عليكم السلام ورحمة الله

هلااا عشوووقه

امم حب عاش وصمد على مدى سنوات معناها كل طرف يلقى الكمال بالثاني

وما أتوقع ان شخص عايش مشاعر الحب على مدى سنوات يصدر عنه هالتصرف إلا في حاله وحده ..ان الاثنين بوقتهاعايشين حالة زعل .. في خلاف بين الاثنين

لما يحصل خلاف بين شخصين يعزو بعض بغض النظر عن كونهم رجل وامرأه

عادتا ً نرسم للأشخاص اللي نعزهم صورة وعلى قدر معزتهم تكون مواصفات الكمال فيها نرفض ان هالصوره تهتز أو تنكسر لأي سبب كان فلما يحدث خلاف أو زعل ننتظر من هالشخص العزيز انه يبقى بالصورة الحلوه
اللي راسمينها بس طبعا ً هالعزيز بشر .. انسان مثل كل الناس

مع تراكم الضغوط يجيه يوم وينفجر .. ساعتها عاد بيطلع عن طوره .. وبتنكسر في عيننا الصوره

بعد وينرفز عليي .. لااااااا ويصارخ بوجهي ...................... خلااااااااااص القلب يمتلي

ويزيد امتلاء لو هالشخص العزيز ما صلح الموقف على طول ..

يعني البعض لما يحصل زعل بينهم وبين أحد يفضلو عدم التحدث بنفس الوقت

يترك السالفه يوم يومين ثلاثه 10

في هالاثناء يكون هالقلب موبس امتلا إلا انشحن فللللللللل

وينتظر لحظة الانفجار .. جا هالعزيز بيعتذر أو خل نقول بيصلح الموقف قام الطرف الثاني يتثيقلويبين زعله .. اي من حقه كاشت فيه كل هالمده (عاطيه طناااش) خل يبرد حرته ويقول له كلام يزعجه

أو يحسسه انه بيفقده .. مثل سالفة الخطوبه والزواج من شخص ثاني بين هالحبيبين

لو جا لي خطيب و اهلي موافقين باقي بس جوابي بتقولي وافقي؟
هالسؤال كان القشه اللي قصمت ظهر البعير مثل مايقولون .. يعني شايفه على قد ما الجمل صبور ويتحمل

ممكن في يوم قشه تكسر ظهره .. وممكن يكون هالسؤال هو الشراره اللي تتسبب في حريق كبير

وكانت النتائج عكسيه وردت الفعل هي ثورة انفعال من الطرف الثاني زادت معها هوة البعد واتسع الخلاف شنو كان بيصير لو ماسألنا هالسؤال الاستفزازي بوقت رضا.. أو لوغيرنا من صيغته وكان بهالشكل :

لو تقدم شخص لخطبتي والاهل موافقين ويحاولو جهدهم يقنعوني ..
شنو ممكن تكون ردت فعلك ...؟

وش رايكم هل في رأيكم انه انسان او انسانه يحب من قلب؟ رغم السنين الي مرت لهم مع بعض
اي ممكن يكون يحب ومن قلب والدليل رده .. لأن السؤال كان استفزازي .

ولو انه طلب منك انك تتخلين عن احلاامك هل راح بتوافقين حتى لو كان الحلم متعلق فيه؟
اذا طلب منها تتخلى عن احلامها تترك فاصل من الصمت لدقائق أشوف ان هالدقائق كفيله بأنها تهدأ الوضع وبعدها تطلب منه وبكل هدوء
(بعيد عن النرفزه والانفعال )انه يشاركها احلامها .

لورفض عاد أو كان رده سلبي بتكون مصيبه .

وفي رأيكم الي ما يتمسك في حبيبه وعنده عادي انه يتخلى عنه بعد كل هالسنين يستحق انه الوحده او الواحد يخلص له؟
عشوقه خل نتكلم بالعقل .. يعني طوال هالسنوات كان حلو وطيب ومخلص وحبوب والحين طلعت فيه كل هالعيوب

يتراوالي ان الشخص السيء تكون له علامات تتضح مع الوقت وكون هالشخصين قضو سنوات مع بعض معناها تحليلي صح

في كل مشكله حتى نوصول لحل ونتيجه زينه لازم نحلل الامور ونقلبها من كل الزوايا ..نكون صادقين مع انفسنا ومنصفين للناس اللي نحبهم حتى مايجي يوم ونندم على أي تصرف .

وترى الزواج عن حب من وجهة نظري خساره هو حلووو ان في عاطفه تجمع الاثنين بس فيه عيب كبير وهو ان الشخص لما يحب رح يحب روح وبهالطريقه رح يتنازل عن كل أحلامة الثانيه في شريك العمر

ورح يضطر يقبل بالحبيب على علاته ويقنع نفسه انه هو فارس الاحلام
أو هي فتاة الاحلام..

أعرف تكلمت واااااااجد وشعبت الموضوع .. بس كان لازم حتى تكون الاجابه وافيه .

كلمة أخيره .. وحشتينا عشووقه يالله خل نشوف مشاركاتك بالمنتدى

موفقه حبيبتي