هبه: هلا حياتي
محمد: هبه
هبه: روح هبه
محمد: محتاجك....
استغربت منه ...محتاجني؟؟ اول مره يقول هالكلمه...احمدك ياربي فيه تقدم دعواتي ماراحت بلاااش
هبه: حبيبي محمد انا جنبك ومعاك
محمد: اوكي انا عند المغاسل تعالي ابيك
هبه: ثواني طيب....
طلعت له وكانت لابسه تنوره قصيره للركبه وبلوزه بدون اكمام لونها بنفسجي....لما شاف وقف مصدووم من حلاتها.....
لما قربت منه ابتسمت وهو دايركت حضنها وتنفس بعمق.....
محمد: هبه
هبه: عيونها
محمد: بجد محتاجك جنبي خليك معاي
هبه: حبيبي محمد انا معاك وببقى معاك طول عمري ماراح نتفارق لحظه وحده.....
بعد عنها وهو ماسك كتوفها.....
محمد: تحبيني؟؟
هبه ويدها على خده: بس احبك؟؟ اهواك
محمد: اوووكي دام كذا انا مالي قعده معاهم بعد هالكلام الحلووو
هبه: هههههه وين بتروح؟
محمد: نطلع؟؟؟
هبه: الحين؟؟؟ شقول لامي ماراح توافق بتقول اجلسوا تعشوا وبعدين صديقتي ورود هنا
محمد: اوووه هبه مين اولى الحين انا ولاصديقتك
هبه: طبعا انت طيب انتظر باشوف الوضع وراجعه......
راحت جلست جنب ورود وقالت لها انها بتطلع وقالت لها تاخذ راحتها وقالت لامها ووافقت بعد الحاح وراحت معاه..

.......................

ماتضايقت لما هبه تركتها لوحدها تضايقت من السعاده الواضحه عليها...
ااخ ياهبه كيف قدرتي تاخذين محمد وانا سويت كل اللي اقدر عليه لمازن وهو مو معبرني اصلا...وشكله والله العالم متيم في الانسه ريناد...لكن ياريناد باخليك تجنين وبتشوفين ايش باسوي حتى يصير مازن لي....
ام مازن: تفضلوا ياجماعه العشاء صار جاهز
حور: خالتي تبين نساعدك بشئ لاتتعبين نفسك
ام مازن: ماتقصرين حبيبتي قلت للخادمه تحطه تفضلوا.....
ام محمد: دام فضلك ياام مازن..

وفي مجلس الرجـــال..

مازن: يلا جماعه العشاء جاهز
ابومحمد: من جدكم الحين محمد طلع كيف يطلع هذا بدون مايقول
مازن: مادري ياعمي ادق عليه؟؟
ابومحمد: دق عليه خليه يرجع
ابوماهر: ليش ياخوي يمكن من زوجته خليهم براحتهم.....
ماهر: يبه لاحقين بيشبعون من بعض ويملون
مازن: فال الله ولافالك لاتصير بومه مثل اخوك
بشار: هااااااااا كأنكم تتكلمون عني؟
ماهر: مين؟ احنا؟ حشى وكلا ماحد يتكلم على البدر بشار
بشار: ايه افتكر بعد
مازن: مسرع مايصدق هالدب
بشار: اقول ورا ماتكرمنا بسكوتك ياشيخ
مازن: حااااظر بس خليني ادق على محمد.....
مارفعه محمد الا في الرنه الثالثه
محمد: هلا مزين
مازن: هلا وغلا وينكم؟؟؟؟ متى بترجعون؟؟
محمد: من قال بنرجع الحين؟
مازن: ليش؟ ماتبون عشاء؟
محمد: لاتعشوا انتوا احنا بالمطعم
مازن: محمد مو تتأخرون ورجع هبه البيت بدري
محمد: مازن هالكلام ماله داعي صارت الحين زوجتي
مازن: مابعد تصير زوجتك قدام الناس كلها
محمد بعصبيه: يصير خير باي
مازن: باي

بشار: هااا شقال
مازن: ولاشئ بيتعشون بره.....تفضلوا عالعشاء

.......................

بعد العشاء شافته يصعد فوق الطابق الثاني..كان بيجيب كاميرا الفيديو اللي طلبها منه بشار...
ابتسمت وقالت انها فرصتها وماراح تضيعها.....
راحت لعند ريناد اللي كانت تشاهد تلفزيون مع شوق
ورود: اقول ريناد شوق
طالعتها ريناد بنص عين شتبي بعد هالعله....
ورود: والله مادري شقولكم...بس هبه وصتني قبل ماتطلع ارتب لها شويه ملابس بكيسه بتاخذهم للمغسله تقدرون تساعدوني
شوق ببرود وهي تطالع التلفزيون: والله طلبت منك مو منا احنا اعتمدي على نفسك
ورود: براحتكم
ريناد: لحظه انتي...(وتكلم شوق بصوت منخفض) مو علشانها شوشو حبيبتي علشان هبه والله ماتقصر خلينا نرتبهم لها..تخيلي يعني تدخل الغرفه ماندري يمكن تاخذ شئ
شوق: طيب روحي انتي الحين واحنا نرتب اللي تبيه اوكي
ورود ببتسامه النصر: اووكي

صعدت للطابق اللي فوق وشافت اضواء غرفته مشغله طلعت من شنطتها قطن وشاش اللي جابتهم معاها بالقصد
ولفت يدها ورسمت على وجهها علامات الم ودخلت غرفته
ورود: ايييي يايدي ايييي اوووه هذي غرفتك مازن ماكنت ادري سووري
تفاجأ ولف عليها وطالع يدها الملفوفه......
مازن : خير خير شصاير؟؟؟
جلست بألم مصطنع على كرسي بالزاويه وهي تصارخ
ورود: ماازن تكفى الحق علي يدي احترقت مو قادره....