خلونا صريحين

[عيون لاتنام]

السلام عليكم
حبيت أتصارح معاكم ( أخواني وأخواتي )
كيف تأثير المنتدى والنت على حياتكم اليومية يعني من نواحي عديدة
يعني بصراحة أنا أثر علي
مثلا ( أنوم ولدي وأنا حاطه في بالي من بعد ما
انومه أدخل المنتدى وما أنام لين يأذن الفجر وأحيانا أظل ساعة زيادة أتفاجىء توني أدخل النت نص ساعة الإ ولدي جلس يبي يرضع ويكمل نومه طبعا بعد هذا أعاني معاه أنه يكون أحاسيسة واعية شوي كلما أحطه بسريره يجلس يبي ينام معانا أرجع معاه مره ثانية وأحطه على سريره ويوتعي من نومه وهكذا الحال عشر مرات فأنا خلاص أكون في الوقت شوي عصبية معاه
شلون أتركه ينام مع أبوه أخاف يطيح من السرير أو أن أبوه ينقلب عليه بدون مايحس
(خلاص وانا فيني بعد عناد الا ما أنام )
وبعد بعض الكتابات والاعضاء صاروا حتى يجوني في الحلم
مثل أمس كنت حلمانه أن هندي يبي يدخل الشقة وأنا خايفة قاعدة أدف الباب بقوة حق يطلع وهو يدف لين قفلت الباب بعدها رحت بتصل في الحلم وشفت أسم أمل الظهور في جوالي وكنت أقول لا ماعندي رقمها بتصل لزوجي بسرعة هههههههه مو تضحكوا علي
وفي حالات ثانية قريت عنها
مثلا وحده تجي من الدوام على طول بدون ماتبدل تقوم تشغل الانترنت وماتحس بالوقت ؟
وحده تقول إنها أثر عليها على حساب أكلها ونومها
ووحده ثانية على حساب تحصيلها الدراسي
ووحده تكون في حالة توتر إذا سمعت عن أحد ألغوا عضويته
ومانقدر ننكر هالشيء أن في مرات كثيرة يجي على بالنا أعضاء وعضوات أستفقدنا وجودهم معانا لطول الغياب
هذي أسئلتي ولازم تجاوبوا بصراحة أعتبروها مثل بحث أو أستبيان ( احلى شيء في الصراحة إنك تتحرر شوي من الضغط النفسي )
هل قصرت في تحصيلك الدراسي بسبب دخول الأنترنت ؟
هل قصرت في حياتك الزوجية ( زوج وزوجة ) بسبب دخول الأنترنت ؟
هل قصرت في عدد ساعات نومك بسبب دخول الانترنت ؟
هل قصرت في زيارة الأقارب بسبب دخول الانترنت ؟
هل زادت ساعات جلوسك بداخل المنزل بسبب دخول الانترنت ؟
كيف أثر الانترنت على طعامك ( هل زاد أو نقص ) ؟






أمممممم
هذا اللي جاء على بالي ألحين
وتحياتي للجميع
أختكم عيون لاتنام

[عاشقة الوردي]

مساء الورد

أختي عيون لا تنام


بالصراحة راح تتفاجي

لما أقولك

أني ما أقعد على النت الا منتصف الليل

و ساعة 2 أحاول قدر أستطاعتي أن اخلص علشان

أقوم


بالنسبة لا ستيبانه

ما أدرس

غير متزوجة

نومي ما تغير عدد ساعاته بعدني على عنادي

و بعدني كل أربعاء و الخميس عند الأهل

و اذا صارت فرصة ايام الأسبوع


ما تغيرت هم ساعات جلوسي في المنزل

و لو تحصل لي فرصة أطلع هم أطلع لأي مكان


يعني أنا مسيطرة على وقت جلوسي مو النت


.................................................
ــــــــــــــــــــــــــــــــــــــــــــــ

ويش طولت مو

ما تدري يمكن أحد يطلع مدمن نت

تقبلي تحياتي

عاشقة الوردي

[عيون لاتنام]

أسعدني مرورك أختي عاشقة الوردي
( ماتدرسي ومو متزوجه الله 0000ليتها ترجع هالأيام0000 ترا حلوه )
وبالنسبه لك تمام أختي يعني أنتي مسيطره على الوضع
شكرا على الاجابات الصريحة والشاملة
تسلمي عزيزتي
وإن شاء الله على طول دوووووووووم يااااارب وماتتغيري إذا تعلقت بمنتدى معين
لأنك جديده وماأخوفك إن شاء تظلي على ماأنتي
ودمتي بخير
أختك
عيون لاتنام

[أمل الظهور]

وبعد بعض الكتابات والاعضاء صاروا حتى يجوني في الحلم[/I]

