في هالظهريه.. واميروه قاعده تتغدى .. فيه العاافيه .. ... وجالسين على قناة العربية.. اميرة عاطيه ظهرها للتلفزيون طول عمرها ما تتابعه ولا يهمها كخ.. ولا احد يسألها شاهدتي هذا او ذاك.. المهم...
شوي الا مقدم الأخبار .. " تم عمل زفاف في قرية .. بالهند .. ثور وبقره وقد البست البقره ثووب ويش حلااااته هههههه مكللا بالورود"
كح كحححححح .. شرقت باللقمه ودرت وراي اطالع هالبقره المصون وهالثور اللي يابخته بهالبقره .. ههههههه
والله عجيب .. هندووس ومافي شرهه.. ولا بعد عرس ياحلاته رقص وطبل وزمور .. والبقره احسها الفقيره علامات استفهام وتعجب ومهي داريه ويش السالفه .. والثور مهو احسن حال منها يطالعها على جنب ومستحي ومستانس بهالعروس>>> خخخ بلا خرااط اميرووه..
ههههههه من جد شي عجيب .. صرت اضحك واضحك.. بس بعدين صار يقرقع بخاطري شيئين يعوروا القلب...
اولهم... صدق انهم هندوس.. وحركتهم بالمره مهي طبيعيه... بس ويش قدموا الهنود للعالم.. الهنود الصراحه عقول مفكره وكثير من الأنجازات والإختراعات هنديه... اللهم تحتكر لأمريكا والا غيرها من الدول المتقدمه بحكم ان الهند دوله من الدول الناميه بالأحرى اسميها النائمه...
كفايه فخرا للهنود انهم صنعوا لنفسهم سيارة TATA يعني مع التطوير بينافسوا اليابانين ..
بس اللهم انهم دوله فقيره وتنقصها الموارد الماليه لتنمية هالمشاريع..
بالله احنا العرب مع هالبترول ومع هالعز... وان مو الكل بطران بس اللي على قد حاله فينا يكون سعيد حظه في الهند وغيرها من الدول الفقيره .. بس ويش حالنا... حاطين رجل على رجل ومالنا الا نستورد ونستورد..
وان فكر واحد فينا .. واخترع له شي .. قابلوه بالإهــمال ووالله يافلان خليه قيد الدراسه .
.لين يغبر.. وما أحد فتحه ولا سلم عليه والا يلاقيه في مكان يعور القلب مثل ما حصل لأخونا المصري: فاروق الباز,,, اللي ابحاثه بعد انتظار طويل لدراستها وتطبيقها لقاها ورق ينلف به سندويش فلافل في احد الكشكات .. ولا.. بعد.. سندويشه يسد فيها جوعه جابت له الهم والصدمه..
فما له الا انه يهاجر على اثرها المؤلم لمن يتبنى افكاره وابحاثه لأمريكا.,, ويشغل منصب هام في وكالة ناسا للأبحاث ..
شي يحز القلب والله ..هذا على مستوى عااام...
اما اللي كدر الخاطر بسبة عرس هالبقره والثور.. على مستوى خاص.. هالشباب.. هالأيام.. مسكين يراكض ورا هالرزق من وادي لوادي .. يبغى بنت الحلال اللي تشاركه حياته وطبعا ما بيتقدم الا اذا كون نفسه عاد شوف متى راح يحس نفسه وقف على رجوله .. يمديه وصل 30 .. 35 اذا مو زود بعد .. يعني عنفوان شبابه بح مراكض ورا الريال ..... واذا حس نفسه ما بيقدر خطب وطالت مدة هالخطوبه .. واذا ما طالت عرس ويللا تحملوا هالعيش المر .. اذا بنت هالحلال تتحمل معه الحلوه والمره .. واذا ما لقى من ترضى به على حاله ابلع الجرح واسكت وانطم .. واحسد الثووور على بقرته.. خخخ ووالله حاااله.....

ويش اقول.. بس . وايد اميرووه عورتي قلب الشباب ..
مالي الا اقول ... اللهم ارزق كل عزوبي بعروس تسر قلبه .. ووسع له في رزقه ...
وكل عالم اجعله ذخرا لأرضه وبلده ياكريم...

وكثر الله خير ثورٍ وبقره خلوني اقرقر عليكم
ودمتم بحفظ الرحمن