موضوع للنقاش : مبيت الخطيبة بمنزل خطيبها !!

[بيسان]

اهلا بك أخ

واحد فاضي

شكرا لك لانارتك صفحتي المتواضعه
وجزيل الشكر لك على الرد
كلامك منطقي ولكن
هنااك الكثير من العادات قد تغيرت
صحيح البعض محافظ عليها
ولكن الكثير عندهم هالشي عادي
اخوي في اوقات ماتقدر تضبط نفسك
فا بدون شعور ولا اراده
يحدث ...
شكرا لك مره اخرى
وبالتوفيق

[ابو طارق]

لقد فصلتم وناقشتم الموضوع من كل الزوايا

انا لا اريد ان ازيد سوى رايي فقط

لا اوافق على المبيت الا للضرورة القصوى

نعم بعد كتب الكتاب تصبح البنت زوجة وحلال

انما العرس ((والاشهار )) هم الاساس لاقامة الزوجين مع بعض

محمود سعد

[بيسان]

اهلا بك اخ

أمير العاشقين

شفيك معصب

^_^
هدي ااخوي
ريلاكس
في البدايه حبيت اوضح
ان هالاشياء امور شخصية
بين الخطيب وخطيبتهم هم يتفقوا فيما بينهم
امثله حلوه الا طرحتها
بس اخوي مو دائما يكون الوضع هالون
ماننكر انها مو زوجته
بس مو عيني عينك تعالوا شوفوا
ويش اسوي الى زوجتي
لا تبي الغراميات والكلام المعسول ممكن
بس بدوون ....
وطبعا هالشي يرجع الى البيئه الا عايشين فيها
اخوي الناس ماراح يتكلموا على الشاب
بس بيتكلموا على البنت وبيقصوا ظهرها بهالكلام
ولاتنسى اختلاف في الراي لايفسد الطرح والمناقشه
تمنياتي لك بزوجة تفهم متطلبتاك
وكما تريدها ان تكون
تحياتي لك
بيسان

[بيسان]

هلا والله بخيتوو

عيون لاتنام

نورتي الصفحة يالغلا
بالنسبه لي احلى
تدري ليش
لانه فتره الخطوبه من أحلى فترات العمر وخاصه اذا كانوا في بدايه العشرينات
وقمة في الرومانسيه
بيكون الوضع احلى ولاتنسي بتحمل لش ذكريات كثير مااراح تقدري تعيديها
يالله حاولي تعووضي الايام الاراحت ودلعي زوجك في يوم عيد زواجكم
وخليه احلى صبااحيه يااعرووووووسه
^_^

خيه مشاكل بين العائلتين وش ذخل الزوجين
مو معقوله وباي عقل ذي
خيه الا يحب ومن قلب ويبيها ماعليه لا من اهلها ولا اهله
عليها منها وبس
انا معك على حسب طبقة المجتمع بعضهم تحفظ وبعضهم فري بزيااده
ايه والله خيتوو مو بس يحسبوا الا ويطلعووا الفضايح بعد
تدري خيه
مره كنت جالسه في القااعه ننتظر الاستاذه
وقدامي بنات كانوا يتكلموا
وحده تقول الى ختها لاتزيني يمكن اكون حامل
وهي مخطووبه
الا معاهم كانت من قرى القطيف وقالت هذا الا ناقص اني مااصدق ناس كذا وماراح اجي عرسك لو كنتي حامل قبل ماتزوجي
وهدره وكلام ودخلوا في نقااش
ختها تقول لها عاادي زوجها
البنت تقول لا مو عادي
يعني في ختلاف في وجهات النظر
على فكره تدرووا ان البنت المخطوبة زوجها يشتغل برا ويجي بس شهر
فطول هالشهر ينام عندها ماينام في بيتهم
وطبعا في الفتره الا هي وياه
اغلب الاياام ماتجيني الا الوجه والرقبه كله ...
حتى لو تحاول تخفيه بس يبين
والله البنات على طول قاموا يطلعوا فيها
وش هالكلام شنو الا عاادي
على الرغم احنا في االاكااديميه كل انواع الصايعه موجوده والانفتاح
بس في هالشي مااوافقوا ومااعجب البعض
ادري هدرة واجد
اممم اعتذر على الاطاله
زين والله حريمتهم مااحد قال ليهم يشكووا
وطبعا اكيد اخذتي لش من الكلام الا يهز البدن
المهم مبروووك عليك البيبي
وحرررررررررررتهم
انتي وزوجك ومالهم دخل فيكم

