شرايكم في حجوزات زواجي..

[السيده]

سوهان..ألف شكر لج خيه..وبالنسبة لفستان الزفاف أحس أن التفصيل بيكون على ذوقي أكثر وبيكون مضبوط أحسن صحيح الأسعار غاليه بس وش نسوي..تسلمي على مرورج الطيب..

السيده..

[hope]

اول شـــي


1000 مبرووك والله يهــنيش ويسعدش

وبالنسبة للحجوزات كل شيء مضبوظ بس الطقاقة الي في الجلوات ماعرفتــها وانشاء الله تكون مزبوطه

موفقــه حبيبتي

تحياتي
حووور

[السيده]

حور العين..ألف سكر لك أختي الغاليه على المرور الطيب..والحمد لله كل شي مضبوووط ..ريحتيني خيتي..


السيده..

[العجمية]

الللللللللللللللللللف مبروووووك

[مـــلاك]

مرحبا اختي السيده ..

اول شي الف الف الف مبرووووك
اني زيش قاعده اجهز لزواجي اللي بيكون الشهر الجاي باِذن الله
وبالنسبه للطقاقه أم شوق اذا كانت نفسها اللي اني اعرفها
فهي كويسه طقتها وصوتها بس فيها عيب ( بين الاغنيه والثانيه تسكـت ساعه تررريح ) !!!

أما تعديلي اني بيكون عند زهره البقال ( السيده الجميله )
الكل يمدح تعديلها وانا شفت وحده طالعه زي القمـر ما شاء الله

.... .... ....

اختي اذا ماعليش كلافه
اني عرسي الشهر الجاي وللحين ما حجزت فستان الزفاف
لأني ما أعرف احد يأجـر
الله يجزاش خير اذا تعرفي اي مركز لتأجير فساتين الافراح تدليني عليه
وترسلي لي ارقام المحلات ع الخاص لأني متورطه ومتوتره حدي لأن ماباقي شي عن عرسي !
بالتوفيق اختي

[السيده]

العجمية..الله يبارك فيج خيتوو..شكراً لج..

مـــــلاك..مشكورة خيتو على مرورج الطيب..وإن شاء الله أم شوق تكون كويسه وما توقف وااجد..وأنا بعد عاجبني زهره البقال مرره..إن شاء الله نطلع مره حليوين..وبالنسبة إلى الرسائل الخاصه ماأدري متى يمديني أرسل لج علشان نكون على تواصل مع بعض..

السيده..

[عيون لاتنام]

حجوزاتك تمام أختي السيدة مع إني ماأعرفهم كلهم
أم شوق تمام بس كانت عندنا مناسبة في ربيع ثاني وماحضرت هي بنفسها ( حضروا اللي تبعها )
وكانوا يفشلون صراحة بدونها ( يقولوا كانت والد وناس قالوا كانت في عرس ثاني ولاأدري صراحة شنو كانت سالفتهم وليش ماحضرت
على العموم
الف مبروووووك
والله يوفقك ويرزقك بالذرية الصالحة
أختك
عيون لاتنام

[عاشقة الوردي]

صباح الورد

للأحلى عروس

السيدة الجميلة


مبروك الف مبروك


بعطيكي رأي الشخصي من منطلق تجربتي في زواج قريبي

بالنسبة لفستان الزواج راح أفصله عند مي الزهيري..


بالنسبة لمي تمام لانها تعطي نصائح و شيء اللي يناسب

بالنسبة للفستان الزفاف عليه صح

والمكياج والشعر عند أم علوي..إلي في الناصره..

جربتها مرا تمام يكفيك يسموها الآء الدشتي القطيف

من حلوات تعديلها


هم جربتها و سياستها مرة حليوه

هم هذا علية صح



والتصوير عند وحده إسمها إبتسام..اسم محلها توب زوم..


ما عندي علم عنها بس يفضل لو تشوفي تصوير إليها


للأطمئان


و زيادة تأكيد



وإلي تغني في زواجي إسمها أم شوق..


هم هاذي مرة أوكي


لا تحتاتي


وبالنسبة إلى ليلة الجلوات..

راح أسوي البدله في البحرين..

محل السعفة اللي في البحرين فيه أشياء مرة حليوة

بس أنتي وش حاطة في بالك تلبسي

هندي ...تراثي .... ؟؟!

وإلي تغني اسمها أم محمد( ناديه الشلي..)

تمام بالنسبة للطقاقة

والمكياج والشعر عند زهره البقال(سيدتي الجميله..)

أختيارك صح ؟؟

لانه تعدل في الجلوات أحلى من العرس


وإلي بتحنيني إسمها فاطمة زيمور..

ما عليها كلام حنائها مرة حلو و مرتب


عسى بس نفعتك برأي المتوااضع


متى زواجك؟؟

اذا احتجي أي شيء

قولي


و أحنا في الشوفة


أي سؤال؟؟

هالصيفية عندي زواج بنت أخوي


يمكن أقدر أخدم العروس


للمعلومية للصبايا :

اللي يخدم العروس يعرس


تقبلي تحياتي

عاشقة الوردي

[السيده]

عيون لا تنام..ألف شكر لج خيتوو على الرد الرائع..والله هذا إلي الناس قاعده تخوفني منه..وأنا أكدت عليها لما حجزتها قالت لي إن شاء الله هي إلي بتجي بنفسهاااا..دمتي غاليتي..

عاشقة الوردي..شكراً جزيلاً..يعطيج ألف ألف ألف عافيه..بصراحه رد كامل ومكمل..ريحتيني خيتووو..الله يريحج دنيا وآخره..بالنسبة للتصوير خيتووو ..لا تحاتي شفته وعجبني..وبالنسبة إلى بدلة الجلوات أنا حاطه في بالي محل السعفه إلي في البحرين حق المصممه كبرى القصير..وودي أفصل بدلة تراثيه..وزواجي راح يكون بإذن الله في شوال..بس الحجوزات لازم تكون بدرري..على العموم خيتو ما قصرتي وعقبالج إن شاء الله ..ويارب أساعدج قريب في حجوزاتج..وإذا كنتِ متزوجه الله يوفقج ويعطيج على قد نيتج..

السيده..

[عاشقة الوردي]

صباح الورد


لا شكر على واجب


أحنا في خدمتك


على طول

لا تحتي شيء

أي سؤال أحنا في شوفة


و ان شاء الله


أذا أنخطبت طلبت شورك

و من خبرتك في عرسي


تحياتي

[السيده]

عاشقة الوردي..صباح النور والأنوار..ياهلا..ماقصرتي حبيبتي..إن شاء الله قريب نسمع بخير خطبتج..وبكون إن شاء الله من أول المساعدات لج..دمتي غاليتي..

السيده..

[السيده]

ألف شكر لمن شارك في موضوعي..مشاركاتكم أثلجت صدري..لكم خالص الشكر وجزيله..

السيده..

[غربة مشاعر]

مشكوووووووووووورة و على كيفش

[السيده]

العفو خيتوووو..

السيده..

[السيده]

بنات لو سمحتوا ياليت تقولوا ليي رايكم في أم شووووق بكل صررراحه..سمعتها في عرس ما عجبتني وبس أقول إلى الناس أني حاجزتنها لعرسي يقولوا انها مررره حليوووه..أنتوا شرايكم..ردوووا علي بسرررعه..ضروري..