هلا وغلا بأم العبابيد

صدقتي الناس الحين محد يرحم احد

حتى الاموات مو سالمين

دائما ينبشووون وراء الاموات قبل الاحياء

هل هي غيرة

حسد

او جهل ما ادري

بدل ما يترحموا على الاموات ينشروا اشاعات عليهم

كا هو مات وربه وكيله ليش ينبشون وراهم الله العالم قصدهم من ورا هالشي

تدرين خية ذكرتيني بحدث صار من يوم كنت صغيرة

كان تقريبا عمري 14 سنة يمكن او اقل ما اذكر العمر بضبط

توفي احد اصدقاء اخوي في حادث وكان معاه اخوه وخاله بعد

المهم الحادث صار لهم على طريق في السعودية وكانوا متوجهين الى سوريا

وكلهم شباب

في الفاتحة بدل ما يدرسوا لهم جزء من القرآن ويهدوه الى اروحهم قعدوا يقولون ويسولفون انهم ما كانوا رايحين للزيارة كانوا رايحين يلعبون

استغفر الله رب العظيم

ليكون الناس قامت تشوف شنو في القلوب واحنا ما ندري

لو فرضا فرضنا انهم كانوا رايحين يلعبون على قولتهم

ربهم وكيلهم وهم ماتوا خلاص ليش يشووه في سمعتهم

ليش نحط علينا ذنوب ونحط في ذمتنا شي احنا ما ندري عنه

ليش ما نستر عليهم

مو من حقهم الستر ؟

هل الستر مقصور على ناس وناس

ليش ننسى دائما ان الله موجود وهو خالقنا وهو الي يحاسبنا ويحاسب جميع خلقه

احنا مجرد زوار في هالدنيا

ليش ما نطلع منها محملين بزاد يقينا مشقة السفر الاخروي

ليش نطلع ومحملين انفسنا ذنوب تهتك بظهرنا


رب كريم خيتو


مشكورة اختي على التفاعل معانا

وتسلمين وتسلم طلتك

تحياتي لك

اختك ام محمد