شكرا لكِ اختي على التواجد
رحم الله والديك
وبالتوفيق

[بيسان]

هلا اخوي امير مره ثاانيه
صحيح كلامك اخووي
بس مااوفقك الراي

هي زوجتي لو لا؟؟؟
ايه زوجتك وحلالك عليك تجلس معاها تاكل معاها تتقرب منها بس في هالشي لا او بالاصح على حسب زوجتك
حملت من غريب ؟؟؟
لا من زوجها ومااحد بيتكلم ليها في هالنقطة بس بيلموها الناس ليش ماصبرت دام انها متزوجه تنتظر الى الزواج

في عقد نكاح بيني وبينها لو لا ؟؟؟
اييه اكيد بيكون فيه ومصدق بعد
بس كلام الناس مايرحم

في مهر لو لا ؟؟؟
فيه

الناس تدري انها زوجتي لو لا ؟؟
ايه تدري
ويثبت الدبله والعقد واشيااء واجد انها حلال عليك

اخووي وجهت نظرك صعبه
صحيح تقدر تسكتني عن الرد
بس مااقول
الله يعين زوجتك عليك
اخوي هذا مو تخلف بس عااادات مو احنا الانقول
بيئتنا ليها دور في هالمووضوع وهم الاهل
اخووي الا يبي يسوي هالشي بعيد عن كلام الناس وهدرتهم
يصير الزواج في اقرب فرصه وتمتعوا بحياتكم بدون مراقبه
صحيح ان فتره الخطوبة حلوه
بس شهر العسل احلى
^_^
عذرا للطاله
تقبل تحياتي
بيسان

[بيسان]

هلا والله يووووووووووووبا
أبو طارق
توها مانورت الصفحة
بهالطله الحلووه
امم كلامك حلوو
على الرغم انك في لبنان وهناك متفتحين اكثر من هنا
رد حلوووو
وانا معااك واوافقك الراي
بس اوقاات يسهروا الى الفجر ومن التعب ينااموا
يعني نوم بريء زي ماتقول
فعااااااااادي
جزاك الله الف خير
ع التوواجد
وبالتوفيق

تحياتي لك
أبنتك..بيسان

[أمل الظهور]

هلا بحبوبه الهلاوس بيسوو

جبتيها يالدبه والله

شوفي هو من جهة حلاله فحلاله ومن جهة زوجته فزوجته ومن جهة كيفه فكيفه معاها

بس شنو اتخيل عروس بدبه ولا بنساه وحمل وتعب ولا عاد اللي ازيد وازيد عندها صغيرون ...

عاد العرايس اللي اشوي جسمهم مليان يروحوا يسوون رياضه وريجيمات وحميه ووووو

علشان بس يطلعوا حركتات في زواجهم ..وهي تكرمون الزباله جنبها وتتوحم ويالله شالت حالها

جد موقف موب حلو ولا راح تستانس بهالليله اللي كل بنت تحلم فيها ..

عاد المطلوب اشوية ثقل شنو تبات معاه وعلى اي اساس وليش بعد مريض وتعبان حده

جد موقف رائع منها انها تبات وتوقف بجنبه بس من الباب للطاق تجي تنام وين اهلها وين اهله

مستعجلين عجلوا بليلة الزواج ولا هالتفاهات اللي تصير

اصلا حتى اهله لو يشوفوها نايمه ويش يقولوا ماصدقوا على الله ووين اهلها عنها

ويش بيخلوا الى ليلة الزواج اصلا ماراح يتشوقوا لها وبتصير عاديه لانها موب اول مره تنام معاه

اوكي الرجال يبغى يعلمها ويعودها ويكسر حاجز الخوف والخجل اللي بداخلها بس يكسره بشويش

يعني يستمتع بس بحدود مو يكسر كل الحدود وتوصل لانها تبات معاه ..

والصراحه الصراحه الغلط من البنت لانها هي رضت بهالامر

ولا ازيدك من الشعر بيت بعد صار هالايام عادي تدخله غرفتها وتطرد خواتها واخوانها اللي معاها

علشانه وتقفل عليهم الباب وشايفه حالات بعد

لاتقولي عاد ام عبود سوت كذا لا لا بالعكس كنت ثقيله حييل على الرغم من خطوبتي سنه ونصف تقريبا<<مداح نفسه

ولا المصيبه لما البنت تقول زوجي ولازم اتزيين له واللبس له وتلبس قصير وميك اب كامل يعني من الطبيعي

لو شافها خطيبها بهاللبس وهالزينه بيجرها من شعرها غصبا عنها وعن اهلها وبيقول لها باتي معاي خخخ

وااذ كلمتوها قالت زوجي عيب ولا حرام اذا لبست له يعني الرجال بيشوف خطيبته تلبس كذا ويش بيقول ويش بيفسرها

البسي وتكشخي وتزيني منو قدك ياشيخه بس اشوي اشوي وبثقل عقل ..

