ـــ الـــــــــــــــــــــلــــــــــــــــــــــــــ ــــه...
البيت كان مزين وعلى طاولة الصاله ورود ومره الجو اكشن..
زهرا:
ــ بنسوي لش حفلة تخرج في البيت.. وعندي لش مفاجاه بعد ..
مسكت ايد بنتها وودتها غرفة الحريم... لقت داخلها وحده ما شافتها من حوالي شهرين ..
ــ امـــــــــــــي ام حسيـــــــــــــن
ــ هلا بعد ابوي ...
راحت ليها رؤى تركض وحضنتها ..
ــ اخبالش اماه .. لويش هالقطاعه ما قمتي تزولينا..
ــ ويش اسوي يا بنتي الكبر شين.. ماني قادره اشيل عمري والله دخلني فارس لين هالمكان .. الله لا يحرمني منه ..
رائد ..:
ــ يالله يالله.. اماه .. رؤى .. لا تطلعوا من الغرفه بنركب انا وفارس لغرفتي.. خليكم تحوسوا لحفلتكم على راحتكم ..
زهرا:
ــ يا رجا الله ادخلوا ...
يللا غناتي روحي بدلي ثيابش .. وارتاحي بعد صلاة المغرب بنسويها بتجي مريم ان شالله وبناتها .. وخالتش تهاني ..
ــ ان شالله اماه..
حضنت امها وباستها من الفرحه.. انتظرت شوي لين تطمنت رائد وفارس سكروا عليهم الباب وركبت ...
في غرفة رائد.. فارس منسدح على السرير ومشبك ايده ورا راسه..
رائد جنبه على السرير و ماسك جواله يحوس ..
فارس :
ــ اجل الإسبوع الجاي حفلتك..
ــ حفلة ويش خطوبتي ..
فارس يشوت رائد برجوله على خفيف ..
ــ هههههه غربلك الله غربال .. خطوبة ويش مستعجل .. عن المسخره ..
ــ خخ ادري بس امزح .. أي الإسبوع الجاي..
ــ عقبال خطوبتك اجل يارب..
ــ أي الشهر الجاي على خير وياك..
ــ هههههههه خبل ..
ــ بتجي حفلتي ...
ــ أي اكيد ما افوتها ان شالله...
ــ أي ما بتحلى الحفله الا بك..
فارس ,, يوم حفلة تخرجه ما راح.. طلبوا عليهم المدرسه مبلغ للقيام بالحفله لكل واحد يبغى يشترك.. حزتها ما كان متوفر عنده .. وما حب يطلب من احد.. فقال ليهم مافي حفله .. دفعتنا ما سووا لينا,,, وهالمره ما يبغى يفوت حفلة رائد .. هو وياه واحد.. اللي بيفرح رائد بيفرحه.. ومنتظر هاللحظه بفارغ الصبر..
فارس :
ــ ااااااه اخ اخ اخ..
ــ الله الله .. سلامات ويش هالأهات لا يكون عشقت بس ,.,.!!؟؟
ــ اهووو والله انك متفرغ .. وين يعشق الواحد والحاله كسيفه... بس افكر بحالتي مهي عاجبتني لا شغله ولا عمله .. ما بقى مكان ما قدمت فيه على وظيفه مافي ..
ــ لا ا شالله بتحصل .. خل عندك امل..
ــ أي امل .. بللللل من زماان ما شفتها القاطعه خلتني ..
رائد يصفق فارس بالمخده..
ــ خخخخخخ انا اللي الله يغربلني .. الله يغربلك انت قبل ..
ــ هههههه نمزح ياشيخ..
رائد انسدح على ساق فارس..
ــ ادري مع فيسك...
ــ لا والله مافي امل .. الجامعيين هالأيام ما يحصلوا مكان.. ويش بنحصل احنا..
ــ ارزاق الله كريم يرزقك ان شالله..
ــ يارب ..
شوي هدئوا..
رفع رائد جواله..
ــ حيدرووه من زمان ما شفت رقعته..
ــ هههههههه اخر مره شفته قول فوين..
ــ اوه .. شفت خالي حيدرووه وييير.. اين. غريبه يطلع هو مثل الدجاجه بهالبيت تقول يستنى بيضه يفرخ...!!!
ــ ههههههه أي بيض .. شفته في المكتبه الإسبوع اللي فات..
ــ ايي.. ويش عنده هو غير المكتبه.. مثقف الخال ما شالله عليه.. بس لو شخصيته تقوى يطلع فلته.. كل من امه صاير دجاجتها وكل شي متحكمه فيه .. تخيل للحين تتحكم في لبسه بااموووت..
ــ ههههههههه لويش يعني..
ــ ما تخليه يلبس بلايز زي الشباب .. قبل شهر شريت له وحده ملعون خيرها من الشخابيط .. مسكين خخ علقها بدولابه يتمنظر فيها لبسها عشر دقايق وصارخت امه .. ويش هالخلاقين ..
ــ ههههههه ويش عليك منهم تحب ولدها رسمي وكاشخ الكشخه اللي تعجبها..
ــ أي تعجبها .. حده قمصان ولا زي الهنود تحسه .. في قمصان كشخه.. من بعد ما عطيته البلوزه ودريت بفعلة امه رحت وياه السوق .. وطحنا على قميص كشخه .. قلت له كان ياخذه امه عادي .. ولا فرينا ظهره الا خخ كتابه ويش كبرها
من شافها تقول مختلع .. ورجعه يرركض ما يبغاه..
ــ ويلاه .. عسى بس يلبس بنطلونات عادي ..
ــ ههههههههههه لويش ويش تبغاه يلبس ..
