ماعرفتوني .. كثر .. ما عرفني ..

[آخر شقآوهـ ..~]

ياااااااااااااااااااايي ياهووووو
ويشو هدا اميرووه
الحلقه فلته مفلووته تجنن
ورائدوه مع المشمر والله انه كشخه عدلل
والله والستر عاد مع فيسه
ورؤى على عمري طاااحت مسكينه في الحوش عاد ويليي عليها
الحين بظل في الحوش فتره طوييله مسكينه
الله يعينها ع الحر وربي ينجحها وينجع رائد وشغل فارس
ويعرس فارس على رؤى وهشكل يعني
تسلمين حبيبتي ع الحلقه
عطاش ربي العافيه
تحياتي
ضحكوه البطه

[الشمعة]

هلا اموووره شخبارج شلونج عسااج عالقوووه
والله ان الاجزاء جدا رائعه وحلوووه وعااد يلا ترى جايه المدرسه والله يعيني
مابقدر اجووف باقي القصه لازم افظي نفسي على شااان اشوفها
اهئ اهئ اهئ اهئ الله يوفق الجميع ان شاء الله
وعليا مسكينه رؤى كسرة خاطري بتموت في هالحرر بررره والشمس عليها
يلا اموررره نبي التكمله والله يجزيج الف خير
وانا تابعه لقصتج بس ما ارد << خووش تعترف << لا اهي دائما تعترف ويقولون الاعتراف بالحق فضيله
بس اليوم قلت لازم ارد عليج شلون مارد عليج لازم ارد
تحياتي لكِ وبالتوفيق ان شاء الله
الشمعة

[**جوان**]

مشكوره اختي

على الجزء الرائع الطويل

وقلت انها ايماان هل الخبله

مسكينه

رؤى على عملي<<< على عمري

[*زهرة البنفسج*]

يعطيك ربي العافيه اختي اميرة المرح

علجزء الروعه والفله

ننتظر الجديد بس هلله هلله بروى مسكينه

[Princess]

تسلمووو عالتفاعل الرائع
واعذورني عالتأخير قضيت وقت الغياب
نوم × نوم
السهر ذبحني وهلكني ... باصير ضبعه بسرعه من كثر السهر خخخخخخ
وعووضت...

وعـــــــد من اميرووه..
الليله+ ليلة الجايه+ ليلة السبت
في اجزاااء
انتظروووني

ويسلموو علتواجد الرائع
والإنتظار

دمتم بحفظ الرحمن

[الشمعة]

يلا امووووره ننتظر القصه بفاارغ الصبر احم احم
وانتِ هم تابعي قصتي
تحياتي للجميع
الشمعة

[Princess]

يسلموو حبايبي
وتفضلوا الجديد....

[Princess]

ــ اتهيـا ويـن مـا اشوفـه تهيـا
وارسي بمرساه وشراعي شراعـه
مـن عرفتـه والمحيـا بالمحيـا
ــ هلاااا رااائدي...
ــ سواقنا الفني فني ...و سواااقكم هندي هندي.. سواقكم ركبو جني.. سواقكم شلخوو جنيي.. يادان دانه وادانه.. ياليل دانه وادنه... ياليل دانه وادانه... هلا هلا صفقه .. باقي يومين واخلص يا فويرس وافتك.. صفقه يللا لا انتفك .. يا دان دانه وااداانااا .. <<< رائد على باب بيتهم ماسك الجوال يكلم فارس ومروووق حده.. ونازل من السياره..
ــ ههههههههههههه الحمدلله والشكر هاا بشر ويش سويت اليوم خبري فيزيا وصعب ها عسى الأخبار اوكي..

