ماعرفتوني .. كثر .. ما عرفني ..

[كبرياء]

يسلمووووووووو اميروووه من جد جزء رووووووعه

ــ خلاص خال ولا تزعل.. جيب صحن الكبده وحياك معانا.. << قالها وطلع لسانه وصار يضحك ضحك

هههههههههههه من جد موقف ذكرني بشخص من حركة لسانه حتى تخيلته
يسلمووو اميره وبانتظااااااار البقية

ودمتم

[*زهرة البنفسج*]

مي معورة أفادي ئله رؤي مسكينة وكله أشوفها فارس

ذكرتيني بموقف أني بعد

في وحدة كلما شافها ولد خالتها أقول إليها اوهوو كل أتشوفني

بدل ماهي أتقول أليه هو أقول إليها عن الفشلة

عن جدا روعه كلما جاها الأجزاء أصير احلي وأحلي

[أمل الظهور]

يالله عليك اموره يالغلا

الاحداث جنان

رؤى مهي عارفه وين تروح من الخلعه غطت وجهها بالفوطه ودارت تركض واقرب لفه ليها غرفة رائد.. دخلتها وقفلت عليها الباب..فارس حس بإحراج وزخه العرق ..
ــ يا الله كله مني المفروض استأذن.. اقول يالله.. ياربي اسف وربي مو قصدي..
رائد وهو مرتبك ويبتسم ومهو عارف ويش يرد..
ــ لا مني انا ما عليك.. انا الغلط مني ما قلت ليهم.. انا اللي دخلتك مالك ذنب.. حصل خير..

وربي عورت قلبي مسكينه واخوها ابد مافيه احساس عااااد

ــ حقش علي خيه .. خلاص حصل خير.. فارس هذا.. مهو غريب تعودنا عليه..
وبلا وعي رؤى تحضن اخوها وتصيح..
رائد حاسس بإحراج اخته خبره بحضنتها من يوم هم صغار .. مهو عارف ويش يسوي وكيف يتصرف .. صار يهديها.. ولبسها عباتها.. وطلع قدامها..

وياعيني ياعيني على اللي تفكر بالكاشخ بالشماغ




يلا امورر ننتظر الباقي اوكيك

[Princess]

يسلمووو على التفاعل الجميل
واعذروووني على التأخير بس وربي مزحوووومه .. اسألكم الدعاء

بالنسبه لسؤالك خيي ياسر
يتحنطب = يتحمق = يتذمر .. :) ويا هلا فيك وتسلم
تفضلوا الجديد

[Princess]

