وبعد ما خلصوا الغدا.. قعدوا في الصاله.. يطالعوا تلفزيون.. شوي الا جوال رائد يدق...
طالع رائد الأسم..
ــ اووه غريبه ويش عنده هذا بعد..
فارس..
ــ مين؟؟
رائد وهو رافع حاجبه مستنكر..
ــ حمززوه ما ادري ويش عنده .. تونا شايفينه بعد..
ورد على الجوال..
ــ هلااا.. هلا بولد العم..
ــ هلا بك وينك ما مدانا نبارك لك طرت..
ــ ويش دراني عنك ما شفتك..
ــ ما شفتني.. انا شايفنك واقف ويا حسنوه وحيدروه خالك وهذا خويك نسيت اسمه..
ــ أي فارس اسمه .. وتالي..
ــ ويش وتالي..
ــ أي ويش عندك الحين..؟؟
ــ افاا.. ازعجتك..
ــ خخخ لا مو القصد..
ــ أيــــه ويش اخبارك...
رائد مستغرب..
ــ الحمدلله... تمام خخ توك الا شايفني..
ــ ويش عندك الليله..
ــ ولا شي.. لويش..؟؟
ــ تخاوينا..
ــ مين؟؟
ــ انا واخوياي.. بنطلع شاليه وبنتعشى مناسبة التخرج
ــ لأ..
ــ افااا لويش..؟؟
ــ بس معاي حيدروفارس.. والليله بطلع معاهم..
ــ تووك تقول ما عندك شي..
ــ نسييت..
ــ زين راحت عليك..
ــ عادي..
حمزه انقهر من برود رائد وياه.. فحب يغير السالفه احسن له..
ــ امممممم وصلت السلام لأهلك..
ــ هااه.. ويش تقول..؟؟
ــ افاا شكلك نسيت...
رائد
ــ اماه يسلم عليكم ولد عمي حمزه..
زهرا..
ــ الله يسلمك وياه من الشر قول له بعد يسلم على امه من زمان ما شفناهم..
حمزه انقهر..
ــ واختك بعد وصلت ليها سلام.. فذمتك ان ما وصلت ولعمي بعد كلكم..
رائد فباله...
ــ يااكرهي للغثاثه.. افف... ويكلم رؤى..
ــ يسلم عليش ولد عمي.. ويسلم على ابوي بعد اماه .. وصلوا له السلام..
رؤى فبالها..
ــ ويييع.. ويش يسلم ..
ردت على اخوها..
ــ الله يسلمك...
فارس حس بنار في قلبه بلا شعور رد وكمل بدال رؤى
ــ ويسلمه...
رؤى اختلعت.. وبعفويه ردت..
ــ لا بس الله يسلم اخوي..
فارس ابستم
رائد ضحك..
ــ هههههههههههه احح..
حمزه مستغرب..
ــ ويش فيك على ويش تضحك..
رائد ما يخبي شي..
ــ اختي تقول الله يسلمني..بس انا
ــ افااا...
حيدر في مكان اخر من الدنيا.. ولا يدري بهم..
حمزه..
ــ يللا اجل اخليك .. بس قلت اعزمك وانت ما تبغى بكيفك..
ــ مشكور..
ــ العفو .. سلام..
ــ يسلمك...
سكر رائد الجوال.. وصار يكركر ضحك..
فارس :
ــ لويش طاري اسمي..
رائد..
ــ حشاا مو اسم بس ناسينه وذكرته به..
ـــ أي فكرت..
ــ ويش فكرت؟؟
ــ خخخ ولا شي..
حمزه بالطرف الثاني مقهوور ومحترق قلبه ويهلوس فباله..
ــ هذا فارس ويش يقعده 24 ساعه وياهم,, وليش رائد مهتم فيه وايد ولا عاطني انا وجه وانا ولد عمه.. ورؤى حتى الله يسلمني ما قالت افاا وانا اللي ماكله عقلي وقلبي هي .. ابد ما تحس ان زين وقدها انا.. اكبر منها بشهرين بس..ابد ولا تعبرني اففففففف...
مره معصب حده ,, دق على اخوياه ولغى الطلعه لوقت ثاني...
شوي الا رائد يسأل امه..
