كيف تصطادين المعرس دون اللجوء إلى الأساليب السقيمة من المغازلات والترقيم

[LUCKY]

منقول

للبنات فقط

ولكن ما يمنع نعرف ايش يدور في بالهم الي كاتبة المسج بنت اكيد
كيف تصطادين المعرس دون اللجوء إلى الأساليب السقيمة من المغازلات والترقيم
والتلميح إلي ماله سنع والترزز بالسواق .....

أهم شي نشني عل العجوز إلي حاطه عينك على ولدها
ثم نفذي ما يلي:
1_ خليك مع أمك ولا تروحين مع البنات وتتهيبلين اصبري عنهم كم شهر لين تتم العملية.
2_ امشي وأنتي حاطه راسك بين كتوفك ولا ترفعينه ابد حتى لو عورك خلي الفكس دائما في متناول يديك
3_ كلمه خاله خليها دائما على لسانك خاصة لأم المعرس
عشان تحس بنوع من التميز عن باقي العجايز.

ملاحظه

لا مانع تنادين عجوز ثانية بخالة عشان إذا ما نجحت الخطة مع العجوز نمبر "ون" تنجح مع العجوز نمبر "تو"الاحتياط واجب وأنا أختك
4_ إذا بدت أمك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل <<< كثر الدق يفك اللحام >>> داريه المثل ماله داعي بس ما لقيت غيره.
5_ أخوانك الصغار لاحقيهم وطامري معهم وين ما يروحون حتى لو ما هي عادتك بس تصرفي معهم كأنك أمهم عشان العجوز تأخذ فكره انك حريصة على ذريتك.
6_ كل ما أكلت أمك من أكله زينه خليها تقول:نفس الأكلة إلي تسويها بنتي حتى لو الأكل من مطعم صيني أو مكسيكي
7_ إذا جيتي بتمدين أيدك توجعي وخلي أمك تقول: قايلتلك وأنا أمك ماله داعي تنظفين جدران البيت الخارجية { أقول نظفي غرفتك أول إلي تقولين ثايره فيها قنبلة ذرية }
8_ إذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها { بس لا تكتمين نفسك مره أخاف تروحي فيها وأصير قتلت نفس بغير حق}
9_ مهما كان موضوع الحوار حماسي لا تبدين رأيك خليك مثل البكما لان اللقافه تجيب اجل الخطة.
10_ شعرك افرديه لا تخلينه طاير ولا تجعدينه مهما كانت الموضة لان العجايز ما يدورون إلا إلي شعورهم ناعم.
11_ إذا أدلت العجوز { أم المعرس المتوهق }
بأي رأي سواء سياسي وألا وطني ولا اقتصادي وافقي عليه حتى لو انه ما سخ وماله داعي مثال تقول العجوز : بوش متقهوي عندنا البارح
قوليلها: وليه ما علمتينا يا خاله نجي نساعدكم؟!
12_ في العروس اضغطي على نفسك واقضبي أرضك ولا ترقصين واعتبري الرقص عيب وشق جيب.
13_ إذا جاء طاري السوق وهو لازم يجي لأنه ملح الجلسة عند الحريم خلي أمك تقول : بناتي ما يحبون يطلعون السوق أبوهم يجيب أغراضهم النتيجة = الحين العجوز بتكون وقعت فالفخ

نروح للمعرس قفص الحياة الزوجية لازال فارغ
1_ اهجدي في بيت اهلك ولا عاد تطلعين وإذا جاء المعرس بيشوفك خلي أبوك يقول : والله ودي تشوف البنت بدون ما تدري عشان تاخذ راحتك وأنا عمك وبعد تشوفها عالطبيعة ما تقول غشيتوني { أيه هين يالشايب والله لو بيدك إن تحط مكانها باسكال مشعلاني}
2_ قبل ما يجي اليوم إلي بيشوفك فيه بحوالي أسبوع أو أكثر { حسب شين الوجه}طامري من صالون لصالون صبغ فرد تنظيف بشره...إلخ
3_ إذا جا المعرس خلي اخوك يوقف جنبه عشان ما يطيل التبحلق ويبان المستخبي وذلك تطبيق لنظرية اللمحه ذبحه
4_ في نهاية المشهد خلي أبوك يقول: معليش وأنا عمك ترى البنت شوي محيوسة {معليه يالشايب تنصب على المسكين}.وبها للحظه الولد بينط على رأس أبوك ويبوسه لين يشفط مخه ويقول :: متى العرس يا عم؟
{ تحذير مهم}
ابتعدي عن أمهات العيال المتعلمات راعيات الشنطة نفس لون الجزمه " هذولا يبيلهم خطط بعيدة المدى " ( والله يوفقني وياك
من اطلاعاتي

[تاج]

هههههههه
تصير والله بنات وااجد يسوها
خلف الله
مشكور على الموضوع خخخخ

[عماد علي]