وشوووي.. رائد وهو حماس..
ــ والله شي هالكبده.. حيدروه تسلم
فارس ..
ــ أي والله يعطيك العافيه... ويش فيك ما تاكل..
حيدر :
ــ لا باكل لبنه وجبن.. مالي خلق الكبده..
رائد .. وهو ياكل ويبلع..
ــ اه.. هذا وانت اللي طالبنها لينا.. ويش فيك.. ما تبغاها الحين .. ترى الكبده زينه للحنجره تقوي الحبال الصوتيه << يتمسخر على حيدر لأنه بينشد في الحفل
حيدر..
ــ شفت اللبنه والجبنه وصار نفسي فيهم كيفي.. خخ حبالي قويه ما يحتاج ليها كبوود..
فارس..
ــ .. هههه كح .. كح شقال قال تقوي الحبال.. بس صدق .. احد.. تحصل له كبده كذا اوكيه وفوق الأوكيه.. وياكل جبن صدق انك مزااج..
حيدر..
ــ اكلوا بس وما ليكم شغل فيني..
ويووم خلصوا ونظفوا الصحن ومصوا اصابعهم..
حيدر. .. وبلهجة مسخره..
ــ حلووه الكبده موو..
رائد ..
ــ أي والله بس خبري كبدة مطعم الــ.... مهي كذا.. غيروا الشيف عندهم يمكن..
حيدر.. وهو رافع حاجب وحاجب ويبستم بمسخره..
ــ لا ما غيروا الشيف..
رائد..
ــ اجل تطوروا..
حيدر..
ــ هع,, ولا تطوروا..
رائد وجهه مستغرب..
ــ اجل ويش ..
حيدر ..
ــ لأنها مهي من مطعم الـ.... ..
رائد .
ـــ اهااا وانا اقوول .. يا اخي قول من الصبح مو من عندهم.. طالعه رهيبه على الكيف تقول لي مطعم الــ......
حيدر.. بهمس مسخره..
ــ لو تدروا بس من وين..
فارس..يشرب ماي..
رائد ..
ــ من وين خلينا نشتري كل مره..
حيدر ..
ــ بفففف هههههههههه من بوووفية امينوووووووووه...
رائد :
ــ كحححححح
فارس.. طفر الماي اللي في بوزه وسبح العالم..
رائد حممق..
ــ وما حلت لك الا بوفيه هالتعبان..
حيدر ..
ــ عناد فيكم اشوفكم ما تشتهووه ودينكم دينه.. ولو يحصل ليكم قطعتوه قطع اصغر من هالكبده.. مع انه اكبر منكم بـ 7 سنوات.. ما ادري ويش فيكم عليه.. قلت زي ما قهرتوني وانا انتظركم اقهركم واجيب ليكم كبده من اللي تلوع كبدكم منه...
رائد..
ــ جعله الصاقعه انت وياه زين
حيدر ..
ــ بل بل افا .. لهالدرجه..
فارس ضرب الطاوله..
ــ لهالدرجه ولهالعلامه بعد...انا هالمخلوق ما اطيقه دم ضروووسي.... شوف عاد فعايله وبلاويه ما ادري من وين سوى هالبوفيه بتقنعني من حلال..؟؟ الا حرام وستين حرام..
رائد..
ــ حسبي الله على شرك من خال .. بيعورنا بطننا من القهر.. قلت البوفيات.. والله لو جايب من بوفية وحيدوه الهندي اللي يحوس بخشمه ارحم من امينوه
فارس..
ــ وعوووه عليك انت بعد الا وحيدووه هالهندي عمى ويش كفيله هذا ما كنسل اقامته للحين.. لو انا من زمان سفرته.. ما يعرف الإختراع اللي يسموه نشاف لوع الله كبدكم على هالصبح.. اففف..
حيدر ..
ــ ههههههههههه خلاااص المره الجايه من عند وحيدوه حق الإسهال..
رائد..
ــ لوعت قلبنا بهالكبده لا تعيدها ها..
حيدر..
ــ لا ما بعيدها.. بس ويش فيكم على امينوه.. كل هذا على شان حركاته الصايعه لول يوم احنا صغار..
رائد.. وهو يطالع على جنب
ــ خخ ليش كبر وعقل.. زادت بلاويه .. ولا بعد متزوج 2 ويلي الواحد يالله على وحده..
فارس ..
ــ هههههههه بل عليك وويش عليك منه جعله ياخذ 10 خليه يولي .. والله انكم نكد.. خربتوا المزاج بهالهدره...

غسلوا وخلصوا.. وطلع فارس يحمي السياره...
رؤى يوم درت فارس طلع.. طلعت وشافت خالها حيدر ويا رائد بيطلعوا..
قامت نادت عليهم .. وعطت كل واحد منهم حرز صغير كتبته وطوته ولزقته بلزقه..
رائد.. يمزح..
ــ ويش هاااداا سحررر..
ــ سحل وجهك خخخ هادا حلز الإمام علي عليه السلام يعمي عنكم العين
حيدر..
ــ الله الله سلام الله عليه.. تسلمي والله خوش بنت اخت الله يخليش..
ــ ويخليك خالي ..
رائد..
ــ شوووكرننن
رؤى :
ــ عفوووون..

