صفحة 11 من 76 الأولىالأولى ... 9 10 11 12 13 21 61 ... الأخيرةالأخيرة
النتائج 151 إلى 165 من 1132

الموضوع: ماعرفتوني .. كثر .. ما عرفني ..

العرض المتطور

  1. #1
    مشرفة سابقة تستحق التقدير الصورة الرمزية آخر شقآوهـ ..~
    تاريخ التسجيل
    Aug 2005
    الدولة
    بين جروحي وآلآمي
    المشاركات
    6,378
    شكراً
    1
    تم شكره مرة واحدة في مشاركة واحدة
    معدل تقييم المستوى
    371

    رد: ماعرفتوني .. كثر .. ما عرفني ..

    ياسلام ويش هل جزء يجنن فلته يهبببببببل
    اكتشفت اكتشاف قصدي جاني احسان وهو كــ التالي
    فارس بقلبه مو قادر على رؤى .. مره عجبته رائها.. صار يتخيلها كيف تقول اسمه .. صار يتمتم بشوي شوي بصوت هادي مو مسموع..
    ــ فالس .. فالس ..هههههههه .. حلووه والله..


    فارس بيحب ام الراء الجميله وبيعرسو<<هدا ادا عرسو نيهههههههههههاي
    تسلمي حبيبتي
    يعطيكِ ربي العافيه
    بانتظار جديدكِ
    تحياتي
    ضحكوه البطه
    ●•Ļǎv Mệ łйę•●

    ..الضحكة البريئه..
    في نفرهـ وآحدهـ
    آخر شقآوهـ ..~

  2. #2
    مشرفة منتدى الصحة والسلامه الصورة الرمزية أمل الظهور
    تاريخ التسجيل
    Aug 2006
    الدولة
    مملكة المشاعر
    المشاركات
    8,306
    شكراً
    20
    تم شكره 48 مرة في 33 مشاركة
    معدل تقييم المستوى
    2207

    رد: ماعرفتوني .. كثر .. ما عرفني ..

    امرووشه ...

    اجل تقولي الاحداث في هالجزء موب شيء ومدري ويش تقولي ...

    اجل فالس وفالس خخخخخ وربي فقعت ضحك

    يحليلها تجنن ههههههههههه

    كويس انه لائد حن اشويات على فالس واندمج معاه اشويات وترك غيرته

    لاتقولي بيرجع (يتدحن ) ويغار ..

    شكل فالس ولا ئد بيطلعوا فولات او فراولات ولا ويش رايك



    اموور الاحداث تحلوو وتحلووو وتحلووو

    ونحن على ناااااااااااااااااااااااااااااار من الوله والشوق


    <<<جاري الانتظار <<<

  3. #3
    مشرفة منتدى ذوي الإحتياجات الخاصة الصورة الرمزية فرح
    تاريخ التسجيل
    Aug 2006
    الدولة
    في كوكبة المنتظرين
    المشاركات
    15,935
    شكراً
    247
    تم شكره 194 مرة في 104 مشاركة
    معدل تقييم المستوى
    4206

    رد: ماعرفتوني .. كثر .. ما عرفني ..

    امـــــــووره
    بجد القصه كل يوم عن الثاني تحلى
    يعطيك العاافيه
    جــــــــاااااري الانتظااااار ....

  4. #4
    عضو فيروزي الصورة الرمزية نور الهدى
    تاريخ التسجيل
    Apr 2006
    الدولة
    البحرين
    المشاركات
    11,187
    شكراً
    103
    تم شكره 88 مرة في 63 مشاركة
    معدل تقييم المستوى
    1420

    رد: ماعرفتوني .. كثر .. ما عرفني ..

    جاررررررررررررري الانتظار
    مشكورة روح وريحان على التوقيع
    سلمت يمناك عزيزتي

  5. #5
    مشرفة منتدى تواقيع الأعضاء الصورة الرمزية ســحرالقوافي
    تاريخ التسجيل
    Jun 2007
    الدولة
    دار تعشق الزهراء
    المشاركات
    5,372
    شكراً
    0
    تم شكره 4 مرة في 4 مشاركة
    معدل تقييم المستوى
    331

    رد: ماعرفتوني .. كثر .. ما عرفني ..