مثل أمس كنت حلمانه أن هندي يبي يدخل الشقة وأنا خايفة قاعدة أدف الباب بقوة حق

يطلع وهو يدف لين قفلت الباب بعدها رحت بتصل في الحلم وشفت أسم أمل الظهور في

جوالي وكنت أقول لا ماعندي رقمها بتصل لزوجي بسرعة هههههههه مو تضحكوا علي

ههههاي

وربي ياحبيبتي موتيني ضحك بس مو قادره عليك خلاص رحت فيها وانا اضحك عليك

الصراحه هههههه

ليه بتتصلي علي شايفتني منقذ صحيح انا ابين

اني قويه وعن عشرة رجاجيل بس تراي من ناحيه حراميه ما هنود اموووت توه الليله

عبود موديته لبيت عمته مع عيالها وابوه طلع

مع اصحابه رحت فيها من الخووووف

كل مااسمع صوت ويلي ويلي وبطني يألمني

ولا زادت الحاله تتصل علي واحده من الخويات

تقول الي بتجيني تزورني ويبغى الي انزل الها

تحت في العماره علشان افتح الها الباب

لانه شقتنا فوق الدور الثاني لو تشوفيني وانا

نازله لحالي تقولي رايحه حرب ارتجف من الخوف

الحين تبغين انقذك في الحلم لابالله ياعيون

رحتي فيها جبتك ياعبد المعين تعيني لقيتك ياعبد

المعين عايز تنعان

بس حلو حلمك خيتو الغاليه

ترى حتى انا مره استغربت كنت نايمه

وتحلمت بدمعة الاحزان مع اني مالتقيت فيها

ولا اعرف شكلها بس كذا طيفها جنبي

واسولف بس موب بهلوسه لا بالعكس

حتى قلت الها استغربت فكرتني امزح معاها

هذي أسئلتي ولازم تجاوبوا بصراحة أعتبروها مثل بحث أو أستبيان ( احلى شيء في

الصراحة إنك تتحرر شوي من الضغط النفسي )