يعني لاتروح جنبه مبهدله واحوالها تكدر ولا احوالها تضيع و تسلمه كل شيء

وليلة الزواج شنو يميزها بالله اللي بيسوي هالشيء و زوجته بتحمل احسن له يفركش هالليله ومايخسر حاله

لانها جد فششششششششششششششششششششششششششششششششششششششله

حلات البنت بعقلها وثقلها ولا تعلم الزوج اي شيء ياخذه بسهوله وربي وربي وربي مهما قال انها حلالي

بتصغر في نظره ..

يعني ويش وراء المبيت بالله


زي ماقال القلب المرح الخطوبه حلاتها تعارف ودرس للشخصيات وتعويد

ماتوصل للمبيت والنوم عند بعض ...




بيسوو الغلا كله مشكوره للطرح



موفقه يارب

[broken_soul]

الموضوع حساس جداً ..... بس هو سؤال اذا نامت معاه في فترة الخطوبة اش خلوا للزواج ..... يعني بصراحة لا في شهر عسل ولا ببطيخ
واللي صبر اكثرمن 20 سنة يقدر يصبر روحه شهور

[Princess]

بالمختصر المفيد
اعارض وبشدة ومستحيل اخلي خطيبي يبات عندي او ابات عنده
وان كان حلال...
مو خوف من كلام الناس .. لأن من راقب الناس مات هماً .. وكلام الناس ينطق جدار ...
بس لكل شي حدوود...
اذا هذا الفعل بأيام الخطوبه
مالها داعي اجل هالفتره...
الزواج على طول احسن
واسمها ليلة الدخله
يا جمااااااااعه
ليلة الدخله
بلاها اذا في بالخطوبه مبيت وغيره
وكل شي بوقته حلو..
اسهري معاه
اسهر معاها
اطلعوا روحوا سووا اللي تبغوا بس بحدوووود

هذا اللي عندي
بالنهاية البنت هي اللي تقدر تتحكم بهالشي
والرجال ما بيغصبها على شي
مع اني سمعت سالفة فسخ خطوبه .. بنت رفضت تتعدى حدود الخطوبهمع خطيبها
فأخذ على خاطره << الصراحه ما عنده سااالفه ...
ويعطيش العافيه بيسوو
وتسلمي على هيك طرح
دمتي بحفظ الرحمن

[عماد علي]

موضوع رائع خيتو بيسان
الله يعطيك ألف عافية وتسلم الايادي...
طبعاً الموضوع تحدث عن مبيت الخطيبة بمنزل الخطيب ولا أدري هل لو حدث العكس فإن الحكم عليه بنفس حكمنا هنا أم لا...

هل أصبحت هذه العادة مقبولة في المجتمع في هذا الوقت ؟؟؟
لا أعتقد ولكن العكس أي مبيت الرجل في بيت أهل الزوجة أصبح عادة مقبولة...

وهل يعتبر المبيت في منزل الخطيب له يخالف العرف المعتاد عليه بالمجتمع ؟
نعم من جهة المرأة هذا عرف مخالف... أما من جهة الرجل فلا بأس به.

وما نظرة أهل الخطيب لخطيبته وهي لا تترك دار خطيبها؟ أهي نظرة تضايق أم رضا .. في وجهة نظركم ؟
أعتقد لانه مخالف للعرف فالنظرة تكون نظرة تضايق ولكن نعود ونقول لو بات الرجل عند أهل زوجته فهو أمر عادي... ويعتمد هذا على تقبل أهل الزوجة لهذا الامر فالبعض لا يقبل والبعض يرحب بذلك...

موضوع منتشر في هذا الوقت واتمنى التفاعل للوصول الى إحدى العبارتين .. (أوافق المبيت) (معارض للمبيت) ..

أوافق مبيت الرجل عند أهل زوجته
أعارض مبيت الزوجة عند أهل الزوج...

