اللقاء الثاني والثلاثون مع مشرفة الابداع والمسجات دمعة حــزن ..

[دمعه حزن]

24- دمعة هل اخترتي هذا الاسم؟ ولماذا ...

نعم .. لانه يناسبني ..

25- ماهو موقفكِ حين رايت اسمك في هدا اللقاء؟
سبق وقلت موقفي من اللقاء فى ردي على أمير العاشقين ..

26- صفي لنا شعوركِ وانت في هذا المنتدى بين اعضائه الكرام ..؟ وكيف وجدتي اعضائه ومشرفينه ..؟
بصراحه احس اني بين اسرتي الثانيه بالخصوص حين ارى وقوف الاخوه جنباً لجنب .. والموده تسود بينهم ..
ما شاء الله عليهم اخواان واخواات يرتاح الشخص معاهم وينحبوا من قلب .. ربي يديمها علينا ..

27- ماارايك بااقساام المنتدى ؟؟ وماهو القسم الذي تتمني ان يضاف ؟؟ ما ذا ينقص منتدى الناصره ؟
الحمد الله اقسام حلووه ومتميزة بمشاركات الاعضاء المفيده والمبدعه ..
الحمد الله ماكو شيء ناقص .. ولا فى بالي قسم عشان يضاف ..

28- مارايكِ في

بيسان..
شخصيه محبوبه ولها شعبيتها ..
أمل الظهور..
طيبه وحبابه وتدخل القلب ..
دمعة الأحزان..
سميتي ربي يخليها .. حلوه وحبابه ..
أم محمد..
شخصيه لها احترامها ومكانتها بين الجميع ..
الضحكة البريئة
بنوووته حلووه ومحبوبه مرره ..
القلب المرح..
صاحب قلم مبدع وروح مرحه ..
أمير العاشقين..
صاحب قلم متميز وشهامه ..
شبكة الناصره..
صاحب مبادىء ساميه وروح نقيه ..
ياسر
صاحب حروف متألقه ..

عماد علي
صاحب شخصيه محترمه وثقافه جميله ..

29- كلمة شكروكلمة عتاب لمن توجهينها في المنتدى وبصراحة ولماذا ؟؟
سبق وجاوبت ع هالسؤال ..

30- من هم الصحاب الصفات الاتية

قلم رائع
ما شاء الله كثير .. غالبيه اعضاء قسم الشعر ..

قلم جميل
بعد كثير .. بعد اعضاء قسم الشعر والعام ..
قلم نشيط
أسيرة الأحلام .. وعوود .. ام باسم .. ولد الشيوخ .. محمد .. << والكثير ..
قلم ذواق
ام باسم .. اسيرة الاحلام .. عماد علي .. أمير العاشقين .. القلب المرح .. شمووعه .. إيلاف .. امووله .. أميرة المرح .. << ما شاء الله كلهم كثاار اعجز اعدد ..
قلم كسول
مادري .. يمكن انا
قلم رهيب
ما بعدد << كثااار
قلم مهستر
ههههههههه هذول بعددهم ..
شلة الهلاوس << امووله .. اميرة المرح .. دمعه الاحزان ..
قلم مرجوج
اعضاء الاستراحه يمكن هههههههه

31- من هوالعضو الذي تحسين انه شبيهكِ بالأسلوب؟
مادري .. انت شوف وقول

32- دمعة هل تحبي الصداقات الكثيرة وكيف تختاري صديقاتك وهل لديك صديقات اعضاء بالمنتدى ويمكن نعرفهم اذا مافي مانع.
اي احب الصداقات الكثيره .. اختارهم على حسب مدى ارتياحي للشخص ومدى حسن اخلاقهم ..
اي عندي بس قديماااااات مغبرااااااات وهم ..
My Tears .. عسوله .. دلوعه .. النور الزينبي << هذول ما زلت اشوفهم واعرف اخبارهم ..
زهرة الهدى .. بنوته .. حنين .. << هذول بالسنه مره يمكن وبنوته خير شر حتى بالسنه مره معدوومه مادري وين اختفت .. اتمنى يردوا لنا مثل اول .. لهم وحشه ..

33- هل التقيتِ بااحد من عضووات المنتدى ؟؟ ومن هم ؟؟

دلوعه وعسوله اعرفهم من قبل المنتدى والتقيت بهم ..
النور الزينبي توى هالشهر ملتقيه فيها ..

34- لو خيروك بزياره احد الاعضاء فمن تختارين ؟؟؟؟؟؟؟؟
My Tears ..
واتمنى التقي بالبنوتااااات كلهم ..

35- هل لديك اقرباء في المنتدى ؟...
لا ..

36- أحب أشكر تواجدك الرائع في المنتدى العام وردوك الحلوة والصراحة ساعات تنافسينا نحن مشرفي المنتدى في التواجد والردود ... لو طلب منك الاشراف في المنتدى العام فهل تقبلين؟...
الشكر لك ع هالاطراء والله .. بس شدعووه انافسكم مررره وحده << والله ما ادري ما خطر فى بالي الموضوع .. وما شاء الله انتوا مكفين وموفين بالمنتدى العام ..

