هلا والله ..
أهلين وسهلين حبيبتي أمول الظهور

منورة حبيبتي عيون لاتنام ...
النو نورج والله بوجودكم

حضور متألق لغاليتنا عيون ...قلم متميز ...تجذبني كتاباتها ...
من طيب أصلج وفصلج خيتي

تفضلي حبيبتي أسألتي وأن شاء الله تكون خفيفة عليك ..
زاااااااد فضلك حبيبتي


1_خيتي بما أنك جربتي الغربة ...وصفي شعورك وكيف تأقلمتي معاها أكيد خلصتي دراسة

ولسى ماتأقلمتي مع الوضع ؟

صح خلصت وماتألقمت وخصوصا إني انخطبت وأنا بداية دراستي
وكملت وأنا متزوجة
في البداية كنت أركب الباص بدموعي ( حتى وحدة سألتني عندك أحد متوفي ؟؟
بعدين شوي شوي تعودت أركب الباص ووجهي مقلوب وإذا بطيح كم دمعة
بعدين خلاص غصبا علي تعودت
الرياض صراااحة مدينة كئيبة - زحمة شوارع - أخلاق مااافيه الإ من رحم ربي وعند الحاجة بس تعتدل الأخلاق-



2_آه من هالرياض هاللي مأخذه عندها ثلاثة ارباع اهل الشرقية ....بس معليش اصلا احنا منورينهاااا دووم

صدقتي والله

ترى ماهي نظرة الغالية عيون لاتنام من اهل الرياض وخاصة سواقتهم المخبلة وكلامهم الدفش

ماشفت ولابشوف مثل سواقتهم وزحمة شوارعهم
وإذا على كلامهم الدفش ( مجربة خيتي )
البنت إذا كلمت جوال لصديقتها ( الو وينك يا0000 ) ساعة أدورك
والجوال ماينزل من الاذن


والبنات البدويات هل كونتي صداقات معاهم ؟
لا والله أحنا في جهة وهم في جهة حتى داخل المحاضرات
ماعدا وحدة أصلها من جده ومن حولت لقسم ثاني أنقطعت علاقتي فيها مجرد سلاااام
وكانت وحده بعد ماشاء الله كان عندها فضول تبي تتعرف وظلت معانا فترة
وشيلوها بعدين بنات الرياض علينا وابتعدت مره وحده

في مرة في كافتيريا 12 صااار لنا موقف مع بنات بدويات
رحنا أحنا بنات الشقة وقعدنا على طاولة في الزاوية جنب النافذة
عاد بعدين جو بنات بشرتهم سوده ( حلقة بووووي ) وملابس صبيان 000000وقالوا بنروح ناخذ فطور وبنرجع ونشوفكم مو هنا أوكي
طالعنا أنا وبنات شقتي في بعض يااااسلام
وحده تاروتيه لسانها ماشاء الله قالت لاتقوموا
ماااانقوم مانقوووم سمعا وطاعة ( أنا متفرجة بس ومطيعة )
خلصو وجو عندنا
قالوا لنا
ليش العناد
هذا المكان لنا من زمان وكل يوم نجلس فيه
ردت عليها التاروتيه ماحنا قايمين وشو بتسوي يعني
والطاولة مو طاولة ابوج ولا مكتوبة بأسمج ويلاااا روحي
( كل فرعون وعليه فرعون )
فكرت روحها قوية جا اللي أقوى منها
ظلت فتره تفتكر بتنازل
وكان ودها تكفخ كل وحده منا
المهم صفعت بالكرسي على الأرض وراحت
بعدين جات بنت من جماعتنا شافت الهوشة وقالت لنا
انتوا خبلان هذيله بلشة وهذي أميرة لكنها عبده (أبوها متزوج أمه )



3_ سؤال الى كل متزوجة اسالها اياه ..

هل تفكرين بالإنجاب ؟ومتى ؟وهل تتمنين ان يكون صبي او بنتا ؟
لا
بعد مايكبر حسوني شوي وياخذ حقة من الرضاعة والتربية والرعاية

أتمنى بنت


4_ خيتي ..لو جاءت الك وظيفة وانقبلتي مكان غربة مرة اخرى ..هل تقبلين ام تستغنين عنها ؟
لا اقبل


عندي بعد اسئلة ...>>>جاية اخر الوقت وتهدد بعد ...
حياااج

بس ان شاء الله الايام جايية واقدر اللحق ..
في الأنتظار ان شاء الله


21- لو خيروك بزياره احد الاعضاء فمن تختارين ؟؟؟؟؟؟؟؟
أم محمد- همسات وله- أمل الظهور-
أمل الظهور بم إنك قريبة
وبعدين حبايبنا أهل البحرين

حياااك خيتوووو على الرحب والسعة ....نتشرف خيتي
ولي شرف أكبر خيتو