رائد وهو يكمل كلامه بلحن الهيصه اللي سواها في البدايه..
ــ والله ما ادري يا خيي.. سويت انا اللي عليي.. سويت انا اللي عليي والباقي باقي على الله.. هلا هلا..
ــ هههههههه رااائدووه ويش فيك..
ــ ويش فيني.. فرحان ما باقي الا يومين.. وافتتتك..
ــ عساك دوم مبسوط يا لغلا وسهاله يارب وتعديهم على خير ويخلف التعبه.... اجل اخر يوم ويش بتسوي الساتر الله بتجيب عرضة وفرقة كبر الشارع ويللا رقص..
ــ أي وياعلايه .. يا علاااايه..
ــ هههههههه اقول انشب بس .. ويللا روح ريح وتغدى و خذ لك غفوه و وخلي جوالك عند راسك بقعدك للمذاكره..
ــ حلو حلو.. وبخلص بسرعه بكره علي توحيد وذاكرته من قبل..
ــ ايوواا عفياا.. اجل بطلع معاك .. منها نمتشى ومنها اسمع لك..
ــ ايوا ايوا.. زين
و يفتح باب بيتهم.. ويشوف رؤى مرميه بالحووش.. ويشهق شهقه.. صروعت فارس تصروع..
ــ بسم الله رااائدووه ويش فيك.. وين انت .. في السيااره لو ويش << خاف عليه فكر سياره طلعت له وبغت تصدمه لو شي..
ــ فارس فارس اكلمك بعدين باي باي..
ــ ووووييييش صااااير لاتخلعني...
ــ رؤى اختي طايحه بالحوووش ماا ادري باي باي ..
ــ هاااه... ووويش...
طووط طوووط ..
فارس مسك قلبه..
ــ ويلي .. على قلبي ... ويلي ويش فيهاااا....
وقام يركض طلع لأمه ام حسين..
ــ امااه بروح مشوار بسرعه وراجع..
ــ وينا بتروح يا عيني..
فارس وهو يلبس نعاله .. ويتعثر بالطبقات...
ــ بروح مشواار ضروري اذا تأخرت لا تخافي..
ــ خير اللهم اجعله خير... تعــــــــــــاااال عدل صروالك مقلوب...
فارس انصرع ... في باله .. صروااال أي صروااال .. لا يكون بنطلوني.. طالع تحت.. لقاه عدل.. وطاحت عيونه تحت اكثر لقى نعاله مقلوب من الخلعه.. عدله وهو فيه ضحكه على سوالف امه ام حسين بس مهي راضيه تطلع ماله مزاج...

ويطلع يركض بالزرنوق وهو يركض يشوت قوطي بيبسي ويطفره بعيد ويوصل لضبعه مسكينه ماره عند فتحة الزرنووق بتدخله.. ويصقع فيها.. وتنقز ...

ــ بسم الله علي المشافي المعافي هااادااا ويييش هالمصبنه هدووولاااا..
فارس وهو يركض ..
ــ اسف اسف ...
ــ والله حاله .. مصبنه ما تستحي .. اسف هذا اللي فالحين به.. زين بعد قال لي اسف مو مفلات غيره اعجمي و سروي...
فارس فيه الضحكه وبعد ماله مزاج وفي باله..
ــ فاااضي انا لضبعه تتحمق وسروي بعد...

ويركب السياره يدق سلف ما تشتغل .. مره مرتين .. مافي فايده.. ويضرب الدركسووون..
ــ اووووووووووف هااداااووووويش هالصواااقع وهالنواااايب ويش هالحظ المنتكس...
وينزل يركض يشوف له تكسي..

بالطرف الثاني كان رائد رامي كتابه ودنياته .. وحاط ايده تحت راس رؤى كاان جسمها حااار مولع من الشمس .. عز الظهر..

صار يصرخ .. امااااه .. اماااه.. ما تسمعه امه بعيد والمكيفات تشتغل وما يندرى بعد بأي وادي..

