ماعرفتوني .. كثر .. ما عرفني ..

[Princess]

رائد:
ــ عبدالله اقعد ويانا..
ــ هههههههه لا مره ثانيه اخاف اصير عذول..
ــ على راحتك ..
عبدالله يمزح ويا رائد:
ــ بل بل على راحتي مافي محايل لي انا يعني صدق خوفي..!!.. صدق من قال من شاف احبابه نسى اصحابه..
رائد تلون :
ــ ههههههه والله ما اقصد حياك.. بس قلت عطلناك طول اليوم مداور وتعبناك..
ـــ هههههههه امزح وياك .. صدق انا تعبان وباروح البيت اريح.. يللا اشوفكم على خير
ــ مع السلامه..
مشى عبدالله وهو مره مستانس وفرحان والدنيا مهي سايعتنه بسبب هالتطور الجديد..
دخل فارس بيت رائد.. اول ما دخل ..
حنين تساسر رؤى:
ــ هذا هو فارس...
ــ ايه هذا هو..
ــ احليوو.. << بل من صغرها تغازل خخ
رؤى تطالع في حنين..مستغربه..
ــ بل قليلة ادب .. ههههه.. ما تستحي.. عيب يا دبه..
ــ ماقلت شي خلقة الله كلنا حليوين..
ــ عيب يا بنيه تسمعش امش تقص لسانش هادا صبي..
ــ خلاص بل بل ماصارت هدي كلمه خلاص اقرع مو حليو..
ــ اقلع.. اقلع..


شوي قاموا حنين ويا رؤى.. راحوا غرفة رؤى.. كانت قبال غرفة رائد.. وباب رؤى كان مردود .. مفتوح شووي ما نطبق عدل.. فارس ورائد لسا تحت ما ركبوا..


دائق معدودات و ارتفع صوت المسجل.. ودقت الحاله ..
رؤى ويا حنين طايحين حالة هباله ورقص مستانين بقلايد الريحان..
هلا هلا هلا ...
غرفة رؤى فوق غرفة جلوس الحريم على طول .. زهراء من سمعت الأهتزاز وزلازل السقف .. طالعت في مريم وهي تضحك:
ــ دقت الحاله .. دقت ..
وصاروا يضحكوا..
ام حسين :
ــ يا ساتر هادويش ويش اللي فوق..
زهراء :
ــ معاريس .. رؤى وحنين داقينها عرس..
ــ ههههههههه حلاوتهم.. وي بلغني الله فيهم عرايس بليلة وحده..
مريم وزهراء:
ــ يارب وبلغش الله بفارس ..
ــ الله يسلمكم وبلغكم بكل حبايبكم


رائد ركب ويا فارس.. وصلوا عند الغرف.. فارس بيدخل غرفة رائد الا رائد يسحبه .. ويحط صبعه على خشمه ويهمس :
ــ ششششششش.. تعال شوف الخبلان.. خخخ.. اذا دقت حالتهم.. ويش يسواا ..
فارس:
ــ ههههههه عيب عليك..
ــ خخ ما حد قال ليهم ما يسكروا الباب عدل .. تعال بس لا يفوتك يموتوا من الضحك..
وصاروا يطالعوا فيهم ,, وميتين ضحك ,,
الثنتين طبعا بالمشامر كالعاده .. وكملت قلادة ريحان.. وجههم بس مغطى والقلادة طالعه تهتز وهو يناقزوا.. ضبيعات عدلات.. ولا يدروا انهم صايرين مضحكه ..

