( هو ) 0000 ليش ؟

[نور الهدى]

بسم الله الرحمن الرحيم

والصلاة والسلام على اشرف المخلوقات اجمعين محمد وال بيته الطيبين الطاهرين




اليوم جايبة لكم شي يصير في مجتمعنا


تفضلوا



هذا قبل الزواج


هو : اماه شنو الغدا اليوم


الام : لحم

هو : اف لحم لحم لحم انا ما قلت اليش مئة مرة اني ما احب اللحم

الام : بس انت من زمان ما اكلت لحم ويش يصير لو اكلت اليوم لحم

هو: خلاص خلاص ما ابي شي لوعتون جبدي في هالبيت خل اروح انام احسن لي

الام : تعال بسوي اليك شي ثاني , شتبي قول وانا بسوي اليك ( مسكينه الام حنونه لو شيسوي الولد)

هو: الحين خلاص ما ابي غداكم خله لكم

ويروح يا زعم زعلان وينام



وبعدها يروح ويخلي امه تحط له الغدا




( 2 )


هو : ها اليوم في عشا ولا لا

الام : العشا جبود ( اقصد فيها الكبد )


هو : ردينا على الجبود

الام : ويش فيه بعد كل نعمه من عند الله

هو : الا انتون تعرفون اسووون شي اصلا ابد طبخ ما تعرفون تطبخووون

الام : احط اليك تتعشى

هو: حطي بس سخنيه مو جيبينه مثلج , لو اقول اليش خلي عشاش اليش وانا بروح اتعشى مع الشباب برة احسن





طبعا الاخ الله اكرم عليه وتزوج

شوفوا شلون يتغير البني ادم يا سبحان الله




هو : ها حبيبيتي شنو طبختي لنا اليوم


الزوجة : سويت لك دجاج


هو : دجاج ! مو كأن امس غدانا دجاج

الزوجة : اي شفيها عادي


هو: يالله حطيه كل شي من ايدك حلو


الزوجة : صبر اشوي الحين بحطه



بعدها يتغدى وهو ساكت وراضي واذا فيه خير يتمتم بكلمة وحدة بس




( 2 )



هو : استوى العشا لو لا

الزوجة : اي استوى

هو : يبين العشا عليه هارفي اليوم


الزوجة : العشا جبود غناتي


هو : جبود

الزوجة : مو عاجبك

هو: لا عاجبني حطيه يا ريت تسخنينه معاش اشوي

الزوجة : ما يحتاج اكله جديه

هو: مو حلو وهو بارد

الزوجة : مو عاجبك عندك المطعم روح تعشا هناك ولا تنسانا معاك جيب لي وياك والجبود بخليه لبكرة العشا


هو: لا اااااااااااا عاجبني جيبيه




هذا حال شبابنا هالايام

على الام يتدلعون ويترفسون في النعمه



لكن بعد الزواج

اللسان داخل الفم ومقفل بقفول بعد





طبعا هذا مو حال الكل



يالله رايكم الحين

والشباب قبل الشابات



تحياتي للجميع

اختكم ام محمد

[LUCKY]

صراحه الموضوع نصفه بالنسبه لي صحيح

لاني ما تزوجت لسه

وشكراً على الموضوع الرائع

[ملكة سبأ]

اي نعم أختي ام محمد موحال الجميع
البعض من الشباب يكلم والدته بكل طيب ودايم في كلامه يمه إدعي لي وهويحط لنفسه العشاء ويشيل الصحون
بعد ما يبغي يتعب والدته
والبعض الله يهديهم كل كلامهم برفعة صوت وعصبيه وتحمق على النعمة ولاحمد ولاشكر
ولاترى مو الكل ياوخيتي يتغيرون للأفضل بعد الزواج بعضهم تاخدون بنات الناس ويبهدلوهم
الله يعطيك العافيه ام محمد طرح جميل

[طيبه الروح]

تسلمين اختي ام محمد يعطيك الف عافيه
والله كلامك صحيح

[همسات وله]