موضوع جميل ومضحك في نفس الوقت... قضية أن هناك بنات يعملون أي شيء لكي يتزوجوا أشوفها مافيه شيء بالعكس تريد البنت تنستر ... والطريقة اللي قرأناها جيدة خصوصا أن أكثر شباب المنطقة يتزوجون من قبل أمهاتم أو أخواتهم يعني هناك طريق ثاني غير العجوز على قولتك وهي الاخت... ولكن سؤالي ما المانع لو سلكت البنت أقصر الطرق وأخبرت أباها أنها تريد الزواج هل هناك عيب في ذلك نعم المجتمع يستنكر على البنت أن تجد نصفها الآخر ولكن لاأعتقد أن الدين يستنكر والمثل يقول أخطب لبنتك قبل أن تخطب لابنك... والآية القرآنية (إِنِّي أُرِيدُ أَنْ أُنكِحَكَ إِحْدَى ابْنَتَيَّ هَاتَيْنِ ) هنا أحد الانبياء يعرض بناته للزواج ... يعني هل نحن أفضل من الانبياء في هذا؟!!!!

[التعيس]

ياجماعه وش عندكم اليوم طايحين في الزواج والتخطيط
انا أقول ويش هالعقل اللي حاط على بعض البنات هاليومين ماسكات في العجز كل وحده مع أمها وزيارات أكيد شافو الموضوع وطبقوه

[LUCKY]

شكراً على المشاركه تاج و مشرفنا عماد علي و التعيس

وصراحه اول ما قريت الموضوع ضحكت ههههههههههه

وبصراحه خطه جيدة .

بس ابغى اعرف راي البنات؟؟؟؟؟؟؟؟؟؟؟؟؟؟؟؟؟؟؟؟

[اسير الهوى]

ههههه والله حلو الموضوع خيي LUCKY.....

ويموت من الضحك باسلوبه

اقول لك خيي شي ..

ترا بنات حوا ماحد يشيخ عليهم (اوه نسكت لانحصل هوشة بعد)

مشكور ويعطيك الف عافية

ياسر

[LUCKY]

شكراً اخي ياسر علي

وانتظر راي البنات

[همسات وله]

حلووووووووووووه
المشكله الحين مو مشكلة البنات المشكله مشكله الشباب
هم اللي يشرطون ويحطون شروط جماليه تعجيزيه
ولازم البنت تكون ملكة جمال زمانها علشان تنول الرضا
اعرف واحد الله يستر عليه وعلينا
لما بغى يخطب حط شروط قويه
يبي وحده بيضه
شعرها طويل وناعم
يبي عيونها ملونه
يباها لين مشت تغار الورود من حسنها
يباها تشتغل مدرسه شرط ضروري
يباها تعرف تسوي كل انواع الحلويات
يباها ما تشوف الطريق ولا تدل درب الاسواق شرط متناقض
يباها اصغر اخونها ومدللة العائله
ما يبها من هالبنات الميعات شرط متناقض اخر

بالله عليكم من وين ايجيبون له هالوحده
مفصله تفصيل
لو تدرون هو شنو
اني ما عيب على خلق الله بس هذي هي الحقيقه
اسمر غامق حده
عنده الاعداديه فقط
هايت من صوب الى صوب
عكس الشروط اللي طلبها
تعتقدون لو وجدت البنت اللي فيها كل هالشروط راح توافق عليه

لكن احنا يلبنات نرضي باقل القليل
كل اللي تطلبه البنت واحد يستر عليها ولد اجاويد وعارف ربه وملتزم بدينه ويحبها ويعزها ويخاف عليها بس
والباقي بعدين
يعني لما الوحده اتنيشن على ام المعرس لازم تتاكد من شخصية المعرس وتتحرى عنه
وتدرس جميع نواحي حياته
وتضع دراسة جدوى علميه ومتطوره للالمام بكل الامور والمشاكل والعقبات وكل الحلول
بعدين تبتدي الخطه على اصولها احسن من ان تتسرع وبعدين تتوهق في واحد يطيح في جبدها وتتغربل فيه

المسامحه عالاطاله والهدره
تحياتي للجميع وخصوصا اخواني الشباب

[قصييمييه.]

هههههههههههههههههههههههههههههههههههههاي


ياويــــــــــــــــــــــــــــــــــــــــــــــ ــــــــــــــــــــــــلي


اووووه وش هالمعنااااااااااااااااااااااااااااه


بغيـــــــــــــــــــــــــــــــت امووووووت وانا اقرى الموووووووضووع


كيـــــــــــــــــف لو اطبقه...


ياحياااااااااااااااااااااااااااااااااااااااااااااا اااااااااااااااااااااااااة


الشقـــــــــــــــــــــــــــــــــاء..


هههههههه مشكووووووووووووووور اخووووووووووووي


مـــــن جـــــــــــد مووووضووع جووووووووووووونااااااااااااان


يسلمــــــــــــــــــــــــــــــــــــــــــــــ ـــــــــــو...

[LUCKY]

اختي همسه ولع اسف على الرد المتاخر لا كن مو كل الشباب يطلبوا هذة المواصفات اعرف شباب يبغو الستر و ما يبالغوا في المواصفات . وشكراً على المشاركه واتمنى لكي التوفيق

وتحياتي الى القبيصيمبيه وشكراً على التفاعل