عليكم السلام ورحمة الله

امم ..يعني ماعندك أصدقاء كلش ...؟؟؟

مشكلتك سهله لوكان عندك أخ أكثر جرأه في التعامل مع الناس ومخالطتهم
ولو ماعندك أخ شوف شخص قريب للأسره أو جار أو حتى الوالد
بس لما يكون شخص مقارب لك بالعمر يكون أفضل
تواصل معاه كبدايه عن طريق رسائل الجوال خليه يتعود على وجودك في حياته
واستغل المناسبات وارسل له والاشهر الجايه عندنا مناسبات اسلاميه كثيره.


اذا كنت من النوع اللي على طول جالس بغرفته ويدقدق على ازرار الكيبورد
اعط نفسك بريك يومي واختار وقت يكونو فيه افراد اسرتك متواجدين بالبيت
اطلع اجلس معاهم وسولف حتى لوتبتدي كلامك بخبر جديد قارئه عالنت .

أدي صلاتك بالمسجد وبعد الصلاة لاتطلع مباشره اجلس شوي وسلم على الموجودين ..
لما تسمع عن شخص مات حتى لوماتعرفه خذ معاك احد اخوانك أو جارك
وروحوا الفاتحه ..
تعود انك تتواصل مع محيطك تكون معروف في مجتمعك مع الوقت رح تتعرف على الناس ويتعرفو عليك .

موفق بعون الله