ــ يمكن ما ترضى الا سروال ابيض ..
ــ بفففف تسويها هههههههههههه
ــ هههههههههههه
ــ اما حيدروه شعره ناعم الصاقعه زيك مع وجهك.. ومستغرب حدي من امه يعني لبس مو عادي وتتحكم فيه.. بس شعره تقول زي البنات لرقبته.. وطبقات ..
ــ ههههههه ايه شفته يوم اروح المكتبه ..
ــ شكلها مرت جدي من حومتها على البنات خلته بشعره كذا..
ــ هااا اسوي زيه ..
ــ وجع مو زيه .. انا كلما اشوفه اقول له قصه صاير كنه هندي ..
ــ هو حليو خالك يشبهك وايد بس اللهم على سمار انت ابيض منه..
ــ اخخ بس لو شعري زيكم..
ــ ههههههه راائدوه ويش فيك حايم قلبك على الشعر كيفا لو بنيه ويش بتسوي ..
ــ لااا لو بنيه بنتحر .. خخ اشوى اختي طالعه على خالي << قالها بعفويه ما انتبه..
فارس :
ــ ايه احم كح..
رائد :
ــ ههههههه يؤ .. ااا .. ولا شي ههههههههههه
ــ يللا عادي مثل اختي ..
ــ خخخ لو تدري بي كفختني بس ما انتبهت مالت علي من اخو..
فارس يمصع شعر رائد:
ــ خووش اخو..
رائد عن مزح:
ــ امسح شعرك بيدك وارجع مصع شعري كان ينعدي ..
ــ ههههههه رااائدووه ان حت شعري اليوم لو صار فيه شي ذبحتك..
ــ والله لو زيكم .. كان انفر صفة بنات واكسح عليكم كلكم..
ــ مع وجهك تسوي روحك اللي يسمعك يقول شين .. مع وجهك رسومك احلى واحد فينا .. اللهم شعرك .. حتى شعرك حالك حال الصبيان زين مهو فلافل .. افف زهقتنا الصراحه بهالدلاعه .. اعظم من البنيات صاير..
ــ خخخخخ.. اتغلى ابغى تمدحني صار لي ساعه يالله فهمت انت ويش اسوي لك..
فارس يطفر رائد من على ساقه ..
ــ قووم وجع .. يتدلع بعد..
ويقوم ويمد ايده على خصلات من شعر فارس طايحه على المخده ويمصعهم..
ــ ااااه يالصاقعه بحلقه على الصفر .. أي بالله محسوود فقيرووه بموتت الجمعه..
ــ هههههه الله يا فقيرووه باخذها هالشعره بسوي لك سحر ..
ــ بل لويش هههههه
ــ على شان تصير حليووو زيي ..
فارس يقوم ويرمي المخده على رائد ..
ــ مصدق عمرك اقول .. ههههههههه
رائد :
ــ بدق على حيدروه ويش رايك مدة حفلة اختي نطلع انا وانت وهو..
ــ اوكي بس وين نروح..
ــ مزرعة يعسكروا فيها الصبيان .. حسنوه ولد خالتي هناك.. هي حق خوي حسنوه ادق على حيدروه يخبره ونروح..
ــ ويش نسوي هناك..
ــ اللي يحوس واللي يلعب بلاي ستيشن واللي يلعب ورق .. واللي يسولف ..و في معسل كان تبغى ..
ــ وجع .. لا بلاي ستيشن وايد علي .. يللا دق على خالك خلينا نشوف لينا طلعه..
ــ الووووووووووو..
ــ ايي هلااا رائدووه ويش فيك تصارخ..
رائد يزيد صوته عناد:
ــ جوااالي خرباااااااااااان ..
حيدر يصارخ :
ــ وجواااااااااالك خربااان.. مو جواااالي اسمع انا .. انت تسمعنــــــــــــيييييي..
ــ ههههههههه وجع طلعت ذكي .. اخبارك يادب..
ــ خخخخ يلعن بليسك .. اخباري طفشان وزهقان .. مقابل هالكمبيوتر ضاربنه مليون فايروس وابغى انظفه..
ــ من كثر ما تحمل فيه خرابيط من ويش ما يضرب .. بقى برنامج ما حطيته..
ــ اهوو خليني بهمي ,, وينك انت من زماان ما شفتك..
ــ والله حووسه فيك الخير اتصلت وسألت عن ولد اختك..
ــ خخ والله خبري ولد الخت يسأل عن الخال مو العكس..
ــ زين هذا انا اتصلت.. بقول لك ويش عندك الليله ..
ــ خخخخ ويش عندي انا.. هذا سؤال.. ماعندي شي ..
ــ زين اجل بنطلع بعد صلاة المغرب انا وفارس وبنمر عليك..
ــ اوكي .. على خير
ــ يللا ما يشوف شر..
ــ الشر ما يجيك.. بس مين اللي ما يشوف شر..
ــ المصخن اللي عندك..
ــ مين ابوي اسم الله عليه مو مصخن..
ــ حيدرووه..
ــ هاااه..
ــ وصقعاه.. جهازك المصخن فارق بس ويش يعرفك بالمصطلحات البليغه,,
ــ اهاا البليغه.. زين الشر ما يجيك.. بروح احط له كمادات..
ــ خخخ بايخ فارق بس صرفت علي ..
ــ اشحن لك..ارسل لك رصيد اذا بغيت ..
ــ بعــــد .. اقول حيدروه..
ــ هااه..
ــ باي ..
ــ هههه باي..
تابع >>
رد مع اقتباس
رد: ماعرفتوني .. كثر .. ما عرفني ..
<<<<<بدري توى الناس
المفضلات