37- رقم العضوية لك 147 وهذا يعني أنك عايشتي هذا المنتدى الرائع منذ بداياته ... فما هي الفترة التي مرت على المنتدى ونقدر نقول عنها فترة ذهبية هل هي الآن أم سابقاً؟
ما شاء الله سابقاً كان الاعضاء نشيطين وحلووين وحالياً بعد ما شاء الله نشيطين وحلوووين ..
بصراحه اتوقع الحين وسابقاً فترات ذهبيه لان ما شاء الله اختفوا ناس لهم نشاطهم ومكانتهم وشرفوا ناس ايضاً لهم نشاطهم ومكانتهم ..
بس لو ما زالوا موجودين كان المنتدى بيكون افضل وافضل .. << يقولوا زيادة الخير خيرين ..
من من الاعضاء القدامى (مشرفين أو أعضاء) المميزين وتفتقدين تواجدهم؟
افقتد My Tears .. طوق الياسمين .. شجن .. كراميل .. بنوته .. زهرة الهدى .. حنين .. النور الزينبي .. ميمو .. سهم الناصره .. فارس بني عوام .. الشبح .. ابو نوره .. لؤلؤة البحر .. BaTi(^_^)GooL .. شاهزنان .. سيف الحب .. << والكثيرر والله
وكيف تقارنيهم بالاعضاء الجدد...
ما شاء الله القدامي والحاليين كلهم تسوده روح المحبه والتعاون وتجمعهم اسرة وحده .. وكلهم لهم نشاطهم ومكانتهم فى هذه الاسرة الجميله ..

(((( وبس ))))
واخيراً .. افرااااااااج ..

عماااااد علي ..
تسلم على هذه الاسئله الحلووه ..
الله يعطيك العافيه ..
واتمنى اني جاوبت بشكل واضح ..
تحياتي
دمعه حزن

[ام باسم]

ياهلا دمووووووووعه

...عدنا من جديد ........سبيس تووووووون
تفضلي
من هي دمعة حزن .. و لِمَ اخترتي هذا الاسم بالذات ..؟
ما هي الكلمة التي تعشقها دمعة حزن وتحب سماعها..؟
ماهو هدفك في الحياة ..؟
مارئيك ب ام باسم بدون مجاملة ..؟
* أقرب عضو لك في المنتدى؟؟
لمن تهدي هذه العبارات :
1. لن أنساك
2. الله يسامحك
3. تعجبني ثقافتك
4. كتابتك مميزه
5. أتابع ردودك ومواضيعك
6. أنت أحسن عضو و عضوة
7. أنت أحسن مشرف ومشرفة
8. لن أنسى مافعلته من أجلي
9. مالقيت أحد في هدوئك وطيبتك
10. دمك خفيف
11- مغرور
12- واثق من نفسك
وبس اليوم
جاري تحميل الاسئله
انتظرينا قريبآآآآآآ
اختك
ام باسم

[دمعه حزن]

ياهلا دمووووووووعه
أهلين ام باسم ..

...عدنا من جديد ........سبيس تووووووون
أهلاً بعودتك يالغاليه .. ههههههه كل هذا من تأثير بسووم عليك ؟؟

تفضلي
زاد فضلك ..
من هي دمعة حزن .. و لِمَ اخترتي هذا الاسم بالذات ..؟
دمعه حزن انسان عاديه جداً وبسيطه ..
تقدري تقولي حسيت الاسم يناسبني فاخترته ..
ما هي الكلمة التي تعشقها دمعة حزن وتحب سماعها..؟

ماهو هدفك في الحياة ..؟
السير على نهج أهل البيت عليهم السلام .. وتحقيق احلامي ..
مارئيك ب ام باسم بدون مجاملة ..؟
شخصيه جميله ومحبوبه .. وصاحبة قلم رائع .. وذوق رفيع ..
* أقرب عضو لك في المنتدى؟؟
My Tears .. وعسوله
لمن تهدي هذه العبارات :
1. لن أنساك
لجميع الاخوة والاخوات فى هالاسرة الرائعه ..
2. الله يسامحك
لكل من يسيء الظن فيني ..
3. تعجبني ثقافتك
ما شاء الله كثير فما بعدد بس غالبيه اعضاء المنتدى العام ..
4. كتابتك مميزه
بعد كثير ما بعدد << اعضاء الشعر ..
5. أتابع ردودك ومواضيعك
خليه سر << لان اخاف يغتروا علينا بعدين ..
6. أنت أحسن عضو و عضوة
كل عضو وله تميزه .. << فما بحدد ..
7. أنت أحسن مشرف ومشرفة
كل مشرف وله تميزه << بعد ما بحدد ..
8. لن أنسى مافعلته من أجلي
فارس بني عواام << لانه حسن من كتابتي نوعاً ما ..
9. مالقيت أحد في هدوئك وطيبتك
البنوتات الحلوات ..
10. دمك خفيف
اعضاء الاستراحه ..
11- مغرور
للحين ما عرفته ..
12- واثق من نفسك
ما شاء الله كثير .. كل واحد وله ثقته ..
وبس اليوم
زين والله ع الراحه ..
جاري تحميل الاسئله
بعد .. الله يكون بالعون ..
انتظرينا قريبآآآآآآ
بانتظارك عزيزتي ..
اختك
ام باسم

.. ام باسم ..
تسلمي ع الاسئله البسيطه ..
واعذريني لان ما حددت اعضاء فى اسئلتك لان بجد كثااار ومابي انسى احد ويزعلوا عليي ..
ع العموم يعطيك الف عافيه يارب ..
بانتظااااارك بس خليهم خفيفين مثل هالاسئلة ..
دمتي بخير ..

