سؤالي للشباب

[ملكة سبأ]

لا تخلو حياتنا من مواقف محرجه نتعرض لها جميعا

سؤالي للشباب هل رأيت بنت بالغلط كانت زائره للأهل في منزلكم أو أي مكان آخر وكيف تصرفت ؟

ونفس السؤال للبنات هل رآكِ شاب بالغلط وكيف تصرفتي ؟

أتمنى التفاعل ولكم كل تقدير

[الفاقدات]

بصراحة ما اتعرضت ولو تعرضت يمكن البس مشمر واعبر الطريق

[ام باسم]

بصراحة ما اتعرضت للموقفبس اني اتجنب الوقوع في مثل هذة المواقفتحياتي

[التعيس]

سؤال محرج اختي ملكة سبأ

بالنسبه لي لم يحدث بسبب أني مقطوع من شجره مثل مايقولون

ولكني أرى الكثيرفي طريقي دائما ولكن بطبيعتي لاتحرش بأحد لان عندي قناعه ان هذا خطأ

ودائما أضع نفسي ان لو عندي أخت هل أرضى ان يعاكسها أحد أو ينظر اليها

وبصراحه اللي فيني كافيني

[تاج]

سؤال محرج بس الموقف احرج منه ..
اممممم
ياما وياما تعرضنا لهالمواقف
خصوصا في الجمعات العائلية
غير شيذي ما اقدر اذكر

[حور الجنان]

ماااحصل ليي موقف كداا وانشااالله ماتحصل

[عماد علي]

سؤال حلو مشرفتنا ملكة سبأ وطبعاً نريدك تشاركينا بموضوعك....
بالنسبة لي حصل لي هذا الموقف مرات خصوصاً لما يجوا صديقات أخواتي ويكونوا بغرفتهم وأدخل طوالي وهوووووووب صدمة قوية بسرعة أبتعد وأقعد ربع ساعة في إحراج من هذا الموقف وبعدين أتناسى الموضوع ... أعتقد هذه النظرة ليست حرام فهي غير مقصودة وقال ص :" لاتتبع النظرة النظرة؛ فإنها لك الأولى وليست لك الثانية".

[ملكة سبأ]

السلام عليكم ورحمة الله
الفاقدات شكرا لمرورك الكريم والله عندك حسن تَصرف
أم باسم أشكر مرورك الكريم أختي حتى لوحاول الإنسان تجنب الوقوع في مواقف حرجه مايمنع إنها تحصل لأنها موبيدنا وتحصل غصب عنا .
التعيس شكرا لمرورك الكريم وبارك الله فيك وكثر الله من أمثالك وإنت ياخوي
مش مقطوع من شجره كلنا لك خوات وإخوان .
تاج أشكر تفضلك بالمرور فعلا هالمواقف مُحرجه وفعلا تكثر في الجمعات
وفي بيوت العوائل ( اقصد البيوت التي فيها اخوان كثير متزوجين وعايشين بنفس البيت )
حور الجنان شكرا لحضور الكريم وإن شاء الله مايحصل لك موقف محرج .
جينا عند أبو باسم مرحبا بحضور وبقلمك الجميل وردك الوافي وكلامك صحيح بالنسبة للنظره فهي غير مقصوده
وبالتأكيد رح أشارككم
سمعو يا طويلين لعمار أنا صارلي مواقف كثيره منها
1ـ وانا تقريبا عمري 12 سنه يوم خميس ونايمه لوقت الظهر قمت من النوم
وعلى الصاله رايحه اغسل وجهي إلا ولد عمي في وجهي وقام يضحك
ضحك مابغي يسكت وأنا وزززززززززز راجعه داخل وبعدين عصبت على إخواني لأنهم ماتكلمو إن ولد عمهم في البيت . وهو ياشينه بعد جالس إتضيرف ويظحك .
2ـ أما الموقف الثاني هذا اللي تمنيت الأرض تنشق وتبلعني من الخجل .
كانت بنتي ابتهال عند إختي من العصر وفي الليل كلمتني وهي جايه بتعطيني البنت وبتمشي وكان في هذا الوقت زوجي معاه زملاه في المجلس ولآن البيت له مد خل واحد دقيت على زوجي وقلت له لاتفتح باب المجلس الحين اختي جايه وبفتح لها خلاص صار عنده علم ، دقايق وصلت إختي وأنا معاها عند الباب
مستعجله مارح تدخل إلاو باب المجلس ينفتح وقدامي إثنين واقفين وزوجي معاهم في هالحظه أسعفني التصرف إني نزلت و غطيت راسي ووجهي بيديني
بعدين سكرو باب المجلس وانا دخلت الصله وبعد ما طلعو الجماعة هاوشت زوجي كيف تفتح الباب وأنا قايله لك ويقول لي والله والله نسيت ، الجماعه
قالو بيمشون ونسيت بس هم سكرو الباب على طول .
سكرو الباب على طول بعد ما شافوني بطولي والله كان موقف لا أُ حسد عليه من الحرج والفشيله الله يستر علينا بعد فيه مواقف بس ماتحضرني
وننتظر مواقف محرجه من باقي الإخوه والأخوات وسامحوني طولت عليكم الكلام بس حبيت أحطكم معاي في الصوره

