المشاركة الأصلية كتبت بواسطة أمير العاشقين
هلا خيتوو دمووع
أهلين أخوي جاسم .. حيااك
تفضلي واستعدي الى الهلكه
زاد فضلك << اي استعد انت خليت فيها استعداد .. لكن يالله جاهزين والله يعيني بس ..
مافي يمه ارحميني
زين ما فى بعد يا أخوي ارحمني؟؟
انا تاخرت بوضع اللقاء لاني مريض
سلامتك .. ما تشوف شر ..
لاكن الحين استعدي للهلكه
الله المعين ..
1/ ما رأيك بالعباه ذات الالوان المتعدده ؟
ما اسميها عباه .. اسميها مغريات الحياه ..
2/ لو أهديتك وردتان
الاولى حمرا والاخرى بيضاء
فأي ورده تعطيها أمير العاشقين
الحمراء لك ..
وأي ورده تهديها شبكة الناصرة ؟
البيضاء لشبكه ..
3/ كم مره أنهيتي القران هذه السنه وكم مرة في رمضان ؟
مره وحده بس << خايبه السنه بس قاعده الحين احاول تكون مرتين بالسنه وربي يقدرني واكمل ..
4/ في رمضان البعض يفطر قبل الصلاه والبعض الاخر بعد أنتي من أي نوع واذا كنتي قبل الصلاه لماذا ؟
أنا من النوع الا أكل شي خفيف قبل الصلاه .. وبعدين أصلي .. وبعدين أفطر << ليش لان لو فطرت قبل الصلاه بصراحه بتكون صلاتي ثقيله .. ولان لو ما اكلت شيء بعد راح احاتي البلع بعد طول اليوم بالمطيخ يعني بصلي بسرعه عشان الحق بطني .. بس كذا افضل عشان أصلي صلاتي صح ..
5/ ماذا أعجبك في الشبكة العنكبوتيه ؟
التواصل عبر الماسنجر .. والاستفاده من المواقع المفيده والمنتديات .. وكوني استطيع اسأل عن أي شي يخطر فى بالي .. بالخصوص مع مكتب السيد السستاني دام ظله .. فيعني ما اكون محتاره فى اموري ..
6/ أذكري لي موقف محرج أبي أضحك طلبتك لاتقولي مافي شي في بالي ؟
ههههههههههه << خاطري اعاند وما اكتب لك .. ليش تحط اللقاء وانا قايله لك مابي ..
توى كاتبه موقف فوق لام باسم << ما يكفي ؟؟
7/ أختاه وبصراحة متى خجلتي من والدك ؟
هههههههههههه << امممم كثير بس راح اقول لك موقف منها .. لما يكون عندنا ضيوف واروح اجهز لابوي القدوع (مادري عاد شتسموه انتوا ) ويوم اروح اودي له القدوع يقعد يمدح فيني قدام الاوادم ويقول لي ..احسنتي .. احسن بنات امج انتي .. << طبعاً يكونوا الضيوف من أهلنا .. بس احراج
8/ ما رايك بالبنت التي تمتلك جوال وهي لم تكمل ربيع عمرها ؟
ما يعجبني هالشيء لا لبنت ولا ولد << بصراحه اسراف وممكن يؤدي الى ضياع الشخص .. لان فى ناس ما تراقب اولادها ولو راقبت .. يعني هو طفل المفروض ما يشغل نفسه بهالاشياء يكفي دراسته واصدقائه والتلفزيون والنت .. << وانا افضل النت لما يكون بسن معين مثلاً بالاعداديه .. والجوال لما يوصل ثانوي اقلتها والافضل للبنت بعد التخرج ..
9/ ما رأيك بتقنية البلوثوث الجديده ؟ وهل هي سلبيه أم أيجابيه ؟
كل شي له سلبياته وايجابياته .. وعلى حسب استخدام الشخص نفسه يحدد سلبيه هالتقنيه او ايجابيتها ..
10/ ماهو جهازك الجوال المفضل ولما أخترتيه بالذات ؟
بصراحه ما اعرف بالجوالات أنا ..بس عجبني الدمعه وكان عندي والحين لا وقريب بشتري لي واحد بس محتاره شأخذ لان ما اعرف فيهم ماكو الا اخواني وخواتي كل واحد يقول اخذ هالجوال ويقولوا اسماء وانا مثل الاطرش بالزفه ما ادري عن شيء.. << ليش اخترت جوالي السابق اولاً مو انا اخترته اختاره اخوي لانه كان هديه من عنده .. بس عجبني يمكن لانه ع اسمي 
.. والله ما اعرف بالجوالات انا ..
اذكري موقف حصل لك بالدرسه خيه ؟
ماكو رحمه يعني كل سؤال صعب ولازم يكون الرد شكبره حق الهلكه << يالله بقول وأمري لله ..
غالبية المواقف بالابتدائيه ..
