المشاركة الأصلية كتبت بواسطة أمير العاشقين
هلا خيتوو دمووع
تفضلي واستعدي الى الهلكه
مافي يمه ارحميني
وببتدي قبل الكل
ياهلا فيك خيو
اما الاستعداد امول ماقصرت صار لها اسبوع
وخلتني على اتم الاستعداد
اما ع الرحمه ارحموا من في الارض يرحمكم من في السماء
تفضلي
1/ ما رأيك بالعباه ذات الالوان المتعدده ؟
راي فيها ماتعجبني
الواحد يطالع فيها وكأنه يطالع فستان عرس
وثاني شي تلفت الانتباة وتشد الواحد
والبني ادم مخبي في ثيابه
فتشوف العباة وتقول هالبنت شي وبعدين تطلع ماتعرف حتى معنى الاخلاق
2/ لو أهديتك وردتان
الاولى حمرا والاخرى بيضاء
فأي ورده تعطيها أمير العاشقين
وأي ورده تهديها شبكة الناصرة ؟
البيضاء الى شبوك صفاء ونقاء وعطاء
الحمراء لامير للحب والوفاء
3/ كم مره أنهيتي القران هذه السنه وكم مرة في رمضان ؟
ويه فشله استغفر الله
السنه هذي بالذات انا انهيت بس نصف الجزء وماقدرت
انهي الجزء الثاني
وان شاء الله الله يقدرني واقراه كامل وانهيه هالسنه
اما كم انهيته انا اقرء سور محدده بعد كل صلاه اصليها
4/ في رمضان البعض يفطر قبل الصلاه والبعض الاخر بعد أنتي من أي نوع واذا كنتي قبل الصلاه لماذا ؟
لا احنا نفطر بعد الصلاة على الرغم عندي اخوان صغار بس نخليهم يصلوا
ويستنى لما نخلص وناكل بس هم ياكلوا خفايف على مابال نجي
5/ ماذا أعجبك في الشبكة العنكبوتيه ؟
اعجبني فيها كل شي يفيدني ويزيد شوي من ثقافتي الكسلانه
وانا عندي فضول واحيانا فضولي يوديني ورا المريخ
فعشان كذا احاول استفيد منها بقد ماقدر ويكون مفيد
6/ أذكري لي موقف محرج أبي أضحك طلبتك لاتقولي مافي شي في بالي موقف محرج محرج خلني اذكر اشوف
بقول موقف ومدري اذا يضحك ولا لا
هاي وانا بثالث كانت عندنا صحه فاضيه وعندنا مراقبه تراقب علينا
المهم استاذنا منها وقلنا بنروح نشتري لنا قالت روحوا
احنا رحنا والمقصف حقنا فوق بالدور الثالث يعني في السطح
الحين احنا ماصدقنا على الله وقالت لنا روحوا
رحنا واشترينا لنا ومانزلنا جلسنا هناك
وسوالف وضحك واكل ومسخرة
السطح فيه بابين اواحنا قدام اول باب واحنا نضحك مانشوف الا
الادرايه جايه لنا وعندها مسطرتها الخشب وهي دوم تمشي وهالمسطرة
بيدها وتوقيع البنات على تعهد لاتفه الاسباب الحين احنا شفناها من الباب الاول
وركيض ع الباب الثاني
وهي تطلع من باب وتدخل باب واحنا وراها ودورنا راسها
بس صادتنا ونزلتنا تحت ومدري كيف عرفت احنا من اي فصل
والمعلمه تسال انتوا ليش تاخرتوا فوق قلنا لها اشترينا
واكلنا واحنا عادي وبكل بساطه
ولا كأنا متاخرين ولا كان الشريه ورانا
بس بعدين المعلمه هي الي اكلت الاكله وراحت في كلمتين من هالشريه
واحنا بس واقفين ونسمع<<شين وقواة عين
7/ أختاه وبصراحة متى خجلتي من والدك ؟
خجلت من ابوي ماذكر بصراحه اني خجلت منه
هو الخجل لازم وفيه مهما كان هذا تاج راسي
بس مااذكر اني سويت موقف وخجلت من ابوي
لان ابوي زي ماانا احترمه واقدرة هو يحترمني ويقدرني
ويعزني وخاصه اني بنته الكبيرة
8/ ما رايك بالبنت التي تمتلك جوال وهي لم تكمل ربيع عمرها ؟
شوف الجوال صار موضه هاليومين والحين حتى الي ينولد هديته جوال<<مبالغه شوي بس
هذا الواقع والكل عنده ،،اما عن البنت انا اشوف عادي انها تمتلكه مدام هناك الرقابه