وللللللللللللللللللل طبعاً رديت قبل لا أقرأ رد أمير العاشقين ولما قرأته عجبنننننننييييي وينك يارجال عن المنتدى العام محاور ممتاز من الدرجة الاولى وهدار (هدرة زينة ) وكلامك ياخوي 100% صح وهذا يدل على شخصية قوية أهنيك يا خوي ...

[أمير العاشقين]

تسلم لي حبيبي على هذا الاطراء

الله يقويك يارب

ولا يهمك احنا متواجدين بالعام دووم يالغالي

عساك على القوة يارب

أمير العاشقين

[طيبه الروح]

السلام عليكم ورحمةالله وبركاته
تسلمي اختي على الموضوع الحساس
واني لا اؤيد ان البنت تنام في بيت
خطيبها لان ها الفتره تعارف بينهم
وتحياتي اليك طيبه الروح

[ملكة سبأ]

مرحبا من جديد أختي بيسان
اسمحي لي هذه المره كلماتي مع اخوي امير العاشقين
في البدايه كيف حالك اخوي امير ان شاء الله صحتك تمام وعال العال وإذنك خف منها الألم أو عصبيتك هذي من
الوجع ؟ ما شاء الله عليك داخل حامي . واقول لك ابد كلامك مافيه تجريح وكلامك عادي بس انت حارق دمك
والموضوع بسيط هو الموضوع اساساً للنقاش يعني كل عضو يطرح رأيه بكل حريه ماله داعي الإنفعال
يا خوي نحنا ما نعيش وحدنا في هذا العالم ياليت كل الرجال ينظرون مثل نظرتك البسيطه للأمور ما كان احد تعب من كلام الناس وإنت ياخوي بعدك صغير ولمى إن شاء الله تتوفق ويصير النصيب مع بنت الحلال صدقني
رح تخاف عليها من الهوا الطاير مش بس إن أحد يتكلم عليها .وربمى تتغير نظرتك للأمور
واما بالنسبة للأم اللي قالت لي عن ولدها في بالعكس والله تحب اولادها بس فيه مثل يقول ( اللي ينلسع من الشوربه
ينفخ في الزبادي ) ومثل ثاني ( اللي ينقرص من الحيه يخاف من الحبل ) المثلين ليهم معنى واحد .
بمعنى أن هذه الأم خوفها هذا لسبب أن إبنها الأكبر حملت زوجته في فترة الخطوبه وظطرو زوجوهم بسرعه في نفس الشهر مما سبب لهم الربكه ومتاعب كثيره الأنهم ما كانو مستعدين . أما إنها تكره أولادها أو زوجاتهم
لاأبدا هالحرمه أعرفها زين والله تحب زوجات أولادها وما تناديهم إلا بنتي وقدامهم ووراهم ماتذكرهم إلا بالطيب
بس كان مجرد خوف داخلها والحمد لله هذا الشهر ولدها تزوج وحضرنا عرسه .
وانا معاك إن فيه من المخطوبين مع كثرة خروجهم يستمتعو بوقتهم بس بحدود ويكون محافظ على خطيبته وحاطها في عيونه . وفيه بعد بعظ المخطوبين لقاآتهم محدوده وفي حدود ضيقه ومع ذالك تحمل الخطيبه .
أنا ماني ضد الخروج انا نفسي خرجت مع زوجي في فترت الخطوبه
البنت لمى تكون واعيه وفاهمه تقدر تسعد خطيبها او بالأصح زوجها في فترة العقد وبدون ما تفرط وتكون عند ثقت أهلها فيها . مثل ما قالت أمول مو حلوه عروس بدبتها وحالتها حاله يالله تشيل عمرها من التعب
عموما ( رضاء الناس غايةً لاتدرك )
وفي الختام السلالالالالالام

[أمير العاشقين]

أهلين خيه ملكة سباء
لا والله مو معصب ولا حارق دمي ليش تفكروني معصب

بالعكس العصير جنبي وابشرش عندي منقايه بارده الحين اقشرها واكلها

واال ويش دراش اذوني تعورني ؟؟

بخير الله يخليش بخير يارب

أختي انا قصدي وتأيدي انها تنام مع زوجها بحدود

وانتي مثل منا قلتي تنام بحدود والزوجه العاقله على قولتش الي الي بتقدر تمسك زوجها

اجيب لك مثال خيتوو

يعني الطفل لما تعطيه شي يسكت صح ؟

طيب اخذي منه هالشي وهو في عز فرحه به شراح ايصير ؟؟

طيب عطيه شي غير عن الشي الي عطيتيه ايه راح ينسي الشي الاولي ولا راح يصيح لجله لانه في شي غطى عليه