تحياتي
دمعه حزن

[القلب المرح]

السلام عليكم ورحمة الله وبركاته
عدت لك من جديد واتمنى اسئلتي ماتكون غثيثه
س:ماهي انواع المشاكل التي تتضايق فيها كثيرا دمعه حزن .. هل اجتماعيه ام سياسيه او شخصيه ؟ولماذا؟
س: هل تستمعين للغناء؟ وان كان نعم مالفائده؟ وان كان في السابق نعم وبعدها تبتي كيف كانت توبتك ومالشئ الذي دفعك للتوبة عن الاغاني؟ وان كان لا بتاتا فحسن ماسرتي عليه..
س: ماهي الاسباب الذي تجذب الانسان للحب؟
س: ان حصل في ذات يوم مولد من الائمة عليهم السلام وانتي عاجزه عن الذهاب الى احدى المآتم لتحظري فيها احياء المولد الجليل .. وجلستي في منزلك فكيف تحييها في منزلك؟ وهل حصل ذلك ذات يوم؟
س: هل حصلتي مقالب من احدى صديقاتك او اقربائك ؟ وان حصل فذكري لنا مقلب ازعجك جدا؟ << كان نتعلم نسوي مقالب خخخ
اخيرا وصلنا لاخر سؤال ولن اعود لك لاسئلك حتى لا ازعجك اكثر ..
س: هل ظلمك احد ؟ ومن ؟ وفيما ظلمك ؟ وكيف تدافعي نفسك مِن مَن ظلمك؟
تحياتي لك بالتوفيق..

[دمعه حزن]

السلام عليكم ورحمة الله وبركاته
وعليكم السلام والرحمة والبركات ..

عدت لك من جديد واتمنى اسئلتي ماتكون غثيثه
أهلا بعودتك من جديد .. ان شاء الله تكون بسيطه ومريحه ..
س:ماهي انواع المشاكل التي تتضايق فيها كثيرا دمعه حزن .. هل اجتماعيه ام سياسيه او شخصيه ؟ولماذا؟
مشاكل ثلاثه الانواع تضايقني ..
ولكن اكثر واحد فيهم يمكن السياسيه ..
المشاكل الاجتماعيه لانها تؤثر على الفرد والمجتمع ..
المشاكل الشخصيه تؤثر فى شخص واحد الا هو أنا ..
المشاكل السياسه تؤثر فى الشعب ككل وقد تشمل شعوب اخرى ..
س: هل تستمعين للغناء؟ وان كان نعم مالفائده؟ وان كان في السابق نعم وبعدها تبتي كيف كانت توبتك ومالشئ الذي دفعك للتوبة عن الاغاني؟ وان كان لا بتاتا فحسن ماسرتي عليه..
لا ما اسمع .. الا اذا كنت فى مكان وانجبرت اني اسمعها بس اتضاايق مره واحاول قد ما اقدر اطلع من المكان ..
س: ماهي الاسباب الذي تجذب الانسان للحب؟
ما فهمت عليك .. << يعني تقصد اشلون يحب ؟؟ او شنو؟؟
بجاوب حسب ما فهمت .. اذا كان الا فهمته غلط .. فهمني وبجاوب مره ثانيه ..
الحب يصير مو بارادة الانسان .. لانها مشاعر تجتاح النفس من دون سابق انذار .. والانسان لا يستطيع ان يسيطر على مشاعره ..
ومن الاشياء الا تجذب الانسان ان يحب يمكن شخصيه واخلاق محبوبه ..
اتمنى ان اجابتي كانت فى صميم السؤال وليست بعيداً عنها ..
س: ان حصل في ذات يوم مولد من الائمة عليهم السلام وانتي عاجزه عن الذهاب الى احدى المآتم لتحظري فيها احياء المولد الجليل .. وجلستي في منزلك فكيف تحييها في منزلك؟ وهل حصل ذلك ذات يوم؟
اي حصل لي اكثر من مره ..
اوقات انا وخواتي ما نقدر نروح ما تشوف الا نسوي الاحتفال فى بيتنا نغني ونصفق وماادري شنو واولاد خواتي يستانسوا ويقوموا يدوروا ويرقصوا ويغنوا ويعني نسوي احتفال لنا فى البيت << ههههههههههههههههه
اوقات احاول ان اقضيها باعمال هذا اليوم المبارك ..
واوقاات يمر اليوم عاادي من غير شيء ..
س: هل حصلتي مقالب من احدى صديقاتك او اقربائك ؟ وان حصل فذكري لنا مقلب ازعجك جدا؟ << كان نتعلم نسوي مقالب خخخ
ههههههههههههههه ..
اي حصلت مقالب مو مقلب بس .. << بس حالياً مو جاي فى بالي .. احس مخي مجييييييييم شوي ..

بس عن خاطرك بقول لك مقلب سواه فيني زوج خالتي وخااالي ..
أول ما اشتريت لي جوال وطلعت لي رقم .. رقمي محد كان يعرفه .. فيعني كنت ناويه ع خالتي اجننها ..

المهم عااد انا قمت اجنن خالتي بمس كولات .. وخالتي قامت وقالت لزوجها .. وزوجها اخذ رقمي وقال بشوف وش الموضوع ..

