][ أيـــامـ الطفولـــة ][

[دمعه حزن]

.. أمل الظهور ..
بصراحه طرح روووووعه << بس بتطلعي فضايحنا .. هههههههههه
بس هاااا مو تقولوا هداره .. ترى شكثر فضايح الطفوله ..
انا طفولتي فيها من الا قالته الأخت .. ام محمد ..
وبالخصوص يوم نروح نتعلم قرآن .. نتغذى انا واختي وبنات الجيران عشان نروح نتعلم .. ما نروح الا اهم توهم قايمين من الغذى وتعالوا بنات غسلوا واشتغلوا << هههههههههههه طبعاً مو انا لاني كنت صغيره بس البنات الكبار شوي .. وهم يقعدوا يتحلطموا على المعلمه << جايين نشتغل عندها احنا لو نتعلم ومن هالكلام .. ههههههههه
وبعدين انتقلت لمعلمة ثانيه لانها اقرب لي .. وعاد هالمعلمه الثانيه ما تشغلنا ولا شيء بالعكس اهي جارتنا وما تدرسنا الا انا واختي وبنتها وتعتبرنا بناتها .. بس انا واختي نروح لها نبي نخلص بسرعه ونطلع عشان نروح نلعب ونطالع الرسوم وهي تقعد تشتغل فى بيتهم وتحوس واذا خلصت تجي لنا << نقعد نتحلطم على انها تأخرنا بس .. اختي عادي تقول لها تكلمها واحيانا يتهواشوا بعد << هههههههه .. لكن انا اخاف منها كنت ما اتكلم بس الحين يوم كبرت نقعد نتذكر وتقول لي انتي مسكينه ولا تتكلمي مو مثل اختج ملسونه الحين شوي طلع صوتج اقول لها اي انتي مسوينا لنا رعب يوم كنا صغار .. لاني تعودت عليها والله بحسبة الوالده .. ربي يخليها ..

وبعد من ايام الطفوله ..
كان احنا بيتنا جديد فى منطقه ما فيها بيوت وشوي شوي صار فيها بيوت بس خفيف عاد كنا خمس بيوت بس << يومياً المغرب بعد الصلاه نتجمع بنات وشباب اللي بالفريق الاول امااااان وعادي مو الحين .. وكنا نلعب سباق والغميضه والصبه وما شاء الله ع الالعاب القديمه شحلاتها ..
ويوم نلعب الغميضه ننخش فى البيوت الا قاعدين يبنوها << مايتين خوف ورعب من الظلمه بس ندخل << والله مغامرات طفولتنا ..
وامهاتنا كلهم ويانا برى بالفريق هم يتجمعوا يقعدوا على باب بيت من الفريق ويسولفوا واحنا بالشارع نلعب .. << والله ايااااااام رووعه ..

والله بالمدرسه << علوووووم وهوايل ..
بيت خالي جنبنا .. نطلع من المدرسه انا واختي وبنات خالي 3 .. ونروح البيت مشي وما شاء الله المدرسه وين وبيتنا وين مساااااافه .. وعلى الطريق فى مزرعه وفي بيت يبيعوا لنا اسكريم اللبن << نشتري الاسكريم ونروح الزراعه نأكله ونلعب بالزراعه ولا بعد الا تشوفيها تتسدح بالزرع واللي تلاحق الفراشه .. << نروح المزرعه نأكل الاسكريم لان امهاتنا ما يرضوا نشتريه .. يقولوا لان كله ماي ما فيه لبن مو زين ..
وعاد نرجع البيت نحصل لنا زفة محترمه من امهاتنا لان ما نرجع الا بعد ساعه او اكثر << هههههههه ننسى عمرنا بالمزرعه ..

وااااااااااااجد هدرت وطلعت فضايح .. بس الباقي خله مستوور ..
تسلمي اموووووله ع الطرح الجميل منك والله ..
خليتنا نعود بذاكرتنا لايام الطفوله ..
الله يعطيك الف عافيه ..
دمتي بخير ..

تحياتي
دمعه حزن