[القدو..ومادراك مالقدو][موضوع ضريف تراثي..]

[.:روح وريحان:.]

السلام عليكم ورحمة الله وبركاتة


معشوق النساء و سلوة السهر و فاكهة المجالس وجالب الأنس للنساء

ما رأيكم أن نخلد ذكرى هذه التحفة الجميلة و السلوة المحبوبة بذكر كل ما يتعلق بها؟ مكوناتها .. ذكرياتها .. طريقة تحضيرها .. طريقة شربها.. أماكن تواجدها و أحلى سوالف تحلو للنساء في محضرها.. و ماء القدو و ماأدراك ما ماء القدو...

نبدأ بقلم القدوو ماأدراك ما قلم القدو فقد ربانا و ألفناه في كل مشاغبةٍ أو مشاكسةٍ مع أخواننا و لكم لنا ذكريات طريفة معه ..

بس هذا لزوم الضيافة و الواجب خصوصاً في المناسبات و سمعنا عن ناس يعتبروها (إهانة) و (عدم القيام بواجب الضيافة) إذا لم يقدم لهن القدو (حرسه الله و حماه) .. و هل يحلو الحش في خلق الله و السهر إلا على نفحات التتن (الله يجيرك) و هي تتغلغل في أجواء و ملابس الحاضرات؟!!




القدو :
هي الأداة التي كانت تستخدم للتدخين وكان القدو مستخدما من
قبل الرجال والنساء لكنه الآن مقتصرا على النساء الكبيرات في السن
وبعض الصغيرات , والقدو يعتبر من التراث المتوارث الموجود في منطقة
القطيف ومن اشهر أنواعه البحريني ثم العراقي ثم الصفواني
يعني ما تحلى جلسة الحريم إلا بالقدو ...

إذا جلستوا مع شرابات القداوه. العبايات تصير ريحتها أعوذ بالله


وهذا هو تركيب القدو :


أولا :



الدبة :
وهي القاعدة بالنسبة للقدو وهو مصنوع من الطين وهي قابلة
للكسر يوضع بها الماء لإكمال عملية تدخين القدو ويبلغ سعره في
القطيف حاليا حوالي 30 ريال

ثانيا :



البكار :

وهي العصا التي توصل بين الدبة وبقية القدو , وهو مصنوع من
الخشب والقماش طوله حوالي 65 سم ويصنع يدويا في القطيف
والبحرين والعراق ويبلغ سعره حوالي 25 ريالا


ثالثا :



الرأس :
وهو مصنوع من الطين والحديد , وظيفته حمل التتن والجمر ويوضع
فوق البكار طوله حوالي 14 سم ويصنع أيضا يدويا في القطيف
والبحرين , يبلغ سعره حوالي 3 ريال .



كلمه هديه
تقند: معناها انها تروق و يروح عوار الراس .لأنها شربت قدو
يعني لما تسمعوا حرمه تقول ما أقند راسي إلا بالقدو: يعني
ما يعتدل راسها إلا بالقدو
وإذا ما شربوا القدو... راسهم


رابعاً :



البادكير :
وهي مصنوعة من الألمنيوم , وظيفته المحافظة على حرارة الرأس
وعدم فقدانه للحرارة يبلغ طوله حوالي 12 سم ويصنع في البحرين
و البصرة في العراق , ويبلغ سعره حوالي 3 ريال .


