سؤالي للشباب

[ملكة سبأ]

أختي الكريمة طيبه الروح أخي الكريم عاشق الأفراح
شكرا لمشاركتكم وحضوركم الطيب

[طيبه الروح]

تسلمين اختي ملكة سبأ

الله يعطيك الف عافيه

اختي طيبه الروح

[عاشق الافراح]

بصراحه انا حصل لي الكثير بس اطنش : تسلمي على السوال يعطيك العافيه

[ملكة سبأ]

مرحبا بك أختي بشاير ( روح وريحان ) وشكرا لحضورك الغالي
ههههههههه بصراحه ضحكت كثير على المواقف اللي حصلت لك تخيلتك مثل الأطفال وهم فرحانين بالحنا .
ولا جالسه تنطط هههههههههه وأغنية هب السعد كان يببتي بعد يحليك يابشاير .
بس تصدقي عاد والله الفشله العوده اللي عند الباب يعني إنرسمتي رسم

[ملكة سبأ]

أخواتي : نوارة الدنيا ـ أموله ـ بيسونه

أسعدني مروركــم الرائع ومشاركاتكم ..

من القلب شكراً لكم

[ملاك الورد ..~]

ههههههههههههههه
سؤال حلو ومواقف احلى
بقول لكم موقف حصل لي مع صديق اخوي
الاخ جايب صديقه لغرفته
وانا صاعدة على الدرج واسمع صوت شريط كاسيت ضايع من عندي واسمعه بغرفة اخوي
اروح افتح الباب وانا شياطين الانس والجن ترقص فوق راسي من الغضب عشان بايق الشريط وما قال لي
وحاطة ايديني على خصري وانا اردد (نعم نعم نعم ) وبايق شريطي بعد

وانتبهت ان صديقه موجود

ورجت غرفتي وسكرت الباب لا يجي اخوي يكسرني
وتنازلت له عن الشريط

[أمل الظهور]

بااااااااااااااااك من جديد


بما انك قلتي هذرتي عسل ع قلبك تحملي مايجيك مني ههههه

بصراحه تذكرت هالموقف قلت برزه عندك


شوفي بنت عمي (عبير الورد ) متزوجه خال زوجي

وزوجي وخاله بينهم شبه كبير بالصوت والصورة

وياكثر سفراتنا وطلعاتنا معاهم

مرة سافرنا سوريا مع بعض وسكنا بشقة واحده ولو تشوفي المواقف لانهم سمسيم بعض وكنا لسى تونا متزوجين

ياانا اغلط واطلع لخاله او هي تغلط وتطلع لزوجي ..

ياعلي والله كلناها احراجات شبعوا من وجيهنا انا وهي

وبس يضرب واحد منهم الباب انا وهي زوجي لا زوجك نتوهق باعمارنا



احيانا تفتح الباب واحده منا وتهررررررب لايكون زوج الثانية

قضينا السفرة توم وجيري


مرة ضرب واحد منهم الباب قلنا ماكوو الا نسأله منو انت هههه لانه لو بنقول منو بيقول انا موب نستفيد شيء

قالنا منو قال يعني منو فتحو بس فتحوا

يعني مااستفدنا من هالطريقة

ومرة كنا في شاليهات الدمام ضرب الباب واحد منهم

يوه يوه منو تطلع الحين

صار الباب شفاف نوعا ما يعني توضح فيه منو وراه واقف

احترنا

فكرنا

قلنا ماكوو الا كذا

لبسنا واحد منهم قبعه واحد منهم بدون علشان نميز بينهم خخخخ

ولا يوم كنا بسوريا كنا انا مع بنت عمي بجوال واحد يعني لو بيتصلون علينا اثنينهم يتصلون ع الجوال هذا

او احنا لو بندق نفس الشيء هم جوال واحد بعد

اول مانرد نظل فترة مفهين اي واحد فيهم بس

احيانا نكون معصبين وماكوو وقت لتميز الاصوات على طوول الطلبات لاسلام ولا كلام

وكان فيها تعصيبة زيادة عن اللزوم وهواش كل واحد يأكلها من زوجة الثاني

من جد مواقف محرجة معاهم والله

ولسى ترى مستمريين بالتخلبط ربي يستر بس

نعتذر ملوك عن الهذرة الزايدة

بايوووو

[بيسان]

هلا والله

بصرااحة حصلت لي اكثر من موقف

من جد والله قمة في الفشيله

اذكر موقف حصل لما كنت في ثاني او اول ثاانوي
كانوا يقروء في بيتنا سفرة ام البنين
فطلعت برا الحووش اوصف الى صاحبتي البيت لانه داخل ازعاج
طلعت بدون عباءه وكنت اكلمها ومااشوف في ووجهي الا ولد خالتي
اتصلبت مكاني ماعرفت وش اسوي
والله من الفشيله حتى هو وبعدين رجع على وراء ومشيت
ومن جد هذا ولد خالتي مو متعوده معاااه
والمصيبه الا كبر انه اكبر مني
يعني لو اصغر بتهوووووووووون
بس والله موقف محرج

الموقف الثاني حصل في محرم هالسنة
كنا مجتمعين في بيتنا بنات خالتي وطبعا ازعااج
المهم كنا جالسين بغرفه ومشغلين الكمبيوتر ونتسمع
ومرفعين الصوت
المهم طلعت بجيب لي مااي
الا اشووف في الصاله شي ابيض
وبعدين
بعد ماعبرت وشربت ماي وخلصت انتبهت نه ولد خالتي
جالس بالصاله معاا ابوي
بس اشووى ابوي الا شافني بس ولد خالتي عطيني ظهره
في ذي الله ستر وسلم

الموقف الثالث
كان رجال جاي الى ابويي
وكانت امي في الحج يعني قومي ياابيسان وجهزي
المهم الرجال جالس بالمجلس واحنا عدنا غرفه مفتوحه على المجلس
دخلت الغرفه الا انصدم الرجال في وجهي لا وجالس يطلع بعد
المهم سكرت الباب واتصلت الى ابووي وجااء ابووي واخذهم

الموقف الرابع
هذا حصل في هالفتره
كنت الصباح انتظر السواق وطبعا كنت واقفه عند الباب
لانه السواق اتصل لي وقال لي يالله
المهم طبعا مااجاء واني مااحب اتغطى ففتحت وجهي واني داخل البيت
بس الا يعبر عند البااب يشووفني
المهم المصيبه والفشيله الكبرى
تدروا من الا شاافني
عضو من أعضااء المنتدى
ولو شفتوا شكلي كيف وهو يقول لي
تضحكوا عليّ ضحك زي ماضحك علي

وسلامتكم
ومشكووره خيتووو
وننتظر مواقفش