    اللهم صلي على محمد وال محمد


    جزء يهووووس

    عن جد كلما ماجا ليهااا تحلا ها القصه وكل ما جالينا نتشوق اكثر


    الله يعطيك العافية


    بس لا تطولين علينا ترحنا على نااااار


    دمتــــــــ بود











  6. #6
    عضو محترف الصورة الرمزية آهات عاشقه
    تاريخ التسجيل
    May 2007
    الدولة
    في قلب من اعشق
    المشاركات
    581
    شكراً
    0
    تم شكره 0 مرة في 0 مشاركة
    معدل تقييم المستوى
    234

    رد: ماعرفتوني .. كثر .. ما عرفني ..

    هلا غناتي

    والله القصه
    جناااااااااااااااااااااااااااااااااااان

    توني اقراء الجزئين الاخيرين

    والله قطع قلبي عبد الله وهو يذكرماضيه

    خلاص مره حتى اني صارت حالتي حاله من الصياح >> تتأثر بسرعه

    واستانست على الجزء الثاني

    الي فيها فالس فالس

    والحمد لله يوم رائد شال الغيره على جنب

    بس استانست وشقيت الحلق من الوناسه

    يوم عبدالله يشلخ امينوه وابو مصيبه

    عساهم بهالحاله واردى

    تسلمي غناتي

    والله يعطيش الف عافيه

    غناتي يلا نزلي الينا واجد ابغى استانس بالقصه قبل مااسافر

    دمتي لنا

  7. #7
    مشرفة منتدى الانيمي الصورة الرمزية .:روح وريحان:.
    تاريخ التسجيل
    Mar 2006
    الدولة
    ..|[تحت رأفة الرحمن ..~
    المشاركات
    8,205
    مقالات المدونة
    3
    شكراً
    205
    تم شكره 236 مرة في 173 مشاركة
    معدل تقييم المستوى
    1015

    رد: ماعرفتوني .. كثر .. ما عرفني ..

    الصرااحة
    حسيت باجوااء قرفــــ
    فخاار يكسر بعضووه
    لو ذبحهمـ احسن
    مشكوورة اموورة ع التكمله


    ربآه / أنتَ المُنى وكُلّ المُنى ..
    .."روح وريحآن ..~

  8. #8
    عضو سوبر محترف الصورة الرمزية *زهرة البنفسج*
    تاريخ التسجيل
    Oct 2006
    الدولة
    في عالم البنفسج
    المشاركات
    3,177
    شكراً
    1
    تم شكره 10 مرة في 7 مشاركة
    معدل تقييم المستوى
    564

    رد: ماعرفتوني .. كثر .. ما عرفني ..

    امورة يالغلا
    اولشي فقدتيني لو لا
    هههههه أكيد فقدتيني مرررة واثقة من حالها البنت
    المهم امورة غبت 10 أيام وجمعت خمس حلقات وراء بعض
    بس وناسه والحين بقعد علي أعصابي انتظر الحلقات الباقي
    بس لما كنت غايبه اووف أقول راحت علي القصة مادري وش صار هههه
    اسبق الأحداث
    يسلمو امورة والله يعطيك العافية


    الحمدلله رب العالمين ..!

  9. #9
    عضو سوبر مميز الصورة الرمزية أسيرة الأحلام
    تاريخ التسجيل
    Jan 2007
    الدولة
    .:الأحزان والآلام:.
    المشاركات
    2,574
    شكراً
    0
    تم شكره 0 مرة في 0 مشاركة
    معدل تقييم المستوى
    277

    رد: ماعرفتوني .. كثر .. ما عرفني ..