الزوج هم كذالك لما الزوجه تغطي على الزوجه انه ما يفض بكارتها وقت الخطوبه ماراح يطلب هالشي ولا راح يسترجي

اما اذا الزوجه سلمت امرها وطلب هالشي ووافقت فاأكيد راح تحمل منه بس خيه حتى لو حملت عادي

وبعدين لا يرتبكوا ولا شي ليش يعني خايفين الناس يحسبوا عليهم وخايفين من كلام الناس

لا والله لا اخاف ولا شي

طيب شنو رايش اعرف ناس

والله العظيم لما طلعت اخوي الصغير تقريباً عمره 10 شهور

اخده وفرحان به

سالته شكلك اتحب الاولاد

قال اي والله ياخوك قلت له طيب خلي الوالده تجيب لك

تدرين شنو قال

قال لا عيب امي كبرت خلاص ما نبي

انا انصدمت وفتحت عوايني سبعة امتار اقول له ليش امك كم عمرها اربعين

تدرين الصاعقه الكبرى شنو قال

امي عمرها 34 سنه قلت له اربع وثلاثين وكبرت

شنو هالتفكير قال اي خلاص ما نبي كبرت الوالده

فشووفي التخلف

شفتي كيف لما الانسان يفكر ويخاف من كلام الناس

ولا سالفة العرف ان الزوج ما يشوف مرته كل متغطيه

(( أتخيلي هالشي خيتوو ملكة سباء الزوج يجامع مرته وينام وياها ويجلس معاها و كل شي لاكن بدون ما يشوف وجهها ))

هذا عرف عندهم

بالله عليك تخلف لو غباء لو ويش تسمي هالشي

الله يعين ومثل ما قلتي

رضاء الناس غاية لاتدرك

وعلى العموم هذا على حسب الشخص والي بينام حلاله

والي بسوي هالشي حلاله

----------------------------------------------------------------


بيبووو اهلين والله بيبووو

لا والله مو معصب ولا شي ليش مفكريني معصب بالعكس

عفر لان جيت ذخلت طوالي عرض وبدون مقدمات خخخ

خيتووو والله لا والله خيه الي يبي هلاشي لا يخاف على عمره

بحقله

لاكن حتى لو صار ما صار يضرب حسابه ان بيصير حمل ولازم يتزوج في اقرب وقت

لان الاثنين عارفين هالشي

على العموم

موضوع يطول امره وكلمن اله راي

تسلمي خيه مره ثانيه

والله يستر على المؤمنين والمؤمنات يارب

أمير العاشقين
جاسم

[القزويني]

السلام عليكم
اللهم صل على محمد وآل محمد
اخوتي الكرام بعد كل التعصيب والتبليط والمع والضد
لا بد من حقيقة ان نعترف بها
اذا اردنا ان نعتبر كلام اخي امير العاشقين سليم ومحق
هي زوجة ولك كل الحق ووووو
ليش ما تاخذها لبيتك وترتاح وتريح الاخرين وما لزوم الخطوبة اصلا
بلا خطوبة زواج وخلاص
اما الخطوبة برايي فهية تخضع للعرف والتقاليد والعرف في بعض الحالات يكون اشد من القانون
حتى ولو كنت قد عقدت العقد فالعرف يقول انها خطيبة وليست زوجة
الزوجة تكون في بيتها وزوجها. لاتكون في بيت اهلها وفي نفس الوقت زوجة
التوصيف الصحيح هي ابنة مخطوبة ولخطيبها الحق الكامل بالتواصل مع خطيبته
بالحدود المتعارف عليها لا بالمبيت والى آخر السمفونية
واني اعتقد ان الشاب الواعي لا يضع محبوبته بالمكان الحرج ولا يضع من ائتمنه على ابنته
بالمكان الحرج
هناك عنوانان خطوبة- وزواج
وهناك فرق بين الحالتين ولكل حالة حلاوتها ونكهتها
ان احلى انواع الخطوبة هي التي تبقى في حدود الخطوبة وجنون الشوق مفهوم
واحلى انواع الزواج هو الزواج الذي لا تنتهي معه فترة الخطوبة ولا ينقلب الشوق هموم
وتحية خاصة للامير اميرالعاشقين
واقول له احلى شيىء في الحب الجنون

والشكر لكل الاخوة الكرام
وتحية للاخت بيسان لاهمية الموضوع