بس مو رقابه مشدده الي تخليها تفقد ثقتها في نفسها
يعني يعطوها اياه ويحذروها ويحسسوها في نفس الوقت انهم واثقين منها وانها ماراح تغلط
او تستخدمه غلط ولو تعاملوا معاها بكذه
ماراح تفكر مجرد تفكير بسيط انها تلعب بذيلها
9/ ما رأيك بتقنية البلوثوث الجديده ؟ وهل هي سلبيه أم أيجابيه ؟
انا اايدها وخاصه لنا احنا البنات
لان لو تبي صورة ولا نغمه يبي الك سنه وانت تترجين ذاك الاخو
يروح المحل ويبي اله سنه على مابال يوديه مع اني اشوفه سهله انها تركب لها من الكمبيوتر لانه فيه واذا تعلمت عرفت اله
ام سلبي او ايجابي على الشحص نفسه
فيه من يستخدمه بطريقه حلو وتفيد الكل
والبعض اعوذ بالله منهم ومن شرهم
10/ ماهو جهازك الجوال المفضل ولما أخترتيه بالذات ؟
انا حاليا جوالي مممم شنو اقول عن
بس مافيه ذيك الموصفات
بس يمشي الغرض واهم شي اكلم فيه ويتصل وماغيرته
عشان الكليه كل شي ممنوع ومو مستعده اشوفه يتكسر قدامي عيوني
اما لو بشتري بشتري اخر موديل بيطلع السوق
لاني واعده حالي اذا تخرجت وتخرجي قريب ان شاء الله
اشتري الي ولو شنو كان السعر
هديه تخرج وفرحه اني بفتك من العلة
اذكري موقف حصل لك بالدرسه خيه ؟
موقف لما كنت بثالث ثانوي
كانت المدرسه عاقدة مجلس امهات ويكونوا فيه الامهات والبنات
اذكر كانت المديرة تهذر ومعصبه وتسب وتلعن فينا وعشان دراستنا ومستوانا الي مو عاجبنها وعن نسبه الاعادة ومدري ايش
وكان كلامها قوي ومااحد يتحمله بس انا اشوفه ان من حقهم لانهم يتعبون معانا
المهم الحين وهي تتكلم مااشوف الا خالتي<<زوجة ابوي وامي الثانيه
وساكنه معانا بالبيت
اشوفها قامت ومسكت المايك لان الكلام ماعجبها وماسمعها الا تتكلم عني
وتمدح فيني وتقول كاهي بنتي تجي من المدرسه وماتنام وتغسل وتنظف
وفي الليل تسوي العشاء وتحل واجباتها وتذاكر
ولو طلبوا خواتها طلب ماتقصر معاهم وتقوم معاهم
وحتى في اختباراتها ماتقصر ولا يتغير في جدولها شي
وماشفنها يوم قالت انا ماحليت الواجب ولا المعلمه نقصتني ولا ماحفظت
كاهي مافيها شي على الرغم انها نشتنغل
وهي هناك مدح فيني وانا وجهي محمر على مخضر على مزرق
والاشارة تفتر فيه وانا ااشر عليها خلاص اسكتي وهي لا انا موب ساكته بشوف الي يتكالمون عليكم ويقولوا عنكم مهملات
وانا خلاص وااشر ومعلمه علم الاجتماع تطالع فيني وتبتسم
وانا الاشارة دايره عندي شنو اسوي عشان اسكتها وكانت صديقتي
جالسه قدامي وتقولي خلاص هوني قالت الي قالته
وماشوف الا المديرة تسال وينها الي تتكلمي عنها بشوفها انا
وبشوف تقدري المعلمات لها
كانت معلمه الاحياء ومعلمه علم الاجتماع يلا قومي عشان الكل يشوفك
والبنات بعد عشان يتعلمون منك
وانا موب قايمه انا مو قادرة اشيل نفسي وانا جالسه بعد بقوم لا خلوني مكاني احسن
وتمنيت وقتها تنشق الارض وتبلعني من الاحراج
ولا بعدين البنات اول مانزلنا ويلا ع التعليقات والكلام
والامهات الي كل ام ماسكه بنتها وتقول لها شفتي سمعتي
موب انت يالخايبه والي ماتعرفي شي
ومن كلام الامهات الي مايودي ولا يجيب
والبنات تعليقات علي وعلى الاشارة الي كانت عندي
وعلى اذني لانهم حمروا وايش يسكتهم دول
والى يوم ثاني وهم تعليق على ذيك الاشارة بس ربك ستر
ومانعطيت عين ورفعت الراس
11/ موقف حصل مع والدك؟
موقف مع ابوي ماصار الي
وان شاء الله مايصير
المفضلات