حلووووووووووووه
المشكله الحين مو مشكلة البنات المشكله مشكله الشباب
هم اللي يشرطون ويحطون شروط جماليه تعجيزيه
ولازم البنت تكون ملكة جمال زمانها علشان تنول الرضا
اعرف واحد الله يستر عليه وعلينا
لما بغى يخطب حط شروط قويه
يبي وحده بيضه
شعرها طويل وناعم
يبي عيونها ملونه
يباها لين مشت تغار الورود من حسنها
يباها تشتغل مدرسه شرط ضروري
يباها تعرف تسوي كل انواع الحلويات
يباها ما تشوف الطريق ولا تدل درب الاسواق شرط متناقض
يباها اصغر اخونها ومدللة العائله
ما يبها من هالبنات الميعات شرط متناقض اخر

بالله عليكم من وين ايجيبون له هالوحده
مفصله تفصيل
لو تدرون هو شنو
اني ما عيب على خلق الله بس هذي هي الحقيقه
اسمر غامق حده
عنده الاعداديه فقط
هايت من صوب الى صوب
عكس الشروط اللي طلبها
تعتقدون لو وجدت البنت اللي فيها كل هالشروط راح توافق عليه

لكن احنا يلبنات نرضي باقل القليل
كل اللي تطلبه البنت واحد يستر عليها ولد اجاويد وعارف ربه وملتزم بدينه ويحبها ويعزها ويخاف عليها بس
والباقي بعدين
يعني لما الوحده اتنيشن على ام المعرس لازم تتاكد من شخصية المعرس وتتحرى عنه
وتدرس جميع نواحي حياته
وتضع دراسة جدوى علميه ومتطوره للالمام بكل الامور والمشاكل والعقبات وكل الحلول
بعدين تبتدي الخطه على اصولها احسن من ان تتسرع وبعدين تتوهق في واحد يطيح في جبدها وتتغربل فيه

المسامحه عالاطاله والهدره
تحياتي للجميع وخصوصا اخواني الشباب