قلبك تغير..!!




ماعاد قلبك.. مثل ماكان قلبك..= قلبك تغيّر.. صارلك قلب ثاني..!!

أشوف حبك.. قاعد يموت حبك..= من يوم بيدينك..
قتلت الأماني..!!

مليت قربي يوم انا إحتجت قربك..= صارت عليك سنين قربي ثواني..

ماكنت متخيّل.. تجيني بحربك..= وتحطّم اللي باقي من كياني..!!

وين الكلام.. اللي ثبت فيه كذبك..= تقول.. ما انسى وقلبك نساني..!!

العام حبي كان زادك وشربك..= وقلبك بعد.. مافيه إلا مكاني ..!!

كنت إتجاهك كان جيت بمهبك..= مالك زمان يختلف عن زماني..!!

ماتذكر إني كنت احبك..واحبك..= يومي غمرتك في دفاي وحناني..

رجعت قلبك ناسي الحب قلبك..= رجعت ثاني.. لكن بقلب ثاني..!!