يومها انا كنت بالجامعه وعندي محاضرة << اتصل زوج خالتي بس من الشغل .. انا ما قدرت ارد عليه وهو مواصل اتصالات ..

المهم طلعت من المحاضرة شفت الرقم قلت الرقم من هالمنطقه << وهالمنطقه فيها خالتي واختي وشغل زوج خالتي ..

عاد انا قلت اكيد هذه اختي او خالتي دام مواصلين يتصلوا فيني اكثر من مره ..

فقمت باتصل فيهم الا يطلع لي الرقم مو بالخدمه << يعني استقبال بس ..

استغربت اشلوون وكانت معاي عسووله الله يهديها الا تقول لي اكيد هذا رقم من البراده ( البقاله ع قولتكم )

وعاد انا خفت وقامت الافكار تلعب فيني .. من بيتصل فيني من البراده << ساعه اقول ناس تتحرش وساعه اقول اخاف الاهل صار لهم شيء .. ومررره كنت خايفه حدددددي ..

انزين وشوي اتصل البيت واتطمنت شوي بس الخوف ما زال فيني << وانشغلت بعدين وي البنات .. والا الظهر الا اشووف اتصال من نفس الرقم
وكانت حزتها معاي بنت خالتي وحدددي خفت اقولها ردي انتي تقول وانا شكو تلفونج لو تلفوني .. وتوهقت رديت وانا مايته خوف الا اسمع حس رجااال

عاااااااااد حزتها خفت حد حد حددددددددي .. << الا يقول من معاي قلت له انت من ؟؟ انت الا متصل الا يقول زين انتي تعرفين بيت ........ الا هو بيت جدي صدق مت خووف قلت صار لهم شيء .. قلت له اي شصاير ؟؟ الا يقول لا مو صاير شيء انتي تعرفي بنتهم ..... قلت له اي خالتي اشفيها ؟؟
الا يقول ما فيها شيء بس من انتي ؟؟ قلت له انت من اول ؟؟

الا يقول انت بنت اختها اي وحده فيهم ؟؟ << المهم عقب قال لي هو زوج خالتي وقلت له انا من وانحلت القضيه ..

وشوي الا رقم من نفس المنطقه بعد بس يختلف << ولا من نفس المقر بس قسم اخر ..

انزين رديت الا بعد رجاال << وييييي طاح قلبي شسالفه اليووم ؟؟ الا يقول انتي وين ؟؟ قلت له هاا من انت ؟؟

الا يقول بسرعه انتي وين بجي لج انا عند الجامعه .. << صدق خفت من قلب ..

الا اقول من انت بسرعه عندي محاضره << شليخه فاضيه بس من الخوف ..

الا هو قاعد يضحك يقول انا خالج وامزح وياج ..

بس صدق خوووووف من الزين .. << ادري بتقولوا خوافه ..


اخيرا وصلنا لاخر سؤال ولن اعود لك لاسئلك حتى لا ازعجك اكثر ..
زين والله .. الرحمه زينه .. ربي يرحمك دنيا وأخره ..
س: هل ظلمك احد ؟
اي ..
ومن ؟ وفيما ظلمك ؟
مشفر ما يعلموا ..
وكيف تدافعي نفسك مِن مَن ظلمك؟
ربي يأخذ بحقي مو أنا ..


تحياتي لك بالتوفيق..
ربي يوفقك دنيا وأخره ..

القلب المرح ..
تسلم ع هالاسئله البسيطه ..
الله يعطيك ألف صحه وعافيه ياااااارب ..
واتمنى تكون اجابتي فى صميم الاسئله ..
ما ننحرم منك ..

تحياتي
دمعه حزن

[عيون لاتنام]

أهلا أختي العزيزة دمعة حزن
حبيت أقولج أني للحين مسمتعة بقراءة لقائج لأنج متميزة وحبوبة
ووووووووو قعدت أفكر في شنو أسألج

ومالقيت الأ سؤالين صعاب والله يعينج
شنو تسوين في موقف خلاااااص مافي حيلة ابدا وأنج تكونين مظلومة فيه ومهما قلتي وشرحتي النتيجة وحده هم صح وانتي غلط
هم يقولون أوكي وانتي تقولين كلمة000 لا000 هذي كبيرة بحقهم؟
أنتي قلتي أنج ماتخذين حقج علشان تحاسبين للغير
طيب لو أنتي في محلي وكنتي تحملي سر ثقيل لكن ماتقدرين تقولينه لأنج تحاسبي لشخص معين
شنو راح تسوين تحملين هالسر معاج على طول أو تقولينه لشخص مقرب ؟

[دمعه حزن]

أهلا أختي العزيزة دمعة حزن
هلا والله بالغاليه .. عيون لاتنام ..
حبيت أقولج أني للحين مسمتعة بقراءة لقائج لأنج متميزة وحبوبة
تسلمي والله ع هالاطراء .. اخجلتينا
ووووووووو قعدت أفكر في شنو أسألج

ومالقيت الأ سؤالين صعاب والله يعينج
بل .. يعن شوي لكن مهلكين ..
الله المعين ..
شنو تسوين في موقف خلاااااص مافي حيلة ابدا وأنج تكونين مظلومة فيه ومهما قلتي وشرحتي النتيجة وحده هم صح وانتي غلط
هم يقولون أوكي وانتي تقولين كلمة000 لا000 هذي كبيرة بحقهم؟
الشكوى لله .. شسوي بعد بسكت وربي يأخذ بحقي ..
وبصبر عمري ع الظلم والضيم ..
أنتي قلتي أنج ماتخذين حقج علشان تحاسبين للغير
طيب لو أنتي في محلي وكنتي تحملي سر ثقيل لكن ماتقدرين تقولينه لأنج تحاسبي لشخص معين
شنو راح تسوين تحملين هالسر معاج على طول أو تقولينه لشخص مقرب ؟

بخليه سر .. وبصبر ان الله مع الصابرين ..

