صفي طفولتك ؟
طفولتي خاليه من البنات فكنت دوم مع اخوي هو من ابوي وبنفس عمري
واكبر مني بكم شهر بس
كنت انا دوم معاه ومراكض ولعب في الشوارع
كنا صغار وكان ابوي وين ماتبي دموع تروح وداها ولا عليه من كلام احد
خبرك دموع كانت البنت الوحيده عندهم فتدلعت دلع ماشافت زيه لما كبرت
كنت دلوعة الكل عماتي ابوي امي واخواني الكبار
وحتى ابوي عنده عمال حق البناء
كنت غاليه عليهم لانهم يشوفون ابوي كيف يعاملني
ولو سافروا الى اهلهم مايجون الا حاملين ومحملين
حتى اذكر كان اخوي يغار إذا جابوا الي هديه وهولا
يعني تقدري تقوله طفوله حلوة عشتها
2_هل حدث لك موقف بطولي لك الى الآن راسخ في ذهنك؟
بطولي لا ماصار الي وماذكر انه صار
3_من هم أصدقاء دُم دُم الصغيرونه ومن هم المقربين اليها؟
قلت الك اخوي كان صديقي وقريب مني حييييل
والى الحين إذا جلسنا مع بعض أو طالعنا الصور الي لنا تذكرنا كيف كنا ونضحك
وماعندي غيرة لان الباقي تقريبا كلهم كبار علينا
4_موقف مضحك واريد آخر محرج الى الآن اهلك يذكرونك فيه؟
موقف مضحك ممممم
مدري بس اهلي الى الحين يذكروني فيه
يقولوا هذا انا لما كنت صغيرة لما خالتي بتروح بيت اهلها
خالتي موب من نفس الديرة من برا فتروح يوم الخميس كامل وماترجع الا الليل
المهم في هذا اليوم لما يروحوا امي ماكانت ترضى اروح معاهم
فهم يروحوا وانأ اجلس عند باب غرفتهم واصيح واضرب برجولي الارض
واقول لهم ماني ابي اروح وجيبوا اخوي الي مافيه تودونه
انا احبه وهناك مافيه احد يحبه وحتى خالتي مافي تروحي
يعني اسوي البيت مناحه
وكنت مااتغذى ولا اتعشى ولا حتى اقوم من مكاني الى زين مايرجعوا وعاد إذا رجعوا
اجلس اضرب اخوي واقوله انت ليش رحت تراهم يلعبون عيك
وهم عادي انا رحت غير بيت جدي كان اجيتي معانا
وارجع اصيح
وانام معاهم ومارضى اروح الى امي
5_هدية او حتى ورقة او دفتر ذكرى يعنو اي شيء مازالت دموعتنا محتفظهفيه؟
كاااااااااان عندي دفتر مذكراتي لما كنت صغيرة يعني يمكن
كنت بسادس أو خامس أو اول متوسط وكنت مااحب احد يفتحه أو يقراه
واذكر خواتي فتحوه وقروة من اللقافه الي فيهم
ومن قهري قمت وحرقته
فللاسف ماعندي شي من لما كنت صغيرة
6_فترة الطفولة فترة تكوينيه للشخصية
هل يوجد شيء ما حدث فيها أثر على شخصيتك وقلبها رأسا على عقب أو
غير في مجرى حياة طفولتك؟
ايه بس خليها بيني وبينك لانها فضيحه الي
وعيييب
والي صار الي خلاني مالعب ولا اروح واجي زي قبل
يعني تقولي كنت شبه مقيده
7_ماهي الأمنية التي ماتزال معلقة منذ طفولتك لمتتحقق؟
مااذكر عندي اماني لما كنت صغيرة
لاني بعدني بسيطة العقل والتفكير وكانت اماني محدوده
وكنت احققها بدلعي
8_دموعووو هي البنت الكبرى بعد الأولاد…
كيف أثر ذلك على مسار طفولتك؟
اف اثر وبس الي قولي كيف مااثر
انا بنت وانت تدري عن البنت تكبر وانأ كبرت وانأ بعدني صغيرة
وكانوا اخواني كبار واكبر مني بوايد
فصاروا دوم لاتطلعي لاتلعبي لاتروحي لاتجي
تغطي عن فلان خلاص انت كبرتي
البسي كذا ولا تلبسي كذا
والحاله قايمه عندي
وانأ بس اوامر وانأ انفذ واقول الى امي ليش كذا
خواتي يروحوا ويلعبوا ليش انا وترجع تقول خلاص انت كبرتي
9_ماهي الذكريات التي تود انتشالها من عالم صغردمووووعه؟
ابي اشيل موقف مازال إذا ذكرته اشوفه بحذافيرة
ابي اشيل موقف لما تضاربوا اخواني واحد من ابوي والثاني اخوي يعني من امي وابوي
والطريقه الي تضاربوا فيه وباي شي تضاربوا
لأنه اثر علي بعدين وصرت اخاف اقرب من واحد منهم
وابي اشيل السبب الي لاجلهم هم تضاربوا
لأنه سبب مخجل حيييييييل
وكان اخوي من حقه يدافع عن هالشي
10_بيت او مكان كنت تحبي ان تذهبي اليه في صغرك؟
كانت ساكنه معانا جدتي الله يرحمهم مع عمتي
وكان اول مايصير شي بالبيت اروح في غرفتهم
واقعد معاهم وجدتي كانت تاخذني بحضنها وتسولف وتحكي الي عشان بس ماسمع ايش يصير
11_كيف هي الوحدة في صغر غاليتنا دمــــــعه؟
وحده مميته وخاصه آن خواتي بعاااد عني حيل
وكانوا يلعبوا مع بنت عمي لان احنا كنا ببيت واحد مع عمي
وكنت إذا بلعب اما مع اخوي أو مع نفسي
وهم جماعه مع بعض وانأ برا
12_شيء لم يتغيرلديك منذ طفولتك الى لحظتك هذه؟
دوم كانوا يقولوا عني اني هاديه وراكزة وماضر احد
والى الحين يقولون عني هالشي
13_كيف هو المرح معاك في تلك الفترة؟
لما نكون صغار الواحد مايهتم بشي ولا يحط بباله
فكنت إذا بلعب مع خواتي وبنت عمي ومارضوا كنت
العب لوحدي أو مع اخوي ونستهبل على بعض
وضحك ومسخرة وكنا نطلع من البيت من بعد الغذاء ومانرجع الا بالليل
وحالتنا حاله من العب والرمل
14_عقاب اخذتيه ومايزال هناك بذاكرتك؟
اذكر لما كنت برابع ابتدائي توني بسم الله
ماصار الي شي وكبرت
اذكر اخوي طلب اكوي اله ثوبه
وانت تدري عن الثوب وانأ ايش يعرفني في الكوي وخرابيطه
ومارضيت اكوي واذكر قام وضربني
بس ضرب خلاني ابكي الى الليل
يعني فترة الدلع راحت علي خلاص
15_على الجانب الآخر مكافآه سواء محسوسة أو ملموسة اخذتيها وماتزالفي ذاكرتك ؟
ماخذت مكافات لا محسوسه ولا ملموسه
ليش فيها جن عشان ملموسه
المفضلات