    يااااااااااااربي
    القصه مو بس تجنن إلا تخلي الواحد يستخل من حلاوتها
    مشكووووووووووره أميروووووه
    وجاري إنتظار الحلقه القادمه
    تحياتي

  10. #10
    مشرفة سابقة تستحق التقدير الصورة الرمزية الأمل البعيد
    تاريخ التسجيل
    Apr 2007
    الدولة
    القَطِيفْ ,, أمُ الجِزَمْ ..
    المشاركات
    4,620
    شكراً
    0
    تم شكره 0 مرة في 0 مشاركة
    معدل تقييم المستوى
    316

    رد: ماعرفتوني .. كثر .. ما عرفني ..

    جزء رووووووووووووعة يلا عاد وراء رؤى حلوةةةةةةةة
    لا تتأخري ونمباش اجيبي الينا كل الأجزاء وعاد ويفالس حلوة
    كملي ولا بتشوفي عقاب من الاعضاء لين تكملي
    .. آسفه ع التقصــير ..


  11. #11
    عضو متميز الصورة الرمزية الحال2007مه
    تاريخ التسجيل
    Jun 2007
    الدولة
    مملكة الأحلام السعيده
    المشاركات
    267
    شكراً
    0
    تم شكره 0 مرة في 0 مشاركة
    معدل تقييم المستوى
    226

    رد: ماعرفتوني .. كثر .. ما عرفني ..

    ــ لااائد لااائد .. صلصوول صلصووول..
    لحد احين اضحك عليها
    ــ ابو مصيبه .. وينك اطلع اذا فيك خير..
    أكشنننننننننننننننننننننن خطير اتخيل المنظر في بالي
    ننتظر الجزء اليديد لاتتاخري لا باسوي فيش زي ماسوى عبد الله في ابو مصيبه<<<<<<<<امززززززززززززززززززززززح لاتالي ماتحطي حلقات اصلا

  12. #12
    مشرفة سابقة تستحق التقدير الصورة الرمزية الأمل البعيد
    تاريخ التسجيل
    Apr 2007
    الدولة
    القَطِيفْ ,, أمُ الجِزَمْ ..
    المشاركات
    4,620
    شكراً
    0
    تم شكره 0 مرة في 0 مشاركة
    معدل تقييم المستوى
    316

    رد: ماعرفتوني .. كثر .. ما عرفني ..

    لا زم اشوقينا يلا عاد نمبى الاجزاء ننتظر بفارغ الصبر
    مو تتأخري يلا اليوم نمباش تعوضي جيبي لينا كل الأجزاء
    والقصة رووووووووووووعة تجنن
    بانتظار الحلقة القادمة
    .. آسفه ع التقصــير ..


  13. #13
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4163

    رد: ماعرفتوني .. كثر .. ما عرفني ..

    ههههههه يسلموو حبايبي كالعاده تفرحني تعاليقكم وتواجدكم الأكثر من رائع

    اعذروني على التأخر .. بس اشتراك النت حقي خلص.. والليله شحنت خخخ

    حباابي .. هالجزء استعنت فيه بإنساانه غاليه على قلبي مره. جدتي .. ام امي . الله يحفظها ويخليها لي يارب.. ويحفظ ليكم حبايبكم.. عطتني كم حاجه.. بتعرفوا من الجزء.. ويش عطتني..
    :)

    اتمنى لكم قراءه ممتعه ومسليه
    تفضلوا

  14. #14
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4163

    الحلقـــــــــــــــــــــــ 14ـــــــــــــــــــــــــة

    وبعد ثلاثة ايام... عبدالله قرقر يطلع مع فارس ورائد يغيروا جو.. رائد طلب من عبدالله اذا ما فيها كلافة ياخذوا وياهم حيدر.. عبدالله ما مانع ..
    رائد راح لحيدر .. وخبره عن الطلعه .. طبعا حيدر طار من الفرحه...
    رائد:
    ــ بس انتبه هااا.. اخذ احتياطك قبل لا نطلع .. لا تسوي لينا سالفة داك اليوم..
    ــ لا ماشربت شي ولا بشرب..
    ــ هههههه مع وجهك.. يللا مشينا..