طلع حيدر وهو مبتسم سبق رائد .. وقرروا قبلها ان كلهم بسياره فارس يروحوا المدرسه ..
رائد يفتح باب الطريق ويشوف المفاجأه
ويضحك من قلب.. فارس بسيارته.. وملزق على النوافذ صور لرائد .. و كاتب في ورق حركات بخط حليو.. مبرووك التخرج لأغلى غالي.. ومزين السياره.... وجامة السياره ملزق عليها على جنب صورة جماعيه له ولرائد وحيدر .. معاهم المرحوم عبدالله .. وكاتب .. في قلبنا يالغالي وما ننساك وكل لحظه نعيش وياك..
رائد يضحك وعيونه تدمع مو عارف ويش يقول.. حاس روحه كنه معرس.. عجبته الحركه.. ولا عاد الصوره الجماعيه رجعته ذكريات لورى...

عبدالله ..
ــ ويش رايكم نصور صوره جماعيه.. وكل واحد اعطيه نسخه حركات.. يللا انا ابغى اصور مع اخواني...
وفي الإستديو على كنب طويل ..
رائد..
ــ انا ابغى على يمينك عبدالله مالي شغل..
فارس ..
ــ اه حجز اليمين اجل انا اليسار..
حيدر
ــ افاا وانا وين بتقطوني..
الفلبيني ..
ــ تعال هنا...

قعد حيدر قدام عبدالله على الأرض خلاه يرفع ركبه وحده ويحط كفه عليها..

وتكك.. صوووره...

الدمعه طاحت من عيون رائد.. فتح باب فارس ومسكه من ذراعه وسحبه برى..
وحضنه وهو يفلص فيه..
ــ مشكوور يالغالي ..
فارس يزيد الضم لرائد..
ــ العفو حبيبي اقل شي اسويه لك عقبال ما اسوي هالحركه بعرسك يارب..
حيدر واقف يطالعهم ومره متأثره منهم..
ــ ااه الله يخليكم لبعض يارب ولا يحرم كل واحد فيكم من الثاني...

وركبوا.. ووصلوا المدرسه...


دخلوا لقوا بوجههم حسن.. كاشخ وحركات.. وحاط وشاح التخرج على الدراعه..
رائد يتمسخر..
ــ حسنووووووه ماااركه مسجله..
ويرفع حواجبه ويضرب بطن حسن ويمسح عليه وايده تمر على الشال..
ــ ممممممم علاااامة الجوووده..
حسن ..
ــ ههههههههه غربلك ربي غربال.. روح بس انت وخالي اخذوا الشال حقكم ويالله البسوه..
رائد..
ــ احسسسه مسخره.. ولا اصفر بعد.. ويععع.. كان سووا لينا احمر..
حيدر..
ــ احلى يالرومنسي.. ما تبغى وردي بعد..
رائد..
ــ مالت عليك ويش عرفك.. على شان طقم ويا الشماغ..
حيدر..
ــ دخيل الله كحلي .. صدق ويش هاللون يعور العيون..
فارس ..
ــ احمدو ربكم.. خخ يللا تحركوا...
شوي الا المشرف ينادي على حيدر.. على شان يرتب معاه دوره بالحفل..
رائد يضرب كتف حيدر..
ــ احلى يالبزنيس بدى الشغل يللا حررك حررك..


تابع>>

[Princess]

