المشاركة الأصلية كتبت بواسطة ام محمد
صباح الخير
الله يعطيك العافية ام حمزاوي
الصراحة المحل الي فيه هالنمط من الباعه من ادخلها واشوفهم جذيه على طوووووووووووول اقلب وجهي وامشي
ما اعتقد ان في احد يرضى لاهله بأن يكون في هالموقف
زوجي نادرا ما يخليني اروح السوق من غيره واذا سمح لي بيكون مع امه او خواتي وويانا بعد احد اخواني
هذا شي ضرور ي واساسي عنده
يقول اولا مرتادين السوق ما لهم امان
وثانيا امثال هالباعه موجودين وبكثرة الله يستر علينا بس
يعني تلاقيها فضاية من البائع ايجي مثلا يقول لك هذا اللون ما يناسب بشرتك تعالي شوفي هاللون
او انك تختاري بلوزة واو بنطلون او تنورة او اي شي
ويجي يبط مصران زوجك اذا كان واقف معاك يقول لك لا هذا مو قياسك انتي قياسك 38 مثلا او 40
تلاقي زوجك او حتى اخوك ذاك الوقت الضغط واصل عنده 180 واشوي وينفجر
اذا ما سحبك من العباية وطلعك برة المحل بعد واجد زين
وتشوفيهم بعد الحركة ومو حلوة بالمرة انه يظل وراك وانتي تختاري
بنسبة لي يضايقني كثير هذا الشي ويضايق زوجي اكثر
يعني ما تاخذي راحتك لا في الشراء ولا في الاختيار وساعات يكون عاجبك الموديل واللون بس زوجك يقول لك خل نطلع ما نبي نشتري من اهني
وتطلعي بحسرتك وقهرك والسبة هالبائع
وربك كريم خيتو
مشكورة على الطرح
وان شاء الله تستانسي بالمناسبة الليلة
والله يكثر من مناسباتكم الحلوة يا رب
رد مع اقتباس
المفضلات