السلام عليكم ..
وعليكم السلام والرحمة
اول مره ادخل قسم .. معكم يحلو اللقاء ..
حياااااج يالعزيزة
ويوم عرفت ان الأخت عيون لا تنام الا باللقاء ..
من طيب ألج والله
ما ادري ليش بس حبيت اني ادخل واطرح عليك كم سؤال ..
تفضلي وخذي راحتج
يمكن هااااا تبي تتعبك من هاللقاء << الله يعينك خيووه عيوون ..
واجد هدرت .. يالله نبدأ بالاسئله ..
يعين االجميع إن شاء الله وخذي راااحتج التعب ننساه من أجل عيونكم
1. ماذا تفعلي عندما تضيق بك الانفاس .. واين تتواجدي ؟؟
أتواجد بالمنتدى أو أمام أوراقي لأني أحب اكتب خواطري بخط يدي
ثم نقلها لجهاز الكمبيوتر
2. متى استلمتي آخر هديه .. ومن عند من كانت .. وشنو هالهديه ؟؟
اخر هدية كانت من عند أختي اللي أصغر مني بسنتين
وكانت مفرش صغير لطاولة
والسبب إني أخذت أعلى درجة من بين خواتي في ورقة مسابقات ثقافية ( أسئلة مطبوعه على ورق )
3. أذكري لنا موقف جميل من ايام الطفوله .. لا زال محفوراً بذاكرتك ؟؟
كنت أروح سوبر ماركت جنب بيت يدتي وأنا صغيرة
كلما أروح للمحاسب وكان سعودي من جماعتنا سيهاتي وأخلص يقولي مع السلامه يالكنااااري
عاد أنا أرجع مضايقة أو أبكي لأني ( ماكنت أعرف شنو معناة كنااااري )
فصرت بدل ماروح وأسمع هالكلمة أخلي خواتي يشترون لي
لين كبرت شوي وعرفت معناة صرت أضحك على نفسي
4. لو حصل سوء تفاهم بين امك واختك مثلاً .. وكان أختك على الحق وامك مصره على رأيها ولو حاولتي تعارضيها راح تزعل منك .. وطلبت رأيك بالموضوع شنو راح تسوي؟؟ بتوقفي مع اختك والحق وبتزعلي امك ؟؟ لو بتظلمي اختك وبتوقفي مع امك؟؟
بصراحه هذي صااارت بس مو بالهقوة اللي تقصدينها
يعني موضوع صغير
ماراح أظلم أختي ولا أمي
بوقف مع الحق اكيد
أمي تستغربين منها مانتعامل معاها وكأنها أم بس
لا 0000مثل أختنا وأكثر
نلعب حل الأسئلة مع بعض تشاركنا بأي لعبة ثانيه
نمزح ساعات حتى مزح ثقيل
تقول لنا رايها مهما كان ولا نزعل منها
وأحنا بعد نقول راينا لها بدون ماتزعل
وأنا اقصد في هالسالفة أنا وخواتي الكبار المتزوجات
أما الصغار فعلى الدنيا السلام ( الله يعين أمي عليهم مايتقبلون شيء )
يعني أحيانا تقول كلمة على ابوي في أي خلاف بينهم مع أن الحق معاها في السالفة
نقول لها بصراحة يمه ماكان المفروض تقولين لأبوي كذا 0000
والله ولاتزعل عندها رحابة صدر000
في مرة ملبسة حسوني بلوزوة أمي متنرفزة منها بعد ماسبحت حسوني
خذت أمي البلوزة ورمتها زبالة 0000
ليش يمه رميتيها
تقولي بصرااااحه صاير ولدج فيها مو حليو 000 الخ
لو وحده ثانية يمكن تزعل لكننا أنا وخواتي المتزوجات كلنا كذا
5. متى تكوني فى قمة سعادتك وتكوني كالطير المحلق فى السماء عالياً ؟؟
لما نطلع جمعة عائلية ( رحلة ) في أي مكان
أو لما نروح مزرعة وحده من خالاتي
6. شنو الكلمة اللي دوم بلسانك ترددينها ؟؟
كل اللي أسويه لوجه الله وبقطه بحر وأنساه
هذا ما يجول فى بالي من اسئله حالياً ..
اتمنى اني ما غثيتك باسئلتي .. ولا طولت عليك ..
أبدا أختي دمعة حزن أستمتعت بالأجابة عليها
الله يعطيك الف عافيه ياارب ..
الله يعافيك ويخليك يااااارب
دمتي بخير ..
وأنتي بالف خير وصحة وسلامة
تحياتي
دمعه حزن
المفضلات