[أمل الظهور]

السلام

طرحك رائع كما عودتينا ملوكة

مواقف كثيرة تحدث لنا بدون قصد وتحرجنا كثييير


اهم شيء تكون النظرة شريفة وبدون قصد

احم <<عاد ملوكة تحمليني هااااا على الهذرة


عند ابوي صديق الروح بالروح زي مايقولوا ربي يخليهم لبعض كان جارنا

وتربينا مع عياله


وكانت النا طلعات للبحر وللبر مع بعض

كبرنا وتغطينا عنه وعن عياله

كان جاي بيتنا بالمجلس ولا احد قال الي واروح انا مع دفاشتي واروح اشوف

ابوي
الا هو بوجهي ويقول الي هلا والله في بنتي فلانه

والله برميل ماء انصب علي وعطاني ترحيب حاار بعد

اسكر الباب بسرعه واهرب وابوي والرجال ضحك علي

هو لحد الآن معتبرنا بناته حتى لو مازرناهم يسأل عنا ولو شاف اولادنا انا

واختي الكبيرة

هذا امهاتكم وهم صغار يسووا كذا وكذا <<يطلع فضايحنا

وطبعا مع اخوان زوجي استحي منهم بالمرة وبما اني ماعشت معاهم في بيت واحد


وزيارتي قليلة بحكم نزلاتي فحتى هم يستحوا مني ويتصببوا عرق وتهزيء في

خواتهم اذا
دخلوا مكان وانا كنت موجوده

مرة كان زوجي مع اخوه بالصالة انا مدري اختهم بتجي الصالة اقول

الها اجي مافيه احد

تقول لا مافيه تعالي بس

واروح عاد بدفاشتي وبالطفاقة اللي عندي

وانا بسرعه و اتكلم معاها وانا كلش حماس بالسالفة


الا اللف رأسي اشوي الا اشوف اخوه منزل رأسه

<<شكله يقول افا طلعت مرت الأخو دفشة

واخته عادي ماتكلمت الا يوم انتبهت

انحرجت كثييير واستحيت والله منهم بزيادة

وياكثر هالمواقف اللي تصير اهم شيء بدون قصد ونيتنا سليمه يعنو

مشكورة حبيبتي ام إبتهال على موضوعك


خلتيني افرفش اشوي

تسلمي وماننحرم منك يالغالية

[ملكة سبأ]