خامساً :



الوقل :
وهي مصنوعة من الحجر أو الفحم , توضع داخل الرأس لكي يمنع
نزول الفحم والتتن من الرأس إلى البكار ويفضل أن تكون من الحجر
أو الطين وتكون بحجم حبة الفستق الكبيرة



سادساً :



الـــــــــقلم :

وهو مصنوع من الخشب والقماش أو الشريط اللاصق , وظيفته
يوصل بين الدبة والمستخدم للقدو ويبلغ طوله حوالي متر تقريبا
ويفضل الصناعة البحرينية للقلم لجودته والعراقي لمتانة صنعه
وشهرته , ويبلغ سعره حوالي 5 ريال ...بس اللي فيهم الخرز و الحاجات
سعره أغلى ..زي 20 ريال .. وفيه الحين قلامة قدو .. يخلوهم
مثل ما هم بس زي اللي يرسموا عليهم بالحرق ..و يلونوهم
ويحطوا فيهم لماع و يورنشوهم


سابعاً واخيراً:



التتن :
وهو النبات المستخدم في القدو يعطي القدو طعمه ورائحته ويزرع
في عمان والبحرين والهند والبصرة ويوجد أنواع منها الحار والبارد
والهندي ويبلغ سعره حوالي 60 ريال للكيلو الواحد . .. التتن

[محبه]

أختي جايبلنه صور وشلون اسوها مشكوره على تعلمينا أظاهر تبقينا نشرب قدوووو حظر القدووو ياولدههههههههههههه أمزح وياش أشرايش نسووي جلسه ونشرب قدددو ههههههههههه أمزح وياش يبياخة مزحي عاد
ولك مشكوره رررررروح جدا جميل طرحش يا الغاليه

[شمعه تحترق]

هااا بشوووره

كأنك قاعده تسوي دعايه للقدر
يعني نعتبرها دعوووه للتدخين
عاد اني وحده ما اطيق ريحته
لكن تصدقي شفت طالبة طب تشرب قدو
لا وتاخذه معاها في السفر بعدماتستغني عنه طبيبة المستقبل.
يسلموو حبيبتي عالمشاركه الحلوه .

[واحد فاضي]

حلوووووووووووووووه منك خيتي بشوره >>>>سابقاً

بس عاد تصدقي خيتي ان في منطقه في القطيف

منتشر فيها شرب القدو بدرجه رهيبه

شباب وشابات وكبار

كلهم يشربوه حتى يوم كنا في الجامعه

ويانا 6 من ذيك المنطقه كلهم شرابين قدو صح

الله يبعدنا عنه

عاد فيه مره حاولت اجرب شرب القدو

ودوني المستشفى من الكحه وصار لوني ازررررررررررررررررررررق

بس الله ستر


تسلمي خيتي روح وريحان على هالمعلومات الحلوه عن معشوق العياييز


سلام

[عيون لاتنام]

مشكورة أختي روح وريحان على الموضوع التراثي
خالاتي تقريبا كلهم يشربونه ماعدا ثنتين
فحنا نعاني من هالمشكلة خصوصا الاطفال اللي يعانون حساسية في صدورهم
فالبنات أحنا نكون في صوب والكبار في صوب يوم نجتمع وساعات نقعد معاهم غصبا علينا
فصار بالنسبة لنا مفرق الاحباب
ومثل ماقلتوا ريحته ماتنطاااق تلزق بالثياب و وحتى الشعر ( مافيه ريحة شامبو ) مشبع تتن
وكله سم بسم ( الله يكفينا شره ) يكفي بس الفحمة اللي تنحط كلها كربون
وأنا سمعت أن أهل صفوى أكثر ناس تشرب قدو حتى البنات الصغار منهم
على العموم
تسلمي
ودمتي بخير
أختك
عيون لاتنام

[همسات وله]

يسلمووووووو روح وريحان عالموسوعه المفصله
عن حبيب النساء وسلوة الجلاس
وامير السهرات
والنجم الساطع في سماء كل المناسبات
واللي من دونه ما تحلى جلسة السوالف والحش في الناس


الله يبعده ويبعد شره عنا وعن كل حبايبنا

مشكووووووره بشوووووره
والله يعطيك العافيه
تحياتي لك

[فرح]