ــ امااه.. الا عمي سراج متى بيجي من الحسا.. من رجعته من السفر بس ليله قعدوا في البيت ويوم ثاني طاروا هناك..
ــ ويش دراني. وويش جابه على بالك
ــ لا لأن انا هاداك الإسبوع كلمته.. قال يمكن الأسبوع الجاي ينزلوا احايل فيه يجي حفل تخرجي لو نزلوا .. وللحين ما سمعت خبر منه..
ــ ما ادري به,,, اسأل ابوك.. ذكرتني انت بعد بختي تهاني.. ما بااركت ليها لولدها .. حسبي الله على بليس..
رائد..
ــ حسبي الله على بليسوووه بس تعالي...اكي ما دقت لش للحين تبارك لش على حسابي عاااااادي نفس الشي
زهرا ..
ــ لأ... هي الكبيره.. استح على وجهك..
ــ خخخخ زين اجل لا تنسي تدقي عليها..
ــ الحين بادق...
ودقت زهرا لتهاني تبارك ليها وبين ما هي تبارك..
فارس يهمس لرائد..
ــ هذا عمك اللي ماخذ لبنانيه..
ــ أيه هوو ما غيروو .. من رجع من السفر لحد هلأ وهو بالحسا.. اهل مرتوو هونييك .. شكله راح يسكن هونيك ..
ــ خخخ غربلك الله عدل لهجتك .. زين وانتون..
ــ هههههههه احنا خخ هي هناك اهلها .. هو اهنا خوانه وكل واحد لاهي .. ما يندرى به.. على حساب بيقعد ويانا لين يحصل له شقه..
ــ اهاا.. على خير..
رائد يشبر بيده قدام حيدر.. حيدر سرحان,,
فارس يضحك..
ــ خليه يحلم بأحلام اليقظه.. لويش تزعجه..
رائد يصفق ..
ــ حيدروووه..
حيدر يطالعه ببرود..
ــ اسمعكم بس مطنش .. ما خلعتني هالمره لا تفرح..
رائد..
ــ افااا.. هههههههه والله وتطنش بعد.. مالت عليك خخخ...
رؤى قامت بتروح غرفتها تبغى تنام تعبت من قعدتها الصباح ..
فارس من قامت هي.. قام قلبه.. لا شعوري.. وصار يغض النظر وما يطالع ناحيتها.. وفي قلبه فضول وين بتروح عنهم..
رؤى استاذنتهم..
ــ اسمحوا لي بالوح انام.. من الصبح قاعده.. اماه ام حسين لا تلوحي خليش ويانا لليل...
ام حسين..
ــ يؤوو عاد يابتي وايد قعده .. بيتنا وحشنا والله..
ــ عااد اماه..
وبعفويه رؤى كلمت فارس..
ــ لا توديها فالس ما عليك منها..
فارس ذاب ذوبه..
ــ ما اوديها.. خلاص ما عاش اللي يوديها.. اماه تبغاش لا تكسري بخاطرها..
رائد..
ــ أي قعدي ويانا .. الليل بترجعوا البيت اذا رجعنا من طلعتنا .. بنطلع احنا..
ام حسين.. وبتردد..
ــ يللا .. عساه خير.. نقعد ويش ورانا..
زهرا..
ــ انتين لو تعرفي غلاش كان طاوعتي فاضل وسكنتوا عندنا بس الله يهديكم انتين وفارس منتون راضيين..
رائد..
ــ أي والله لويش فارسووه..
فارس ..
ــ لألألأ.. عندنا بيتنا ويش فيك.. انت تعال ويانا في البيت..
ــ لا ما اقدر..
ــ لويش ..؟؟
ــ تعودت على بيتنا ما اقدر اعيش في مكان ثاني..
ــ شفت.. اجل لا تحاول فينا..
رائد وهو مبتسم حده..
ــ لا خلاص براحتكم..
رؤى ..
ــ يللا اني باخليكم.. وان قعدت وانتين منيتن هنا بزعل عليكم كلكم..
فارس..
ــ لا ما بوديها خلاص اطمني..
ــ شكلا..
ــ عفوا << وبداخل قلبه.. عفوا ياقلبي نوم العوافي يارب..
وركبت رؤى غرفتها...
تابع>>>
رد مع اقتباس
المفضلات