. يللا تيسر امانة الله ..
السواق الثاني فيه ضحكه من رد خويه .. لأن السواق المصري كل مره كذا يغثهم بهالهدره كنهم رعاة المكتب .. ومعتادين على قرقره.. وحافظينه بصم..
وفي الباص بعد ما حملو الرجال الأغراض داخله ...ركبو ووزعو روحهم كل واحد مع خويه .. مثل ترتيبهم قبل...
رائد يمغط رجوله المكسوره...
ــ ايه كذا باصات والا بلاش ,, تخشبت رجولي هناك...
فارس :
ــ ايه مو لله مخليين فلوسه ازيد...
حيدر وراهم:
ــ بس تصدقو .. ماميش راحه نفسيه...
حسن جنبه وهو يثاوب حد ما عنده :
ــ ليـــــــش عاااااد...
رائد يطالع في فارس ويسخر على حيدر:
ــ راحه نفسيه.. ولا بعد.. مـــــــــا ميش... ويش هالمصطلحات المغبره علي يــــــــاعلي..
حيدر :
ــ هههههههه ويش عررفك انت .. انشب بس..
رائد :
ــ هههههه لا صدق ليش ماميييييييييش راحه نفسيه...
حيدر سند راسه وصار يهدر:
ــ في البااص الأولي ... << قالها بنغمة تدليع ومدها مد..
رائد بدلع:
ــ أيــــــــــــــــه..
حيدر يعاند:
ــ في البـــــاص الأولي .. اححح..
حسن ينقلب على الكرسي على جنب ويقابل حيدر ويتأمل فيه..
حيدر يغطي وجه حسن بكف ايده..:
ــ لا تطالعني .. استحي وي ..
رائد وفارس :
ــ هههههههههههههه
حيدر :
ــ هههههههههه طالعو بس عيونه.. مبكسه تبكيس ووجه كنه قرص خمير .. ولا مفهي وهو يتأمل مره طالع تحفه..
حسن :
ــ هههههههه غربلك الله من خال كمل حبيبي .. كمل بس .. ويش فيه الباص الأولي << ويثاوب حد ما عنده..
حيدر :
ــ ايه .. في البـــــــــــــاص الأولي
رائد طفح به الكيل :
ــ انا ما ادري انتفه اصفقه كف .. . واطلع كل حرتي فيه.. يلعن خيرك في البااص الأولي والأولي ...ويش فيه القووطي الأولي
حيدر يستعبط :
ــ بل ليش هذاا قووطي
رائد صفق كفوفه:
ــ صبر ايوووب صبرني .. يارب بعبط حيدرووه لا تعااقبني ..
فارس وحسن ميتين ضحك...
حيدر :
ــ خلاص خلاص .. في الباص الأولي تشعر براحه نفسيه عالميه تدرو ليش ..
ر ائد :
ــ ليش وصاقعه..
حيدر :
ــ تصقع عدويني ان شالله..
رائد :
ــ ان شالله يللا عاد ترى زهقت ما بتقول لا تقول رااسي يعورني ..
حيدر :
ــ لا خلاص بقول .. بس ما ادري كيف احس هاذاك اريح.. يعني متقااربيــــــــن ونـــــــااااسه,, كل واحد يسمع الثاني .. وقريب منه.. هناا متر بينك وبين اللي قدامك واللي ورااك ..
رائد دار على حيدر :
ـــ يااااحبك للغفصه... احم يعني تسمع سوالفنا انا ويا فروسه..
حيدر يحرك حواجبه على خفيف :
ــ ايييه وبالحرف بعد..حتى لما تتهامسو اسمعكم..
حسن:
ــ هههههههه.. يتهامسو مخاطيب لو معاريس قالو لك..
رائد يدخل عكازته بين الكراسي وينغز حسن في بطنه:
ــ استح على وجهك..ههههههههههه عييييب
ام حيدر :
ــ ويلييي ضلوعي متكسره تكسرر.. من هالباصات بس عفر هالباص اريح بوايد من هذاك واحسن من الطياره.. خلاص كل نوبه نروح به ابو كرار
ابو كرار مغطي وجهه بغترته.. وبثقل وتعب رد عليها:
ــ الله يوصلنا بالسلامه الحين.. ويحيينا لمره فانيه على خير..
فاضل ورضا تعبانين وبينامو .. وام حسين قاعده تحوس في عفايسها واغراضها.. رؤى مفهيه وفيها النوم وحنين تقلب مجلات..
والباقي كل واحد لاهي بشغله ...
شوي جا هندي وقتح براد وصار يوزع عصير .. الا المصري يصرخ:
ــ يا محمد.. أفل البرااد.. مالوش داعي العصير دا.. تعالا هنا بسرعه لي..
<< هيهي مو من نصيبهم ما دفعو هم حق تكلفة راحتهم بهالباص .. دافعين حق باص عادي..
رائد:
ــ إيــــــــــــــه.. بعد ويـــــــــــــه مو لأن ما دفعنا احنا.. " أفل يا محمد بس افل."
يااشبااب لا احد يفتح العصيرات لا تروحو فيها تسمم.. يصككم عين تجيب اجلكم يا دافع البلا..
جواد" المعرس ":
ــ والله انا فتحته و بالطقاق يطقهم.. بعد مو كفايه غربلونا.. ريالين ما بيضرهم..
رائد :
ــ ههههههههه زين تسوي ...
هدوووء الباص الكل ساكت اللي نايم واللي يطالع بالشارع .. واللي لاهي بجوال لو جريده لو مجله.. وشوي الا صوت طقطقه وطرب
الكل اختلع قالو جوال واحد.. بس زادت الحاله... واكتشفو ان المصري حاط له شريط ويللا عااد طربان و مكيف..قام له فارس وكلمه..
ــ لو سمحت ممكن تطفيه..
المصري :
ــ ليه..؟؟
فارس :
ــ بس راس المسافرين مصدع وتعبانين.. ولا يبغو اغاني..
المصري:
ــ امال ايه.. انا معرفش أسوأ الا وانا بسمع حاقه.. على شان منمش..
فارس:
ــ ما بتنام ان شالله حط قران
قصر المصري عالصوت وهو يتحمق من تحكمهم... ورجع فارس لمكانه الا امه تناديه ..
راح ليها ..
ــ هلا اماه..
طلعت من اغراضها شريط..
ــ عطه اياه يحطه لينا موالد احسن من هاللغو اللي حاطنه..
اخذه فارس وراح للمصري وقال له ..
ــ تفضل حط هذا..
المصري :
ــ إيه دا؟؟
فارس:
ــ مواليد لآل البيت عليهم السلام..
المصري :
ــ المسقل ما بيشتغلش..
فارس :
ــ اجل اللي من شوي ويش ..
المصري :
ــ وانت تسأل ليه مش مسدأني يعني ..من شويا كان راديو.. كنت فاتح الراديو...
فارس :
ــ طيب خلاص
ما مداه فارس بيرجع مكانه.. مسك ايده واحد من الشباب .. اللي معاهم بالباص ,,, وسحبه على تحت بشويش ببيقول له حاجه...
والى اللقاء .. بالجزء الجديد 
رد مع اقتباس
المفضلات