سكر من عند ورود ودق على ريناد وكانت مع شوق بالغرفه يسمعون اغاني ويسولفون...وحور معاهم تقرأ مجله وتوها راجعه من المستشفى من عند خلود....

ريناد: الوو
بدر: مرحبا
ريناد: ياهلا...نعم اخوي؟
بدر: ريناد صح؟
ريناد وهي متفاجأه من هاللي يعرف اسمها وداق عليها: من معي؟
بدر: ماعرفتيني يالظالمه
ريناد: بتقول ولاشلون؟
بدر: وربي انتي لما تعصبي تجننيني...انا بدر
سكرت بوجهه وهي معصبه
حور: خير ريناد من هاللي داق؟
ريناد: مادري واحد فاضي
شوق: ايش يقول؟
ريناد برتباك: سلامتك ماقال شئ اكيد غلطان
شوق: ماعلينا الا خلود شخبارها؟
حور: واعليه اختي..صدقيني ماعرفت اخذ منها لاحق ولاباطل ماعندها غير البكي..
شوق: مسكينه اختي بتروحين لها بعد الغدا؟
حور: اكيد انا رجعت علشان اسوي الغدا لكم بس لازم برجع لها مايصير اتركها لوحدها
شوق: خلاص باروح معك
ريناد: وانا بتتركوني لوحدي لا باروح معاكم
حور: خلاص نروح بس مانطول عندها خليها ترتاح يلا قوموا نتغدى
نزلوا الثلاث وكان بشار وماهر وابوماهر على طاوله الطعام ويتغدون...
ماهر: انتي وينك صار لي ساعه ادورك
حور: مع البنات
ابوماهر: اقول حور
حور: سم عمي..
ابوماهر: شخبارها اختك
حور: والله ياعمي رحت لها والله شقولك ساكته ماتقول شئ ماعندها غير دموعها حاولت اهديها انا وامي بس مافي فايده
ابوماهر: الله يعينها
بشار: انا كنت ابي امرها بس استحيت ماحد معي
ماهر: المهم حور انا بتغدى وطالع عندي شغل
حور: تكفى ودينا المستشفى وروح لشغلك
ماهر: والسواق وينه؟
حور: وااع لوووعه هذا لااحد يجيب لي طاريه مااحب اركب وياه
ريناد: ههههه هذاك اليوم كانت بتذبح المسكين...اقول بابي ...
بشار: اسمه يبه مو بابي
ريناد وهي ترفع راسها له : عن اللقافه لااقوم انتف الباقي من شعرك
بشار: يلا قومي ان ماسويت شعرك حفله بدون كيك
ابوماهر: يوووه منكم ليل نهار مناجر وهواش....ايش كنتي تبين ريناد
ريناد: يبه افكر ارجع للمرسم شرايك؟
ابوماهر: فكره حلووه قولي لاخوك وهو يتصرف
ماهر: مين انا؟
ابوماهر: انت او بشار واحد فيكم يتصرف اصبغوا المرسم من جديد واشتروا باقي الاغراض
ريناد: طيب متى؟ بجد متحمسه ابي ارجع ارسم
ماهر: أي مو لانك فاضيه ماعندك شئ اصبري لبكره او اللي بعده الشغل واصل لفوق راسنا
ريناد: اووف انزين
ماهر: تتأفف بعد...اكلي وانتي ساكته
ريناد: اوووكي على راسي مستر ماهر

......................

دق الجرس وجات الخادمه فتحت له الباب
بدر: هاي
الخادمه: هاي مستر بدر
بدر: وين ورود؟
الخادمه: داخل.....ويلكم
دخل ولقى ورود بنت خالته لوحدها بالصاله وتتابع فلم اجنبي راح وجلس مقابلها...
ورود: تأخرت
بدر: شسوي في تفتيش وتأخرت ها وين خالتي؟
ورود: طلعت
بدر: حلووو يعني مافي غيرنا بالبيت
ورود بدلع: اووه بدر مو وقته
بدر: اجل متى وقته لين متى باصبر عليك
ورود: تكلمنا في هالموضوع من قبل
بدر بعصبيه: لكن انا عارف مو منك من مازن...هذا اللي تلفين وراه وين مايروح..يااختي مايحبك افهميها وعيب عليك تلاحقيه تعالي انا احبك وابيك...
ورود وهي تقوم: لو سمحت سكر عالموضوع...مااحب اتكلم فيه
سكت وهو من جد حاقد على تصرفاهها معاه واللامبالاه اللي تستخدمها في كلامها لما تكون وياه..
اووف لين متى باصبر عليها دخت وراها وهي ابد حاطه لي طناش..
بدر: ايش ناويه عليه؟
ورود: بخصوص؟
بدر: حبيبك مازن وحبيبته ريناد
ورود: معقوله تسألني هالسؤال وانت العقل المدبر
بدر: ايش بالضبط اللي تبين توصلين له؟
ورود: ابعدهم عن بعض اخليه يكرهها ويحتقرها والف انا عليه ويصير لي
بدر: امممممممممم مافي غير هالحل
ورود: اتحفنا بأفكارك يالخطير
بدر: اسمعي..