هل قصرت في تحصيلك الدراسي بسبب دخول الأنترنت ؟

طبعا وقت الدراسه ماكنت داخله هالعالم

بس سمعنا عن حالات كثيره اهملوا بسببه

هل قصرت في حياتك الزوجية ( زوج وزوجة ) بسبب دخول الأنترنت ؟

لا ابد ...بالعكس صرت اعاند نفسي

وارتب اول باول واشوف واجباتي اكثر من قبل

وعلى طووول ترتيب قبل لاينتبه فيه زوجي

علشان مايقول الي اهملتي بسبب النت

ويسوي الي حرمان <<فشلتينا

فصرت اتحدى نفسي علشان لايصير مني قصور

وبصراحه فيه اشياء ماكنت اعملها في البيت

او كانت تجيني ايام ااجلها

بس عناد لنفسي يوم ملكت الاب توب علشان لايقول قصرت

صرت اعملها وعلى العموم انا ماادخل النت

الا مخلصه شغل البيت وماانام الالما اعمل اللمسات الاخيره في البيت

هل قصرت في عدد ساعات نومك بسبب دخول الانترنت ؟

والله شوفي خيتو عيون شلة الهلاوس

الحين مقومين علي حرب على قلة النوم عندي

بس انا من قبل نومي قليل مثلك

بس كنت اول اتعمد انام تضييع للوقت

الحين لا فيه اللي يشغلني عن النوم

مل قبل النت كان نومي بعد الفجر الى الساعه

2 الظهر

الحين لا ..بعد صلاة الفجر واذا النوم معاند

ابقى ساعه واقوم بعدها غصب قبل لاتصيدني

الحكومه <<خوش صراحه والله

واصحى كذا على الساعه 12 الظهر واحيانا النوم يجافيني ويزعل مني

حيييل مثل هاي الايام

واجلس تسع ، عشر كذا بس احاول ارجع انام احيانا وارمي نفسي عليه احيانا لا

اصحى واتقلب على السرير

<<لو هاي السرير يعرف قسم الشرطه اشتكى علي من تعذيبي اله

الى يجي وقت صلاة الظهر وتنتهي معركتي مع السرير

طبعا اصلي واقرأ قرآن وادعيه بسيطه اشوف اشغال البيت اجلس على النت

كم ساعه طبعا لو كان زوجي بيتغدى في البيت مو بالعمل قمت عن النت وطبخت

بيتغدى في العمل ماكوو طباخ طبعا واكمل الجلسه على النت وانا جالسه ترى عادي

اللعب مع عبيدان (كوره من جلوس) او شيء العاب بسيطه كذا

الى ان يجي زوجي من العمل قريب المغرب قمت عن عالمي النت يجلس الى صلاة المغرب

يرجع ينام وانا اشوف البيت واشغاله ارجع لعالمي النت الى الفجر يعني طول الليل

معسعسه فيه

شوفي خيتوو اذا احد اتهمني بالادمان اتنرفز لانه ظروفي هي اجبرتني على الادمان

بس ربك كريم تتعدل الظروف طبعا متى انا اقول الك متى بعد مايتقاعد زوجي

هل قصرت في زيارة الأقارب بسبب دخول الانترنت ؟

شوفي عيوني بما اني بالرياض فما اقول الاقارب

راح اقول صديقاتي هنا اللي معاي

يعني كيف الحين اشرح الك ,,,امممـ

شوفي اول قبل النت كنت دوم انا اللي اشجعهم

على الطلعات والروح والجيات والزيارات

لاني كنت دوم زهقانه وملانه وزوجي دوم

يطلع فأزهق فكل ماكان يطلع رحت بيت واحده

منهم وتجمعنا يعني كنت اشجعهم يتجمعوا

الحين بعد النت خلاص لقيت شيء يشغلني

فما اشجعهم وبعد ماكنت اشوفهم كل يوم

الحين نشوفهم مره بالاسبوع يعني الخميس

او الجمعه واذا واحده حبت تجمعنا رحت

شوفي تراي هاي الايام مجنونة نت والله بزياده

صايره حتى دمعة واميره ضحكوا علي

احم <<<بفضح حالي الحين انا ..

ترى اذا جاوا الي ضيوف احم كح كح كح كح

ويش اسوي ادخل الاب توب بغرفتي

واخليه شغال والمنتديات مفتوحه والماسنجر

مفتوح وطبعا على الخارج او الظهور دون اتصال

واقعد كل اشوي داخله غرفتي اتطمن واتطمش

واطل على الماسنجر واتكلم مع اموره اودمعه

ثواني وارجع للضيوف مدري كيف يعني ادمنت

عليه من جد رأسي يألمني حيييييل اذا ماقابلته

من جد ..

واهلي اذا نزلت مو قصدي مااجلس جنبهم

بس مدري موب بسبب ادمان النت بصراحه تعودت على وضع الوحده

اللي انا فيه الحين فاذا نزلت الاحساء وقعدت

مع جمعه وازعاج رأسي ينفجر ويدووور

مااقدر ابد على ازعاج وهم لاحظوا علي

في نزلاتي الاخيره فاأكون في غرفتي لحالي

واطق طق على لابي وهم انت ماتشتاقي الينا

وربي اشتاق الهم موووووت موووت موووت

وابكي وانا هنا وافتقدهم بس ويش اسوي

رأسي ينفجر اذا صارت جمعه واحس حالي

اشوي واروح فيها واي صرخه من الاطفال ع الخفيف مااقدر

واقوم اهرب من الجوو اللي انا فيه

هل زادت ساعات جلوسك بداخل المنزل بسبب دخول الانترنت ؟

يس بقوه وكثير وواجد وحييل ووايد وهبشه

وكفاري وصرت عكس قبل ميه وثمانين درجه

كيف أثر الانترنت على طعامك ( هل زاد أو نقص ) ؟

اكلي اممممـ لا عادي مثل قبل ماتغير بس اول ماتعلمت عليه قالوا انه وزني نقص

فطاح اللوم على حبيبي وعمري الاب توب <<<جات الهلوسه حمد لله والشكر

بس احس حالي كثرت شيبسات وشوكولاتات والايسكريمات

علشان تحلى الجلسه والتعسيسه على النت

عيون الغاليه ..

يلا معليش تحملي هلوستي تراي راده عليك اخر الليل

وماكانت معاي لااميره ولا دمعه ولا بيسو علشان اهلوس معاهم

فطاحت الصكه والهلوسه كلها بموضوعك فعذرا

موضوعك بغايه الجمال الرهييب والله

استمتعت بقرآته

مشكووره يالغلا

[عيون لاتنام]

هذي بعض التأثيرات المنقولة

التأثير الأول
دخولي كان قليل جدا وللفائدة فقط اثناء فترة دراستي وعملي ولكن للاسف بعد تركي للعمل اتجهت الى المنتديات للقضاء على بعض اوقات الفراغ ، وخصوصا الاوقات التي لايكون فيها انشطة او دورات او غيره كوقت الظهر او الليل ومع انشغال جميع من حولي بالدراسه او العمل فاجد صديقي الوحيد جهاز الكمبيوتر
وتأثيره كان على تواصلي وعلاقاتي الاجتماعية فقط ، للاسف اصبحت افضل تصفح المنتديات اكثر من الزيارات الاجتماعية
التأثير الثاني
كنت لا ادخل الا بوقت محدد يعني بالصباح او العصر فقط