ويمكن اذا كلش حسيت نفسي مو قادره اتحمل وابي افضفض اشكي الامر لربي .. واكيد ما برد خايبه ..
ولو كنت محتاجه احد اكلمه بالموضوع يمكن اقرب انسان لي اقول له ..

عيون لاتنام
تشكري ع الاسئلة الخفيفه ..
الله يعطيك ألف صحه وعااافيه ياارب ..
اتمنى ان اجابتي نالت على رضاج ..
موفقه لكل خير ..

تحياتي
دمعه حزن

[محبه]

أسجل اعجابي لش اختي وقول الله يعينش على كرسي الاستجواب ونتبهي لاتطلعي اعدام هههههههههههههه عذر امزح وثانيه الله يعينش وشكرا

[دمعه حزن]

أسجل اعجابي لش اختي وقول الله يعينش على كرسي الاستجواب ونتبهي لاتطلعي اعدام هههههههههههههه عذر امزح وثانيه الله يعينش وشكرا

.. محبه ..
الشكر لك اختي ع الحضور الكريم ..
وتسلمي لي ع هالتعقيب اللطيف منك ..
والله يعيني ع الهلكه صحيح ..
تسلمي ع الدعاء لي ..
ههههههههه << وتسلم هالروح الحلوه ..
يعطيك الف عافيه ..
شاكره لك تواصلك اللطيف ..
دمتي بخير وسلام ..

تحياتي
دمعه حزن

[أمل الظهور]

هلا بدموعتنا



كيفك يالغلاااا



إن شاء الله مرتاحه وبخيير



كان ودي يستضيفونك على الكرسي وانا نفسيتي وظروفي

احسن من كذا علشان اهلكك واتعبك



بس معليش ماراح افوتها على نفسي معقولة اطوف

علي لقاء مشرفة متميزة مثلك



تفضلي ادري متعبينك الاعضاء علشان كذا جايبة معي


بارررررد تبردي على قلبك






وان شاء الله على نهاية الاسبوع نفسيتي تصير اوكي

اكثر واللحق اهلكك



<<<بتدعي علي الحين ان نفسيتي ماتتعدل هاااعلشان

ماارجع واسأل ..


يلا بسم الله نبدء ونتوكل على الله




1_ما أكثر مايزعل دموعتنا من :



الأهل :


الأصدقاء :


الأطفال :


المنتدى واعضائه:



أمل الظهور <<لاتقولي اذا تعاهدنا عليك انا وسميتك(دمعة الاحزان) بتسكيرة الباب عليك في الاستراحه



2_حدث غير مجرى حياتك ؟



3_هل سبق وان حصلت دمعة حزن على صديقة أو أخت

غيرت في حياة دمعة حزن او صفة كانت لديها

أو إستطاعت أن تصنع لدمعه شيء ؟



4_مع الاعضاء دموعووو :


1_عضو مفقود


2_عضو تحبي تعانديه ويعاندك


3_عضو تحسيه حساس


4_عضو تحسيه حنون


5_عضو ودك يخلص اسئلته وتحقيقاته الك بأسرع وقت


6_عضوة اذا تذكرتيها لازم ترتسم عندك أبتسامة ؟


7_عضوة اذا تذكرتيها ترتسم عندك ملامح زعل شديد ؟



5__ماذا تعني اليك هذه الكلمات :

البحر :

الغروب :

الشروق :



6_ماهي نقطة الضعف عند دمعة حزن ؟



الحين دموعتنا بتقول هذا تقول نفسيتها تعبانه وهالكثر اسئلة



انا بجد عندي هالمرة يمه ارحميني الحين وبرحمك مؤقتا ان شاء

الله

على امل اني ارجع من جديد علشان الهلكة مااقدر افوت

علي لقاء دموعووو حرام تفوتني هالفرصة




نلتقي على خيير

تمنياتي الك يالغالية بلقاء ممتع ومميز واكشن

[دمعه حزن]

هلا بدموعتنا
أهلين اموووله ..




كيفك يالغلاااا
الحمد الله بخير .. انتي اخبارك .. عساك طيبه ؟؟



إن شاء الله مرتاحه وبخيير
الحمد الله .. بخير وعافيه والله ..



كان ودي يستضيفونك على الكرسي وانا نفسيتي وظروفي

احسن من كذا علشان اهلكك واتعبك
افااا .. << الله يعينك ويسهل امورك ويوسع صدرك ياارب ..



بس معليش ماراح افوتها على نفسي معقولة اطوف

علي لقاء مشرفة متميزة مثلك
تسلمي لي والله يالغاليه ع هالاطراء ..
وحياااااااك الله ..