لما كنت بالابتدائيه .. كان ما شاء الله عايلتي كلها بالمدرسه ( أختي وخالتي وبنات خالي وبنات خالتي )
المهم .. بيوم العيد الوطني عندنا نسوي احتفال بالمدرسه قبل بيوم بالعاده .. عاد ع الساعه 11 يكون خلص الاحتفال ونقعد جذي دواره بالمدرسه .. << وذاك اليوم عزموا الشله ع الشرده وانا طبعاً اصغرهم .. وياهم وين ما يروحوا .. << تراني خيووفه بس دام العايله ما شاء الله كلهم بيشردوا شسوي اقعد بروحي وياهم .. وياهم لكن القلب يرقع من الخوف ..
المهم عاد الله والشرده << اول من شردت منوا ؟؟ اختي تعلقت بالشجرة ونطت والبقيه حاولوا ما قدروا يتتعلقوا بالشجره << ولا يفوتكم اختي من هالشرده ما سلمت طاحت ورقبتها انكسرت هههههههههه .. كنا نشرد نروح بيت خالتي او بيت جدي لان جنب المدرسه ..
المهم البقيه قالوا شنو الحل نبي نشرد << الا تقول بنت خالتي وخالتي اكبرنا نروح ورى المدرسه ونشرد .. وجابوا كرسي ورحنا ورى المدرسه ونركب السور ونشرد << سور المدرس من ورى كان مو كبير عشان جذي قدرنا نشرد << زين عشان نروح بيت جدي او بيت خالتي لازم نمر على بوابة المدرسه وهناك الحارس يعني بيكشفنا << شسوينا قامت خالتي وبنت خالتي اكبرنا هم ويلبسون عبايه واحنا صغار ما نلبس .. وما شاء الله احنا جيييش قاموا شسووا خشونا بالعبايه كلنا <<هههههههههههههه وركيييييض .. وسلمنا وما كشفونا ولله الحمد ..
11/ موقف حصل مع والدك؟
اممممم .. موقف شنو عااد << والله ما فى بالي شيء الحين ..
هذولا أسئله أمانه عليك تجاوبيهم بصراحه وبدون مجامله عادي ترا ما في شي قولي الصراحة
الله يعين .. ان شاء الله اقدر اجاوبهم ..
12/ لو طلب منك أمير العاشقين بيتين من خواطرك ماذا ستهديه ؟
جاسم عسى ربي يحفظك وين ما تكون
ياللي ع المروء والشهامه متربي ومفتون
عسى ربي يحقق امانيك وينور لك الكون
بوجود أحبابك حولك وين ما تكون ..
13/ ما رأيك بخواطر أمير العاشقين ؟ وما هي أفضل خاطره أعجبتك ؟
ما شاء الله عليك أخوي .. كتابتك أكثر من روعه ومبدعه .. بس شنو الافضل احتار فى تفضيل وحده منهم لانهم كلهم رووعه ..
14/ ما رايك بامير العاشقين ؟ وما هي ملاحظاتك عليه ؟
صاحب غيره ع خواتك ..ومروء وشهامه ما شاء الله عليك .. الله يخليك لاهلك واحبابك .. ملاحظاتي بس عصبيتك خففها شوي .. ترى الدنيا ما تسوى .. وكل شي مكتووب بيصير .. اقبل بالمقسوم لك بقناعه ..
15/ كلمة تودين قولها إلى أمير العاشقين ؟ وكلمة تودين أن تنصحي بها أمير العاشقين ؟
اقول ربي يخليك ويحقق امانيك ويسعدك فى الدارين ..
انصحك تخفف العصبيه .. وتقبل بالمكتوب بقناعه ..
16/ هل أزعجتك أسئلة أمير العاشقين ؟
لا ابد .. << بس هلكتني وانا ارد ..
اسئله خاصة بطبقة الحب
17/ ما رايك بالحب ؟
شيء حلو لما يكون متبادل .. وعذاب لما يكون من طرف واحد ..
18/ وهل رق قلبك واحببتي يوماً ؟ اذا احببتي فما هو شعورك ؟
19/وقع ابنك في دوامة الحب ماذا تفعلين ؟
اذا كان حب بين طرفين بوقف معااه .. وبساعده ع تحقيق احلامه
واذا كان من طرف واحد .. بحاول اساعده على تخطي الامر وبتألم لألمه ..
20/ ما رايك بمن فارق حبيب وغالي ؟
الله يصبر قلبه ..
21/ ما رايك بمن يخون ؟
انسان مريض .. ربي يصلحه ..
22/ هل خانك احد يوماً ما ؟
كثير ومن ناس قريبه مني للاسف .. الشكوى لله
23/ هل عانيتي مأساة فراق صديقه غاليه لديك تحبينها بكل قواك ؟
مو فراق .. بس تقدر تقول بعد وجفا ..
24/ هل ظلمك احد يوماً ما ؟
اي ..
25/ كيف تعاملين من يعاملك بقسوه ؟
عادي .. اعامله مثل ما اعامل بقية الناس << بيقسى بكيفه بس انا ما اقسى ..
المفضلات