وبالغلط فقد فارس توازنه وحط كل ثقله على رائد اللي فتح الباب بالقوه .. وطرااخ شدخه بالجدار..
ووقفوا الثنتين مختلعين.. وشالوا المشمر من على وجوههم يطالعوا ويش هالشدخه..
رؤى حمقت:
ــ قليلن ادب تطالعوا فينا.. لكن باقول لأمي ..
رائد ولا كنه مسوي شي:
ــ قولي... ويش مسويين احنا .. ما سوينا شي..
فارس مستحي حده .. هذي اول جيه له لبيت رائد ويسوي مشكله وفي باله
: ــ بــــــــــــــل غربل الله بليسي يوم اطاوعك يا رائدوه .. افف ويش هالفشله..
حنين صارت تهدي فيها :
ــ خلاص ما عليه .. لا تعصبي و لا تسووا شبقه..
رائد فاقعها ضحكه..
ــ امبااااع.. ويش هالحشيش اللي على رقابكم..
حنين ضحكت ..
رؤى حمقت زياده:
ــ حشيش دبتك.. هذي قلادة ليحان ولازقي ويش عرفك
فارس مهو قادر وفي باله :
ــ ليحان ولازقي . يا حليلها.!!!
دار بوجهه على جنب وهو يضحك..
رؤى انتبهت له يضحك.. وحمقت زياده:
ــ وانت على ويش تضحك.. ما قلت شي يضحك.. ما تستحوا.. لكن ما عليه..
فارس :
ــ لالالا.. ولا شي .. اضحك على رائد..
وفي باله :
ــ بل بل فارسووه ويش هالفشايل اول جيه وهذي سواياك..
رؤى انقهرت في رائد وفارس:
ــ اطلعوا بللا .. من غيل مطلود..
رائد حمق .. هادي شلون تكلمه كذا قدام فارس .. مافي احترام مافي حشيمه << كنه محترمها لو محشمها خخ
ويرد عليها بمسخره:
ــ اطلعوا بللا .. من غيل مطلود.. .. شلون من غيل مطلووود وانتين قلتي اطلعوا بللا...
رؤى خلاص عيونها صارت بحر .. هذا قاعد يتمسخر عليها قدام حنين وفارس.. بعد حنين متعوده عليها .. قاهرنها وجود فارس .. حاسه بفشيله.. وتشيل مخده من سريرها وطراااخ ترميها.. رائد وخر بسرعه.. وطااخ تصفق بفارس..
رؤى خلاص انحرجت.. رائد انقهر فيها :
ــ ما تستحي.. كل هالشباق عشان تمسخرت على هالحشيش.تصفينا بمخدتاش
ويمسك القلاده بيهزها ليها عن مسخره.. وترجع رؤى على ورى بسرعه فكرته بيصفقها .. وتنقطع القلاده وتطيح على الأرض...
رؤى:
ــ اااه.. تهي تهي ... انت ويشوو انت.. ما كنت اقصد فالس يوم المي المخده .. حق ويش قطعت قلادتي .. ماني ماني ..تهي تهي ..
فارس كسرت خاطره .. ابتسم:
ــ رائد حق ويش كذا حرام عليك.. عادي الا مخده ما تعور
ــ اهوو ويش عرفك انت بالبنات .. دلااااليع ما عليك منها .. امش بس غرفتي ..
ــ دقيقه..

شال فارس القلادة من على الأرض.. وربطها.. ولبسها رؤى اللي كانت قاعده على سريها ومغطيه وجهها تصيح..:
ــ خلاص لا تصيحي .. هاا سويتها ربطتها بالقوه بعد.. ما بتنقطع مره ثانيه.. خلاص...
رؤى وايدها بعدها على وجهها..
ــ خلاص.. لكن رائدوه عند ابوي خله بس يرجع من العمل..
رائد ولا عنده فيها :
ــ قولي .. كل يوم هذا شريطش وينعاد.. يبه رائد سوى .. يبه رائد قال..

وطلع هو ويا فارس من غرفة رؤى.. حنين صارت تهدي في رؤى ..
ــ يعني ما تعرفي اخوش صدق نحيس بس طيب شوي وبيراضيش..
رؤى تدري به فسكتت..
وبغرفة رائد... فارس يكلم رائد:
ــ انت كذا على طول ويا اختك؟؟
ــ شلون يعني ؟؟
ــ يعني شباق ونحاسه وكله تصيحها..
ــ ايه البنات ما يجوا الا بالعين الحمرا.. تعلمني عنهم .. ويش دراك انت..
ــ حرام عليك.. كان زين لو عندي اخت لو اخو.. كان ما سويت زيك..
ــ اهووو.. فارسوه يللا عاد لا تقعد تعور راسي بهالبنات.. وبعدين انا وين رحت؟؟
ــ وين رحت .. يعني ويش؟؟
ــ يعني انا اخوك.. والا ما تبغاني ..
فارس ضرب كتف رائد:
ــ افااا وانا احصل اخو زيك واعيفه ..
ــ هههههههه .. زين.. بس ويش يعني اعيفه..
ــ ههههههه يعني اخليه.. ويش يعرفك هذا كلام امي ام حسين..
ــ ههههه ايه احبها امك ام حسين طيبه
فارس تنهد:
ــ ايييه .. والله طيبه الله لا يحرمني منها لولا الله راحم حالي بها .. كان ضعت انا بهالدنيا..
رائد كسر خاطره فارس:
ــ الله يخليها لك ولا يحرمك منها يارب ..
ــ يارب...