    طلعوا لعبدالله اللي كان ينتظرهم في السياره مع فارس.. كان رائد قاعد قدام.. وفارس ورى.. ركب حيدر وسلم عليهم ...
    مشوا .. فارس يطالع في حيدر بنظرات << ياللي تطالع وكنك ما تطالعني خخخ..
    متعجب .. هو سمع من رائد ان حيدر عمره 11 سنه يعني اصغر منه بس بسنتين.. شكله كنه اصغر منه بــ 5 او 7 سنوات ..<< ياحليله الطشونه..

    عبدالله:
    ــ انا ما فبالي مكان .. وين تبغونا نروح...
    حيدر :
    ــ المرجحانات على البحر .. افادي اتمرجح..
    رائد:
    ــ ههههههههههه ولا بتكبر .. حقة يهال المرجحانات..
    ــ مانى حليو لكن..
    عبدالله ..ابتسم..
    ــ زين بنروح .. وانا بعد عندي حاجه حليوه تعلبوا بها هناك...

    وصلوا البحر.. نزلوا .. حيدر حجز له مرجحانه .. رائد ميت عليه ضحك.. وفارس مستغرب منه..!!

    فتح عبدالله دبة السياره.. وطلع منها سيكل..
    رائد فتح عيونه ....
    ــ سيكل مين هادااا..
    عبدالله :
    ــ هههههههه سيكل اخوي مهند .. من زمان حطيته بدبة السيارة كل يوم اقول ابابيعه ولا يدعيني قلبي واهون... يللا مين بيسووقه...
    رائد :
    ــ انااا.. << ولا مره ركب سيكل..
    ــ تعرف له..؟؟؟
    ــ أيــه .. ويش مفكرني... << احم .. كل شي يعرف له..
    ركب رائد السيكل .. يبغى يتوازن..
    طراااخ..
    ــ ههههههههههههههه توووك تعرف له..
    ــ من الأرضيه مهي مسفلته عدل..
    ــ ههههههههههه حججك صواريخ يا رائد.. زين روح مناك قريب الرصيف مسفلت عدل...
    رجع .. وطااااخ..
    ــ ههههههههههه رائد قووم بس ما فينا شدتك.. ما بغينا ايدك تعتدل ويشيلوا الجبيره .. ترجع تكسرها.. ويش تبغى اهلك يقولوا عني .. كل طايح في ولدهم تكسير..
    ــ مانى مانى.. ابغى اسوقه... علمني ..
    ــ ههههه تووك تعرف...
    ــ هااه.. فكرته سهل ...
    ــ زين انا ودي اعلمك بس السيكل صغير علي ههههههه اخاف اركبه والرايح والجاي يتمسخر علي.. ولا بعرف بعد من الدراعه.. ويش اسوي لك .. كيفا اعلمك؟؟
    فارس من بعد سكوووت طويل من اول ما طلع :
    ــ انا اعلمه...
    عبدالله :
    ــ ايه والله صدق نسيت انك تسوق سيكل..
    ــ يللا اعلمك رائد...؟؟!!
    عبدالله خايف من ردة فعل رائد.. قال كان ما يشب بس في فارس حريقه... ما يدري بهم صاروا حليوين ...
    رائد فرد بزوه شبرين :
    ــ أيـــــــــــــــــــه..
    عبدالله :
    ــ صلوااات على محمد .. وال محمد...
    وصار يصفق ..
    رائد وفارس طالعوا في بعض وفقعوها ضحكه...
    عبدالله :
    ــ ويش فيكم تضحكو...
    رائد حط ذراعه على كتف فارس:
    ــ سرررر..
    ــ هههههههههه.. ولاااا بعد صار بينكم اسرار ...
    وحط صبعه في فمه .. وصفر ...
    ــ عاااشوا.. ايوااا.. احلى .. من متى .. وانا اخر من يعلم..؟؟
    رائد:
    ــ ههههههههه مو من زمان.. بس صرنا اخويا.. خلاص..
    ــ عسااه دووم يارب .. فرحتوا قلبي والله بهالسالفه ...

    صار فارس يعلم رائد كيف يسوق.. وعبدالله متسند على سيارته .. متكتف ويتأملهم.. وعيونه مليانه فرح.. مستانس بهم فرحوا قلبه ونسوه همه شويه..