جا بيفتح باب الصاله الا مقفووول .. ضررب جبهته..
ــ اووف ااااوووه نسسسيت امي مهي هنا في بيت جيرانا تعاونهم على تكييس الحلويات وتجهيز خرابيط العرس من الصبااح..
ويرجع لرؤى .. وياخذ هوز الزراعه وبلا وعي يرش على وجهها.. ولا في فايده صاير وجهها اصفررر ومحومر شوي من الحر..
حملها لسيارته.. وسدحها ورى.... الا بجية فارس نزل بسرعه وفتح باب السياره قدام..
ــ ووويش صاير..
رائد يفتح ازرار دراعته وجبهته تصب عرق..
ــ ماا نى داري رؤى ويش فيها دخلت الا هي مرميه بالحووش..
فارس ياخذ نشاف ويمسح وجه رائد عن العرق ..
ــ هدي هدي وصلي على محمد.. قوم اقعد ورى ويا اختك انا بسووق..
ــ تسلم الله يخليك.. ما تقصر..
ــ اقووول قووم مو وقت الشكر والمدايح..
ويركب رائد ورى .. ويحط راس اخته على فخذه ويصير يمسح علي جبهتها العرق .. وهي ابدا ما تتحرك...
رائد قام يصيح..
ــ فاارس .. ويش اسوووي.. ابدا ما تتحرك.. اختي راحت.. .. لالا... ويش اسوووووي..
فارس بلا وعي دار عليهم.. كانت رؤى بلا غطى .. وحالتها حاله تكسر الخاطر.. فارس من شافها غض النظر وجته الغصه على حال الحبيبه .. وشوي تطب دمعته..
ــ هدي رائد .. هدي حبيبي .. تحسس نبضها.. شووفها تنبض..
رائد يحط ايده على صدرهااا..
ــ لااا.. ما احس فيه.. لاااااااا...
فارس اختلع وقف ودار عليهم .. مهو عارف ويش يسوي صار يقول لرائد
ــ حط ايدك يسار مناك ..
ورائد يحرك ايده على صدر رؤى يبغى يحس بنبض قلبها مو قادر كان مرتبك خايف يحس قلبه بيطفر وقلب اخته ابدا مو حاس فيه..
فارس بلا شعور ومن الخووف والربكه.. مد ايده .. ومسك ايدها جهة الرسغ وضغط بشويش..
وتركها بسرعه..
ــ تنببض .. فيها نبض .. لا تخاااف هدي وصلي على محمد واله بس .. الله ويانا..
رائد ودموعه شلال..
ــ ان شالله يارب..

ووصلوا المستشفى.. فارس نزل بسرعه.. وطلب من الطوارئ كرسي لو نقاله.. وجابو ليها كرسي.. وشالوها.. ودخلوها بسرعه على الطبيب... وبعد ربع ساعه طلع ليهم..
رائد يركض له..
ــ ويش يا دكتور .. ويش صاااير... وويش فيها ؟؟؟؟
الدكتور وهو يبتسم .. ويكركر ضحك على خفيف..
ــ هدي هه هدي يابني..هه.. مفيش حاقه تخليك تبكي بالشكل دا..
رائد حمق ويطالع في فارس وهو يتحمق..
ــ انا هذا اللي ببكس وجهه... انا فويش وهو فويش ..
ــ الله الله الله في ايه.. انت ليه عصبي بالشكل دا..
فارس قام يتفاهم ويا الدكتور .. شكل هالدكتور رايق ومروق ولا عنده سالفه ورائد مو بعيده يفرك وجهه بالقاع..
فارس:
ــ ويش يا دكتور عسى ما شر..
ــ لأ.. لا شر ولا حاقه بإزن الله دي بس انيميا حاده من نأص الأكل .. والراحه.. كم يوم مع العنايه حتبأى كويسه ان شاء الله..
فارس وهو يتنهد من قلب..
ــ ان شالله..
رائد رمى روحه على الكرسي وهو يطلق زفرة قويه...
الدكتور راح .. وفارس قعد جنب رائد اللي كان يطالع الدكتور على جنب وهو رايح..
ــ يللعن فيسه انا فويش وهو يضحك..
ــ خخخ انت بعد ما قصرت عليه شوي وتشتر ثيابه وانت تسأل ويش صاير.. عموما الحمدلله عالسلامه وما تشوف شر..
رائد يضرب فخذ فارس ويسند راسه للجدار ويغمض ..
ــ اوووف.. الله يسلمك .. والشر ما يجيك.. بس بجد خلعتني..
ــ لا اسم الله عليها ما فيها الا العافيه ان شالله..
ــ ان شالله.. ومشكور فارس وما تقصر والله تعبتك معاي..
فارس يضرب خشم رائد على خفيف باصابيعه زي التيله...
ــ لا تقول كذا... تعبكم راحه...