تسلمي بشووورتنا الحلوووه
ع الموضوووع الترااااثي
ويه ريحته ياااااساتر تعلق في الملابس والعباااايه
كأنه عطر بس خااااااااايس
اقول لك مره كنت جاااالسه في مجلس وكااان فيه نساء
يشربن قدووو طبعا انا رااااح كل ريحة العطر اللي فيني
الحين خلاص برجع بيتنا وفي السياره كان والد زووووجي هو اللي برجعني
اول مادخلت توه بنمشي الايقول ها بنتي فروووحه ليكووون تشربين قدوو
انا لالالا ليش السؤاااال ؟ريحتك كلهاقدووو !وانا اشك ؟؟
انا عاااااد تفشلت وتضاااايقت لاني اعرف عن عمي مايحب الدخااااااان ابد...
يعطيك الف الف عاااااااافيه يلغلا
بنتظاااار جديدك المتـألق
تقبلي هدرتي اوووه قصدي تحيااااتي فـــــــروووحه

[*زهرة البنفسج*]

يسلمو بشورة والله ضحكت من قلب علموضوع هههههه
حلوة منك جبتيها ولا كل شي وليه تعريف بعد
اول صورة القدو كامل ليكون قدو امك والله تفضحش لو تدري ههه امزح غناتي بشورة
اي والله من نجلس ويا احد يشرب قدو اعوذ بالله الريحة كرهي القدو ماطيقه
انصح وسوي واتبهدل عشان مايشربو بس بدون فايدة
وعاد اذا انكسر القدو شوفي الفزعة وللصراخ عشان القدو القدو عزيز عندهم
الله يهديهم بس
يسلمو بشورة

[عماد علي]

ما شاء الله ويش قصة القدو عندك يا روح وريحان...
الحين النسوان تطورت وصارت تستخدم السجائر والمعسلة والتعميرة...

[ام الحلوين]

ومن القدو ما قتل
عندي ليكم قصه قصيرة عن القدو
اول ما تزوجت ابو زوجي كان اله سنه قاطع التدخين ,, وكان عندنا قرايه وعندنا قداوه طبعا لأن زي ما يقولوا
بيت اللي مافيه قدو ما تجيه مستمعه..
وفي يوم من الأيام ما شفنا عمي .. الا جا وخذ ديك القداوه وكسرها تكسير بالحوش
قلت الحمدلله.. افتكيت من شغلته.. لأني اني اللي ابكرهم وانظفهم وكانوا هالكيني هلكه ..

وبعد مده صار عرس حماي والنسوان سووا لينا صرعه .. الا يبغوا هالمعشوق
ياأم الفلان ما يحلى العرس الا بالقدو.. لين طفشت ..وجابت ليهم سجاير من البقاله عشان يروقوا شوي
" هاا شفتي متطورين من زمان .. على قولة اخونا عماد صاروا يستخدموا معسله وسجاير الحين.."

الله يبعدنا ويبعدكم عنه .. لأني شخصيا .. من النوع اللي اكره المكان المتواجد فيه القدو...

[القلب المرح]

هههههههههههههههههههههاااي
حلوة منك اختي
يعطيك ربي العافيه ع الطرح
الحين معضم النسوان مايطلعو الا بقداوتهم سواء اذا سافرو او اذا طلعو رحلة او الكورنيش وكذا يعني
واي عزية لابعد ويصير فيها قدو ابدا ماتخلى العزيات من القداوه وحتى في الحسينيات يشربو قدو زي الا عندنا بعض الحسينيات اشوف فيهم قداوه اقول هدويش دوله مايشبعو من القدو ليل نهار صارت مثل السجائر اي وقت بغوها شربوها
الله يبعدنا جميعا عن التدخين وانواعه المؤديه الى الامراض الخطيرة احمانا واحماكم الله منه
تحياتي للجميع بالتوفيق

[الشهلاء]

مشكوره أختي موضوع تراثي حلو
عاد أنا ما أحب القدو ولا أشتهيه
بس عندي ذكريات مع قلم القدو
أيام ألي ما نرضى أنذاكر
ما نشوف إلا ضربه جايه ألك من القلم خخخ تعددت الأستخدامات والقلم واحد

[نور الهدى]

هههههههههههههههههههههه

تسلمي بشورة على الطرح

ما قصروا اخواني وخواتي الاعضاء رسموا الضحكة على وجهي

بس جد القدوا ما راحت موضته للحين موجود

اسألوا ام ايوت الديرة الي متزوجه منها بذات واجد يشربوا القدوا بنات ونسوان

الله يهديهم بس

والله يبعدنا عنهم

[.:روح وريحان:.]