السلام

طرحك رائع كما عودتينا ملوكة

مواقف كثيرة تحدث لنا بدون قصد وتحرجنا كثييير

اهم شيء تكون النظرة شريفة وبدون قصد

احم <<عاد ملوكة تحمليني هااااا على الهذرة

عند ابوي صديق الروح بالروح زي مايقولوا ربي يخليهم لبعض كان جارنا

وتربينا مع عياله

وكانت النا طلعات للبحر وللبر مع بعض

كبرنا وتغطينا عنه وعن عياله

كان جاي بيتنا بالمجلس ولا احد قال الي واروح انا مع دفاشتي واروح اشوف

ابوي
الا هو بوجهي ويقول الي هلا والله في بنتي فلانه

والله برميل ماء انصب علي وعطاني ترحيب حاار بعد

اسكر الباب بسرعه واهرب وابوي والرجال ضحك علي

هو لحد الآن معتبرنا بناته حتى لو مازرناهم يسأل عنا ولو شاف اولادنا انا

واختي الكبيرة

هذا امهاتكم وهم صغار يسووا كذا وكذا <<يطلع فضايحنا

وطبعا مع اخوان زوجي استحي منهم بالمرة وبما اني ماعشت معاهم في بيت واحد

وزيارتي قليلة بحكم نزلاتي فحتى هم يستحوا مني ويتصببوا عرق وتهزيء في

خواتهم اذا
دخلوا مكان وانا كنت موجوده

مرة كان زوجي مع اخوه بالصالة انا مدري اختهم بتجي الصالة اقول

الها اجي مافيه احد

تقول لا مافيه تعالي بس

واروح عاد بدفاشتي وبالطفاقة اللي عندي

وانا بسرعه و اتكلم معاها وانا كلش حماس بالسالفة

الا اللف رأسي اشوي الا اشوف اخوه منزل رأسه

<<شكله يقول افا طلعت مرت الأخو دفشة

واخته عادي ماتكلمت الا يوم انتبهت

انحرجت كثييير واستحيت والله منهم بزيادة

وياكثر هالمواقف اللي تصير اهم شيء بدون قصد ونيتنا سليمه يعنو

مشكورة حبيبتي ام إبتهال على موضوعك

خلتيني افرفش اشوي

تسلمي وماننحرم منك يالغالية

هلا والله أم عبد الله
أتحملك إيه شلون ما أتحملك هذرتك ذي أحلى من العسل على القلب

وأحمد الله أن دخولك الموضوع أضفى على مُحياكِ إبتسامه
شكرا لجميل حضوركِ وذكر هذه المواقف ومنووووره أموله

[.:روح وريحان:.]

ههههههههههههههه
حلو الموضوع وحلوة المواقف
ههههههه
جو قتي افضح
خخخخ
اخر مرة ادكرها هاذا الموقف
ومن سنة تقريبا
كان حناء اختي ومن العصر لبست البدله عشان بعدين بتحناء وكيف بلبها وكذا ولبستا وكانت تنوورة قصير وبدي
وطااالعة اتمشى في مشااي البيت ومشغلين موولد هب السعد(طقاقه بحرينية كيوت)اكيد تعرفوها ؟
ولا عاد اني مستاانسه وامشي واقفز ومرة اطلع في الحناء المهم دخلت الغرفة ورديت طلعت وبقفز الا اشوف في وجهي زوج اختي ينقل كراتين العصير
لا مو بس دي المشكله الا كان باب البيت مفتووح وكان مجموعة من الشباب ينقلوا وياااها
وعن جد اتفشلتتتتت
خصوصا اني لابسه هاللبس
ولا بعد حصل هالموقف للمرة الثانية
كان في بيتنا واني راايحه اتمشى واقفز وحالتي حاله ودخل بسررررعة الغرفة وبعد ماوصلت ربع الفرفة الا واحد على السفرة دااق بالعشره
ههههههههههههههههه
واختللللللللللعت
للمرة الثانية اتفشل

وشرايكم بالفشاايل
هههههه
يسلمووو ملووكة على الموضوع

[القلب المرح]

السلام عليكم
اوووه حصل كثير بس اطلع كالاعمى ماكاني شفت شئ
شكرا ع الطرح
يعطيك الله العافيه
تحياتي لك بالتوفيق..

[نور الهدى]

الله يعطيك العافية ملوووكة


وعساش على القوة

جان على هالمواقف تصير وساعات من الفشلة ما تقدرين تقولينها

الصراحة صادني مثل هالمواقف

بقول واحد بس

اول ما تزوجت كنت جاية من المطبخ وانا ساكنة مع اهل زوجي يعني اخوانه يكونون موجودين المهم وكنت بدخل غرفة الجلوس ومحد كان موجود في الصالة فقبل ما ادخل حبيت اعدل المشمر الي علي عشان اتاكد انه ما يطلع شعري ايطلع مني شي

المهم وقفت صوب باب الغرفة وانا توني ماسكة المشمر بلفه وعدله الا اخو زوجي طالع من الغرفة وكنت قريبة كلش من الباب

وجه لوجه

فشلة ما ادري اهو شاف شي ولا لا بس انحرجت وبسرعه مسكة المشمر بديني وتخربطت وعلى طول الوجه صار طماطية خخخخخخخخ

حتى اهو استحى وعلى طول نزل راسه ومشى بسرعه من ارتباكه دعم في الدرج زين ما طاح جان الفشيلة فشيلتين

بس ظليت فترة من اشوف اروح صوب ثاني عشان ما يشوفني مستحية حتى اسلم عليه

بس هذا الموقف احرج موقف تعرضت له

[طيبه الروح]

تسلمين اختي ملكة سبأ

الله يعطيك الف عافيه

اختي طيبه الروح

[عاشق الافراح]

بصراحه انا حصل لي الكثير بس اطنش : تسلمي على السوال يعطيك العافيه