يسلموووووو خيتي ام حمودي عالموضوع
ومثل ما قلتي مو الكل يتصرفون هالشكل
بس اذا جاش واحد نحيس والنحاسه تجري في دمه
ما يهمه امه ولا زوجته
مثل ما يقولون بو طبيع ما يجوز عن طبعه والمعني في قلب الشاعر صح ولا لاء
بس اني اقول يمكن الام لما اتعود اولادها على ان الموجود هو الموجود بغيت كل ما بغيت الله وياك
يمكن يعرف الولد قدره ويتادب في معاملته لامه ولزوجته في المستقبل
شخصيا اني متبعه هذا الاسلوب مع اولادي ساعات يتحمكون على الاكل
كل واحد يبي شيئ شكل
مافي الموجود موجود
تبي كل ماتبي الله وياك

تحياتي وتمنياتي لك بالتوفيق
اختك همسات وله

[محبه]

هههههههه ام محمد صح كلامش ليش كذا طريقتهم ماادري ام حمووووووود جبتيها عليهم صح صح لسانش وسلامي لش ولطرحش الرائع

[.:روح وريحان:.]

هههههههههههههههههههه
ايو ام محمد
جبتيهااااااااااا عدددددددددددددددل
ايوا وينكم ياشباب المنتدى اقروا
خخخخ
اجل طلعتوا ماتحبوا الكبده
ههههه
يسلمو ام محمد على الموضوع

[Princess]

ههههه ياعيني
صدق ام محمد ... بيدلع الزوجه بس كم سنه وبعدين بيصفقها هي الثانيه خخ طبعا مو الكل
ولا الكل ويا امه كذا
بس جبتيها عدل ههههه عجبتيني
مممم ذكرتيني بواحد الله يستر علينا وعليه
احم .. على خواته ما يرضى لا تطلعوا الشارع بدون شراب .. ستروا رجولكم طيب
ما قلنا شي الستر زين
خخ مره طلعت وياه اني ما البس الصراحه شراب
عباتي طويله وبنطلوني طويل .. وكل واحد حر ..
حكم راسه وهاوشني وسوا لي سالفه وخلاص شوي واصيح عااد اميرووه ..ياحبها للعناد ... مافي طلعه لا اطلع وماني لابسه زين
خخ
المهم الرجال تزوج
كح
مرته ما تلبس .. شراب ولا يقول ليها شي...
واحد ثاني ..احم النقاب بعد قبل لا يعرس .. ياويل اللي تلبسه يخبق عيونها قله حيا وما ادري ويش
ويوم تزوج
خخ سافر مع مرته وخلاها تكشف وجهها
ههههههه
صرت اضحك
عجييييب...
الصراحه ما احب كذا رجال يكون قبل لا يعرس شي وبعد ما يعرس يتغير
البنات بعد في حركه تضحكني
اذا امهم طلبت منهم مساعده خصوصا بالطباخ
قبل لا تنخطب الحلوه
مااني .. زهقانه وما ادري ويش وتوني سابحه << اعترف اسويها وايد هالحركه خخ بالمزاج دخله المطبخ...
بس لما تنخطب
يووه عازمه الحبييب
اليوم العشا كلوو من تحت ايديها وحياة عنيها
يللا بس اميروووه بطل قرقر <<< من اقعد بصفحات ام محمد تقول بالعه راديو

اقول
فليساعدك الرب على امرمر وهدرتها

يسلموو حبابه طرح روعه
دمتي بحفظ الرحمن

[شذى الزهراء]

اختي ام محمد مشكورة على طرحج الحلوو...واقولج بعد موبس على امهاتهم حتى على خواتهم اعظم وعلى حريمهم لو هم يسووا كل شي في بيتهم عااادي والمرأة مرتااحة ..تحيااتي لج ..

[عماد علي]

موضوعك يا أم محمد كأنه دفاع عن المتزوجين وأنهم يخلون زوجاتهم على كفوف الراحة ... يالله يا بنات فكرة الزوج يتحكم راحت وولت صارت الزوجة ملكة وباشا من غير شنب... طبعا هذه وجهة نظر وفيه نسبة من الصحة ولازم نلاحظ أن الانسان ما يسلم من الهذرة إن كان زين مع أمه قالوا دلوعة أمه وإن كان زين مع زوجته قالوا سكانه مرته وإذا بنتابع سوالف الناس ما نخلص...

