المشاركة الأصلية كتبت بواسطة ملكة سبأ
أختي العزيزه
هلا والله بملوك
سيكون لقائي معك الأول خفيفا وإن شاء الله تكون لي رجعه ويكون
حياك متى مااجيت انت واسئلتك
أسخن من الأول ====>تهديد هههه
تسخني ها وبلاش التهديد دموع ماتمشي بالتهديد عادي قولي
الي شنو تبيه وانا من عيوني بس تهديدة نوة عييب
تصدقين كسرتي خاطري من البدايه هجوم من أجل هذا رح أقلص أسئلتي
زين فيه احد كسرت خاطرة غير زهور ولا زي ماقلت من البدايه هجوم
هل أنتي عصبيه ؟ وهل حاولتي معالجه هذه العصبيه ؟
عصبيه سابقا ايو كنت عصبيه وحاولت اعالجها اكثر
من مرة بس ماقدرت ولكن يعدين في لحظه تهور
ومن بعد هالحظه انهيت كل العصبيه الي بداخلي
كيف ترين أعضاء وعضوات المنتدى من إداره ومشرفين ومشرفات والأعضاء بشكل عام ؟
ماشاء الله عليهم كل واحد يقول الزين عندي
لابس جد كل واحد اله اسلوبه وطريقته وكلهم مايقصرون بشي
مارأيكِ بالمجامله والشخص المجامل ؟ ومارأيكِ بالصراحه والشخص الصريح .؟ وأيهم تحبين وتحترمين ..؟ ومتى يكون النقد بناء وبنفس الوقت متى يكون هدام ؛ بنظركِ ؟
المجامله هاي الصفه جبت مساحاة ومسحتها من قوانين دموع
وموب موجوده نهائي عندي بس بعض الاحيان
الشخص يجامل وحتى لو على حساب نفسه على مايحرج الشخص الي ساله
احب اكون صريحه واحب الي اتكلم معاه يكون صريح وبلاش لف ودوران
لانه مهما طال الزمن او قصر اذا كان مخبي شي راح ينفضح فيه
احترم الصراحه وافضلها
النقد يكون بناء اذا نقدت الشخص بطريقه حلوة وسلسله
يعني موب اجي وطوالي انقد ومدري ايش وانت وانت
ولو تعاملت بهالطريقه اذا كان الشخص المنقود موب ع
اجبه عناد فيني وبطريقتي راح يستمر لان بطريقتي انا هزيت شي بداخله
مارأيك بالهديه ومامعناها بالنسبه لكِ ؟ وهل تهتمين لمحتواها ؟ وهل تحتفظين بها وتقدرينها ..؟
حلو الواحد يستقبل هدايا وخاصه اذا كانت مناسبه حلوة
وانا مااهتم للهديه نفسها بقدر اهتمامي بالشخص نفسه
وبقيمتها المحسوسه والمعنويه بداخلي
احتفظ فيها شور يس افكورس لانه دليل على تقدير واحترام
مني لشخص الي اهداني وكفايه انه ذكرني بشي في يوم من الايام
ما رأيكِ في الإنترنت بوجه عام ( الإستخدام السلبي والإيجابي له ) ؟
الانترنت حلو ومفيد للشخص الي يستخدمه بطريقه صحيحه
ويقدر يستفيد منه
اما من الناحيه الايجاب والسلب فشوفي كل شي بالحياه
اما ايجابي واما سلبي واما ابيض او اسود
واحنا الي نقرر متى يكون هالشي ابيض ومتى يكون اسود
رد كتبتيه في موضوع و ندمتي عليه ؟
مااذكر اني ندمت على رد كتبته لاني قبل لا ارد اكون محترمه
حالي ومحترمه الشخص الي حط الموضوع
وشي ماعجبني او من هالقبيل اقرء الموضوع واخلي الرد لنفسي
بصراحه عضو ودك تقولين له خلك ثقيل ؟
نوة بدي لا احد ماشفت احد موب ثقيل ولكل واحد مميزة تميزة
كم من الوقت تستخدمين الهاتف يوميا سواء كان الجوال
أو الثابت ؟
الثابت كنت استخدمه وبكثرة واطول في المكالمه بس
فترة من الفتراي والي هي لما تخرجت من ثانوي ورحت الكليه
وصديقتي صارت كليتها بيتهم فعشان ماحسسها اني بعدت او
ان الكليه شغلتني كنت اكلمها يوميا او يوم ويوم بس الاول
تحول وتغير كل شي وصرنا الحين نكلم بعض مرة بالاسبوع او
بالاسبوعين ومانطول بالمكالمه
اما الجوال يعني موب وايد
أتمنى لك لقاء ممتع موفقة
هلا والله ملوك وحياك عندنا
وثااااااااااااانكس ع الاسئله الخفيفه والظريفه
يعني بجد قلصتي اسئلتك<<جد موب عم او خال لا بس الجد اللي نبيه
الله يعطيك الف عافيه
ونور المكان بحضورك
دموووع
المفضلات