بسم الله الرحمن الرحيم
والصلاة والسلام على اشرف المخلوقات اجمعين محمد وال بيته الطيبين الطاهرين
قوووووووووووة خيتو شخبارش ويش مسويه
والله طحتي ومحدش سما عليك ( على قولة المصرييين )
منورة اللقاء
توقعت انش تكونين في اللقاء هالاسبوع واحساسي ما يخيب
بس زززين من زمان واحنا ودنا تطيحين هالطيحة
يالله جهزي نفسك الحين لنا
طبعا انا بصف لج كم سؤال واعذريني اذا كان مكرر لاني ما قرأت اسئلة اخواني وخواتي الاعضاء
قلت خل استغل الوقت في صف الاسئلة احسن
سمي بالرحمن واخل نبتدي
1_ من وين انتي ومن اي منطقة ؟
2_ هل انتي مرتبطة او لا ؟ كأني يا زعم ما اعرف بس استهبل يمكن تطلعين مثل فروحة ما يبين عليها اخر شي طلعت متزوجة وعندها 3 شناكل بعد 0
3_ ما هي مواصفات شريك العمر الي تتمنين الله يرزقك فيه ؟
4_ هل مرت دمعة حزن بتجربة حب ؟
5_ كيف دمعة حزن مع الكتاب ؟ وشنو اكثر المجالات الي تحبي تقرأي فيها ؟
6_ ما سر دمعة حزن مع المسجات ؟
7_ لج كتابات حلوة ز من متى وانتين تكتبين ومتى تكتب دمعة حزن ؟ ومن هو كاتبك المفضل الي تحبين تابعين له ؟
8_ على حسب متابعتي للمنتدى اشوفش تختفين وتردين ترجعين ما هو السبب؟
9_ من تقلدين ؟ من علماء اقصد .
10_ تدرسين لو تشتغلين ؟ واذا تدرسين ما هي اعلى طموح ناوية توصلين له ؟
11_ سؤال اشوي شخصي بس ما ابي تحديد بخلي الامر سر بينس وبين نفسش كم عمرك هل هو تحت العشرين او فوق العشرين ؟
بتقولين صدق البحارنه ما ينعطون ويه
بس اللقاء معاش وانا رايقة من الصبح خل اجننك اشوي
12_ متى تحتقر دمعة حزن الفتاة ومتى تحترمها ؟
13 _ ما هي الحدود الي لازم تقف عندها المرأة من وجهة نظرك ؟
14_ طبعا شايفه حالنا من تدهور من الجهة الدينية برأيك من هو المسئول الاول عن التدهور ؟
15_ شلووووون تقضي دمعة حزن يومها ؟ الروتين اليومي
16_ بأمانه تعرفين تطبخين لو لا ؟ وما هي اكثر طبخة تتقنينها ويحبون ياكلونها من يدج ؟
17_ هل انتي مشتركة في منتديات ثانية ؟ واذا اي ايهما افضل لديك ؟
18_ بأمانه شلي تشوفينه في منتدي الناصرة وما تشوفينه في منتديات اخرى ؟
19_ كم اخت عندك وكم اخ ؟وما هو ترتيبك بينهم ؟
20_ شتقولين للرجل الي يشوف حاله على المرأة وينظر اليها نظرة استصغار ؟ طبعا لاني منقهرة منهم هالنوعية منبطة جبدي منهم جد ودي اشيلهم وانفيهم الى المريخ خلهم يعيشون هناك عشان يحسووون ويعرفون قدرهم
بعد
قاعدة افكر في اسئلة
من زمان ما استجوبة احد طافت على فروحة وافتكت مني لاني ما كان عندي مجال بس هالمرة ما بطوفها
لكن ام العبابيد ما قصرت بعد طلعت حرة الكل
الله يخليها لنا
وصلت عشرين سؤال الحين بس مو كفاية خل اقوم اكمل شغل البيت الحين وبعدها اتفرغ وارجع مرة ثانية عاد ادعوا اني ما تطلع لي شغلة وتعطلني
لقاء ممتع ان شاء الله ( اقصد متعب )
وخلك على انتظار
الله يوفقك يا رب دنيا واخرة
تحياتي لج
اختك ام محمد
المفضلات