لكن الامور تطورت واستاءت وللاسف ,,,وبصرااحة ما اكذب ان المنتديات

اثرت على تحصيلي الدراسي وسببت لي القلق
واحااول الان ان اخفف واريح نفسي واعصابي واجعل تركيزي بدراستي ومستقبلي
التأثير الثالث
انااكنت بالبدايه عضوه مشاركاتهاالاتزيدعن المائه وبعدذلك اعجبني المنتدى واكملت مشواري فيه ..
والله العظيم واتكلم بصدق ياااسيدي انني كنت اقصد الفائده من ذلك والاجررفتجداحياناابردودي ايمانيات وهذااماايعمله كثيرمنااهنااا..
ولكن سيدي اجداحيانااانني مربكه جداااويسبب لي القلق فبعدان اخرج اكون فيحاله عصبيه لاااعلم مالسبب قد تكون مضايقات وانتقادات من اشخاص اخرين انالااعمل لهم اي حساب اوونظره لهم ..
قد تكون ضغوط نفسيه من المذاكره والوقت لاني احس ان الوقت ماعاد فيه بركه وايضااقصرت في اشياءاكثيره لااوود ذكرهااسيدي عشان احس ان دموعي بدات بالنزول لان موضوعك جداااخلاني ابحروافكراناااليه هنااوليه اشارك وليه انااانزل وليه اقضي هالوقت الطويل هنااوليه .؟؟؟؟؟؟؟صدقني اسئله كثيرتدورفي مخيلتي ولكن لااجد لهاااي جواب وربمااااختنقت معبرتي لانني لااقدران اذكرهاالك
والله انني لااقصد الا الفائده والاجرروولاتتصوركم سعادتي لمن ارى احد اووعضوه تدعي لي بالخيروالتوفيق وان يكون في ميزان حسناتي اجد بذلك الشجاعه بان أستمر
التأثير الرابع
عندي فراغ كبير في حياتي حتى انشطه لي كنت متعوده عليها هملتها وصرت مدمنة نت مابعمل بيه شئ غير اني افتح الصفحات واغرق في بحرها وفي البدايه كان على حساب نومي واكلي وشربي لما وصلت لحاله نفسيه صعبه جدا وقررت اني اغير حياتي لان الحال لي وصلت ليه مابيسر وكنت رفضاه
المهم غيرت كثير من حاجات بس المشكل الوحيد لي عندي هو اول مابرجع من الدوام قبل حتى ماغير هدومي بشغل الكمبيوتر وادخل للنت بعديها بقعد مدري كم من الوقت حتى احسن انه مافي حركه في البيت انضر للساعه القاها منتصف اليل بعديها اسكر واحاول انام ....وكل المواقف لي بعيشها في المنتدى برجع اشوفها في منامي وافكر فيها طول النهار .....مثلا افكر في فلان شنو سوى في مشكلته وشنو باقي ردود الاعضاء ....وهل انا قصرت في ردي ونصيحتي له وكثير من الافكار
صرت ماحب اطلع برا البيت ولا اروح زيارات .....بس جامده قدام الجهاز .....صار عندي اكتئاب وضيقت نفس واحباط من كلشئ والمواضيع لي بنشوفها بتزيد من كرهي للدنيا لانها كلها مشاكل ومصايب عمري مافكرت انها تكون موجوده في واقعنا
حقيقي مافني انكر اني نضجت فكريا بفضل المنتدى وصرت واعيه على حاجات كثيره واني التقيت اصدقاء من خيرة الناس ماهمهم المصلحه مثل حبيبت قلبي واختي الكبيره وخير ناصح ومرشد دانه اهلها بس احس اني محتاجه اتحررمن هالقيود ....ابحث عن حريتي لاني صرت اسيرة النت

[عيون لاتنام]

حبيبتي اموله أشكر حضورج اللي أمتعني وأشكر رحابة صدرج وإجابتج الشاملة والوافية
ترا للحين اذكر الحلمه وأضحك عليها ( أمل الظهور 000 لا وبلون بنفسجي بعد )
كل كلامج ذكرني بأيام دراستي الاربع سنين في الرياض = فعلا لما كنت أنزل للشرقية أتضايق من الازعاج والهذرة وراسي يصدع أما الحين أهون لأني تعودت
وإن شاء الله حبيبتي ينقلون زوجك للشرقية ماتدرين بإرادة ربك فوق كل شيء
موتيني ضحك على موقفج من اللاب توب ومع الضيوف
على العموم
تسلمي وأتمنى لج كل خير وربي يحفظج ويحفظ لج ولدج وزوجج وأهلج وكل من تحبين ولا يفرقكم يااارب

[عيون لاتنام]

مثال على التأثير الخامس

الفائدة تكون الفكرة الأولى في التصفح ثم يأتي حب الفضول والإستطلاع ومن ثم الإعجاب بشخصيات حتى لو كانت موجودة في إعتباري هي وهمية من وجهة نظري..