    احلى شي مر بهالأيام على عبدالله هالصداقه المفاجأه بين رائد وفارس.. صار يفكر ويبتسم.. شلون المصايب خلفت وراها اشيا حلوه والحمدلله.. يتذكر اول تعارف له مع رائد كان بعد مصيبه.. لا اله الا الله .. والحين هالصداقه بعد نفس الحاله .. وصدق مثل ما يقول المثل :ما بعد العداوة الا محبه..

    شوي الا رائد عرف يسوق ..
    ــ هييييييييييييييييييييه هههههههههههه
    وفارس يصفق ويصفر له.. حيدر مهو وياهم.. ملتهي بالمرجحانه..
    انتبه عبدالله لرائد قاعد يساسر فارس.. وفارس يطالع في حيدر بخبث..
    عبدالله فباله..
    ــ اوووه صدق السالفه.. صار بينهم اسرار .. حلو حلو .. ماشالله.. وشكلهم ناويين على نية قشرى..

    وفعلا.. غافلوا حيدر اللي كان يتمرجح وهو مغمض عيونه << خاش جوو يعني
    ومسكوا المرجحانه كل واحد من جهه.. وهوووووب .. حد ما عندهم صاروا يمرجحوه.. خلوه يتصروع ...
    _ اااااااااااااااااااااااااه.. هههههههههههه.. وقفووووا .. شوي شوووووووووووي..
    وما ينشاف الا شعره يهبهب كنه بنوته << خوش داعيه لشامبو
    وهم كلما صراخ زادوا السرعه والقوه.. وعبدالله فارط من الضحك:
    ــ ههههههه حراام عليكم.. طشونه بينكم .. خففوا عليه.. رائدووه انت ادري بك راعي سوابق .. هههههههه ويا ويلي طلع فارس زيك بعد ..
    فارس يكركر ضحك..
    شوي الا حيدر الطشونه طااااير من المرجحاانه وطراااخ على الرمل على وجهه..
    ويقوم الركيض عبدالله صار يصارخ:
    ــ كسرتوووه هو نااقص ؟؟
    شالوه وقلبوه على ظهره لقوا خشمه انفشخ وطلع شوية دم وجبهته متورمه.. نظارته الحمدلله بس اعوجاج بسيط..
    صار عبدالله يسطر فيه على خفيف .. بس حيدر مغمى عليه.. عبدالله عصب:
    ــ يــــاربي.. انا ناقص انا... هاا اغمى عليه...
    فارس خاف:
    ــ والله ما كنا نقصد ويش درانا انه بيفلت ويطير..
    رائد وهو مو داق خبر.. :
    ــ اهووووو ما عليكم منه.. هذا قطو بسبعة ارواح .. اسألوني بس عن الخال .. لا يغركم حجمه..
    عبدالله حط حيدر بحضنه بيحمله :
    ــ وانا ما شغلتي الا اناقل فيكم لهالمستشفى .. خلفتكم ونسيتكم.. والله بلشه.. لكن الشرهه علي يوم اطلعكم...
    فارس تضايق.. اما رائد ولا عنده فيها...
    ومامداه بيقوم .. الا حيدر :
    ــ اووووووو...وووووووووه... << كان يسوي حاله مغمى عليه..
    عبدالله انقهر منه ويمسكه من راسه ويهزه :
    ــ ووجع.. خوفتنا .. طلعت انت بعد العن منهم.. الله يساعدني عليكم بس..
    حيدر يعدل نظارته بعد الهزه.. وهو يضحك:
    ــ بس اعرف امثل موو..
    رائد :
    ــ قايل ليكم قطوو... ما صدقتوني ....خالي وانا ادرى فيه...
    فارس ميت من الضحك...

