هلا فيك خيوة ابو باسم
وامول بالفعل اجادت بما وصفها قلمها
فوله ايش اسوي لها
ماتقول غير الصوحين
وحياك انت واسئلتك
1- ماهو تحصيلكِ العلمي (تدرسي يعني وإذا تدرسي شنوتدرسين)؟
ادرس سنه ثالثه قسم لغه عربيه
ودعواتكم اني اطلع منها لانها حيييل صعبه ومتعبه
2- دمعة ممكن تقولي لينا جدولك اليومي الروتيني كيف هو؟
جدولي عادي اصحى الصبح واروح محرقتي اجي منها وال ماجي انام
اصحى العصر كذا واشوف شي اكله شفت اكلت ماشفت سبحت وصليت
في الليل إذا كان عندي كتابه محاضرات اكتب ماعندي
جلست ع النت شوي أو نزلت الى امي
واجلس معاها وبعدين اسوي النا عشاء وانظف البيت
وع الساعه عشر أو عشر ونصف ركبت غرفتي الصغيرة
واجلس فيها اما دخلت نت واما اكلم شلة الهلاوس
وعلى مايشرف حضرة النوم اقوم وانخمد
وسلامتكم
3- دمعة كم عندك اخو واخت ذكريهم ..وقولي اعمارهم وعطيناصفوفهم وهل تتمنين يكثروا؟
اول شي مااتنمى انهم يكثروا وايد علينا وبسهم ومافي اشغال الحين
اما عددهم بقول عددنا احنا الي من امي وابوي
احنا تسعه وانأ فيهم
اخواني الاولاد ماشاء الله عليهم كلهم كبار
وثلاثه متزوجين و ثنين مدرسين لغه عربيه وواحد يشتغل بالحكومه
والثلاثه الباقيه واحد لسى كم شهر خاطب ومدرس لغه عربيه<<بيت اللغه بس انا برا عنهم
واحد مرس تربيه خاصه عقول ضعيفه وواحد ربي يوفقه وينجحه ويلقى اله وظيفه وطبعا طالب لغه عربيه
اما احم الليديات
انا وزي ماقلت ادرس لغه عربيه
واختي الثانيه تدرس احياء حيوان بالرياض وسنه ثانيه لها
واخر العنقود تدرس تمريض هنا واول سنه لها
4- من هو مثلك الاعلي من اسرتك؟
ماي فاذر ابوي واخوي الكبير
بصراحه اخوي قدوة لنا كلنا من صغيرنا الي كبيرنا ومن لما كان صغير
ووجوده يفرض على الكل احترامه لان له هيبه ربي يحفظه ويسلمه
5- هل الغيرة موجودة عندك ومتى تغارين؟
لكل انسان غيرة وهي موجوده عندي بس بحدود لاني ماحبها واحسها صفه موب حلوة
وانأ اومن بالقضاء والقدر
6- منذ متى دمعة حزن في عالم النت والمنتديات ؟
مو من ومان انا دخلت عالم النت يمكن صار الي سنه ونص أو سنتين
7- دمعة ...الى أي حد تغيرت حياتك بعد النت ؟
ماتغيرت وايد لأنه ماكان عنصر اساسي في تغيري الحين بس اله دور بسيط بس
8- الايام التي مضت وانت ماتقدري تدخلي النت ...ايش كان شعورك؟
ايش كان شعوري في الاول انقهرت وقلت الحين بمل و
ماعندي شي اتسلى فيه ووو
بس انا ماوصلت مرحله الادمان عليه
فلما صرت مادخل احس انه عادي عندي ومااهتميت
وقلت مصيري بدخل طولت ولا قصرت بدخل يعني بدخل
-------------------------
أسئلةعامة
9- مارايك في الدردشه عبر النت مع ناس ماتعرفينهم؟
اسلوب باااايخ وناس فااضيين ومملين وماعندهم غير الفارغ ويقضونه في الدردشة
وشنو اتكلم مع ناس مااعرفهم ولو كلمتهم في شنو راح اكلمهم إذا انا ماعرفهم
وثاني شي ومو كل من تتكلم معاه يكون اوكي شنو يضمن الك
فخليك بعيد عن هالعالم تسلم منه
10- دمعة كيف تعريفك للرجل الذي يستحق الاختيار من النساء المتوازناتبالعقل.. اقصد الرجل الذي يستحق التضحية منالمرأة..
مممم رجل يكون على قدر كبير من المسؤوليه
رجل بمعنى الرجوله نفسها مو زي شباب الحين بس موب كلهم لا ياكلوني بقشوري
رجل علمته الحياة كيف تكون هي الحياة ويستطيع آن يطويها هو لا هي تطويه
11- دمعة ماهو رايك بهذه المقوله.... الرجل يستطيع آن يحب اكثر منامرأة ولكنه لا يستطيع نسيان اول حب وبالعكس المرأة تحب رجل واحد ولكنها اذا ارادتآن تنساه فهي تنساه ولو بحب ثاني.. وماهوتعليقك..
