صدته وطلعت من الشقه وسكرت الباب وراها....راح لعند هبه وجلس جنبها والدنيا ضايقه فيه محتار كيف يتصرف كيف يخليها تنسى كل الاحداث اللي صارت لهم اليوم...
محمد: هبه...شصار بينكم؟
هبه بصوت مبحوح من البكي: ولاشئ
محمد: شقالت لك وكيف عرفت مكان الشقه؟
هبه وهي ترفع راسها له: متأكد ماقلت لها عن الشقه؟
محمد: وربي ياهبه ماقلت لها شئ..ماحد غيرك يعرف عنها خبريني باللي صار بينكم
هبه وهي تقوم : محمد
محمد: نعم
هبه: احس اني تعبانه ابي ارجع البيت
محمد: هبه اجلسي طيب
جلست قريبه منه..حط يده حول كتفها هي استجابت له دايركت وحطت راسها بحضنه وبكت وهو يمسح على شعرها...
محمد: مابتقولين اللي بقلبك يعني؟
هبه: محمد..سماح قالت لي انك ماتحبني ولاتبيني ولسه تحبها
محمد: وانتي صدقتيها؟
هبه: محمد انا عمري ماكذبتك وصدقت غيرك..لكن ابيك انت تجاوبني بصراحه هالمره ..تحب سماح..تبيها؟
سكت فتره بعدها نطق
محمد: احساسك ايش يقولك؟
هبه: مادري يامحمد
محمد: بتركك انتي ياهبه تعرفين بنفسك
هبه: محمد انت مو مجبور تحبني والله ماراح امانع لو تبيها
محمد: هبه تدرين ان كلامك يعصبني بذمتك لو ماابيك ليش للحين باقي معاك ..هبه افهميني ارجوك سماح ماابيها وخلينا نحط لهالموضوع حد..
بعدت عنه ورفعت راسها له وهي مبتسمه...
هبه: يعني مابتتركني...؟
محمد: هبويه ياقلبي
هبه: هلا
محمد: شهر العسل وين بنروح؟
هبه: امممم ماليزيا
محمد: يمدحون بناتها لو عجبتني وحده بتركك واتزوجها عليك...
ضربته بشويش على بطنه
هبه: اوووه محمد احر ماعندي ابرد ماعندك
محمد: امزح معك والله...خلاص بعد اليوم ماابي اشوف دموعك اوكي؟
هبه بابتسامه: اوكي
محمد: نقدر نتغدى الحين؟
هبه: يلا

.................................

كانت تمشي بعصبيه في غرفتها وتضرب يد باليد الثانيه
فطوم: ورود
ورود: ها ايش تبين ؟
فطوم: طيب اجلسي ريحي اعصابك..
ورود: مو قبل ماارتاح من هالريناد اللي ناشبه في بلعومي يافطوم وربي اكرهها متى برتاح منها..لكن تدرين بدر ولد خالتي هو اللي بيساعدني...ويريحني منها..والله لاخلي مازن يرميها ويكرهها ويجي لي انا...

بدر...ولد خالتة ورود اول مره شاف ريناد بالبحرين...بعدها صار يشوفها عند المدرسه لين سأل ورود بنت خالته عنها وقالت له عن قصتها وياها وطلبت منه يساعدها حتى تتخلص منها..
هو وافق بدون تردد....وحطوا خطتهم...وبدر وافق على كل هذا اولا حتى يكسر غرور ريناد وثانيا حتى يكسب رضا بنت خالته اللي عاجبته ومو عارف كيف يحصل عليها بأي طريقه كانت...

اخذت جوالها ودقت عليه
بدر: ايوه ورود
ورود: دقيت على ريناد؟
بدر: سبقتيني سكري والحين ادق عليها
ورود: بدر مااوصيك اشتغل عليها عدل
بدر: افا عليك يابنت خالتي والله لاجيب راسها الارض هالمغروره
ورود: كفو بولد خالتي يلا انتظرك باي