ههههههههههههههههه
عن جد اعضاءنا ومشرفين
ردودكم احلى من الموضوع
مسوية دعاية للقدوو اني
هههههههههههه
الا يشرب له تتن ببلاش
ههههههههه
خيتو زهرة البنفسج
ضحكتيني عن جد ههههه
لا امي ماتشرب ولا خالتي ولا احد بعايلتنا يشرب الا امي العوودة
فرووحة خسارة ماني معا كم جان اكمل
اي والله وف ريحتش خيااس قدوو ههههههههه
عيون لاتنام
حتى احنا والله في منطقتنا الجهال من يوم هم الصغار القدو صارت عدهم زي كلمت ماما هههه من كثر مايشوفوه
شمعة تحترق
باقولج مووقف بتموتي ضحك
اني مرة في المستشفى وجت وحدة كشخة وحركااااااااااات واستايل وهناك ووحدة تسالها وشو فيج الا تقول صدري عندي ضيق الا تقول لها وانتي قالت نفس الشي الا تقول ليها دي انتي وين تشتغلي قالت البنت الاستايل اني دكتورة قالت وانتي قالت اني مدرسة
بعدين قعدوا يهدروا الا تسال البنت الاستايل انتي من ويش صدرش تشربي قدوو الا تقول الثانية ايه وانتين
الاتقول لا اني ويع ماشرب بس ادخن ههههههههههههههههههههههههههههههههههههههههه
هههههههههههههههه
عن جد فطست من الضحك
حركات واستايل وكشخة ودكتورة ودكتورة بعدين دخااااااااان
خيتوو محبة
ايو والله دعاية تبغي وااحد ؟
هههههههههههه
خيوو واحد فااضي

هذا بس مزة لو تشرب يوميا صبح ليل كان علطووول العناية المركزة هههههه
عمااد علي
ويبقى عزيز القلوب المحرووس عبد الرزاق <<<<<لهجة امي العوودة
هههههههههههههههه
ام الحلووين
خلاص اجل كله باكسر القدااوة عشان يشتروا من البقاله وتفتك امي من بجري القدووو ولا شيلي وحطي
ههههههههههه
خيوو القلب المرح
اسمعت وحدة تقوول مرة
الحسينية بدون قدووو مو حسينية
هههههههههههههه
مرة راايحين نسافر واشتم ريحت خيااس بالباص فوق خياسه فوق خياس الباص نفسة وريحت النوم <<<<خلينا لوع كبدك شوووي هههههههه
فيه ريحة خياااس
فيه ناااس وراء مدمنين قدوووو
يعني ريحة البااص كلهااا قدوو
خيتو الشهلاء
ياهلااااا ومرحبا فيك بالمنتدى
ونورتي المنتدى
ويسعدني تكوون اول مشاركاتك بموضوعي
اسعدني وجودك خيتوو
وكان على قلم القدووو
اه من داك القلم
هههههههههههههه
اخر شي بحدفه من اجزاء القدوو
ياما حصصلت منه الاذيه
ههههههههه
والا تجي تجي بالبطن الضهر الراس
ههههههه
خيتو ام محمد
يسلمووو على المرور
وزي ماقلت
يبقى عزيز القلوب
هههههههه لا دخان ولا معسل بعد يغلب عبد الرزاق
هههههههههه
يسلموو على مروركم مرة ثانية

[الشهلاء]

مشكوررررررره اختي روح وريحان على الترحيب الحار


ألحين عرفت ليش انتين مشرفه الترحيب والتهاني