[القلب المرح]

الكلاااااااااام مو صحيييييييييح ابدا ماشفت ابدا ولاعمري بشوف زي كذا
مبالغين فيه هااا
والله مافي احسن من طباخ الوالده
والزوجه زين اذا عرفت تسوي شاي << بنات هالايام دلع هههههه
بس اسمحو لي الكلام مو مزبوط لو قلتي العكس يمكن ايه لانه اغلب الا اعرفه واشوفه ان طباخ الام الشباب ينعجبو فيه زي على قولتهم خلنا ندق بالخمس في طباخ ام فلان
اما الزوجه مسكينه تعبانه ماتعرف تسوي حجه راسها تخليه يطلب من المطعم بس الوالده عالعين والراس تسوي الا تبيه اكرم من الزوجه الف مره فيعني الرجل بيقدر امه اكثر من الزوجه وان صار الا في طرحك موضوعك فهذا يعني الولد خايف مرته تطير منه ولاهو خايف على زعل امه؟

ومثل ماذكرت اميرة المرابيش قصدي المرح ان البنات قبل الخطوبة ياعلييييي تعالو شوفووو خيابتهم دابلين مايسوو حتى حاجه وحده ولاحتى يساعدو امهم لا في طباخ ولاتنظيف البيت يلزمو الوالد بالمصاريف ويجيب خدامه تساعد المسكينه
وفي الخطوبة نازل عليهم الوحي حركيين وكل شئ يتلقفو فيه يسوو نفسهم العريفين ويطبخو ديك الطبخه بس حسافه تحترق ويعيدوها من جديد لين تزبط ويقدومها للريس هههه

يعطيك الله العافيه عالطرح مو تقولو طولت بصراحه اسمتعت في القراءه حتى واصلت الكتابه
تحياتي للجميع بالتوفيق..

[نور الهدى]

اللهم صلي على محمد وال محمد

هلا فيكم كلكم وبحضوركم وردكم

خل نبتدي LUCKY

مشكوره او مشكور ما ادري على الحضور والرد

ولما تتزوجي او تتزوج خل نشوف تجربتك شلون

الله يوفقك يارب في حياتك

ملووووكة هلا وغلا فيش خيتو

وكلامش صح وانا قلت من البداية انه مو الكل

البعض جدية على امه جنته وناره يتفلسف على كل شي لكن بعد اتلزواج يمشي سيده مع زوجته

والبعض ما شاء الله عليهم يعرفوا قدر الام ويعاملونها من احسن ما يكون

هذا الشي على البعض مو الكل

طيبة الروح هلا فيش اخية

ومنورة بحضورك

ومشكورة على الرد

همسات ضحكتيني بكلامش على طول فهمت قصدش وفهمت الي تقصدينه منو

ههههههههههههههههه

بس جبتيه عدل النحيس نحيس مع امه ومع غيره

خل النحاسة تفيده في الاخرة بتراويه شغله عدل

الله يعطيك العافية ومشكورة على المرور والرد

محبة

هلا وغلا فيش خيتو

وشكلش معاشرة ناس من هالاشكال

الي كتبته من واقعي المحيط فيني وهذا شايفته بعيني

يعين موجود

مشكورة خيتو على الحضور والرد

روح الريحان

هلا فيش خيتو

وعجبش الكلام تبين الشارة على الشباب هااااااااااااا

هههههههههههههه

امزح معاك

الله يعطيك العافية

ومشكورة على الحضور والرد

اميرة المرابيش على قولة القلب المرح

هلا وغلا باختي اميرة منورة بهدرتك وسواليفك

والله حلوة وخفيفة على القلب هالهدرة مثلش

اي يطلعوا شاطرين على امهم خواتهم بس من تجي الزوجة عيونهم مغمضة

عشان ما يزعلوا الشباب ما اقصدكم كلكم اقصد البعض

مشكورة خيتو على الحضور والرد

شذى الزهراء

هلا فيش اختي

وكلامج صح في نوعية حتى انهم هم الي يسوووا بعض اشغال البيت ويسووونها وهم راضين ومن طيبهم لكن في بيت امهم حتى علبة البيبسي لبين يشربونها ما يشيلونها من مكانها

بعد ارجع واقول مو الكل البعض

جينا الى ابوباسم

هلا خيو فيك وبرايك

اممم ابوباسم ترى الشباب مو كلهم مثلك بعضهم والله مثل ما ذكرتهم في الموضوع مع امهم كذا بس مع الزوجة ما يتمتم بكلمة وحدة

ايسوي الي تقول عليه وهو ساكت

ولا في بعضهم بعد حتى عادي يقطع امه واهله علشان زوجته

موجودين هلنوعية

في الموضوع ذكرتهم لان مثل ما قلت من قبل شايفه بعيني ومعاشرتنهم بعد

وموجودين وبكثرة تشوفه قبل الزوج مؤمن وينادي بمبادئ لكن من يتزوج وزوجته ما تؤمن بالي هو مؤمن فيه بدل ما يغيرها اهي الي تغيره