    تابع >>>

  15. #15
    مشرفة منتدى التصاميم والإبداع الصورة الرمزية Princess
    تاريخ التسجيل
    Oct 2006
    الدولة
    My Small Kingdom
    المشاركات
    8,121
    مقالات المدونة
    2
    شكراً
    33
    تم شكره 337 مرة في 116 مشاركة
    معدل تقييم المستوى
    4163

    تابــــــــــــــــــــــــــع



    ام حسين كانت في بيت فاضل.. عازمتنها زهراء على شاي العصريه.. وجايه بعد وياهم مريم.. وبنتها حنين..
    حنين:
    ــ رؤوووه .. حليو الرازقي " الفل" اللي بزراعتكم ..
    رؤى:
    ــ ايه توه طالع.. صايل حليو ويا الليحان.. << الريحان
    ــ اول ما دخلنا بيتكم الريحه خنينه ..
    زهراء:
    ــ يؤ.. طلع الرازقي صدق..؟؟
    مريم:
    ــ هههههههه الله يهديش هذا وبيتكم وما تدري به..
    ـــ هههههه ويش دراني به.. اني ما طلعت من زمان.. ويا رائد يا فاضل يسقو الزراعه ويش يدريني قام لو ما قام.... رؤى غناتي اخذي سله وروحي انتين ويا حنين لموه ويا شوية ريحان.. خلونا نوزعه ونستانس..

    قاموا الثنيتن زي المربووشين.. خذوا السله ويللا تجميع... قبعوا اللي قدروا عليه.. غسلوه ونشفوه.. ورجعوا به للحريم..
    زهراء صارت تقسمه عطت مريم شوي ويوم جت بتعطي ام حسين .. فردت ام حسين شيلتها وصارت زهراء تنفر فيها وام حسين..
    ــ احححح صلواات على محمد...
    كلهم بنفس واحد..
    ــ اللهم صلي على محمد وال محمد
    صارت ام حسين تشمه..
    ــ اححح ذكرتوني بأبو حسين.. رحمت الله عليه << قالتها وهي تضحك مستحيه ورافعه جزء من الشيله ومغطية وجهها به..

    قروا له الفاتحه...

    نزلت الشيلة وهي مبتسمه..:
    ــ رؤى امي.. قومي جيبي لي خيط وابراه...
    ــ ان شالله اماه..
    زهراء ومريم يطالعوا في بعض مستانسين عرفوا لويش تبغاهم ام حسين..
    رجعت رؤى بالخيط والإبره.. وقعدت ويا حنين قبال ام حسين.. يطالعوها ويش تسوي...
    شكت الخيط بالإبره.. وصارت تشك الريحان والرازقي تسوي قلاده.. وهي تغني :

    ابو الزين يامالي هوا الزين يا مال
    البارحه بيتوني تحت غرفتها هوا الزين يا مال ..
    انا نايم وانا اتحرق بيمرتها <<"جمرتها" هوا الزين يامال..
    يا لايمة لا تلوميني في محبتها هوا الزين يا مال..
    هي بنت خالي وانا ولد عمتها هوا الزين يا مال..
    البارحه بيتوني برى في البري << " البر" هوا الزين يامال..
    ولعوابقلبي صوابٍ بالحشا ما بري هوا الزين يا مال..
    البارحه بيتوني والمطر يمطر هوا الزين يامال..
    وريحة فيابش "ثيابش" يا حبيبة تعطر هوا الزين يامال ..

    ورؤى وحنين .. هلا هلا .. ما شغلتهم الا يصفقوا .. ويردوا ورى ام حسين .. هوا الزين يا مال..

