بدون تخطيط .. فتحت انشاء موضوع جديد .. لعلي ابث همي هنا .. وافضفض بما يجول في خاطري
فالبسمه ابت ان ترتسم على شفتي.. والضحكة بدأ مشوار النفاق معها.. وتعبت اجامل نفسي...

تعبت اجامل نفسي الشقيانه واصبرها على الهموم
تعبت ارسم البسمه عالمحيا واجدد الأفراح
تعبت اشعل شموع الأمل في كل ساعه وبكل يوم
تعبت اداري الحزن واكتم همي والجراح
تعبت يا ناس ومالي غير ابث الشكوى والعلوم
اواسي الروح على اللي طيفه ما ينزاح
سكن دنياي هم خالي وقتلني حزنه المظلوم
شرب بدنيته كاسات سمومها لوعه واتراح
فكري يدور وفي الضمير ندبات وكلوم
متى ترجع ياغايب متى ترجع ومتى ارتاح
اشوف طيفه فيالهدايا وفي زوايا غرفتي يحوم
واتذكر سواليفه المليانه ضحك ونكت ومزاح
ارواحنا مشتاقه وعلى حبك واللهفه ابد ما الوم
تعال خلهم يلحفونك فرح وشوق وحبهم وشاح

ودمتم بحفظ الرحمن