حيدر ..
ــ خخخ مالت عليك.. يللا موفقين..
فارس ورائد وحسن..
ــ جميعا..
فارس ..
ــ انا باروح اقعد ويا الضيوف يللا الى اللقاء..
رائد وحسن..
ــ حياااك..
رائد..
ــ الا حسنووه.. ولد عمي حمزاوي ما شفته..
حسن رافع حاجبه..
ــ وانت تسألني عن حمزاوي هذا.. ويش مدريني عن اراضيه..
ــ اوه اوه نسينا.. افاا ولا بتعتدلوا... انا صدق اميل لك اكثر.. بس هو بعد ولد عمي ومن زمان ما شفته.. ما عندي الا هو ..
ــ ليش واخوه علي وين طيرته..
ــ الله لا يرده.. هذا ماهو ولد عمي..
ــ اه.. اجل ويش..
ــ بس كذا بالإسم فقط..
ــ كيفكم ولاد العم انا ويش دخلني...
رائد يضرب دبة حسن..
ــ يللا بس مشينا..
راحوا يتمشوا ويسلمو على الربع .. الا حمزه مقبل من بعيد.. يمشي ويا ارض انهدي ما عليكي قدي..
حمزه كان متفوق وشاطر.. ومتوقع نفسه ياخذ المرتبه الأولى بهاليوم على طلاب الأدبي..
حسن..
ــ خذ لك سيد سفن اب.. لاعب على روحه ومتشمغ.. افا بس مساميره مغطنها اليوم بالشماغ.. الحمدلله ما طلعوا تقول اسياخ بنايه .. اما لو طلعوا من الشماغ بقول لااا.. مو راس هذا..
رائد..
ــ ههههههههههه بل بل .. ويش هالوصف.. كل هذا غيران من التسريحه.. يا اخي غرشة جلي وتؤدي الغرض..
حسن..
ــ والله لو اعبي راسي جلي ما بيوقف زيه..
ــ مو لأنك فلافل..
ــ عدال يا الحرير.. لا يحوشك..
ــ اححححححح.. ويش حلاته..

ويتقربوا من بعض حمزه ورائد.. ويصفقوا كفوفهم سلام..
ــ هلااااااااااا زعيموووه..
ــ هههههه يقطع سوالفك هلااا ابو عنتر..
ــ عنتر وجهك.. اخبارك يا مغيب وين طاير من زمان ما شفت رقعتك..
ــ حشاا كفر مو ادمي ويش رقعتي.. زين الحمدلله انت اللي غايب ولا تنشاف اللهم ادفع البلا ما كنك ولد عمي..
ــ يللا ظرووف ودنياا..
والتفت حمزه بسرعه لحسن.. ورفع حواجبه ورقبته و اصابع ايده السبابه والوسطى حركة هلا سريعه .. بدون كلام

حسن قهرته الحركه.. ولا رد عليه..
حسن..
ــ رائد انا بروح اشوف حيدر تعرف حنا وين زين..
رائد ..
ــ اوكي..
حمزه فباله ..
ــ روحه بلا رده غثه من جد

وراح حسن..
حمزه,,
ــ ويش فيه هذا ولد خالتك شايف روحه على ويش هالبرميل..
رائد..
ــ حدك عاد ولد خالتي ما ارضى عليه..
ــ زين زين .. غلطنا ومنك السماح..
ـــ أي انتبه لا تعيدها ..
ـــ اخبارك واخبار اختك.. << حمزه جرئ مره وكل شي عنده عاادي
رائد استغرب.. وغمض نص عيونه ويطالع في حمزه بحركه بما معناها ما سمعت..
ــ هااه.. ويش قلت..
حمزه..
ــ اخبارك واخبار رؤى..
رائد..
ــ بـــــعد..رؤى .. زين..
حمزه..
ــ ويش فيييك..؟؟
رائد..
ــ لا ابد سلامة قلبك..!! انا بخير.. واختي بخير.. بس ويش جاب طاريها الحين..
ــ حشاا ويش فيك شبيت.. هي الا بنت عمي عادي.. مافيها شي لو سألت عنها..
ــ ايه.. زين..
ــ صدق ويش مسويه.. تخرجت اجل.. اسمع امي تقول بتفوق ما شالله.. تستاهل اكثر.. بلل من زمان خبري بها.. من تقريبا سنتين..
رائد رافع حاجب وحاجب..
ــ انا خبرك بي من متى.. وما اشوفك تسأل عني ومهتم فيني هالكثر .. استحي اقول بس..
ــ هههههه ويش فيها تغاار هاا.. ..والله عقده.. هي الا بنت عمي..
ــ انت اللي ويش فيك قوية عيونك.. اسأل ما قلنا شي بس يعني مو كذا..
ــ زين بس خلاص بطلنا.. بس سلم عليها..
ــ اه .. خذ لك هذا .... والله انك رايح فيها... اقول عطيتك فيس باي ..
ــ ههههههه يخرب عقلك على هالمخ العقد .. باي..