وهم قاعدين يسولفوا الا بصوت
ــ ااااااااااااااااااااااااااااااااااااااااااه
بغرفة البنات

والى اللقاء في الحلقه القاادمه

[الأمل البعيد]

يلا عاد نمبي الأجزاء الباقية بسرررررررعة ننظرش ومرة حلو هالجزء كله فرح ورقص وحلوو
مافيه كرب ييجنننننننن وعرفت ساعدج جدتج الله يخليها لج في الأنشودة صح
ويلا قاعدين ننتظر باحر من الجمر وبعد نخلينا نتشوق امبى اعرف وشصاير ويالبنات

[الأمل البعيد]

احليوو.. << بل من صغرها تغازل خخ

حلوووووو من صغرها وتغازل موتتني من الضحك وعاد كل يوم عرس بعدهم صغار ع العرس عقلهم فوين الله يستر عليهم خخخخخخخ هههههلامورة
والله هذا احلى الاجزاء روعة والخوف من الجاي
تحياااااتي

[الأمل البعيد]

يووووووووووووووووووووووه عجلي امورشة بسررررررررررعة ماني قادرة انتظر تراني ماني قادرة اصبر
مشكووووووووووورة ع القصة الروعة احلى قصة صراحة بس اشفوها اشقق فرح

[أمل الظهور]

هوا الزين يامال

هوا الزين يامال

ياااربي امووووووور وربي الاحداث قطعتني هالمره من الضـحك

ــ امبااااع.. ويش هالحشيش اللي على رقابكم..

ويلي امرووشه بموت ضحك ماني قادره

دمعت عيوني من الضحك

وعلى حيدلوه على الملجيحه <<علمتها لؤى

وهذا لائدوه يعني مالاح يتوب ويتلك اخته على حالها

لازم بكل حلقه يضلبها ويكسل بخاطلها

الله يهديه بس

حلقه وجزء مميز بعيد عن التوترات والالام ..

بس لايكون الهدوء الذي يسبق العاصفه

اقول امرووش لايكون بتنزلي بكره حلقه

لاتنزلي شيء سامعه لا انتفك

اصبري موب تطير القصه نزليها يوم الجمعه

ولا السبت الفجر يعني على الراحه

علشان ماتتعبي وتتجمع الافكار

وتصير احداث رهيبه

سامعه ولا

ننتظر الحلقه الجديد على اقل من مهلك

[.:روح وريحان:.]

هو الزين يامال
هلا هلا عاشووووووا
ههههههههه
مشكوورة امورة
انتظر التكملهـ..

[ســحرالقوافي]

جزء يهوووس


روووعه وحركااات


وهوا الزين يااامااال




وترى الليله عدنا عرس بنت عمي ولد عمتي


بس قلت لازم اجي اقراها

خخخخخ


ما قدر متحمسة مرة مرة

وهم بكرة عدم عرس بنت عمي لا تنزلي الجزء


في العجلة الندامه



ومن تأنى نال ما تمنى

خخخخخخ

<<<< قامت تقول حكم بس عشااان لا يفوتها الجديد


وعلى فكرة
ــ خلاص.. لكن رائدوه عند ابوي خله بس يرجع من العمل..