نحن في الأصل وفي بعض الأوقات نتعرض لظغوط نفسية تجبرنا على الخروج منها للدخول لآي عالم ومن طرحنا للحلول تقع المصيبة على شخصنا..

نعم طرح الحلول والردود لايؤرقني بل يسعدني لآني أحاول مساعدة الغير ومنها أصبر نفسي على أي بلاء سيصيبني أو أصابني..

ولكن الحلول هذه لاتساير حياتي ولاتشاركني آموري بل هي أفكار من عقلية تنضج لحظات ومن ثم يأخذها الموت المفاجئ حتى تنهي حياتها بلحظات..

في إعتقادي أن أكثر وأغلبية المتواجدين هم من لديهم أمور خاصة شخصية تؤثر على حياتهم الإجتماعية وهذا المخرج الوحيد الذي ينفس الشخص فيه عن نفسه..

يااااااااإلهي ياعالم..

إننا نقع في آمور تغيب أحيانآ عن ذهننا بالرغم من حضورها..

قلمك دائمآ ينطق بالحقيقة والواقع المرير الذي نتقبله أحيانآ ونجبر نفسنا على تقبله أحيانآ وليس لغلط في الموضوع بل من أخطاء أنفسنا التي نقاومها بالتصفح العذب من أيادي تطرح الفائدة لنا لنستفيد ونفهم حقيقتنا..

التأثير السادس
على الرغم من ان دخولي للمنتدى لم يكن الا لكي استفيد وربما افيد ,ليس للبحث عن الاعجاب والمدح ولا لكسب صداقات من اي نوع ولا لأي سبب اخر
الا انه سبب لي الاكتئاب والقلق وفي كثير من الاحيان الارق
افكر كثيرا في المواضيع والردود واصحابها
افكر كثيرا في المشاكل التي اقرأها واعيشها واحزن كثيرا على حال اصحابها
افكر كثيرا في ردودي وربما استيقظت من النوم لسبب ما فتأتيني فكرة ان افتح المننتدى واحرر احد الردود !
و قائمة المتواجدين اصبح القاء نظرة عليها كل خمس دقائق تقريبا اثناء التصفح عادة ولاتفسير مقنع لها عندي
اما الشك وسوء الظن فقد سلمت منه وعلى النقيض من ذلك ابالغ في حسن الظن وقد يكون مشكلة ايضا !
اتمنى ان اطبق نصائحك والا فترك المنتديات اسلم فيكفينا نحن العرب مانعيشه من مآسي كفيلة بجلب كل الامراض النفسية
ولكي لاينطبق علينا المثل الشعبي الساخر "يامن شرى له من حلاله علة "




تعليقي ( عيون لاتنام )
لا أظن أن المنتديات تسبب الأكتئاب بل بالعكس هي منفس للشخص ولها فائدة ملحوظة بعكس الدردشات

المهم إني طلعت بره الموضوع
والموضوع الأساسي هو فوق مع الأسئلة وماهذه الا أمثلة واقعية تعبر عن شريحة صغيرة من المجتمع

[نور الهدى]

الله يعطيك العافية خيتو ام حسوووون

وتسلم الايادي

الصراحة النت اثر علي

اول ما كنت اجلس على النت كنت اجلس في بيت هلي لان ما كان عندي نت في البيت

وكان الوضع عادي لان يكون بس فترة العصر يعني بزود 3 ساعات وانا ماشية

بس بعد ما وصل زوجي لي خط النت

على طول مفتوح الجهاز وكل ما احصل فرصة فراغ اقعد عليه

اكلي قل لان كان من قبل فترة الفراغ اقعد اكل عشان يضيع الوقت
الحين النت موجود فما يجي في بالي اني اكل

غير الوجبات الاساسية

ساعات العصر في بيت هلي مع خواتي اشتري لي خرابيط اجباس على شكولاته هالخرابيط المعروفة
بعد

من قبل كان الكتاب هو الملازم لي الحين نادرا ما اروح اطلع لي كتاب اقراه لان ما شاء الله النت والمكتبات الي فيه

تخليك ما تبي تقومي بالمرة

غير المواقع الحلوة الي فيه ترضي فضولك في اي مجال انتي تحبي تقرأي فيه

ام من ناحية البيت مثل اموووله قاعدة احاسب اني ما يصير مني اي تقصير عشان ما الفت نظر زوجي اني صرت مدمنة نت