وارجع واقول الواحد لازم تكون له شخصيته ويكون اخلاقه حسنة مع الكل

وفي رجال ينوزنون بالذهب

اخلاق ودين ومعامله ما تحصل احسن من جدية ومطيع الى امه وحنون مع زوجته

هذا المطلوب

وصلت لك يا القلب المرح

اقول لك في في وفي بعد هالنوعية

ويعرفون ان اكل الام ما في احسن ولا احلى منه وانهم ما لهم غنى عن الام اصلا

بس ليش جدية ما ادري

يموتون على اكل الام وطبخاتها ونفسها في الاكل

وبعد يتدلعون عليها

اقول لك ما يحسووون بقدر امهم الا لين يتزوجون

وبعد في منهم من يكابر ومنهم من بالعكس تتحسن معاملتهم الى امهم

يعني حالات وحالات

وهذي حالة من الحالات

قمت اخربط الحين افتر راسي

تكلمت عن حالات الشباب هالمرة خل اتفرغ واعطيكم من حركات البنات عشان ما تزعلوا

وكلامك صح بنات هالايام ما يعرفوا الا الووو جيب وياك غدا انا تعبانه ما بقدر اطبخ

او تخليه يروح الشغل بعدين تتصل الووووووووو خلص العيش وانت جاي جيب وياك غدا بارز

ما تتكلم من اول

لاااااااا

تخليه يروح العمل بعدين تقول له

عشان بس ما تطبخ

والحين ممممممو انت الي طولت في الكتابة انا الي نسيت روحي مع الكيبورد وضرب هدرة

هههههههههههههههه

بنات ما ينفتح لهم باب الهدرة من ينفتح ما ينصك الا بصك راس الى معاهم

سلامة روسكم كلكم

اعذروني طولت عليكم واجد

تحياتي للجميع ومشكوررررررررين على الحضور والرد

اختك ام محمد

[ملكة سبأ]

[quote=القلب المرح;314379]

الكلاااااااااام مو صحيييييييييح ابدا ماشفت ابدا ولاعمري بشوف زي كذا

مبالغين فيه هااا
والله مافي احسن من طباخ الوالده
والزوجه زين اذا عرفت تسوي شاي << بنات هالايام دلع هههههه
بس اسمحو لي الكلام مو مزبوط لو قلتي العكس يمكن ايه لانه اغلب الا اعرفه واشوفه ان طباخ الام الشباب ينعجبو فيه زي على قولتهم خلنا ندق بالخمس في طباخ ام فلان
اما الزوجه مسكينه تعبانه ماتعرف تسوي حجه راسها تخليه يطلب من المطعم بس الوالده عالعين والراس تسوي الا تبيه اكرم من الزوجه الف مره

إسمحي لي اختي ام محمد أتدخل في موضوعك عندي كلمة راس مع أخوي المرح .
مش كل بنات ها لايام دلم وما يعرفون الطباخ والله إني أنبسط
لمى يقول زوجي رح إجوه ضيوف واقوم قومة مره واحضر لهم الغداء ما أمدح نفسي بس والله من حلاة الأكل الضيوف يسألو زوجي من أي مطعم جايبه خوش عدا ؟ يظحك زوجي ويقول هذا
هذا من يد المدام مطعم البيت .
وطبعاً أمهاتنا هم الخير والبركة وكتب الطبخ والنت ماقصرو
بس الطبيخ نفس مثل ما قالت أم محمد
يعني مش أي اي ولا زيي زي على قول إخواننا المصريين هههههه
تعرفون يبي لي اعزمكم على غدوه من مطبخي بنات وشباب المنتدى
هاه موتعتمدون من وين أجيبكم وويش يشيلكم ماشاء الله تبارك الله الأعضاء ياكثرهم

[نور الهدى]

[quote=ملكة سبأ;314525]