يمبالك تصحيحيها

لائدوه


افوتك بعااافيه




دمتـــ بود

[فرح]

بجد وناااااسه واكتير حلووو
حركاااااات
امـــــــــوووره
وصح السان جدك عرفت تساعدك اكتير
في الاغنيه لانها حقت الاول >>ربي يحفظها لك ولايحرمك منها <<
جــــــــاااااري الانتظاااار ..

[الأمل البعيد]

لا لا لا لاتسمعي سحورة تقدر تقراه مابطير القصة
احنا الي بنطير من الشوق للقصة
ان سمعتي كلامها نوريش نخليش تكتبي جزئين بدال واحد
نعكس المثل
في التأني الندامة
وفي العجلة السلامة
خخخخخخخخ ههههههه
ننتظر بكل شوق
تحيااااتي

[آهات عاشقه]

الجزء

مرررررررره مرررررررررررره


حليو ويجنن

هي بنت خالي وانا ولد عمتها هوا الزين يا مال..
>> عجبتني .. لغاية في نفس يعقوب


بالصراحه موتيني ضحك


ضحكت ضحك واستانست مررره


غناتي ان شاء البسمه ماتفارقش

تسلمي يالغاليه

ننتظر الجزء الجديد

[كبرياء]

يسلموا خيتو وبانتظاااااار الجديد

[أسيرة الأحلام]

أموووره الحلقه مرررره تهبل وتموت من الضحك
بس على فكره عندش أخطاء في كلام روئ
خخخخخخخخخخخخـ
المهم مشكووووره يالغلا على الحلقه اللي تهبل
أووووووه نسيت
سلمي على جدتش وقولي ليها مشكووووووره على المساعده<<<<اللي يقول تعرفها من زمان
خخخخخخخخخـ
الله يخليها ليكم
يسلموووو يالغلا ونحن يإنتظار الحلقه الجديد..

[أمير العاشقين]

ــ حشيش دبتك.. هذي قلادة ليحان ولازقي ويش عرفك

ــ خلاص.. لكن رائدوه عند ابوي خله بس يرجع من العمل..


أميره ملاحظاتي ههههههه

ترا ما بتحقلي الشهاده

انتبهي مره ثانيه زين

رائد يعني لائد زين

ويرجع يعني يلجع زين

وعرفك يعني علفك

ترا بتنقثصي علامات واجد ولا بتعدي الماده زين

والله هيبات القصه ميه ميه

كملي اميوووره خلينا نكملها كلها طلبتش

[آخر شقآوهـ ..~]

السلام عليكم
اول بعلق وبعدين هداك

ــ المرجحانات على البحر .. افادي اتمرجح..

مع فيسك حيدلوه فتحت نفسيتي ابغى اروح اتمرجح<<نرجع لايام الطفووله نيهههههههههاي

ــ أيــه .. ويش مفكرني... << احم .. كل شي يعرف له..

ماشاء الله عليه مافي حاجه مايعرفها بس الصرصور مايعرف يطقه نيهههههههههههاااي جبان صحيح<<عدال عليش ياللي ماتخافي

ابو الزين يامالي هوا الزين يا مال

..ألخ

عجبتني يبغى ليي احفظها نيههههههههههههاااي

ــ حشيش دبتك.. هذي قلادة ليحان ولازقي ويش عرفك

هههههههههههههههههههههاااي عجبتني حشيش دبتك والله انها فلته لؤى

ــ خلاص لا تصيحي .. هاا سويتها ربطتها بالقوه بعد.. ما بتنقطع مره ثانيه.. خلاص...

وييييه هدا طيب طالع عليي ايه اصير بنت عمه له<<خرفت الاخت ويش جيبش انتينا ليه
عفر احساسي الاخير بيصدق اني عندي احساس ادا صدق قولو البطه صدقت بس ادا ماصدق لا تقولو سوو روحكم نسيتو
خيوووه امووروه عليش حلقه شفاريات كشوخيات فلته وتزحف زحيف
سلمي على جدتي اقصد جدتش وقولي ليها مشكوورة كفاري وماقصرتي
والله يعطيكم ربي الف عافيه
بانتظار الجزء هداك هوه
تحياتي
ضحكوه البطه

[*زهرة البنفسج*]

الله يعطيك الف عافيه امورة يالغلا
علقصه الروعه
موفقه