تفضلي ادري متعبينك الاعضاء علشان كذا جايبة معي


بارررررد تبردي على قلبك

اي والله << هاليومين احس حلقي جااااااف مرره .. يحس فيني
ربي يبرد ع قلبك بالاخبار الطيبه والنفسيه الحلووه ياارب ..






وان شاء الله على نهاية الاسبوع نفسيتي تصير اوكي

اكثر واللحق اهلكك
ان شاء الله << ربي يوسع صدرك ويفتح نفسيتك ..
وتهلكيني وتجيبي بااارد بعد



<<<بتدعي علي الحين ان نفسيتي ماتتعدل هاااعلشان

ماارجع واسأل ..
افاااااا << شدعووه يالغاليه .. لا ان شاء الله تتحسن النفسيه وتصير عال العال ياارب ..وقاااابله بالهلكه والتعب بس النفسيه تصير تمام ..


يلا بسم الله نبدء ونتوكل على الله

بسم الله ..




1_ما أكثر مايزعل دموعتنا من :



الأهل :
التسرع فى الحكم احياناً ..


الأصدقاء :
القطيعه ..


الأطفال :
الصيااااح ..


المنتدى واعضائه:
ممكن اذا البعض تعدى حدوده ..



أمل الظهور <<لاتقولي اذا تعاهدنا عليك انا وسميتك(دمعة الاحزان) بتسكيرة الباب عليك في الاستراحه
هههههههههه .. لا شدعووه كلها الا لعبه << بصراحه ماكو شيء زعلني منك اموله ..



2_حدث غير مجرى حياتك ؟
فقدان الاحبه ..



3_هل سبق وان حصلت دمعة حزن على صديقة أو أخت

غيرت في حياة دمعة حزن او صفة كانت لديها

أو إستطاعت أن تصنع لدمعه شيء ؟
نعم .. انا بسرعه اتكيف واخذ طباع وصفات من الاشخاص الا يعجوبني ..


4_مع الاعضاء دموعووو :


1_عضو مفقود
My Tears .. ابو نوره .. طوق الياسمين .. القلب المكسور .. لؤلؤة البحر .. والكثييييير ..


2_عضو تحبي تعانديه ويعاندك
القلب المرح .. وكل من يعاندني ..


3_عضو تحسيه حساس
ولد الشيوخ ..


4_عضو تحسيه حنون
همساات وله .. فرووحه .. عيون لاتنام .. ام محمد .. ام باسم .. اسيرة الاحلام .. والبنوتااااااات معظمهم ..


5_عضو ودك يخلص اسئلته وتحقيقاته الك بأسرع وقت
هههههههههه الكل ..


6_عضوة اذا تذكرتيها لازم ترتسم عندك أبتسامة ؟
My Tears .. همسات وله .. ام محمد .. عيون لاتنام .. ام باسم .. اميرة المرح .. شمووعه .. اسيرة الاحلام .. وبنوتات الاستراحه


7_عضوة اذا تذكرتيها ترتسم عندك ملامح زعل شديد ؟
محد .. ولله الحمد ..



5__ماذا تعني اليك هذه الكلمات :

البحر :
منفس للهموم ..

الغروب :
منظر خلاب يدعو الى التأمل فى عظمة الخالق ..

الشروق :
يعلن عن قدوم يوم جديد .. ويشعرك بنشاط وراحه جميله برؤيته ..




6_ماهي نقطة الضعف عند دمعة حزن ؟
كوني حساسه زيادة عن اللزوم ..



الحين دموعتنا بتقول هذا تقول نفسيتها تعبانه وهالكثر اسئلة
ههههههههههه << لا ما بقوول ..
بقول ربي يوسع صدرج وينفس همومج ويحسن نفسيتج ..



انا بجد عندي هالمرة يمه ارحميني الحين وبرحمك مؤقتا ان شاء

الله
هههههههههه << من حظي يعني ..

على امل اني ارجع من جديد علشان الهلكة مااقدر افوت

علي لقاء دموعووو حرام تفوتني هالفرصة
ههههههههه << الله المعين
اتمنى تتحسن النفسيه .. وتردي لي بس باسئله خفيفه هاا ..





نلتقي على خيير
على خير ان شاء الله ..

تمنياتي الك يالغالية بلقاء ممتع ومميز واكشن
تسلمي والله .. ممتع بوجود الطيبين والله ..

أمل الظهور ..
تسلمي على هالطله البهيه ..
وتشكري ع الاسئله الحلوووه والبسيطه ..
الله يعطيك ألف عافيه ياارب ..
ما ننحرم منك ..
دمتي بخير ..

