الله يعطيك العافية

اممممم
طفولتي ولا عاد طفولتي اذكرها واقول ليت الزمان يعود يوما ونعيش ببرائة مثل الاول

شقول لج خيتو ايام طفولتي علي حركات انما ايه

حركات صبيانية حشى ما بنت

على طول في الشارع ( عاد الاول كان في امان اكثر من الحين ) طبعا نكون صوب البيت وخاصة ان بيتنا كان من اوائل البيوت في منطقتنا وعشنا تقريبا سنين ما كان صوبنا بيوت واجد

واحنا ما خذين راحتنا
واذا يطيح المطر نروح نسبح في البرك الماي الي تتجمع
وتعالي اذا رجعنا البيت بالعصا على عافيتنا ولا نهتم نرجع يوم ثاني نسوي نفس الشي
يرتفع ضغط امنا مسكينة

التلفزيون الله عليه وقت العصر وقت الرسوم ما في حركة ما في صوت
الكل مندمج مع عدنان ولينة وساسوكي والمسلسلات الي ذكرها ابو باسم

عجيبة مو مثل الحين الرسوم ما احس لها معنى كلها خرابيط

مساكين عيالنا

وبعد اممم اذكر لما نروح تعليم القرآن كانت المعلمه الي تعلمنا ساعات تخلينا نساعدها في شغل البيت واذا ما كان لنا خلق لها

تروح عليها نعفس عليها ونمشي

والله ايام وحركات لو بقعد اعدد لك بتنامين وانتين تقرين

بس احلى ايام ايام الطفولة
استمتعت فيها بكل لحضة من لحضاتها

تحياتي لك خيتو

اختك ام محمد