اكيد في شيئ غلط

[همسات وله]

اللهم صل على محمد وآل محمد وعجل فرجهم يا كريم
اكيد في شيئ غلط........
و انتي لابسه عباءة مفتوحة و الكشخه تحت العباة تبرق من بعيد !
اكيد في شيئ غلط........
و انتي تسولفين بالتلفون و تتضحكين و الرايح و الراد يسمع سوالفج !
اكيد في شيئ غلط.........
و انتي مشغله المسجل بالسياره و حاطه اغاني بإيقاع و مطوله عليه و السيايير حواليج يسمعون الطقطقه
اكيد في شيئ غلط..........
قاعده بالمحاضره و تتعلكين..
اكيد في شيئ غلط........
قاعده بدرس دين و ماسكه التلفون و شغاله مسجات !
اكيد في شيئ غلط........
و انتي حاطه صورة مغني ببوكج =محفظتج!
اكيد في شيئ غلط...........
و انتي داشه ببلعوم اللي يبيع و تكاسرينه غصب ينزل بالسعر وصوتج
يلعلع ،، وتوصلين لمرحلة لهواش والسب مع الهندي..
اكيد في شيئ غلط.........
لما تشوفين وحدة تعرفينها ،، وتصددين مالج خلق تسلمين!
اكيد في شيئ غلط..........
و أنت قاعدة بالبيت و تنادين الخدامة .. شاندرااااااااااااااا .. جيبي لي ماي !
اكيد في شيئ غلط.......
تردين على اي واحد يغازلج ويقط عليج كلام بالسوق!!
اكيد في شيئ غلط...........
تمشين وصوت الكعب يعووور الراس!!
اكيد في شيئ غلط........
تطولين لسانج على اهلج واللي اكبر منج على سبب تافه!!
اكيد في شيئ غلط.............
مكتوب في الجواز مسلمة وانتي تجهلين الاسلام
اكيد في شيئ غلط...........
و انتي داشة الموضوع وما تسفيدين منه

اكيد في شيئ غلط...........

اذا تسمعون بذكر النبي ولا تصلون عليه

اخواني خواتي تقولون هذي صور من الواقع ولا من الخيال
ولا اكيد في شيئ غلط
اللهم صل على محمد وآل محمد وعجل فرجهم يا كريم
نسألكم الدعاء
تحياتي للجميع
همسات وله

[القلب المرح]

يعطيك الله العافيه اختي على طرحك
بارك الله فيك ورحم الله والديك
وان ماردينا على الموضوع اكيد فيه شئ غلط
تحياتي لك بالتوفيق..

[عاشق الافراح]

تسلم ايدك ويعطيك الله العافيه وتسلم ايدك الحلوه على الموضوع الحلو ودى الشي كله غلط

[شبكة الناصرة]

السلام عليكم ورحمة الله وبركاته ..

يعطيك ربي الف عافيه خيتو ..

بارك الله فيك وتسلمي على الطرح الرائع ..

بنتظار جديدك .. وربي يغير الاحوال ان شاء الله..

كل المودة

[Princess]

اللهم صلي على محمد وال محد وعجل بفرجهم ياكريم

قاعده بالمحاضره و تتعلكين..
اكيد في شيئ غلط........

يوه يوه خيتوو
والله اعترف اسويها
وخصوصا اذا الجبد لايعه ومعلوله من بعض الدكاتره اللي يهديهم اللي ميه بالميه لا ذمه ولا ضمير مع هالطالبات
المسكينات
فمالي الا هالعلك اطلع فيه حرتي وابرد اعصابي
خخخ
بس طلع شكله غلط
يووه..
تقربي غناتي بقول لش بأذونش سرر
اذا بكبره الدكتور
وهو يشرح
ما تسمعي
الا
سسسسسسسسسسس اححح
يحتسي حضرته فنجان من القهوة او الشاااي
والا صوته وهو يشرح مليون بالميه يفطر

تشرهوا علينا اذا اكلنا علك
خخ
خليها بس على الله

تسلمي حبابه
ودمتي بحفظ الرحمن

[التعيس]

أكيد هاي التصرفات كلها غلط في غلط

وين اللي يتعظ ويقول أكيد فيه شيء غلط
سلمتي خيتي همسات وله بارك الله فيك

[القزويني]