حمزه كان يحب رؤى ويميل ليها من يوم هم صغار.. بس رؤى ما تطيقه وتقول عنه دايم انه نفخه وشايف حاله على خراط.. ويتفلسف في اشياء ما يفهم فيها .. ودوم تلعب عليه.. العبقلينو... " العبقرينو"


تابع >>

[Princess]

راح رائد لحسن وحيدر.. لقى حيدر ماسك الورقه.. ويراجع الأناشيد كانت قصيده للتخرج حصلها من النت... وانشوده لفراق الأصحاب والأحباب... وصوته طالع شي.. وحسن يحوس يعدل ويا المشرف ومعاهم كم طالب يحوسوا..

ربع ساعه وابتدى الحفل بالقران الكريم.. وكلمة المدير كالعاده ترحيب بالأباء واولياء الأمور..
وهلوسوا شوي مسرحيات وقرقره.. وجا وقت التخريج..
وقف حيدر على المنصه.. والأضواء عليه وبدى ينشد...

لِننطلق إلى العُــــــــــلا
لِنَأتِ دَومــــــًـــــا أَوَّلاً
لِنَطْلُبِ العُلومَ نَغـــــــــتدي بِها مَشاعـــلا
فالكَوْنُ شاءَهُ الـــلـــــــــهُ أنْ يَكونَ مَعْمَلا
والمرءُ طولُ عُمْـــــرِهِ ماعـاش يَحْيى أمـــلا
هيا انشُرُوا مَعَــــــارفاً هيا انْـشُرُوافَضائِــــلا
وأَظْهِرُوا تَفَـــــــــــوَّقًا واشْتَــهِرُوا بين الملا
لاتَكْسَلُوا فَكُلُّ مَـــــــنْ سارَ بِجِدٍّ وِصــــــــلا
قُوموا انظُروالِنَمْلــــةٍ تـَــــــــدْفَعُ دَومًا ثِقـلا
ثُمَّ انظُرُوالِنَحْلَـــــــــةٍ كَيْـــــفَ سَقَتْنَا عَسَـلا
فَنَمْلَةٌونحلـــــــــــــــةٌ أقـــــــسَمَتا أن تَعْمَـلا
ألمْ يَحِنْ لنابــــــــــأن نَكْسَبَ مِنها الحِيَـــــلا
هيا إذًا فَمِنْهُمـــــــــــاتَعَلَّمُوا تَكامُــــــــــــلا
ومُنْهُما تَعَــــــــــودواتعـــــــــــاونًا يا نُبَـلا
الشَّرقُ في عُلومِهــــا بالأَمْسِ غَـــذَّتْ دُوَلا
والغربُ مِنها اقْتَبَسَتْ يومًا أَقَلَتْ زُحَــــــلا
هيّا إذًافَجَــــــــــدِّدُوا حُسْنَ اقْتِداءٍ بالأُولـى
ثُمَّ امْنَحُوا لِمَن رَعَـى تَفَوُقًا كُلَ الــــــــــوَلا

والطلاب يمشوا طوابير يركبوا المسرح..
وفارس يصور بالجوال حيدر وهو ينشد والطلاب وهم يركبوا المسرح ومركز على رائد.. رائد انتبه له من بعيد فصار يعدل في شماغه وحالته..

خلصت الإنشوده والكل ودهم لو كانت اكثر .. صوت حيدر طالع فظييع. ... التصفيق قام والتصفير.. وحركات...
وبعدين صار المدير يخرج الطلاب.. بدى بالمتفوقين من علمي.. وكان حيدر المركز الأول ما شالله عليه و رائد المركز الثاني .. طالع على خاله.. فارس من قالوا اسم رائد قام يصفر.. ومركز الجوال على رائد.. افرد له مقطع خاص بإسمه وتفوقه وتخريجه.. ولأنشودة حيدر مقطع خاص ..

