اللقاء الثاني والثلاثون مع مشرفة الابداع والمسجات دمعة حــزن ..

[القلب المرح]

السلام عليكم ورحمة الله وبركاته
عدت لك من جديد واتمنى اسئلتي ماتكون غثيثه
س:ماهي انواع المشاكل التي تتضايق فيها كثيرا دمعه حزن .. هل اجتماعيه ام سياسيه او شخصيه ؟ولماذا؟
س: هل تستمعين للغناء؟ وان كان نعم مالفائده؟ وان كان في السابق نعم وبعدها تبتي كيف كانت توبتك ومالشئ الذي دفعك للتوبة عن الاغاني؟ وان كان لا بتاتا فحسن ماسرتي عليه..
س: ماهي الاسباب الذي تجذب الانسان للحب؟
س: ان حصل في ذات يوم مولد من الائمة عليهم السلام وانتي عاجزه عن الذهاب الى احدى المآتم لتحظري فيها احياء المولد الجليل .. وجلستي في منزلك فكيف تحييها في منزلك؟ وهل حصل ذلك ذات يوم؟
س: هل حصلتي مقالب من احدى صديقاتك او اقربائك ؟ وان حصل فذكري لنا مقلب ازعجك جدا؟ << كان نتعلم نسوي مقالب خخخ
اخيرا وصلنا لاخر سؤال ولن اعود لك لاسئلك حتى لا ازعجك اكثر ..
س: هل ظلمك احد ؟ ومن ؟ وفيما ظلمك ؟ وكيف تدافعي نفسك مِن مَن ظلمك؟
تحياتي لك بالتوفيق..

[دمعه حزن]

السلام عليكم ورحمة الله وبركاته
وعليكم السلام والرحمة والبركات ..

عدت لك من جديد واتمنى اسئلتي ماتكون غثيثه
أهلا بعودتك من جديد .. ان شاء الله تكون بسيطه ومريحه ..
س:ماهي انواع المشاكل التي تتضايق فيها كثيرا دمعه حزن .. هل اجتماعيه ام سياسيه او شخصيه ؟ولماذا؟
مشاكل ثلاثه الانواع تضايقني ..
ولكن اكثر واحد فيهم يمكن السياسيه ..
المشاكل الاجتماعيه لانها تؤثر على الفرد والمجتمع ..
المشاكل الشخصيه تؤثر فى شخص واحد الا هو أنا ..
المشاكل السياسه تؤثر فى الشعب ككل وقد تشمل شعوب اخرى ..
س: هل تستمعين للغناء؟ وان كان نعم مالفائده؟ وان كان في السابق نعم وبعدها تبتي كيف كانت توبتك ومالشئ الذي دفعك للتوبة عن الاغاني؟ وان كان لا بتاتا فحسن ماسرتي عليه..
لا ما اسمع .. الا اذا كنت فى مكان وانجبرت اني اسمعها بس اتضاايق مره واحاول قد ما اقدر اطلع من المكان ..
س: ماهي الاسباب الذي تجذب الانسان للحب؟
ما فهمت عليك .. << يعني تقصد اشلون يحب ؟؟ او شنو؟؟
بجاوب حسب ما فهمت .. اذا كان الا فهمته غلط .. فهمني وبجاوب مره ثانيه ..
الحب يصير مو بارادة الانسان .. لانها مشاعر تجتاح النفس من دون سابق انذار .. والانسان لا يستطيع ان يسيطر على مشاعره ..
ومن الاشياء الا تجذب الانسان ان يحب يمكن شخصيه واخلاق محبوبه ..
اتمنى ان اجابتي كانت فى صميم السؤال وليست بعيداً عنها ..
س: ان حصل في ذات يوم مولد من الائمة عليهم السلام وانتي عاجزه عن الذهاب الى احدى المآتم لتحظري فيها احياء المولد الجليل .. وجلستي في منزلك فكيف تحييها في منزلك؟ وهل حصل ذلك ذات يوم؟
اي حصل لي اكثر من مره ..
اوقات انا وخواتي ما نقدر نروح ما تشوف الا نسوي الاحتفال فى بيتنا نغني ونصفق وماادري شنو واولاد خواتي يستانسوا ويقوموا يدوروا ويرقصوا ويغنوا ويعني نسوي احتفال لنا فى البيت << ههههههههههههههههه
اوقات احاول ان اقضيها باعمال هذا اليوم المبارك ..
واوقاات يمر اليوم عاادي من غير شيء ..
س: هل حصلتي مقالب من احدى صديقاتك او اقربائك ؟ وان حصل فذكري لنا مقلب ازعجك جدا؟ << كان نتعلم نسوي مقالب خخخ
ههههههههههههههه ..
اي حصلت مقالب مو مقلب بس .. << بس حالياً مو جاي فى بالي .. احس مخي مجييييييييم شوي ..