واذا كان موجود ما اقعد بالمرة ما ان يوصل الشقة ويدخل اشيل قشي واقفل الجهاز واقوم

احس نفسي صدق صرت مدمنة بس مو على النت لاااااااااااااااااااااا

على المنتدى وبذات هذا المنتدى

رغم اني مشتركة في اكثر من منتدى الا اني لازم وبشكل يومي ادخل افتر فيه

ساعات يكون نفسيتي اشوي مو اوكي بس ما اسجل دخول اطالع وافتر وامشي بس لا زم وضروري عندي ادخل الا اذا كنت برة البيت هالحزة ما ادخل

اصبح المنتدى اسرتي الثانية

يتروالي لازم يأثر النت على الشخص مع استمراره على القعدة عليه


طولت عليش خيتو بس شسوي من الصبح ما عندي شي

بهدر اشوي

[شمعه تحترق]

أكيد يأثر
النوم يتلخبط وأشياء كثير تتغير لأن مع الجلوس عالنت ماأحس للوقت
إلا إذا يرن تلفوني ساعتها رح أطلع من عالمي للواقع
زياراتي قلت جدا ً مع انها كانت من قبل قليله بس تقلصت بشكل مايعجب أحدبالنسبه للأكل لازلت ملتزمه بقانون الوقت الخاص فيه
مع اني أوقات ألاقي فرصه واتهرب منه
الاول الكتاب مايفارق ايدي وحتى قبل نومي لااااازم أقرأ وانام واني أقرأ
واللحين أنام واني أقرأ بس مو في كتاب
لااا أقرأ قصص في جوالي منزلتهم من النت

التجمع الاسري يوم الخميس يبعدني عنه بس آآه راسي ينفجر من الازعاج
وابغى متى تجي الليل والهدوء احم بيني وبينكم علشان اجي عالمنتدى
اتصالاتي بصديقاتي صارت قليله لكن الحمدلله ما انعدمت
ومع كل هذا لويصيب جهازي عطل أو تنقطع الخدمه
اواصل حياتي بشكل عااادي ..
يعني ولا كأني كنت قالبه الدنيا بوجوده الظاهر عندي مقدره عجيبه على التأقلم مع الظروف.

يسلموووووووو عيوووووووون
الموضووع جناااااااان

[.:روح وريحان:.]

يسلمو خيتو عيوون موضوع مميز وحلووو
هاه خلاص اليوم باجيلك في الحلم
ههههههههه
بالنسبة لتعلق بالاعضاء
احزنت كثيييييييير لما سمعت خبر وفاه عضو من اعضاءنا
المرحوم (حرامي شباصات)
ماتتخيلي شقد اثر عليي رغم انه ماصار معانا مسجل الا من اسبوع وتوفى الله يرحمه
كانت دموعي على خدي اول ماقريت الخبر
الله يرحمه


تفضلي الاستبيان
هل قصرت في تحصيلك الدراسي بسبب دخول الأنترنت ؟
واااااااااايد هههههه
في مواد الى الاحسن بسبب الثقافة
مواد الا الاسوى
هل قصرت في حياتك الزوجية ( زوج وزوجة ) بسبب دخول الأنترنت ؟
تونا
ههههههههههههه

هل قصرت في عدد ساعات نومك بسبب دخول الانترنت ؟
لا بس ساعات اذا دقت في بالي
هل قصرت في زيارة الأقارب بسبب دخول الانترنت ؟
نوعا ما
هل زادت ساعات جلوسك بداخل المنزل بسبب دخول الانترنت ؟
لالالالالا
كيف أثر الانترنت على طعامك ( هل زاد أو نقص ) ؟
هههههههههه
زاد لاني اذا قعدت على النت لازم جاكلت او شبس او حتى حليب عاادي
هههههههه

[دمعة الاحزان]

مشكووووووووورة عيون ع الموضوع الحلو
وتراي اشهد لامول واشهد على نومها الي شكلي بروح الرياض عشان بس
اعطيها حبوب منوم
وطبعا للسبب الرئيسي لروحتي هو عبووود ابو العبابيد
وعيون كان ماقلتي لها انك حلمتي فيها الحين بيزيد الغرور عندها
وعلى فكرة امول انا مو ماصدقت بس تفاجاءت حييل انك حلمت فيني بس بعدين صدقت عشان توارد الخواطر تذكريها
اما على استبيانك نجي نشوف