قام رائد وطل على اخته.. وقالوا له المغذي يبغى له كم ساعه..
فارس..
ــ قوم نطلع من جو هالمستشفى وتاكل لك حاجه.. ونرجع ليها وبالمره تمر على امك تشوفها الحين بتختلع عليكم...
رائد..
ــ اوووه.. امي امي.. وي .. الحين بتخاف لا انا وصلت البيت ولا هي..
وقام يتحسس مخباه.. بيشوف جواله..
ــ اف اوهوو بالسياره.. قوم مشينا ونرجع بعد شوي..
ركبوا السياره وفتح رائد صندوقها الصغير اللي قدام.. وطلع جواله..
ــ اف اف اف 45 مكااالمه تخييييل ....
فارس ..
ــ يالله اكيد امك..
فتح رائد سجل المكالمات..
ــ أيـــــــــــــه على عمري اختتللللعت..
ودق عليها ما مداه يرن حتى رفعته وبلهفه وصوتها شكلها كانت تصيح.. وصوت مريم مرت جيرانهم معاها تهديها وتقول الحمدلله هدي اكو رد عليش..
ــ هلا .. هلا اماه..
ــ هلا امي .. وينكم ويش صاير لا انت ولا اختك..
ــ لا تخافي اماه بس رؤى تعبت شوي ووديتها المستشفى..
ــ وي على عمري على قلبي .. ويش بهاااا..
ــ اماه عاد صلي على محمد ما فيها شي.. بس فقر دم حاد حطوا عليها مغدي وبعد كم ساعه بنرجع البيت..
ــ وصاقعه تصقع النسب.. الله يلعن هذي حاله.. وفجعه تفجع الكتب والمذاكره.. بتي.. ويلي عليها..
وصارت تصيح.. ورائد يهديها من جهه .. ومريم من جهه ثانيه... خذت مريم السماعه منها..
ــ هلا رائد انتبه بس وسوق على مهلك.. امك خلها علي بهديها اني يللا مع السلامه..
ــ هلا الله يسلمش..

سكر رائد السماعه..
ــ على عمري امي قامت تسب وتلعن بالنسب والمذاكره من قهرها..
فارس وهو مبتسم..
ــ روعه امك الله يخليها ليكم ويخليكم ليها..
ــ تسلم .. والله يخليك لأم حسين ويخليها لك وما يحرمكم من بعض يارب..
ــ يارب يا كريم ..

تابع>>>

[Princess]

فارس يبغى يلطف الجو..
ــ حسبي الله عليك يا رئووده من الخلعه بغيت اجي لك وصراولي مقلوب..
ــ هاااه.. بفففف هههههههههههه صرررررواااال ويش ..
ــ هههههههههههه امي طلعتي تقول لي عدل صراولك تقصد نعالك..
ــ هههههههههههههههه ويلي على امي طارت من نعال لصروال يللا نفس الوزن خخخخ ..
ــ خخخخ مسكينه امي .. والله خايف عليها.. البارحه تقول لي حط اللبن في الفرن .. تقصد الثلاجه..
ــ ياعلي .. انا لله...
ــ والله بدت تنسى اسامي الحوايج الله يستر اخاف بكره بدال لا تسميني فارس ما يندرى ويس تسميني..
ــ الله يستر خخخخخخ...
ــ ولااا تخيل بعد شدخت ضبعه بقوطي بيبسي بالزرنوق شتته عليها شوته ولا ماردونا يسويها.. خفست وجهها تخفيس..
ــ احلللف ههههههههههههههههههههههههههههههه ويلي اكيد سويت بوجهها دوار لو شارع رايح جاي من قوة الضربه..
ــ ههههههههههههه ولا بعد تقول زين قلت ليها اسف مو سروي..
ــ هههههههههههههه ووويش سرووي بعد..
ــ سوووري يالمفهي هذا وفلتة زمانه بالإنجليزي,..
ــ ههههههههه الإنجليزي مو الضبيعي..
ــ خخخخ ووويش الضبيعي بعد..
ــ كلام هالضبعان والشياب لو تذبحني نصه ما افهم له..
ــ الله الله ههههههههههه عداال يا افندينا..
ــ هههههههههه والله ما افهم داك اليوم ابوي ابو كرار عاطني كرتون منشق يقول لي شحوه مدري ويش هي معناتها ارميه ... يبغاني اطلعه برى الشارع..
ــ هههههههههههه شحوه.. ههههههههههههه شحووه.. شووووحه يالمفهي..
ــ ايوااا شوووحه.. هههههههههههه ويش دراني عنك.. انت مسوى من امك علمتك هالكلام انا ويش دراني ويش تطلع شووحه بعد..
ــ خخخخخخخخ ههههههههههه والله مانى قادر.. شحووه.. شششششششش...