تحياتي
دمعه حزن

[وعود]

بسم الله نبتدي

1)مارايك في منتدانا الغاالي ؟؟
2)من هو العضو/ة الذي ارتحت له من اول يوم دخلت المنتدى ؟؟
3)مارأيك بالنت بشكل عاام ؟؟
4)مالحلم الذي تسعين لتحقيقه ؟؟
5)ماهو شراابك المفضل ؟؟
6)من هو العضو المفضل لديك ؟؟
7)عضو ثقيل دم ؟؟
8)عضو طيب وعلى نيااته.....؟؟
9)مالذي لايعجبك في هذا الزمن ومالذي يعجبك؟؟
10)هل تعرضت لموقف محرج يوم من الاياام ؟؟ماهو ؟؟
11)مارايك بالدرااسه ؟؟
12)هل تؤيدين عمل المرأة خارج بيتها ام الجلوس لها في بيتها ؟؟
13)هل برايك ان من حقوق المرأة قيااده السياارة كالرجل ام ماذا؟؟
14)ماهي صفاات فارس الاحلام؟ محرج قليلا
15)اي الشهور تفضلين؟؟
16)هل تؤمنين بالصدااقه بين الرجل والمرأة؟؟
17)هل انتي مع او ضد زوااج الشاات وبصوره عاامه الزوااج عن طريق النت ؟لمااذا؟
18)بكل صرااحه مارأيك في وعود ؟؟

اتمنى ماثقلت عليك بالأسئله
تقبلي خااالص تحياااااااااتي

وعــــــــــــود

[نور الهدى]

اللهم صلي على محمد وال محمد


دمووووووووعوه كأني اكتشفت انتين من وين

هههههههههههههههههه


تدرين بالصدفة من الاعضاء الي قلتينهم طلعت اختي متزوجة من ديرتهم وهي من قرايبهم بسألها اي وحدة هي وبطلعش انتين منهي


ايوا ايوا بعرفش صبري علي اشوي ويمكن اجي اليش بيتكم

مرة وحدة ما بشوفينا الا طابين عليش انا وهمسات



عجبتني اجابتك وتقريبا لك مثل وجهة نظري في اشياء كثيرة , وهذا شفته من خلال ردودك



وبنسبة الى كتاباتك وشفت اول كتابة لك جد ومن غير مبالغة حلوووه

وانا على طووول ادخل منتدى المسجات ابوق لي كم مسج من عندش ومن عند الاعضاء وامشي ساعات ارد وساعات ما ارد

ابوق على السريع


استمتعت خيتو بردودك

ومشكورة على روحك الحلوة معانا وصبرك علينا وعلى لاقافتنا


تحياتي لك

[دمعه حزن]

اللهم صلي على محمد وال محمد

اللهم صلي على محمد وآل محمد وعجل فرج قائم آل محمد ..



دمووووووووعوه كأني اكتشفت انتين من وين

هههههههههههههههههه

هههههههههههههه << يالله اكتشفي وخبريني ..


تدرين بالصدفة من الاعضاء الي قلتينهم طلعت اختي متزوجة من ديرتهم وهي من قرايبهم بسألها اي وحدة هي وبطلعش انتين منهي

ههههههههههههههههه << شغااااله ع الاكتشاف .. من من اللي قلتهم الا تعرفيها؟؟
ما يحتاج اتعبي عمرررج وتسألي وتفضحيني .. انا اقول لج احسن ..

ايوا ايوا بعرفش صبري علي اشوي ويمكن اجي اليش بيتكم

هههههههههههههه << حياج الله والله نتشرف بقدومج يالغاليه ..

مرة وحدة ما بشوفينا الا طابين عليش انا وهمسات

والله لي الشرف يوم الغاليات ام محمد وهمسااات يزوروني ..
حياااااااااااكم الله .. انتظر هالزيااااااااره ..



عجبتني اجابتك وتقريبا لك مثل وجهة نظري في اشياء كثيرة , وهذا شفته من خلال ردودك

الحمد الله يوم انها اعجبتك ونالت رضاك ..
ما شاء الله يعني نأخذ على بعض << حلووو ..



وبنسبة الى كتاباتك وشفت اول كتابة لك جد ومن غير مبالغة حلوووه
تحلو دنياااااج .. عينج الحلوه ..


وانا على طووول ادخل منتدى المسجات ابوق لي كم مسج من عندش ومن عند الاعضاء وامشي ساعات ارد وساعات ما ارد

هههههههههه << حلال عليج هالبوقاات .. ما حطيناهم الا للبوقات ..

ابوق على السريع

مستعجله هااا ..


استمتعت خيتو بردودك

وانا استمتعت اكثر بحضورج والله واسئلتج الحلوه ..

ومشكورة على روحك الحلوة معانا وصبرك علينا وعلى لاقافتنا

العفو ولو .. ما سوينا شيء يالغاليه ..


تحياتي لك

.. ام محمد ..
تسلمي لي ع هالحضور الكريم ..
وتشكري على الاسئله الحلووه والممتعه ..
وانتظر تشريفك لي انتي وهمساات ..
الله يعطيك الف عافيه ..
ما ننحرم منك ..

تحياتي
دمعه حزن

[دمعه حزن]

بسم الله نبتدي

بسم الله ..
توكلنا ع الله ..
1)مارايك في منتدانا الغاالي ؟؟
جميل ومفيد ويحوي اسرة جميله تربطهم روح التعاون والموده ..
2)من هو العضو/ة الذي ارتحت له من اول يوم دخلت المنتدى ؟؟
ما شاء الله .. اسرة الناصرة كلها حلوه وترتاحي فيها ..
3)مارأيك بالنت بشكل عاام ؟؟
زين وشين .. جيد وسيء ..
ولكن الانسان نفسه هو الذي يختار المنفعه ام المضره ..
4)مالحلم الذي تسعين لتحقيقه ؟؟
ان اكون من جند الامام المهدي المنتظر عجل الله فرجه ..
5)ماهو شراابك المفضل ؟؟
عصير طازج فرش اشرب مانجو فقط ..
العصير المعلب نكتاار اشرب مانجو وكرز فقط ..
الشراب العادي برتقال وكولا ..
6)من هو العضو المفضل لديك ؟؟
البنوتات ..
7)عضو ثقيل دم ؟؟
ما يقولوا
8)عضو طيب وعلى نيااته.....؟؟
يمكن نور الحوراء وولد الشيوخ ..
9)مالذي لايعجبك في هذا الزمن ومالذي يعجبك؟؟
انتشار الفساد وضعف الوزاع الديني واستهتار الاهل << هذه الا ما يعجبني
مدى صموود البعض ضد التيارات الجارفه .. يعني وجود ناس يعتمد عليها وتحسي بوجودهم ان الدنيا ما زالت بخير << هذا الا يعجبني