حسن طلع المركز الأول على طلاب الأدبي.. وقام التشجيع .. وحمزه المركز الثالث.. حمزه مولع ومبين عليه القهر.. مكشر وحالته حاله..
حسن من الفرحه بطريقة ..عفويه صار يتميل بالشماغ يمين وشمال وهو رايح لرائد .. ورائد وياه يتمايل .. شوي ويقلبوها رقص ...
وحمزه يطالع فيه ويتحنطب فباله...
ــ خبل ومهرج.. كيفا اخذ الأول ما ادري

بعدين النهايه.. وقت الوداع.. .. بين الأصحاب.. حيدر نشد انشوده قالوا الفراق..
عن الفراق بين الأصحاب .. اللي بيسافر بعد التخرج بعثات واللي بيلهي بظروف الدنيا والمراكض ورا الرزق او تكملة الدراسه .. ومستقبلهم المجهول...
قـــــــــــــــــــــااالوا الفراااق...
اول ما بدى حيدر بهالجمله.. وكانت قويه ومع الصدى وحنجرته صافيه والصوت شي.. فارس حس بقشعريره.. وبنفس الوقت رائد.. حس بحنين للغالي عبدالله..
ويكمل حيدر..

قالوا الفراق يدق دوما بابه..
فسألتهم هل للفراق سوابق..
فتسمروا عجبا لقولي سائلا ..
فأجبتهم قلبي كسير مشفق ..
اخشى الفراق وسنة الرحمن جاريه ولكن ارجو صبرا يسبق...
فلتسمعوا مالحب عيبا انما لذاك الكأس كل منا ذائق ..
يا صحب قولـــــــــــوا هل حلاوة وجدكم تقوى على مر الفراق وترفق..
اني لأرمق مطلعا ارنو له حتى اعيش به سأبقى ارمق..
اصداء ما صدحت به كلماتكم في القلب مسكنها به تترقرق..
عفوا فأني قد اطلت بوقفتي..
سأسير اسأل والسؤال يؤرق..
مالي افكر بالفراق لو اتي هذا سؤالي ان سؤلي محرق
لولا علمت بأن فراقكم امل يطل وفجر يشرق
لظللت باااق جاعل همي اللذي يضني الفؤاد مسربلا لا ينطق..
قالوا الفراق يدق دوما بابه..
فسألتهم هل للفراق سوابق..

قـــــــــــــــــــــااالوا الفراااق...

وقاام التصفيق.. وحيدر مره يحس روحه صخن ومنحرج.. بس كان ابداع..

وطالع فظيع احلى من المنشد الأصلي بملييييون مليوون مره..

فارس مع هالإنشوده.. دمعته طغت في عيونه.. من جد الفراق صعب يا عبدالله..
التفت لرائد.. لقاه من بعيد مبين عليه ماسك على اعصابه.. وشاد عمره.. مبين عليه فيه شي..
فارس خاف عليه..
ــ ياربي ويش فيه رائد..

والى اللقاء بالحلقه القادمه

[كبرياء]

يسلموووووووو اميرووه

طلع حيدر وهو مبتسم سبق رائد .. وقرروا قبلها ان كلهم بسياره فارس يروحوا المدرسه ..
رائد يفتح باب الطريق ويشوف المفاجأه
ويضحك من قلب.. فارس بسيارته.. وملزق على النوافذ صور لرائد .. و كاتب في ورق حركات بخط حليو.. مبرووك التخرج لأغلى غالي.. ومزين السياره.... وجامة السياره ملزق عليها على جنب صورة جماعيه له ولرائد وحيدر .. معاهم المرحوم عبدالله .. وكاتب .. في قلبنا يالغالي وما ننساك وكل لحظه نعيش وياك..
رائد يضحك وعيونه تدمع مو عارف ويش يقول.. حاس روحه كنه معرس.. عجبته الحركه.. ولا عاد الصوره الجماعيه رجعته ذكريات لورى...