وصلوا لمطعم.. خذوا ليهم سندويشتين عالسريع ويا ببسي... بعد ما خلصوا اكل.. فارس عطى رائد علبة الببسي الفاضيه..
ــ هاااك.. شحوهاا...
ــ هههههههههههه لا تمسكها علي هاااا..
ــ هههههههههه خخخخخخ ههههههه خلاص هاك شووووحها..
رائد وهو يغير نبرة صوته لمسخره ويبحلس على فارس..
ــ شحتهااا..

وبعد الكم ساعه المحدده رجعوا لرؤى.. دخل عليها رائد لقاها مفتحه.. حط ايده على راسها..
ــ الحمدلله عالسلامه..
رؤى بصوت مبحوح.
ــ الله يسلمك.. ويش صايل.. لويش جبتوني هنا..
ــ هذا من قلة اكلش وراحتش ومن قلة اهتمامش بصحتش جبتش هنا فيش فقر دم حاد..
رؤى ودموعها طاغيه بعيونها..
ــ متى بطلع.. التوحيد ما فتحته ابد واياته وااايد طويله...
ــ يلعن ابو المذاكره على قولة امي زييين.. هدي وريحي ولا تحاتي بذاكره وياش ان شالله.. بشوف الدكتور الحين اذا بيطلعش ونطلع..
ــ ان شالله..

طلع رائد وسأل الدكتور قال عادي تطلع بس لازم ترتاح وتذاكر ولا تجهد نفسها ذهنيا ولا بدنيا ولا نفسيا...
طلعوها.. وفي السياره... فارس..
ــ الحمدلله عالسلامه...
ــ الله يسلمك..
ــ ما تشوفي شر..
ــ الشل ما يجيك..
وفي باله.. ــ على عمري ياليت اللي فيش فيني.. وقاعد يحاول يخمن جوابها.. ويبتسم..

فارس..
ــ خلاص نزلني هنا وانا بكمل للبيت يا بتكسي يا مشي .. وتوكلوا تأخرتوا عالبيت وايد اليوم..
رائد حمق ..
ــ لا والله انشب .. لفتحة الزرنوووق اوصلك ولو السياره تدخل الزنوق بعد دخلتها.. بس مع فيسك لا اسمعك ترطن هالرطنه مره ثانيه..
ــ خلاص خلاص رائد افندي لا تعصب .. مافينا شدة عصبيتك..
ــ أي احسن لك..
رؤى ضحكت عليهم..
فارس في باله..
ــ فديت هالضحكه وراعيتها انا...

