مسابقة احلى مسجات

[المومياءة]

السلام عليكم

جايبه لكم موضوع هو مو موضوع بل مسابقة جفتها في احد المنتديات و جبتها لكم و ان شاء الله تعجبكم و مضومنها هو

كل واحد يحط احلى مسج عنده و لما يوصلوا خمس مسجات نشوف منهو احلى واحد فيهم

و يلا فرصه عشان نشوف من يرسله اكثر

خخخخخخخخخخخخخخخخخخخخخخ

يلا أنا ابدأ

حياتي شلون أبنساك و أنت ساكن بقلبي عمرك سمعت بقلب عاف دقاته :حبي:

و رجاء الي بيدشوا لازم يحطوا مسج مو بس يقولوا حلوه و خلاص

هههههههههههههههههههههههههههههههههههههههه

امزح
اوكي نبي تفاعل عاد
تحياتي
المومياءة

[لهلو]

شكلي اول وحدة
يالله بحط المسج
من كثر ما أحبك وصلت لحالة الإدمان
ادمان صوتك وشوفك وطاريك
العفو انا ما أحبك ... أنا فيك هيمان
يعني... أحبك واعشقك وحيل اغليك
تدري اذا غبت عني شيصير يافلان
(ينشغل بالي وافكر واحاتيك)
تحياتي اختكم:لهلو

[دمعه حزن]

وعليكم السلام ..
فكرة رائعه منك أختي المومياءة ..
لكن عندي استفسار .. على اي اساس راح نختار المسج الأحلى من بين الخمسة المسجات؟؟
يعني من الا راح يحدد المسج الأحلى من بينهم ؟؟
بالخصوص ان كل شخص وله رأيه وذوقه الخاصه .. فعلى اي اساس راح يكون اختيار المسج الأحلى والأفضل؟؟
الفكرة رووعه بس حددي كيفيه الاختيار للمسج الاحلى ..
وصاحب احلى مسج لابد ان نحسب له نقطه .. << يعني هذه المسأله ممكن نعالجها بكون ان بعد اعلان كل فائز نحط قائمه بالاسماء المشاركه وكل شخص كم له من النقاط ..
عشان المسابقه تصير على مستوى ويصير فيها تنافس ..
يالله أختي خبرينا بكيفيه الاختيار للفائز .. وان شاء الله نبدأ المسابقه ونشوف صاحب أحلى ذوق ..
بانتظااااااارك ..

تحياتي
دمعه حزن

[المومياءة]

اختي دموعة
اظن ان الاختيار راح يكون على حسب راي الاعضاء
يعني الحين الخمس مسجات ينكتبون
عقب كل عضو يقول انا عندي هالمسج احلى
على حسب رايه
و اي مسج لقى اعجاب اكثر (حصل على 3 نقاط )
يعني 3 اعضاء يقولون ان هالمسج احلى واحد
يكون هو المسج الفائز
واظن ان فكرة النقاط حلوة
يعني العضو اللي يحصل على 5 نقاط
يكون هو العضو الفائز في الجولة الاولى
عقب تبدأ الجولة الثانية
و هكذا .....
و لة انتي شرايج اختي دمووعة ؟؟

[دمعه حزن]

المومياءة
يعني بعد وضع 5 مسجاات
نخلي فترة للتصويت للمسج الاحلى ؟؟
وبعدين نحدد الفائز ؟؟
اوكي الفائز بيحصل 3 نقاط ..
اشلون عقب ننتظره يحصل على 5 نقاط عشان نبدأ الجوله الثانيه؟؟

يعني يفترض بعد ما حددنا الفائز وعطينا 3 نقاط
لازم نبدأ جوله ثانيه لو اشلون؟؟

وضحي اكثر خيووه

[al_awami]

حلوه حلوه ها المسابقه
وهذا المسج
ياصاحبي العزيزحلمنا واسع والعمر قصير وطموح النفس في الجسم
اسير وانا مثلك لا املك الا ان اسير يدي بيدك وخطا اقدمنا لايعرفه غير المصير
تحياتي

[المومياءة]

دمووعة سامحيني صار خطأ مطبعي
اوكي الحين الخمس مسجات ينكتبون
عقب تبدأ فترو التصويت نفس ما قلتي
عقب المسج اللي يحصل على 5 نقاط
يكون هو المسج الفائز
و بعدين نبدأ الجولة الثانية
اوكي الحين؟؟
و لة انتي في بالج شيء احلى ؟؟

[اخت القمر]

يعطيك العافية خيتوو

وهذا مسج


ابيك تذكريني لي صرتي تعبانه

ترمين لي الحمل الثقيل

واضمه

ابي اكون النوم لاصرتي نعسانه

وحضن الحنان

لقلب مشتاق لامه

اناقلبي لك حيل ولهان

شوق يتيم الى فقدمن يلمه

[المومياءة]

السلام عليكم

الحين راح نعرض المرشيح

المسج الاول :كاتبة المسج((المومياءة))

حياتي شلون أبنساك و أنت ساكن بقلبي عمرك سمعت بقلب عاف دقاته :حبي:

و رجاء الي بيدشوا لازم يحطوا مسج مو بس يقولوا حلوه و خلاص

المسج الثاني :كاتبة المسج))لهلو))

من كثر ما أحبك وصلت لحالة الإدمان ادمان صوتك وشوفك وطاريك العفو انا ما أحبك ... أنا فيك هيمان يعني... أحبك واعشقك وحيل اغليك تدري اذا غبت عني شيصير يافلان (ينشغل بالي وافكر واحاتيك)

السمج الثالث : كاتب المسج ((al_awami))

ياصاحبي العزيز حلمنا واسع والعمر قصير وطموح النفس في الجسم اسير وانا مثلك لااملك الا ان اسير يدي بيدك وخطا اقدمنا لايعرفه غير المصير

المسج الرابع :كاتبة المسج ((اخت القمر))

ابيك تذكريني لي صرتي تعبانه ترمين لي الحمل الثقيل واضمه ابي اكون النوم لاصرتي نعسانه وحضن الحنان لقلب مشتاق لامه اناقلبي لك حيل ولهان شوق يتيم الى فقد من يلمه

و الحين ننتظر المسج الاخير و بعد ذلك تبدأ عملية التصويت

[حميد]

ابي اشارك معاكم في المسابقه وهذا المسج تبعي:


لوتمطر السما نسيان صدقني
ما أنساك
وكل قطره من مطرها تجبرني
بذكراك
انا ما اوعدك بنجوم ولا ارسم في
سماك غيوم
انا اوعدك بقلب اذا حبك يحبك
دوم

مع خالص تحياتي للجميع بالتوفيق

[دمعه حزن]

المومياءه
الف شكر لك ع التوضيح
والفكره حلوه .. واتمنى يصير فى المسابقه تفاعل
والحين صار عندنا 5 مسجاات
فراح نبدأ فى التصويت

انا راح اصوت الى

((al_awami))

بانتظار تصويت البقيه

تحياتي
دمعه حزن

[بسمه الم]

اصوت الى ليالي الافراح

[المومياءة]

السلام عليكم
دمعة حزن + بسمة الم
مشكورين على التصويت
al_awami نقطة واحدة
ليالي الافراح نقطة واحدة
و ياريت لو يكون في تفاعل في التصويت

[روائع القصص]

فكرتش عجبتني واني عندي مسج واجد حلو بس اذكر انشاالله
بحطه
تحياتي

[بيسان]

مساابقه حلووه
بشااركم في التصويت
الى
الاخت

اخت القمر

^_^