موقف جد روووووووووووعه حلوووو مرررره حركااات


حمزه كان يحب رؤى ويميل ليها من يوم هم صغار.. بس رؤى ما تطيقه وتقول عنه دايم انه نفخه وشايف حاله على خراط.. ويتفلسف في اشياء ما يفهم فيها .. ودوم تلعب عليه.. العبقلينو... " العبقرينو"

موتني ضحك هذاا عبقلينووو


خخخخ ههههههههههه هذي كبرياؤووه والي معاهاا

[ســحرالقوافي]

جزء حركاااااااات

روعه يسلمووو هالديااااات

مسكين فارس و رائد
مقلب الكبدة شي

خخخخخخخخخ

واعلى قلبي فارس يوم قلنا الدنيا بتضحك له تروحي تحطي له هالحمزوة في الوسطه

شوفي عاد عبود وتوفى وصبرنى بس عاد لا تكسري خاطر هالمسكين تراه يتيم

قمت اهدد

خخخخخخخخخخ

بس والله فارس يكسر الخاطر لو يفقد رؤى

بنتظار القادم

دمتـــ بود

[mrboch]

قلم ملون بألوان أبداعيه رائعه
ماأجمل ماكتبتي أخيتي
لك مستقبل واعد أن شاء الله

أختي أميرة المرح
تراني أخت مربووش متابعه قصتج الأولى أسف عليك ياحبي مو عليك ياقلبي
والحين أتابع معاج قصتج ماعرفتوني كثر ماعرفني
كل يوم أفتح المنتدى ولا عشر مرات أنتظر تكتبي جزء
وأعضاء شبكة الناصرة ماشاء الله عليهم والردود الحلوة
حمستوووني أكتب لكم قصتي قريب أن شاء الله وأسجل بعضوية جديده

تسلم أيدج أختي أميرة المرح
والله يبعد عنج عيون الحساد
موفقة خيتوو
والله يحقق كل أمنياتج بحق محمد وآل محمد

[فرح]

امـــــــــوووره
روووووووعه وتسلم يدينك
ويعطيك العااافيه
جـــــــاااااري الانتظاااار

[..انين الروح..]

انا اتوقع بيحضنون بعض وبيقلوبنها مناحه

تسلمين اموور عليش مقالب ولا احلى

[الأمل البعيد]

الله حلو مقلب الكبدة
احين صار حيدر ذكي قال ليهم ينسوه هههههههههه
ضحكني موقف رائد يوم يطيح زي رؤى ههههههههههه
بس عورت فادي مسكينة كل يشوفها فارس لو اني مكانها اتفشل فشيلة مازيها فشيلة
وزي ماقالت سحر القوافي

واعلى قلبي فارس يوم قلنا الدنيا بتضحك له تروحي تحطي له هالحمزوة في الوسطه

شوفي عاد عبود وتوفى وصبرنى بس عاد لا تكسري خاطر هالمسكين تراه يتيم

حلو الجزء مرة
ماشاء الله عليج امورة الله يبعد عنش عيون الحساد تف تف >>>> ماي ورد هههههههه
والله يخلي لج اياديج و المخرف كمبيوتركم عشان تكملي لينا القصة خخخخ
مشكورة مرة ثانية وتسلمي ع القصة الرائعة والله احلى قصة قريتها في حياتي
بس شرايش تكتبي لينا خمسة اجزاء مرة وحدة >>> سكتى احسن لج لاتذبحش اميروه يكفي اياديها تعبانة
ننتظر الجزء باحر من الجمر
تحياااااتي

[*زهرة البنفسج*]

الله يعطيك العافيه امورة يالغلا

اخبار بطنك من الضحك من ديك الليلة دبوه

ننتظر التكمله

[Princess]

تسلمووا جميع منورين وتعاليق تفرح قلبي وربي وتدفعني للمزيد

وياهلا بأخت مربووش منوره بنتظار تسجليش حبابه وتسلمي فيش وفي اخوش الخير من ذوقش

زهور خخخ بطني .. اححح كلما اتذكر يرجع يعورني من الضحك

متباااركين بهاليوم
وتفضلوا الجديد