وصلوه بيتهم.. وقبل لا ينزل.. رؤى:
ــ سلم على امي ام حسين..
ــ الله يسلمش يوصل ..
وفي باله..
ــ وي الله يسلم قلبش وحسش وما يحرمني منش..
رائد..
ــ وانا بعد سلم عليها ... غرت ليش ناس وناس.
ــ الله يسلم قلبك وحسك وما يحرمني منك.. << فضفض مشاااعره لا ينفقع.. خخخخخ
ــ هههههههه حركتااات تسللم ...
ــ الله يسلمك يللا في امان الله..
ــ في امان الكريم..
دخل فارس على ام حسين لقاها نايمه ومغطيه غداه.. فتح الغدا وصار يتغدى.. ويفكر في ابوه..
ــ ويش عنده ابوي بهالوقت يبغاني.. ليش متذكرني..
يحاول يتذكر شكله مو ذاكرنه.. اصلا شلون يتذكره وهو ترك امه من اول ما جابته وهو لسا صغيير
ــ اااه.. اذا امي ماتت وانا ابو 3 سنوات.. ما اتذكرها حتى عدل.. الا من سوالف جدتي تخليني احس اني شفتها حسيت بحنانها... شلوون يا يبه تبغاني اذكرك انت.. شلوون

ويغص فارس بعظم سمك.. ويقوم يركض يشرب ماي... يحط الكاس على المجلى.. وياخذ نفس..
ــ رحمة الله عليش يالغاليه.. والله خاطري بدفا حضنش.. صحيح امي ام حسين ما قصرت الهي لا يحرمني منها.. بس انتين غير والله غير..
رفع باقي كاس الماي وصار يصبه على شعره وهو منزل راسه في المجلى. .. والخصلات يداعبها الماي بلطف .. رفع وجهه مسحه عن الماي والدموع.. وغسل وراح غرفت ياخذ له غفو...

في بيت ابو فاضل ..
رؤى بحضن زهرا.. تحاول فيها كان تشرب شوربه..
ــ والله اماه مالي نفس ... احس بطني يعولني وحلقي ماني مشتهيه..
ــ على شاني امي .. على شان خاطري..
وتحاول رؤى قد ما تقدر..
ــ زين ما ابغى شولبه ابغى عيش الشولبه حاله.. والجو حلل احس جبدي لايعه..
ــ زين هااش امي..

وصارت تلقمها العيش..
رائد في غرفته يراجع كتابه كان مذاكرنه من قبل على شان بعد ما تريح رؤى يذاكره ليها ..
خلصت رؤى غدى..
ــ تسلم عليش حنين لا انسى وواحشتنها مره.. ولو ما الإختبارات كا مرتش مسكينه تنازع الوحيده في بيتهم بكتبها وكل يوم طلعه عنها الأسواق..
ــ ههههههه تستاهل ما حد قايل ليها قلت ليها من قبل داكلي قبل لا يجهزوا لأختش على شان تفتكي..وهي تالي لاحقه وبعدين .. طاحت بلاسها اللحين ..
ــ المهم غناتي هدي وارتاحي لش شوي غفوه كذا ساعه لو ساعتين..
ــ لاااا..لالالا.. ويش انام.. ابغى اداكل...
ــ ويش يابتي تذاكري.. ريحي شوي يا غناتي عاد ما يسوى عليش هالتعب .. تالي يا بعد روحي افتحي لش هالكتاب..
ــ زين وين لائد..
ــ هذااا انا علباااااب..
زهرا..
ــ بسم الله وهذي كل سوالفك زي الجني تطلع لينا فجأه..
ــ خخخ مو قصدي بس جيت كان ما بتنام بذاكر وياها..
ــ أي قعد وياها وذاكر.. وترى ابوكم ان شالله يوم الأربعاء بيرجع من الشمال ويلي وحشنا من زمان..
ــ احم احم وحش امي .. وسوتها جمع .. امااه وحشش مووو..
زهرا وجهها تلون..
ــ اهوو عاد استح على وجهك.. ليش ما وحشكم انتون بعد..
ــ الاااا... بس كل واحد يتكلم عن روحه.. احم قولي وحشني فاضل.. واحنا بنقول ايه وحشنا ابونا..
وطلع لسانه على جنب ويحط ايده على راسه.. لأن علبة النشاف جايه طياري وصاقعه وجهه ..
وتطلع زهرا عنهم وهي تضحك..
رائد يسكر الباب ويضحك على امه..
ــ خخخ استحت امي ششش.. وحشها ابوي وتسوي روحها تتكلم عنا..
ــ هههههه الله يغلبل شرك.. ان شالله الله يعطيك مله زي امي ياااكليم..
ــ يااارب ياكررريم ويعطيش ريل زيي.. هههههه
ــ هههههههه ان شالله
ــ عادي عندش واحد زيي بنحاستي كله يهزأ ويعصب ويكفخ..
ــ يؤ يؤ حلو وبااالد..
ــ حلت دنيااااش.. يللا نبدي نذاكر شويات..
ــ يللا. بسم الله..