بس عن خاطرك بقول لك مقلب سواه فيني زوج خالتي وخااالي ..
أول ما اشتريت لي جوال وطلعت لي رقم .. رقمي محد كان يعرفه .. فيعني كنت ناويه ع خالتي اجننها ..

المهم عااد انا قمت اجنن خالتي بمس كولات .. وخالتي قامت وقالت لزوجها .. وزوجها اخذ رقمي وقال بشوف وش الموضوع ..

يومها انا كنت بالجامعه وعندي محاضرة << اتصل زوج خالتي بس من الشغل .. انا ما قدرت ارد عليه وهو مواصل اتصالات ..

المهم طلعت من المحاضرة شفت الرقم قلت الرقم من هالمنطقه << وهالمنطقه فيها خالتي واختي وشغل زوج خالتي ..

عاد انا قلت اكيد هذه اختي او خالتي دام مواصلين يتصلوا فيني اكثر من مره ..

فقمت باتصل فيهم الا يطلع لي الرقم مو بالخدمه << يعني استقبال بس ..

استغربت اشلوون وكانت معاي عسووله الله يهديها الا تقول لي اكيد هذا رقم من البراده ( البقاله ع قولتكم )

وعاد انا خفت وقامت الافكار تلعب فيني .. من بيتصل فيني من البراده << ساعه اقول ناس تتحرش وساعه اقول اخاف الاهل صار لهم شيء .. ومررره كنت خايفه حدددددي ..

انزين وشوي اتصل البيت واتطمنت شوي بس الخوف ما زال فيني << وانشغلت بعدين وي البنات .. والا الظهر الا اشووف اتصال من نفس الرقم
وكانت حزتها معاي بنت خالتي وحدددي خفت اقولها ردي انتي تقول وانا شكو تلفونج لو تلفوني .. وتوهقت رديت وانا مايته خوف الا اسمع حس رجااال

عاااااااااد حزتها خفت حد حد حددددددددي .. << الا يقول من معاي قلت له انت من ؟؟ انت الا متصل الا يقول زين انتي تعرفين بيت ........ الا هو بيت جدي صدق مت خووف قلت صار لهم شيء .. قلت له اي شصاير ؟؟ الا يقول لا مو صاير شيء انتي تعرفي بنتهم ..... قلت له اي خالتي اشفيها ؟؟
الا يقول ما فيها شيء بس من انتي ؟؟ قلت له انت من اول ؟؟

الا يقول انت بنت اختها اي وحده فيهم ؟؟ << المهم عقب قال لي هو زوج خالتي وقلت له انا من وانحلت القضيه ..

وشوي الا رقم من نفس المنطقه بعد بس يختلف << ولا من نفس المقر بس قسم اخر ..

انزين رديت الا بعد رجاال << وييييي طاح قلبي شسالفه اليووم ؟؟ الا يقول انتي وين ؟؟ قلت له هاا من انت ؟؟

الا يقول بسرعه انتي وين بجي لج انا عند الجامعه .. << صدق خفت من قلب ..

الا اقول من انت بسرعه عندي محاضره << شليخه فاضيه بس من الخوف ..

الا هو قاعد يضحك يقول انا خالج وامزح وياج ..

بس صدق خوووووف من الزين .. << ادري بتقولوا خوافه ..


اخيرا وصلنا لاخر سؤال ولن اعود لك لاسئلك حتى لا ازعجك اكثر ..
زين والله .. الرحمه زينه .. ربي يرحمك دنيا وأخره ..
س: هل ظلمك احد ؟
اي ..
ومن ؟ وفيما ظلمك ؟
مشفر ما يعلموا ..
وكيف تدافعي نفسك مِن مَن ظلمك؟
ربي يأخذ بحقي مو أنا ..


تحياتي لك بالتوفيق..
ربي يوفقك دنيا وأخره ..

القلب المرح ..
تسلم ع هالاسئله البسيطه ..
الله يعطيك ألف صحه وعافيه ياااااارب ..
واتمنى تكون اجابتي فى صميم الاسئله ..
ما ننحرم منك ..

تحياتي
دمعه حزن