هل قصرت في تحصيلك الدراسي بسبب دخول الأنترنت ؟
من ناحيه تقصير ماعتقد ليش؟شوفي انا حالي حال كل البنات طول السنه
هياته ولا مذاكرة بس
مو كلش موول مدري شنو في الماده
لا افتحها بين فترة وفترة واكتب ويعنيي بس وقت المتحان والجد محد يشوف
رقعه وجهي في الاختبارات
ولا اطل ولا ادري انه عندي نت
مع ان اهلي لما حملت الترم الاول قالوا ان السبب النت ومدري ايش مع
اني ماشوف انه السبب
هل قصرت في عدد ساعات نومك بسبب دخول الانترنت ؟
ساعات نومي هو يحب يتغلى ودموع تحب تتغلى عليه
فمتى احى واجى وقت النوم نمت مافيه دخلت عالمي النت وجلست فيه
حتى لو دوارة بين المنتديات
بس في الاجازة حدث ولاحرج مافيه نوم وينقلب فوق تحت والنوم قليل
ولازم اصحى بوقت محدد
واذا صحيت تعالي شوفيني الجسم مكسر والعين حالتها حاله بس
خليها على ربك

هل قصرت في زيارة الأقارب بسبب دخول الانترنت ؟

الحمدالله اني ماحب ازور احد وعدد زياراتي قله الي اطلع
وحجه <<لا عمره<< عندي دراسه ومتى الاهل يلا بنروح بيت عمك او خالتك
لا انا موب رايحه روحوا انتوا
ليش انا ملانه وزهقانه وطفشانه وماودي اطلع
بس اذا الحكومه العليا<اميربي يحفظها<<هزتني بكلمتين وين العباة ويني يلا
نروح امرنا الى الله
بس جمعت البنات وصديقاتي لاتحديني عليها يلا نتجمه واحيانا انا
الي اجمعهم بس الحين تفرقت كل الملل

هل زادت ساعات جلوسك بداخل المنزل بسبب دخول الانترنت ؟
الحمدالله انا معسعسه في بيتنا 24 في 24
بس قله الي انزل بيتنا تحت وهذا يسبب الي كلام انا اجيبه لنفسي

كيف أثر الانترنت على طعامك ( هل زاد أو نقص ) ؟
اكلي نفسه وماتغير بشي
ووزني على هو لازاد ولا نقص
وانا من النوع الي ماتحب تاكل وهيمنعسعسه على النت وخاصه بالليل

يسلموا والله يعطيك الف عافيه
دموووع

[المومياءة]

اختي عيون لا تنام
مشكورة على الطرح الرائع
و اقول لج اختي
ان دخولي المنتدى ما غير من اي شيء
اقصد ان ما قلت ساعات نومي او كثرت
و لا اثر على مستواي الدراسي و لا شيء
بس في وقت الفراغ قبل كنت اطالع التلفزيون الحين اقعد على المنتدى(مو معناتها ان الحين ما اقعد على التلفزون

[دمعه حزن]

السلام عليكم
موضوع جميل منك خيووه عيوون
بالنسبه لي مدمنة نت بشكل كبيــر بعد
يعني لو تخليني 24 ولا اتزحزح بعد عااااااادي عندي
بس قاعده احاااااااول قد ما اقدر اني اقلل من دخولي للنت
ولو اني ما اقدر اشوف الجهاااااز فاضي وما اجي افتحه
بس ربي يقدرني واظبط اوقااااااااااتي
خلينا نجاوب على استبيانج

هل قصرت في تحصيلك الدراسي بسبب دخول الأنترنت ؟
بالنسبه للدراسه انا يعني من النووع الا اعتمد ع شرح المدرسه بشكل كبير اذاكر بس مو كثيييير..
يعني يا دوب افتح الكتاب اذا عليي واجب او اختبار وبعد حدي اذاكر مره وحده وما اعيد عليه .. يعني من اساسي خاااااااايبه ما احب المذاكره ..
ولا بعد احيانا من الخياااابه المذاكره تكون فى الباص وانا رايحه المدرسه من الصبح .. فيعني بالنسبه لي النت ما اثر ع دراستي ابد ..

هل قصرت في حياتك الزوجية ( زوج وزوجة ) بسبب دخول الأنترنت ؟
ماني متزوجه بس قصرت فى جلووسي مع الاهل ..
هل قصرت في عدد ساعات نومك بسبب دخول الانترنت ؟
ههههههههههههههه
سابقاً كان ما يأثر فيني يعني انا من النوع الا تجي 9 نمت واذا بطول او فى مناسبه حدي 12 بس هالكورس لان قاعده فى البيت ومن الملل قمت اسهر وصار نومي قليل
بس اخوي رحمني الحين اخر الليل يقفل النت عشان انااااام
لان اذا بشوفه ما بناااام << مدمنه اقولج
هل قصرت في زيارة الأقارب بسبب دخول الانترنت ؟
سابقاً كنت اقصر فى زيارة الاهل وافضل قعدة النت على زيارة الاهل بس الحين الحمد الله ما قت اقصر من هالناحيه
بس اقصر فى جلستي مع بيتنا واااااجد
هل زادت ساعات جلوسك بداخل المنزل بسبب دخول الانترنت ؟
لا عاااادي من اساسي حبيسه البيت على قولة ابووي يعني ما اطلع وااجد ..
كيف أثر الانترنت على طعامك ( هل زاد أو نقص ) ؟
نقص واااااااااااجد