وصاروا يذاكروا ويحفظها في الأيات ويسوي ليها حركات في كل درس على شان يركز في بالها..

تابع>>>

[Princess]

ــ الوو..
ــ هلا والله هلا .. هلا بهالصوت وراعيته .. مين معي..
ــ هههههه مالت عليك.. شكلك ترقم وايد لذلك منت مثبت..
ــ لا والله بس ابغى اعرف الإسم .. هالصوت الروعه اول مره اسمعه..
ــ هههههههه من ذوقك والله معاك ريم << ايماان اصلا ...
ــ هلا بالريم.. اكيد قدك مثله والا ما سموك لله فلله..
ــ ويشو قدي بعد..
ــ هههههههه ما تعرفين ايش يعني قدك.. يعني خصرك يا عسل .. انتي من وين..
ــ انا مالك شغل من وين .. انت ليش مرقمني..
ــ والله من الحلا .. ومن بين كل الملا .. اخترتك وحبك على قلبي اعتلا..
ــ اف اف اف .. الله الله شاعر بعد..
ــ افا عليكي اعجبك والله

شوي انتظااار جوالها في احد يتصل..
ــ لحظه ياا.. الا وش اسمك..
ــ مشعل الله يسلمك <<< خوووي حسسسن ولد خالة رائد<< ام الصددف...
ــ عاشت الأسامي .. لحظات امي تنادي بشوفها وبرد..
ــ اوكي فديتك
قفلت السماعه من عند مشعل .. طالعت الشاشه الا جواد يتصل بك.. وفي بالها..
اوووف من هاللزقه كم مره قلت له عوووع ما ابغاك فارق لكن هين اوريك..
ــ الووووووو.....
ــ هلا والله هلا بهالألووو..
ــ اني ويش قلت لك.. ما قلت لك فارق ... ما ابغاك اني العوووع منك العوووع..
ــ شيه السالفه على هواش هي.. احبش يالمينوونه ما تفهمي..
ــ حبتك قراده صحيح ما عندك كرامه..
ــ يالله انتين لويش ما تحسي ويش مسوي فيش انا..
ــ اف كل هذا وويش مسوي يا اخي فكني ريحني فااارق خليني بحالي ما تفهم..
ــ لويش يعني شفتي لش شوفه جديده..
ــ انالله ياصبر ايووب صبرني عليك.. صحيح دلخ وقطة وجه.. الله ياخذني يوم اكلمك واخذ رقمك اووووف..
ــ بل بل بل .. ولااا لا تدعي على روحش فديتش اسم الله على عمرش..
ــ الله ياخذك بدالي زييين... و انقلع
ــ يا ربي ليش انتين كذا..
ــ اذا سمعت رجال يكلمني رديت..
ــ افااا يعني انا مو رجال...
ــ لااا ابدا.. ودجاجة امك بعد..
ــ والله مره ماخذه عني فكره..
ايمان عصبت .. هذا بدل لا يعصب ويسد في وجهها ويلعن خيرها ويفارق قاعد يقرقر..
ــ ااااااااااااااااااه يلعن دلاختك وثقل دمك فااااااارق ..
شوي الا جاها انتظار...
طالعت الا هو مشعل ..
ــ انقللع زين..
ــ ويش فيش انتين اكيييد شايفه شووفه..
ــ ايه شايفه باي فارق..
طووط طووط طوووط..
جواد..
ــ سكرتي في وجهي ..ولا بعد شايفه لش شوفه .. هين بس...

