الله يعطيك العافية ام عبدالله
وتسلم الايادي
الثقة لازم تكون موجودة بين البنت واهلها
وبعد الثقة العمياء وترك البنت من غير انتباه ومن غير رقابة غلط
يعني مثل ما يقولون مسك العصا من الوسط
البنت لين تحصل على اهتمام اخوها او ابوها او امها ممتاز بهذي الطريقة ما تتوهق البنت في عمرها يعني اي مشكلة تصيدها راح تلجأ اليهم اولا واخيرا ما راح تلجأ الى اي احد اخر من صديقات او جارة او مدرسة
والعالم الله كيف اخلاق الشخص الي التجأت اليها من برة بيتها
حلو يكون في صداقة بين الاخت واخوها وبذات بين الاخوان والاخوات لانهم يكونون اكثر قربا من الاب والام
الا اذا كانت ما عندها اخت او اخ كبير فمالها الا الام والاب
اهم شي تربية البنت على انها تكون متفتحه على امها, والام لازم تكون صبورة معاها ولازم تعرف شلون تمشي معاها
وشلون تسايرها في اشياء وتوقفها عند اشياء
فمن البداية على الام انها تسلك الطريق الصحيح في تربيتها لبنتها لانها بتكون في صغرها عجينة سهلة التشكل وتقدر تشكلها على الكيفية الي تبيها
اكيد بتلاقي صعوبة وتعب ومشاكل في التشكيل لان مو بس هي الي تربي , المحيط الي هي فيه بعد يربي
بس لازم تتعب وتسوي الي عليها وتصبر وتوكل امرها الى الله
عشان ما يجيها يوم تعرضها لمواقف تخسر فيها بنتها
البنت بحاجة للاهتمام والمحاسبة والرقابة وقبل كل هذا الثقة والتربية الصحيحة
بس بشكل معتدل
دائما الشي لين يزيد عن حده ينقلب ضده
واعذريني طولت وياش
تحملي تبين نقاش
هذا هو
تسلمين يا الغلا
تحياتي لك
اختك ام محمد
رد مع اقتباس
المفضلات