    خلصت ام حسين القلاده الأوليه..
    ــ كلووووش... تعالي عروستنا رؤى هلا ..
    رؤى متشققه ولبستها ام حسين اياها.. وسوت وحده ثانيه لحنين ..
    ــ كلووووش والثااانيه للعروس لحنين.. عاشوا...
    حنين ولعت الوان..
    زهراء ومريم مستانسين ومره ميتين ضحك...
    رؤى تطالع في حنين وهي تضحك:
    ــ حنينوه تخيلي نعلس هالكبل هههههههه
    ــ ههههههه لااا صغار بعدنا في المدرسه
    ام حسين ..:
    ــ يؤ. لا صغار ولا شي... اني يوم اني قدش يا رؤى.. عرست .. اكبر منش بس بسنه ام 10
    رؤى فتحت عيونها وطقت صدرها
    ــ يؤ هههههههه كيفااا؟؟
    ام حسين :
    ــ ههههههه ذكرتيني بأول.. يقولوا : البت "البنت" في هالوقت يسوى من يربيها .. احسب اليها عشر واخذ ربابيها " روبيات..فلوس.. المهر" لاجيت تخطبها من عند اهاليها .. امها كما النار عسى ربي يجازيها ...
    زهراء ومريم لطموا صدرهم وفاتحيين عيوونهم :
    ــ ههههههههه وييييش .. حرااام ..
    ام حسين :
    ــ هههههههههههه ويش اسوي هذا قول اهل لول ..خلوني اكمل ليكم ..
    ــ ايه وتالي هههههه
    ــ ايه امها كما النار عسى ربي يجازيها .. والأبو يشرط بندله ومنين قهوتا.. "قهوتها"
    رؤى:
    ــ ويشوو يعني بندلة..
    ام حسين :
    ــ هههههه يعني تتن حق القدو.. ويش يعرفكم انتون..
    ــ هههههههههههه
    ام حسين تكمل كلامها.. ونبرة صوتها غيرتها الى نبرة المختلع على مسخره :
    ــ الــــــلــــــــــه يعينك .. لمن شفت حالتها.. تشبه القنفذ اللي لسانه مفل "مثل" النار .. وسلامتكم

    كلهم ماتوا من الضحك على هالسالفه ...
    وبنفس واحد:
    ــ الله يسلمش..
    بالسياره.. رجعتهم.. عبدالله وحيدر ورائد وفارس... وصل حيدر اول واحد.. نزل بغبرته وحالته .. وجبهته المتورمه.. وما يحتاج .. ردة فعل ام حيدر معروووفه ..

    صار رائد يحايل في فارس ينزل وياه بيتهم.. لأن فارس في نيته بس يوصلوا بيت رائد ياخذ جدته ويرجع معاها بيتهم .. يوصلهم عبدالله.. بس فارس مهو راضي.. وقاعد يقنعه يخليها مرة ثانيه.. ورائد راكب راسه عناد الا اليووم..
    عبدالله مستانس بهالألحاح من رائد.. وصار يحايل في فارس بعد.. بس فارس مهو راضي..
    وصلوا بيت رائد.. نزل رائد ماد البرطم شبر.. دخل ونادى على ام حسين.. بس زهراء ما رضت تخليها ترووح:
    ــ اهووو خالتي قعدي مستانسين وياش .. لا تردينا عاد..
    ــ ويي .. والله كلفت عليكم خلوها لمره ثانيه .. قولي لي كم مره خلال هالأسبوع اني وياكم
    ــ حشاا هذي المره الثانيه.. يللا عاد خالتي لا كلافه ولا شي.. وربي متونسين معاش..
    ــ خليها مره فانيه .. باروح فارس بالسياره.,.والرجال ما قصر بيوصلنا لا اخليه يتانيني وايد..
    زهراء وقفت عند بابهم.. وقفلت الباب وشالت المفتاح في مخباها..
    ــ واذا قلت لش مافي روحه...
    ــ يؤ.. هههههه.. يـــــــــــاعلي...
    رائد مسك ام حسين من ايد.. ورؤى من ايد وصاروا يسحبوا فيها .. الا تقعد.. ومريم وحنين ضحك عليهم...
    ورضت تقعد اخيرا.. رائد طاار من الفرحه.. ونننننن طياري لفارس برى.. ويفتح الباب .. ويفرك بأصابيعه وهو يهز ..:
    ــ حره حره.. بتقعد امي ام حسين ويانا.. يعني تنزل .. حره حره..
    عبدالله فطس من الضحك على رائد .. مره شافه فرحاان ..
    فارس مره مات من الضحك.. ونزل :
    ــ امري لله.. يللا مع السلامه عبدالله ..
    ــ الله يسلمك...

    تابع >>>


صفحة 11 من 76 الأولىالأولى ... 9 10 11 12 13 21 61 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •