مشكوره اختي امل الظهور على الطرح الرائع
اممممممممم اما انا واخواني كانت عندنا سوالف ما اعتقد ان احد كان يسويها
كنا احنا كلنا ننام في حجره وحده وبعد ما ينامون امي وابوي تبدأ المغامره
احم احم
كانت عندنا ثلاجه في الحجره الي ننام فيها اذا جاء الليل وسكنت الناس نبدأ نشتغل عليها ونظفها
كان الوالد يقفلها عنا بس كنا نفتحها بسكين حتى القفل خربناه من كثر من ما كنا نسوي هالحركه
المهم كنا نطلع لينا السحور (فواكه وحلاوه وخرابيط)
وطبعا الوالد والوالده يا غافلين ليكم الله
وبعد ما نشبع البطن ونطالع المدبلج الي يحطونه في البحرين
تبدأ المغامره الثانيه
كنا ناخذ فراشاتنا ونحط تحتهم مساند ونرتبهم على شكل سرير نمام عليه
وطبعا قبل ما انام عليه
نسوي فيه اجرام
كنا نركب فوق الكبت مالنا ونطيح من فوقه الى تحت على السرير المزعوم
بالدور واحد واحد
وبالكبت الثاني العمليه الثانيه
نجيب لينا كارتون ونركب داخله وكلحين دور ناس يدزون
نطيح من فوق الكبت الى تحت على مساند
وعاد شوفوا اذا احد منا طاح
تقوم الوقعه في البيت
وتخترب علينا الحفله
الي يصيح يروح ركيض للوالد يشكي عنده
وعاد بعدين خلاص
تخترب الحفله ويضطر الكل ينام
هذا بالنسبه للبارتي مالت الليل
اما بالنسبه للنهار فكان هذا شي ثاني
كنا ناخذ لينا مربع ونحطه على ادرام ونسويه لينا ميزان نلعب عليه
كل ناس يركبون في جهه
وياويلنا اذا طحنا
كانت الطيحه صدق تعور
ولا عاد اذا كانت على الراس
وكنا ناخذ النعله مالنا ونلعب بها نسوي لينا بيوت نرسمهم على الارض بالطربوش والنعله يازعم ناس
عاد تعالوا شوفوا ذاك الحوش
هذا غير الالعاب الي نعفس بهم المكان
واذا امي عصبت علينا على النعله نروح نرسم لينا اوادم ونقصصهم ونلعب بهم
او ان احنا نطقها للبيت الي يبيعون الالعاب
نتعب واحنا نمشي ليه
وهذاك الباص مال المدرسه الي يصير ضك فيه عدل حتى النفس ما تقدر تاخذه
هذا غير الدريشه الي كله تنسك على اليد او المحطه الي يطوفها سايق الباص
لا وازيدكم من الشعر بيت الين وصلنا عاد احنا محطتنا كانت مشحونه حدها كان يقول لينا كلي بره
عاد قصده الكل برا الباص ياله نزلوا
ووووووووووووو
ما يخلصون صدق كانت ايام حليوه
تحمل من الذكرى ما يكفي
اني للحين ما كملت العشرين ومتحسفه على الايام الي اندر تونتي
احسها مرة بسرعه
بس ياله خلنا نستمتع بما بقي لنا من ايام
لاننا سنشتاق لها كما نشتاق لايام الطفوله
دمتم بخير وعافيه
رد مع اقتباس
طبعا لكن بعد هذا العمر الظاهر تبت من الشطانه وصرت خجوله يعني تصورو إذا عندنا حرمه في البيت من رابع المستحيلات
المفضلات