الكلاااااااااام مو صحيييييييييح ابدا ماشفت ابدا ولاعمري بشوف زي كذا





مبالغين فيه هااا
والله مافي احسن من طباخ الوالده
والزوجه زين اذا عرفت تسوي شاي << بنات هالايام دلع هههههه
بس اسمحو لي الكلام مو مزبوط لو قلتي العكس يمكن ايه لانه اغلب الا اعرفه واشوفه ان طباخ الام الشباب ينعجبو فيه زي على قولتهم خلنا ندق بالخمس في طباخ ام فلان
اما الزوجه مسكينه تعبانه ماتعرف تسوي حجه راسها تخليه يطلب من المطعم بس الوالده عالعين والراس تسوي الا تبيه اكرم من الزوجه الف مره

إسمحي لي اختي ام محمد أتدخل في موضوعك عندي كلمة راس مع أخوي المرح .
مش كل بنات ها لايام دلم وما يعرفون الطباخ والله إني أنبسط
لمى يقول زوجي رح إجوه ضيوف واقوم قومة مره واحضر لهم الغداء ما أمدح نفسي بس والله من حلاة الأكل الضيوف يسألو زوجي من أي مطعم جايبه خوش عدا ؟ يظحك زوجي ويقول هذا
هذا من يد المدام مطعم البيت .
وطبعاً أمهاتنا هم الخير والبركة وكتب الطبخ والنت ماقصرو
بس الطبيخ نفس مثل ما قالت أم محمد
يعني مش أي اي ولا زيي زي على قول إخواننا المصريين هههههه
تعرفون يبي لي اعزمكم على غدوه من مطبخي بنات وشباب المنتدى

هاه موتعتمدون من وين أجيبكم وويش يشيلكم ماشاء الله تبارك الله الأعضاء ياكثرهم

هلا فيش اختي ومنورة مرة ثانية وثالثة بعد

وكلامك صح 100%

مثل ما الشباب مو كلهم جدية حتى البنات مو مثل ما تقول قلبووووا

في بنات ماشاء الله عليهم ست بيت درجة اولى

وفي بنات الله لا يرزقك بوحدة مثلهم اخيب من قمله على قولة امي

ملووووكة

يبي لنا نجرب طبخك خلاص ما في مهرب منا بنعزم روحنا عندك خيتو جهزي نفسك


زين ما في هرووووب


تحياتي لك اخية واعذريني تدخلت بينك وبين االقلب المرح في كلمة الراس

[القلب المرح]

إسمحي لي اختي ام محمد أتدخل في موضوعك عندي كلمة راس مع أخوي المرح .
مش كل بنات ها لايام دلم وما يعرفون الطباخ والله إني أنبسط
لمى يقول زوجي رح إجوه ضيوف واقوم قومة مره واحضر لهم الغداء ما أمدح نفسي بس والله من حلاة الأكل الضيوف يسألو زوجي من أي مطعم جايبه خوش عدا ؟ يظحك زوجي ويقول هذا
هذا من يد المدام مطعم البيت .
وطبعاً أمهاتنا هم الخير والبركة وكتب الطبخ والنت ماقصرو
بس الطبيخ نفس مثل ما قالت أم محمد
يعني مش أي اي ولا زيي زي على قول إخواننا المصريين هههههه
تعرفون يبي لي اعزمكم على غدوه من مطبخي بنات وشباب المنتدى

هاه موتعتمدون من وين أجيبكم وويش يشيلكم ماشاء الله تبارك الله الأعضاء ياكثرهم

اهلا اخت ملكة سبأ
كلامك مزبوط وميه بالميه واتفق معاك
بس انا ماعميت الكل اختي الكريمة بس عااد مو كل علينا احنا الشبااااب << يخاف على نفسه

ومثل مايقول المثل " اذا خليت خربت"
ومانحط كله في الشباب وكل في البنات اثنيهم بالهوى سوى فيه منهم البليد الخامل والا يتمغرر على اكل امه وفيه من الا هو يشتاق لطباخ امه ولزوجته في نفس الوقت
وفيه من البنات الا تحب الطباخ وخاصه لزوجها حتى يحس بطعم الزواج اهم شئ البطن هاا وفي من البنات الا خامله ابد ماتحب تدخل المطبخ حدهها تامر جيب وجيب والخدامه خلها تطبخ
يالله ننتظر طباخش اثبتي انش طباخه هههه << امزح معاك
تحياتي لك بالتوفيق اختي واتمنى كلامي ماضايقكم جميعا بس حبيت اعيشكم بالواقع واللي اسمعه
بس ماراح اثبت لكم ان هالشئ صحيح اولا الا اذا الله بلغنا بالزواج
وكلن على نوعيته وطريقته