شفتي شكثر الادماااان وتأثيره؟؟
والله احاااااول اني اخفف قد ما اقدر
عسى بس اقدر اخفف من هالادماان وانظم اوقااااتي
يعني انا نفس حالة شمووعه اوقات يقطعوا النت عندنا اوكي اكيف عمري بدوونه عاادي ولو اوقات اتضايق بس عاادي اتكيف مع الوضع
ع العموم الف شكر لك خيووه ع هالطرح
يعطيك الف عافيه يارب
بانتظار جديدك

تحياتي
دمعه حزن

[القلب المرح]

هل قصرت في تحصيلك الدراسي بسبب دخول الأنترنت ؟
ربما نعم بكثرة جلوسي ع النت وخاصه في المنتدى خخخ
لانه دخولي للنت له سببين اخد بعض المعلومات الاجتماعيه من احدى المواقع والمشاركة في المنتدى لبناء بعضا من الثقافات المفيدهوهذا اثر على دراستي لتمللي بالقيام بالاعمال الدراسيه ولكن يذهب الملل عند الجلوس ع النت خخخ
هل قصرت في حياتك الزوجية ( زوج وزوجة ) بسبب دخول الأنترنت ؟
لا مو متزوج لحد الان وان كنت متزوجا فبالطبع لن اكون مقصرا معها لانه النت لن يكون جزء كبير في حياتي بل له نسبه ضئيلة جدا في الجلوس عليه في وقت الفراغ فقط ولكن في الزواج لا اظن هناك وقت فراغ
هل قصرت في عدد ساعات نومك بسبب دخول الانترنت ؟
لا كل شئ ولانومي اقتله قتال ع السرير انام بالـ12 ساعه افرها فر والنت ابدا ماخلاني اقصر في نومي
هل قصرت في زيارة الأقارب بسبب دخول الانترنت ؟
اممم ربما نعم وربما لا .. لكن اغلب الاحيان لا لاني اسبوعيا اذهب لزيارة الاهل والاقارب .. وبعض الاحيان يمر يوما لا ارى فيه احدا لتمللي الخروج من البيت اجلس ع النت احسن ليي
هل زادت ساعات جلوسك بداخل المنزل بسبب دخول الانترنت ؟
بالطبع سابقا دخولي للنت ساعه او ساعتين وليس يومي بل الاربعاء والخميس فقط والان اصبح النت مفتوحا لكل من اراده واجلس عليه بالساعات وخروجي عن المنزل يقل وخاصه في النهار عن الشمس لاتحرقنا خخخلكن في الليل لابد من الخروج حتى النفسيه لاتتعكر
كيف أثر الانترنت على طعامك ( هل زاد أو نقص ) ؟
ما اثر على طعامي انا من شسمه داك اتمرنت صرت اكل وااااجد ولحد الان اكلي واجد بس في زيادة الوزن والنقص ما يأثر لانه محفاظ خخخ

يعطيك ربي العافيه اختي ع الطرح
واتمنى اجاباتي وافيه لحق اسئلتك
تحياتي لك بالتوفيق

[حزن العمر]

هل قصرت في تحصيلك الدراسي بسبب دخول الأنترنت ؟
لا والحمدالله .

هل قصرت في عدد ساعات نومك بسبب دخول الانترنت ؟
يعني نص نص ،، نقدر انقول
جلوسي على النت ما يصادف فيه وقت للنوم
يعني العصر او الصبح

هل قصرت في زيارة الأقارب بسبب دخول الانترنت ؟
بشكل عام اني عندي ضغوط وامور خارج
نطاق النت فما أقدر اتحكم بوقتي او وقت جلوسي
على النت وقت مايكون عندي فرصة ولي مزاج اجلس
لذلك مااقصر في زيارة الاقارب لان الزيارة اغلب
الأيام اتكون بالليل واني بالليل مااجلس على النت ،،

هل زادت ساعات جلوسك بداخل المنزل بسبب دخول الانترنت ؟
ماأدري
كيف أثر الانترنت على طعامك ( هل زاد أو نقص ) ؟
حاليا نقص بس ايام العطلة والاجازات الطويلة طبيعي يزيد
اما الحين الجامعة والمشي والمشاوير الثانية يقل الوزن

الله يعطيك العافية غاليتي
عيون لا تنام
شكرا لك على الأسئلة الجميلة
بانتظار جديدك دوما

تحيتي العطرة لك
حزن العمر