10)هل تعرضت لموقف محرج يوم من الاياام ؟؟ماهو ؟؟
نعم ..
مره اتصلت بيتنا وحده .. قامت تسألني شخبارج وشعلومج وعاد خبرك بالنسوان ساعه ترحب وتسأل عن الاحوال << انا قلت هالمرأة تعرفني .. وافتكرت وحده من معارف امي او شيء .. وسألتها انتي شخبارج ؟؟
المهم ولا عقب الا تقول لي وين فلانه .. << انا عرفت انها غلطانه قلت لها تبين بيت من ؟؟
الا تقول لي يالله يا .... (قالت اسم وحده بعد مو عندنا بس عرفتها لان دوم يغلطوا بين رقمنا ورقم هالبيت ) لا تخسريني ما عندي رصيد نادي فلانه ..
ههههههههههههه عاد انا شسوي وي المرأة اقول لها ما عندنا احد بهالاسم .. وهي مصره الا ناديها لي .. قلت لها تبين انتي بيت من ؟؟
الا تقول هذا بيت من ؟؟ قلت لها انتي تبين بيت من ؟؟
شافتني عنيده مو جايه اتكلم الا تقول هذا مو بيت ...... قلت لها لا غلطانه ..
الا تقول لا تخسريني بيخلص الرصيد نادي لي فلانه .. << اللهم طولج يا روح شسوي فيها؟؟
قلت لهم يؤؤ من وين اجيبها لج هذا مو بيت .... ليش ما تصدقي ؟؟ الا تقول اعرف مقالبج انا ناديها بسرعه ..
وقعدت ساااااااعه وهي مصره الا ناديها .. وعقب الظاهر المسكينه خلص رصيدها وقفل << ههههههههههههههه وانا مواصله معاها بعد ..
المهم عقب يومين بالبنك الا التقي بالبنت الا كانت تبيها وصدق فضيحه ما اتكلمت بس نظراتها تكفي << اكيد درت من بيتنا بس ما تدري انا لو غيري .. لان مثل ما قلت دوم يغلطوا فى رقمنا ورقمهم .. بس تفشلت جد ..

11)مارايك بالدرااسه ؟؟
ممتعه ومتعبه بنفس الوقت .. بس اياااام حلووه تظل بالذاكرة محفورة..
12)هل تؤيدين عمل المرأة خارج بيتها ام الجلوس لها في بيتها ؟؟
لا امانع عمل المرأة ولكن يفضل ان يحدد لها وقت معين ..
ما اؤيد عمل المرأه الى العصر او الليل ..
13)هل برايك ان من حقوق المرأة قيااده السياارة كالرجل ام ماذا؟؟
من حقها .. بالخصوص اذا كانت محتاجه وماكو احد يقوم بخدمتها ..
14)ماهي صفاات فارس الاحلام؟ محرج قليلا
سبق وجاوبت ع هالسؤال ..
15)اي الشهور تفضلين؟؟
افضل الشهور عندي رجب شعبان رمضان ..
احب هالشهوور لانهم يشعروني بالروحانيه والسعاده ..
16)هل تؤمنين بالصدااقه بين الرجل والمرأة؟؟
لا ..
17)هل انتي مع او ضد زوااج الشاات وبصوره عاامه الزوااج عن طريق النت ؟لمااذا؟
الشات .. لا << لان ما اثق بمن يدخله .. وغالبيه الا يدخلوا الشات صيع ..
النت .. عادي ماكو اعتراض << ما شاء الله غالبية الزواج الحين عن طريق النت .. يعني البعض من منتديات والبعض من ماسنجر .. يعني ممكن شاب يعرف بنت من خلال منتدى يعرف تفكيرها وشخصيتها تعجبه ويتزوجها ..
بالعكس شيء حلوو .. بيكون فاهم اشلون تفكيرها بالعكس لو تزوج الزواج العادي ممكن بعد الزواج ما يعجبه تفكيرها ..

اتمنى وضحت وجهة نظري .. واجابتي كانت كافيه ..

18)بكل صرااحه مارأيك في وعود ؟؟
حلوه وحبابه ..

اتمنى ماثقلت عليك بالأسئله
لا عادي .. افا عليج
تقبلي خااالص تحياااااااااتي
لك جزيل الشكر ..

وعــــــــــــود

وعـــــود ..
تشكري ع الاسئلة البسيطه ..
الله يعطيك ألف صحه وعافيه ياارب ..
اتمنى اجاباتي كانت واضحه ..
ما ننحرم منك

تحياتي
دمعه حزن