اللهم صل على محمد وآل محمد وعجل فرجهم يا كريم

اكيد في شيء
ورغم كل الشيء الغلط
الا ان الموضوع صحيييييييييييييح جدا
تشكري الاخت
همسات وله

_____________تحياتي

[ملاك الورد ..~]

صحيح ان كلها اخطاء
صارت عادات بأيامنا
وما قمنا نحس بها
وحياتنا بمجملها صارت مجموعة اخطاء متراكمة
سكتنا عليها

تحياتي الك

[تاج]

اللهم صل على محمد وآل محمد ,,
اييي صادقة يا وخيتي
غلظ في غلظ
والمشكلة صار الغلظ هو الصح ,, !

مشكورة خيتو ,,

[شذى الزهراء]

عزيزتي هــــمـــســـاتــ ولـــــــه مــــوضــــوعـــــكـ رائـــــع .. اختيار صحيح ,وتشكري عليه ..تسلم يدج ..

[دمعه حزن]

اللهم صلي على محمد وآل محمد ..
للاسف هي من واقعنا .. وكلها غلط × غلط ..
عسى بس الانسان يعتبر من هالطرح ويعدل اخطائه ..
كل الانسان ويوجد به غلط .. ولكن الغلط الاكبر ان اعرف ان هالشيء غلط و ما احاول اني ابتعد عن هالغلط ..
ع العموم موضوع جميل وهادف منك يا همسااات ..
تسلمي على هذا الطرح الرائع ..
يعطيك الف عافيه ..
دمتي بخير ..

تحياتي
دمعه حزن

[بيسان]

شنسووي بعد هذا احنا وهذا الزمن الا تغير

و انتي لابسه عباءة مفتوحة و الكشخه تحت العباة تبرق من بعيد !
اكيد في شيئ غلط........

تعالي عدنا بالاكاديميه وتشوفي الاشكال والالوان
وليش الاكاديميه الا روحي مدرستنا ثانوي وتشووفي انوواع الصيااعه
بس وش نسووي الدنيا اختربت

قاعده بالمحاضره و تتعلكين..
اكيد في شيئ غلط.....

وش نسوي خيتوو والله زهق

واذا الدكاتره خبلان ماايجيبوا خبر وماتنفع هالمحاظره

تمتع بالحيااه

تدري خيتوو اني في محاضره الانجلش مو معاها

مااستحمل شرحها تتكلم بسرعه

المهم في مره اني ووحده معاي شغلت جوالي هي حطت مقاطع صوتيه تسمع
واني كملت روايه

بس والله فله كان الوضع



في النهايه مشكووره خيتوو
على الغلاط
والله كريم

[عماد علي]

طرح رائع خيتو همسات وله
الله يعطيك ألف عافية وتسلم الايادي...

اكيد في شيئ غلط........
و انتي تسولفين بالتلفون و تتضحكين و الرايح و الراد يسمع سوالفج !
بصراحة مثل هالفئة على طول أشك فيهم لعابات وإن لم يكونوا كذلك..
اكيد في شيئ غلط...........
و انتي داشه ببلعوم اللي يبيع و تكاسرينه غصب ينزل بالسعر وصوتج
يلعلع ،، وتوصلين لمرحلة لهواش والسب مع الهندي..
أنا ماشفت هواش أنا شفت إستعطاف وكأنها طرارة

[ابو طارق]

كلوااااااااااااااااااااااااااااااا غلط

اللهم صل على محمد وآل محمد وعجل فرجهم يا كريم

نقد لاذع انما مهم جدااااااااااا

تحياتي وتقديري

محمود سعد

[عيون لاتنام]

موضوع جميل ورائع أختي همسات وله
تسلم الايادي
ويعطيك الف عافية


وهذي إضافة من عندي

إذا لبستي في العرس قصير مره وانتي واقفه وبغيتي تسلمين على أحد قاعد والله نستحي نطالع
أكيد في شيء غلط ( تستعرضين بس )

إذا مطلعة شعرك من البوشية
( أكيد في شيء غلط )
إذا تلثمتي
( أكيد في شيء غلط )
إذا مشيتي مع خطيبك أو زوجك وانتي متمكيجة
( أكيد في شيء غلط )


أختك
عيون لاتنام