الرجل يحب اكثر من امرأة غير صحيح هم قالوا كذا عشان
انه مسموح اله بالزواج من اربع
بس لا لو تزوج عشر وفي قلبه حرمه وحده مستحيل
يحب غيرهاوالرسول (ص) اشار الى الميل القلبي
هاي وجهة نظري انا
اما المراة إذا حبت وحب باخلاص مستحيل
تفرط فيه مهما كانت الظروف
ولو صار شي وحبت الثاني اوكي معاك انها بتحبه
بس مو زي الاول والمراة بطبيعتها تحكمها عواطفها
فبتحبه وتعطيه على قد ماتقدر وهي ماتحب عشان تنسى
الاولي بتحب عناد فيه وعناد فيها
عشان تثبت اله انه هو موب كل شي بحياتها وانها لسى بخير
12- ما هو الأفضل عندك المرأة العاملة أم ربةالبيت؟
انا اايد الاثنين وكل وحده وطريقتها في التربيه وقدرتها على المسؤوليات
ويمكن تشوف أم وعامله وطول الوقت تشتغل بس
تشوف تربيه اولادها واهتمامها بشؤون بيتها
احسن وافضل من أم جالسه مع اولادها 24 ساعه
ولا تدري عنهم أي شي وهامله بيتها
--------------------
13- ما هي حكمتك في الحياة؟
كن مظلوما ولا تكن ظالما
14- وما هو اقوى حدث في حياتك وغير فيك شي؟
فيني ماجاوب فسوري
15- ما هـي التــجربة آلـتي قمتي بخــوضهاونــدمتي
هو مو تجربه بس تقدر تقول عنها لحظه تهور
ومجنونه واليشطان شاطر ع قولتهم
وصار الي صار بس الى يومي هذا وانأ نادمه ببس
سوري ماراح اقدر اقول عنه شي
16- دمعة ماهو المستوى المادي الذي ترضي به فيالمستقبل..
انا مايهمني المستوى كثر مايهمني انه تكون حياتي بخير وبسيطه وسعيده
ويسودها الطييبه والفهم لبعضنا البعض وقربنا كمان
موب واحد في الشرق والثاني في الغرب
وطول ماهذول موجودين بيكونوا افضل من اني اعيش بقصر جدرانه بارده
17- إذا كنت متزوجه: ماهو رئيكِ في الزواج؟ هل معاملة الزوجتتختلف أثناء الخطوبه والزواج؟
والله انا لسى ع البر وماجربت الاثنين
بس براي المرأة إذا عودت زوجها علي شي لازم تواصل معاه
وحتى هو يعني مو تكون ايام الخطوبه كلها عسل في عسل والعين مغطيه عن العيوب
وبعد شهر العسل كل العيوب تبان وتحصل محاسبه ومدري ايش وتقوم القيامه بينهم
18- لنفرض انك تزوجتي ..وزوجك مايحب النت ولا هالشغلات وامنعكمنهم ويش راح يكون موقفك وكيف بتتصرفي؟
مايحب النت والله بكيفه
بس اجلس معاه واتفاهم معاهاواشوف
شنو الي مو عاجبه وفي شنوانا قصرت
وياانه يقنعني أو انا اقنعه
ونشوف راي منو يمشي
19- هل تتمنين ان تتزوجي بعد قصة حب أو الزواجالتقليدي؟
بصراحه افضل يكون بعد قصة حب وافهمه ويفهمني
من البدايه ونتعرف على بعض بيكون احسن
بس هذا حال مجتمعنا ومافي مفر منه
20- متى تقولين لا ومتى تقولين نعم الى زوجكِ وطفلكِ؟ماجملاسماء البنات والاولاد عندك؟
اقول لا واقول نعم على حسب الموقف الي صدر منهم
عجبني اديدتهم ونصحتهم لو لزم الامر
ومتى ماكان عاجبني قلت لا وابين لهم ليش قلت لا ولشنو
وخير الاسماء ماحمد وعبد
21- أي سورة من القران الكريم ترتاحين لها؟
سورة يوسف وسورة الكهف
22- ماذا تعلمتي من سيدة النساء فاطمة الزهراء عليهاالسلام؟
تعلم كيف اكون صابرة منها ومن ابنتها السيده زينب
23- دمعة كيف وصلتي للمنتدى وهل يشغلك منتدى آخر
كيف وصلت اله الليل الاليل هي من وصلتني اله
لاني اذكر ذاك اليوم كنا متجمعين في بيتنا وقلت لهم ابي مسج
حلو على عتاب قالت دخلي المسجات ع الشبكه وراح تلاقي هناك
اما ع المنتدى فعندي بس مايشغلني عن هذا
وانأ خلني اشوف وقت الى هذا عشان اروح هناك
بس خلي الاجازة تجي ويصير خير
24- دمعة هل اخترتي هذا الاسم؟ ولماذا ...وما قضية تقليدكلخيتك دمعة حزن؟
دمعة اخترته انا ليش لأنه يعكس حياة دمعة بكل مافيها
ههههههههه
انا ماقلدت دمعة انا كنت مسميه حالي كذا قبل لاادخل المنتدى
وإذا كان ع الصورة حاولت اني اشوف صورة حلوة وتكون معبرة بس مالقيت
وإذا سمعتوني اقلد مو قصد بس من باب المزح فقط لاغير
المشاركة الأصلية كتبت بواسطة *زهرة البنفسج*
المفضلات