ــ الوو هلا حبي..
ــ هلا وش فيه جوالك انتظار
ايمان في بالها ــ بل بل تحقيق هووو..
ــ لا ابد كنت اكلم خويتي..
ــ خويتك...
ــ أي ليش منت مصدق..
ــ الا وليش مصدق يعني.. المهم نرجع لموضوعنا..
ــ أي موضوع..
ــ ابي اشووووفك..
ــ هاااه..
ــ وش بلاك هاااه.. يقولون نعم..
ــ هلا..
ــ أي يا حليلك كذا.. ابي .. اشووووفك...
ــ أي وين..
مشعل في باله
الله اكبر ويل قلبي ويلاه.. وش هذي مشفوحه على طول ما صدقت على الله .. اول مره اقابل بنت كذا توني ما خذت اسبوع من عرفتك.. يلعن خشتك.. بس زين صيدك سهل.. اوريك يالريم ما اكون مشعل ان ما خليتك تركضين وراي وتطلبين رضاي..
ــ الوووو وينك..
ــ هلا والله فديتك.. لا بس واحد من الربع كان عندي.. أي وش قلتي
ــ براحتك ..
ــ طيب شرايك اشوفك عند مجمع الواحه يوم الخميس الساعه 10 الصباح..
ــ الصباااح صعبببه..
ــ اجل متى..
ــ 10 المسا زين
مشعل في باله..
ــ يااا ويلي شبلااها البنت خرفت وقعدت .. هههههههه 10 المسا يا زينه زيناه بعد.. جت منها مو مني انا.. وربي هالبنت خبله وبتخبلني معها..
ــ الووو وينك واحد من الربع بعد..
ــ ايه وش مدراك..
ــ خبررره..
ــ ام الخببرره يا شيخه فديتها وفديت راعيتها.. خلاص اتفقنا .. 10 المسا ليلة الجمعه قبال ماكدونالدز اللي يالواحه اوكي..
ـ اووكي ..
ــ يللا باي..
ــ باي...
قفلت ايمان السماعه .. وصارت تضحك وتضحك....
ــ مفكرني خبله يا مشعلووه هين بلعب فيييك لعب بوريك مين ايماان يا بطيخ

والى اللقاء في الجزء الجديد

[الشمعة]

تسلمي اموررررررررررره على هالجزء الروعه
مررررررررررررررررررررررررره عجبني وخلي كل اجزائج جذي طويله خخخ
ولاتحرمينا من هالقصه ابدا
وانا متابعه لج
تحياتي لكِ
الشمعة

[عازفت الاوتار]

هاي

مشكوره امور جزء روعه

بس ابدايه اروع من كل الاجزاء

وخاصه

فارس بلا شعور ومن الخووف والربكه.. مد ايده .. ومسك ايدها جهة الرسغ وضغط بشويش..
حسافه ومئة حسافه ماكانت موتعيه

تحياتي

ودي اشوفك يا اموووووررر

[ســحرالقوافي]

جزء رووووعه

عن جد

اميرة غير

بلا جده بلا بطيخ

خخخخخخخخخخخ


بس حبابه عفر بس اني الي صرت اتصيد اخطاء رؤى


شرك = شلك

بنتظااار الاجزاء القادمه

بس ها انتبهي على نفسش بلا سهر


<<<<<<<<<< اسمع من ينصح

خخخخخخخخخخخ


دمتـــــ بود

[الأمل البعيد]

يسلموووووووووووووووووووووووووووووووووو امور
اني خلاص بصيح اهئ اهئ بصير تواجدي قليل كل من هالمدارس
اكره المدراس
يسلموووووووووو امور هالجزء الروعة
ولاعاد فارس يوم يتفقد نبضها
يسلموووو خيتو عالجزء
تحيااااااااااتي

[الحال2007مه]

من طول الغيابات جاب الغنايم
جزء روووووووووعه ذكرني بحالنا يوم كنا في ثالث ثنوي بس اني الحمدلله ماصابني لا إغماء ولاشي <<<تحكي قصة حياتها
لاوهادي المتفرغه ايمانوووووووووه تغازل ايام اختبارات
يالله ننتظر الجزء الجديدلاتطولي واجد